Bahan PJJ 30 Juni – 06 Juli 2024

July 1, 2024 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma 0

JADI USIHEN NANDANGI KERINA JELMA

1:2 Kami selalu mengucap syukur kepada Allah karena kamu semua dan menyebut kamu dalam doa kami.

1:3 Sebab kami selalu mengingat pekerjaan imanmu, usaha kasihmu dan ketekunan pengharapanmu kepada Tuhan kita Yesus Kristus di hadapan Allah dan Bapa kita.

1:4 Dan kami tahu, hai saudara-saudara yang dikasihi Allah, bahwa Ia telah memilih kamu.

1:5 Sebab Injil yang kami beritakan bukan disampaikan kepada kamu dengan kata-kata saja, tetapi juga dengan kekuatan oleh Roh Kudus dan dengan suatu kepastian yang kokoh. Memang kamu tahu, bagaimana kami bekerja di antara kamu oleh karena kamu.

1:6 Dan kamu telah menjadi penurut kami dan penurut Tuhan; dalam penindasan yang berat kamu telah menerima firman itu dengan sukacita yang dikerjakan oleh Roh Kudus,

1:7 sehingga kamu telah menjadi teladan untuk semua orang yang percaya di wilayah Makedonia dan Akhaya.

1:8 Karena dari antara kamu firman Tuhan bergema bukan hanya di Makedonia dan Akhaya saja, tetapi di semua tempat telah tersiar kabar tentang imanmu kepada Allah, sehingga kami tidak usah mengatakan apa-apa tentang hal itu.

1:9 Sebab mereka sendiri berceritera tentang kami, bagaimana kami kamu sambut dan bagaimana kamu berbalik dari berhala-berhala kepada Allah untuk melayani Allah yang hidup dan yang benar,

1:10 dan untuk menantikan kedatangan Anak-Nya dari sorga, yang telah dibangkitkan-Nya dari antara orang mati, yaitu Yesus, yang menyelamatkan kita dari murka yang akan datang.

