Teks : Matius 20:20-28
Tema : Milih Serayan Si Nggit Ngelai
Tujun : Gelah Mamre :
1) Ngangkai maka serayan si idilo Tuhan e me si nggit ngela
2) Nggit ipilih ras milih Pertua Diaken si nggit ngelai
Permintaan ibu Yakobus dan Yohanes Bukan memerintah melainkan melayani20:20 Maka datanglah ibu anak-anak Zebedeus serta anak-anaknya itu kepada Yesus, lalu sujud di hadapan-Nya untuk meminta sesuatu kepada-Nya. 20:21 Kata Yesus: “Apa yang kaukehendaki?” Jawabnya: “Berilah perintah, supaya kedua anakku ini boleh duduk kelak di dalam Kerajaan-Mu, yang seorang di sebelah kanan-Mu dan yang seorang lagi di sebelah kiri-Mu.” 20:22 Tetapi Yesus menjawab, kata-Nya: “Kamu tidak tahu, apa yang kamu minta. Dapatkah kamu meminum cawan, yang harus Kuminum?” Kata mereka kepada-Nya: “Kami dapat.” 20:23 Yesus berkata kepada mereka: “Cawan-Ku memang akan kamu minum, tetapi hal duduk di sebelah kanan-Ku atau di sebelah kiri-Ku, Aku tidak berhak memberikannya. Itu akan diberikan kepada orang-orang bagi siapa Bapa-Ku telah menyediakannya.” 20:24 Mendengar itu marahlah kesepuluh murid yang lain kepada kedua saudara itu. 20:25 Tetapi Yesus memanggil mereka lalu berkata: “Kamu tahu, bahwa pemerintah-pemerintah bangsa-bangsa memerintah rakyatnya dengan tangan besi dan pembesar-pembesar menjalankan kuasanya dengan keras atas mereka. 20:26 Tidaklah demikian di antara kamu. Barangsiapa ingin menjadi besar di antara kamu, hendaklah ia menjadi pelayanmu, 20:27 dan barangsiapa ingin menjadi terkemuka di antara kamu, hendaklah ia menjadi hambamu; 20:28 sama seperti Anak Manusia datang bukan untuk dilayani, melainkan untuk melayani dan untuk memberikan nyawa-Nya menjadi tebusan bagi banyak orang.”
KATA PENARUH
Gereja Batak Karo Protestan (GBKP) tep-tep lima tahun (1 periode) ngelakoken pemilihen Pertua ras Diaken GBKP. Periodesasi e me ingan lako ngidah kedewasan kiniteken ngawan perpulungen ras Pertua bagepe Diaken GBKP. Di kune ngawan perpulungen GBKP, ngasup milih erpalasken kiniteken labo erkiteken perkade-kaden, la erpalasken teman sada dahin, ras sidebanna tapi erkiteken erkiteken ketutusen sekalak jelma ngelai maka kedewasan kinitekenna enggo teridah. Tapi di kune ngawan perpulungen ersura-sura ras melasken ula ia ipilih bagepe sebalikna lit ka si kampanye gelah ia ipilih, enda nurikenca maka lenga dewasa kinitekenna.
Jenari di kune Pertua ras Diaken nuju pemilihen e nggeluh teneng tetap saja tutus ngelai bagepe di kune la terpilih tetap tutus muat bagin i bas kerina kegiaten Gereja maka tuhu-tuhu ia enggo dewasa i bas kiniteken. Tapi di kune kebalikenna si jadi nuju pemilihen e Pertua ras Diaken lanai teneng jenari ngelakoken kampanye gelah ia ipilih bagepe di kune la terpilih lanai pernah ikut muat bagin i bas kegiaten gereja maka lenga dewasa kinitekenna. Si niarapken tentuna kerinana min ngawan perpulungen GBKP termasuk pe Pertua Diaken i bas ndalini pemilihen Pertua Diaken GBKP periode 2024-2029 i bas kiniteken si dewasa sabab kalak bage nge si ngasup mpermuliaken Dibata
URAIAN TEKS
Penulis kitab Matius e me Matius dingen itulisken sekitar tahun 60-an. Tema kitab enda e me: Jesus, Raja Mesianis. E maka i bas kitab enda melala ituriken kerna Jesus ras perbahanen-perbahanenNa selaku Mesias (Yang Diurapi). Kerehen Mesias enggo ndekah itimai kalak Jahudi sabab e me si iteki si maba keselamaten kempak manusia dingen kerehenNa enggo ndekah ipadanken Dibata (bdk. Jes. 7:14; Mi. 5:2-5a). Edandanken turi-turin i bas kitab Matius enda melala erkawiten ras isi Padan Si Ndekah e maka kitab Matius me ibahan jadi kitab pemena i bas Padan Si Mbaru.
Lit 4 (empat) bagin isi Matius 20:20-28 e me:
1) Pemindon Nande Jakub ras Johanes
Ndehara Sebedeus ras anakna e me Jakub ras Johanes mindo man Jesus segelah sekalak anakna kundul arah kemuhenNa dingen sekalak nari kundul arah kawesNa kenca la pepagi jadi Raja. Pemindon enda nuriken maka sura-surana, anakna e me jadi kalak si ndeherna ras Jesus dingen kenca Jesus maka ia me si mbelinna kuasana. Kuasa lako merentah kalak si deban.
