Dame Kristus Singajari Erban Keputusen
Kolose 3: 12 – 17
3:12 Karena itu, sebagai orang-orang pilihan Allah yang dikuduskan dan dikasihi-Nya, kenakanlah belas kasihan, kemurahan, kerendahan hati, kelemahlembutan dan kesabaran. 3:13 Sabarlah kamu seorang terhadap yang lain, dan ampunilah seorang akan yang lain apabila yang seorang menaruh dendam terhadap yang lain, sama seperti Tuhan telah mengampuni kamu, kamu perbuat jugalah demikian. 3:14 Dan di atas semuanya itu: kenakanlah kasih, sebagai pengikat yang mempersatukan dan menyempurnakan. 3:15 Hendaklah damai sejahtera Kristus memerintah dalam hatimu, karena untuk itulah kamu telah dipanggil menjadi satu tubuh. Dan bersyukurlah. 3:16 Hendaklah perkataan Kristus diam dengan segala kekayaannya di antara kamu, sehingga kamu dengan segala hikmat mengajar dan menegur seorang akan yang lain dan sambil menyanyikan mazmur, dan puji-pujian dan nyanyian rohani, kamu mengucap syukur kepada Allah di dalam hatimu. 3:17 Dan segala sesuatu yang kamu lakukan dengan perkataan atau perbuatan, lakukanlah semuanya itu dalam nama Tuhan Yesus, sambil mengucap syukur oleh Dia kepada Allah, Bapa kita.
Teks : Kolose 3: 12-17
Tema : Dame Kristus Singajari Erban Keputusen
Tujun : Gelah Mamre:
1) Meteh muat keputusen bagi si iajarken Kristus
2) Muat bagin milih serayan bagi si ikelengi ras ipilih Dibata
- KATA PENARUH
Tahun 2024 sada agenda si mbelin I bas GBKP e me ncakapken ras ngelaksanaken pemilihen Pertua ras Diaken guna priode 2024 seh 2029. Kita kerina ngawan perpulungen ertanggung jabab segelah pelaksanan pemilihen Pertua ras Diaken erdalan alu mehuli dingen bagi si ngena ate Dibata. Mamre tuhu-tuhu ersikap, mediate nehken tanggung jababna I bas kesuksesan agenda gerejanta kerna pemilihen Pertua ras Diaken enda. Mamre mpersiapken dirina guna ipilih ras memilih serayan Tuhan I bas gerejaNa.
Lit kuan-kuan Karo: “Ola mandangi roka kenca dung peranin”, si ertina e me: ola min kenca nggo dung pemilihen Pertua ras Diaken lit siakap si man pandangen ntah pe kurang sikap. Sikap si bagenda kurang nge payona. Uga maka terpilih serayan Tuhan (Pt /Dk) si mehulina ras si ngena ate Dibata ibabai kita arah tema PA Mamre: Dame Kristus singajari muat keputusen. - ISI
Surat Rasul Paulus itujuken man kalak Kristen i Kolose (Kol.1:2). Ipersingeti Paulus I bas ay. 12, Kam anak-anak Dibata. Kam ikelengi dingen i pilih Dibata jadi sikerajangenNa. Emaka pekekenlah (Indonesia, ‘kenakanlah’) paken ate perkuah, mehuli, rukur meteruk, dingen saber. Enda paken manusia si nggo I bas geluh si mbaru (ay.10). iterusken Paulus kegeluhen manusia si mbaru ntah pe kegeluhen anak-anak Dibata e me:
ula pergelut, sialem-alemen salah sabab Tuhan pe nggo ngalemi salahta (ay.13)
arus sikeleng-kelengen sebab keleng ate mpersadaken kerinana, mpersadaken perpulungen (ay.14).
dame si ibereken Kristus. Sumber dame kubas pusuhta e I bas Kristus ngenca. E me jadi dasar / singajari kita I bas erbahan keputusen- keputusen. Sabab guna dame e kita nggo ipilihNa jadi sada kula (bd. Ay. 15).
Kata Kristus si dem alu kebayaken nggeluh min I bas pusuh peratenndu (ay.16). Kata – kata bagi kata Kristus e me dem kebayaken sangat ibutuhken I bas rangka pemilihen Pertua ras Diaken e. Sebab akibat kata- kata si lepak melala I bas proses pemilihen Pertua ras Diaken ebahanca ceda bas perpulungen,
Emaka I bas ngerana ras perbahanen, bahanlah I bas gelar Tuhan Jesus (ay. 17). I bas rangka pemilihen Pertua ras Diaken maka si utamaken guna kemulian gelar Tuhan Jesus Krsitus labo arah erpalasken sura-suranta si megati petembil ras sura- sura Dibata.
Banci si pahami setiap kita anak-anak Dibata tanggung jababta si arus si sehken. Si sadarilah maka kita nggo ndatken kekelengen Tuhan sebab kita nggo ipilihNa jadi sikerajangenNa. Janah kita nggo jadi manusia si mbaru ras makeken paken si mbaru, lanai paken si male. Setiap keputusenta silakoken erpalasken kita anak-anak Dibata ras nggo nggeluh I bas geluh si mbaru. - PENGKENAINA
Tupung kita milih Pertua ras Diaken alu palas Kata Dibata enda tangkas man banta maka ersikap kita lebe I bas pusuh peratenta alu erpengendes man Tuhan. Emaka tutus ateta ras ertanggung jabab I bas memilih calon Pertua ras Diaken mulai kin I bas sektorta nari. Sue ras tema: Dame Kristus singajari erban keputusen, maka ola salah sibahan palas I bas kita nentuken calon Pertua ras Diaken si man pilihenta. La banci erkiteken perkade-kaden ntah temanta meriah dasarta nentuken memilih Pertua ras Diaken tapi dame Kristus si ngkuasai pusuhta.
Bas pemilihen Pertua ras Diaken nggo merupaken agenda gerejanta GBKP setiap lima tahun. Si man hindaren sue ras Kata Dibata, ola sempat kampanye-kampanye kerna memilih calon si nggo lit e. Ola kel sempat dung pemilihen Pertua ras Diaken lit masalah ntah terpecah perpulungen/ sektorta. Enda labo si ngena ate Dibata. Arus maka silakokenlah si ngena ate Dibata e me segelah si pilih kita e me kalak si tutus ras si idah lit panggilan rohani I bas kekelengenta e ndahiken dahin Tuhan jadi Pertua ras Diaken. - DISKUSI
1) Turiken pengangkanta kerna Dame Kristus singajari muat keputusen i bas pemilihen Pertua ras Diaken?
2) Kenca nggo terpilih serayan Tuhan e me Pertua ras Diaken itengah-tengah gerejanta arusna sidukung ia I bas ndahiken dahin Tuhan. Adi lit Pertua Diaken si nggo terpilih e la tutus ndahiken dahin sebage serayan Tuhan, uga pendapatta? Kai siarus ibahan Mamre? - USULEN ENDE-ENDEN:
1) KEE GBKP No. 245: 1, 2
2) KEE GBKP No. 303:1, 2
3) KEE GBKP No. 430: 1
4) KEE GBKP No. 330: 1,3
5) KEE GBKP No. 182: 11, 2
Pdt. Naikken Sitepu, M.Th.
HP: O813 9743 6310