A. PERSIKAPEN

B. PERPULUNGEN JABU-JABU

  1. RENDE KEE No. 365: 1 “Kudahi Kam Tuhan Dibatangku”
    (ibabai Bapa)
    Kudahi Kam Tuhan Dibatangku
    penangkih totonku man baNdu
    Kukataken bujur ermengkah ukurku
    I bas ngaloken perkuah ateNdu
    Reff: Nggo tangkas peratenNdu bas geluhku
    Bujur o Bapa nggo malem ateku
  2. NGOGE KATA DIBATA
    Teks : 1 Tesalonika 1: 2 – 10 (iogeken anak)
  3. NURIKEN KATA DIBATA (Ibabai Serayan Tuhan)
    Tema : Jadi Usihen Nandangi Kerina Jelma
    Nina kalimat bijak “Tidak penting berapa lama kita hidup, yang terpenting adalah bagaimana kita hidup”. Ertina, labo soal dekahna kita nggeluh tapi sipentingna e me “kualitas” kegeluhen sidalanken kita. Erkawiten ras “kualitas” kegeluhen, perpulungen i Tesalonika tuhu-tuhu ncidahken kualitas kiniteken si mehuli seh maka metunggung ia ikataken perpulungen si jadi usihen kerina jelma.
    Perpulungen Tesalonika pantek erkiteken Berita Si Meriah (Injil) si ipeseh Paulus ras Silas. Pantekna perpulungen enda iperkiraken sekitar tahun 50 M. Ketutusen Rasul Paulus ras Silas ngajar i rumah pertoton ras penjemba kuasa Kesah Si Badia erbahanca turah kiniteken kalak Tesalonika. Paksa e, piga-piga kalak Tesalonika, kalak Junani, bage pe diberu-diberu si mbelin ngaruhna i tengah masyarakat tek ngaloken Tuhan Jesus jadi Juruselamatna. Kerna turi-turin pantekna perpulungen Tesalonika banci si oge terbagesen i bas Perbahanen Rasul-Rasul 17: 1-9.
    Ulih latih Paulus ras Silas ngerdangken Berita Si Meriah tuhu erbuah meramis. Si enda jadi erkiteken Rasul enda nggo leben ncidahken biak mehuli si man usihen arah dirina ras pelayanenna (teladan hidup). “Kualitas” kegeluhen perpulungen Tesalonika tangkas i bas erbage-bage dampar, e me kap:
    1. Icidahkenna buah kiniten arah perbahanen (ay. 3)
    2. Latih erdahin erkiteken keleng ate (ay. 3)
    3. Tetap ukur erpengarapen man Tuhan Jesus Kristus (ay. 3)
    4. Amin ngenanami kiniseran mesangat, tetap ergiah-giah ngaloken Berita Si Meriah alu keriahen si rehna i bas Kesah Si Badia nari (ay. 6).
    5. Mehuli i bas ngalo-ngalo kerehen perBerita Si Meriah (ay. 9).
    6. Nggit nadingken sembah-sembahen berhala, kedungenna enggo nembah man Dibata si nggeluh si tuhu-tuhu (ay. 9)
    7. Ertima nandangi kerehen Tuhan Jesus peduakaliken (ay. 10)
  4. Bagesna kiniteken perpulungen Tesalonika enda mbar beritana seh ku Makedoni ras Akhaya, duana daerah enda e me kap Propinsi Romawi. La terjeng ku daerah e saja, tapi kuja pe enggo mbar berita kiniteken kalak Tesalonika (ay. 7-8). Enda me kegeluhen si “erberita”, er-Marturia, kegeluhen si jadi kesaksin man si enterem. Tentu ngena kal ate Dibata kegeluhen si bage, bagi tersurat i bas Matius 5:16 “Dage, ersinalsal lah min terangndu i lebe-lebe kalak si enterem gelah adi idahna perbahanenndu si mehuli, ipujina Dibata, Bapandu si i surga”. Tema PJJ-nta sendah e me “Jadi usihen nandangi kerina jelma”. Arah perpulungen Tesalonika melala biak si man usihenta teptep wari. Biak si mehuli e, e me: 1) Kiniteken si erbuah, 2) Nggeluh i bas biak si mbaru, 3) Nehken keleng ate man kalak si deban. Enda me tanda-tanda kalak si er-Marturia, kegeluhen si ersaksi, erBerita Si Meriah arah perbahanen ras lagu langkah si payo. Salah sada “tata nilai” erpalasken GBP GBKP 2021-2025 e me kap “Keugaharian”. Erti “Keugaharian” e me nggeluh alu ngasup njagai diri, nggeluh “sederhana”, ncukupken diri arah kai si nggo bereken Dibata, ngataken bujur kerna si lit i bas kita, ngasup mere man kalak si deban (hidup berbagi), sabab tek kita simpar keleng ate Dibata man kerina tinepaNa (Rahmat Tuhan cukup untuk semua ciptaanNya). E maka, tole arah bahan PJJ sendah, iajuk kita ngasup jadi usihen arah nggeluh ncukupken diri, la merangap (tamak), nggejapken simpar pemere Dibata i bas kegeluhenta. Mari jadi usihen gelah terpuji Gelar Tuhan si sembah kita … Soli Deo Gloria
  5. RENDE KEE No. 432: 1 “KataNdu Tuhan” (Ibabai Nande)
    KataNdu Tuhan seh kal ergana
    KataNdu Tuhan seh kal ulina
    Ergan asa emas ras permata
    Ulin asa erta doni enda
    Reff: Ajarilah Tuhan kami ngergakenca
    Ajarilah Tuhan kami ertikenca
    Ajarilah Tuhan kami ngalokenca
    Ajarilah Tuhan kami ndalankenca
  6. NURIKEN PENGGEJAPEN
  7. RENDE: KEE No. 425: 1 “Adi ras Jesus” (Ibabai nande)
    Adi ras Jesus malem naring pusuhta
    IperdiatekenNa me kita ban kelengNa
    Amin gia jumpa erbage percuban
    La kap itadingkenNa kita isampatiNa
    Reff: Malem me ate, je kita pe dat dame
    Ras keriahen ukur, bene me kebiaren
    Tading me keguluten, mberat jadi menahang
    Pusuh pe jadi salang
  8. DISKUSI
    1) Kai-kai saja nge biak si man usihen arah perpulungen Tesalonika?
    2) Kuga nge carana gelah kita banci jadi usihen i bas jabu, gereja, ras jelma si enterem? Mari si diskusiken!
  9. KESIMPULEN IBABAI PANDITA/ PERTUA/ DIAKEN
  10. PERSEMBAHEN
    Rende KEE 293: 1-2 “Meriah Ukur kami o Tuhan”
    Meriah ukur kami o Tuhan, lias ateNdu si nggo tersuan
    Igejap kami kuasaNdu mbelin, si erban kami k’rina terkelin
    Kam me kap si pegedangken umur
    Man baNdu kami ngataken bujur
    Kam kapen si pegedangken umur
    Man baNdu kami ngataken bujur

Penalemen kami suari berngi, Kam uluna k’rina si mehuli
M’riah ukurNdu tetap njujuri, lalap icurcurkenNdu rejeki
Adina reh si serbut ngguluti
PenampatNdu kap minter nurihi
Adina reh si serbut ngguluti
PenampatNdu kap minter nurihi

PERTOTON PERSEMBAHEN (Ibabai Pengurus PJJ)

MOMO

PERTOTON SAPAAT RAS PERTOTON TUHAN (Ibabai Serayan)
• Gelah kerina ngawan perpulungen ras serayan banci jadi usihen nandangi nterem jelma.
• Jabu ingan pulung sendah ras si reh.
• Pertoton Tuhan

C. JEDA RAS PENUTUP

Pdt. Mikha Ginting, M.Th.
HP/WA: 085297419809

Post Views: 2,090