2) Respon Jesus
Jesus labo ngueken ntah nulak pemindon nande Jakub ras Johanes. Tapi la nuriken kerna kiniseran si nandangi reh man baNa e me itulak, itangkap dingen ipakuken ku kayu persilang. Jakub ras Johanes nuriken maka ngasup ia minem tare calung kiniseran. Jesus nuriken maka payo e sabab ia pe duana nandangi minem me tare calung kiniseranNa sabab kenca Jesus itangkap ajar-ajar pe ngenanami kiniseran e me idiskiriminasi jelma si nterem. Em dalanna maka ajar-ajar la pang ncidahken bana man jelma si nterem tapi pulung i bas sada rumah (bdk. Joh. 20:19). Jenari iterusken Jesus ngerana niNa maka labo Ia sinentuken ise arah kemuhen ntah kawesNa tapi BapaNa simerekenca man kalak si ipilihNa (kalak si ngaloken perkuah ateNa dingen tek man baNa).
3) Respon ajar-ajar si deban
Kenca ajar-ajar si deban megi lit pemindon nande Jakub ras Johanes, maka merawa ia man Jakub ras Johanes. Sabab ia pe kerina lit sura-surana jadi kalak si meganjangna. Lit pengarapenna jadi kalak si ndeherna ras Jesus e maka mbelin kal kuasana. Enda nuriken maka kerina ajar-ajar ersura-sura jadi kalak si paling erkuasa lako merentah.
4) Pengajaren Jesus
I bas situasi ajar-ajar erlumba jadi kalak si meganjangna dingen erkuasa, e maka Jesus nehken pengajaren maka petembil nge kecibal doni enda ras jadi suruh-suruhen Dibata. Adi pemerentah erkuasa nandangi rayatna dingen pemimpin-pemimpin rate-ate nuruh rayatna tapi suruh-suruhen Dibata la bage. Ise atena jadi si mbelinna ia ngelai dingen ise atena jadi pemimpin ia jadi suruh-suruhen. Ertina kiniganjangen ras kuasa ajar-ajar icidahken alu ngelai bagi Jesus pe ngelai. Bagem pe tentuna i bas sekalak manusia. Tambah kengasupenna ngelai nuriken maka tambah mbelinna (dolatna) dingen ia jadi suruh-suruhen kalak si deban (ngelai kalak si deban). Mpekena-kena kegeluhen kalak si deban.
PENGKENAINA
Tema Penelahen Alkitab (PA) paksa enda e me: “Milih serayan si nggit ngelai”. Ngelai si maksudken ijenda e me nggit mereken diri ras kegeluhen guna kiniulin kalak si deban. Alu kesedaren diri ras keriahen ukur ngayuken pendilo Dibata jenari mpersembahken tenaga, pikiren ras waktu lako ngepkep perpulungen Dibata si enggo itebusNa. Terdauhen nggit jadi si ngelai maksudna ijenda labo terjeng si ipilih Dibata jadi Pertua ntah Diaken saja tapi pe ikut ras keluargana. E maka semal kal di kune sekalak ngawan perpulungen enggo ipilih jadi Pertua ntah Diaken maka keluargana i lebuh alu penggelaren keluarga Pertua ntah Diaken. Enda nuriken maka se isi jabuna oratna jadi jabu si ngelai.
Perayaken jadi serayan Tuhan labo bali ras doni enda e me guna ndatken kehamaten doni, erga diri si sipatna duniawi guna kemulian diri tapi sebalikna e me guna kemulian Tuhan si mada perpulungen. E maka si mehaga i bas doni petembil ras si mehaga i bas Dibata. I bas doni si mehaga e me si ndatken pelayanen ras kehamaten, tapi i bas Tuhan e me si ngelai ras nggit kitik erkiteken pelayanen.
Pemilihen Pertua ras Diaken GBKP periode 2024-2029 ilakoken wari Minggu enda (2 Juni 2024) i gedung Gereja kenca dung kebaktin Minggu e me milih calon-calon Pertua ras Diaken si enggo ndube ilakoken pemilihenna i sektor-sektor i bas bulan April si lewat. I bas pemilihen enda iarapken maka Mamre:
1) Ertoto kerna dahin pemilihen e segelah Dibata si masu-masu erdalin alu mehuli.
2) Di kune ikut jadi calon Pertua ntah Diaken reh i bas wari pemilihen si nuriken maka nggit ipilih jadi serayan si ngelai.
3) Ngasup milih si nggit ndarami kemulian Dibata e me ngelai alu tutus.
4) Ngelakoken perbahanen si mehuli ras bujur nuju pemilihen e (la nggit ngelakoken perbahanen gelap umpamana: kampanye).
Di kune Mamre GBKP enggo ngelakoken perbahanen-perbahanen si bagenda pasti pemilihen Pertua ras Diaken GBKP periode 2024-2029 erdalin alu ratur guna kemulian Dibata dingen kiniulin Perpulungen.
DISKUSI
1) Oge mulihi Matius 20:21 ras 24. Turiken pengertinta kerna isi ayat enda.
2) Turiken kai si banci ilakoken Mamre segelah pemilihen Pertua ras Diaken GBKP erdalin alu mehuli guna kemulian Tuhan.
USULEN ENDE-ENDEN:
1) KEE GBKP No. 221: 1-2
2) KEE GBKP No. 209: 1, 4
3) KEE GBKP No. 323: 1-2
4) KEE GBKP No. 297: 1-2
5) KEE GBKP No. 381:1-2
Pdt. Christopher Sinulingga, M.Th.
HP/WA: 081376291768