Naruhken anak ku Tuhan Yesus
Markus 10: 13 – 16
Yesus memberkati anak-anak10:13 Lalu orang membawa anak-anak kecil kepada Yesus, supaya Ia menjamah mereka; akan tetapi murid-murid-Nya memarahi orang-orang itu. 10:14 Ketika Yesus melihat hal itu, Ia marah dan berkata kepada mereka: “Biarkan anak-anak itu datang kepada-Ku, jangan menghalang-halangi mereka, sebab orang-orang yang seperti itulah yang empunya Kerajaan Allah. 10:15 Aku berkata kepadamu: Sesungguhnya barangsiapa tidak menyambut Kerajaan Allah seperti seorang anak kecil, ia tidak akan masuk ke dalamnya.” 10:16 Lalu Ia memeluk anak-anak itu dan sambil meletakkan tangan-Nya atas mereka Ia memberkati mereka.
Teks : Markus 10: 13 – 16
Tema : Naruhken anak ku Tuhan Yesus.
Tujun : Gelah Mamre
1) Gelah mamre meteh maka Tuhan Jesus ngalo ngalo ras masu masu anak anak
2) Gelah mamre meteh kerna tanggungjawabna naruhken anakna ku Tuhan; jadi kesaksin nehken berita si meriah
- KATA PENARUH
Anak emekap pemere si ibereken Tuhan man keluarga guna pebelinbelin ras ndidik ia alu kata Dibata. Adi ibas undang-undang negaranta anak emekap si lenga seh umurna 18 tahun. Bagepe ibas negaranta enda anak-anak sangat i ergaken buktina lit khusus undang-undang perlindungan anak rsd. Ibas tengah tengah gerejanta pe anak-anak e pe iban nge khusus kebaktiana si igelari Kebaktian anak kebaktian remaja (KAKR). Sebab tek kita maka anak anak pe merupakan jemaat kecil itengah tengah gerejanta si harus ndatken perhatian khusus ibas ia ngakai ras nandai kerna kata Dibata. Emaka arah bahan PA Mamrenta sekalenda erlajar kita uga kita naruhken anakta nandai Dibata. - URAIAN TEKS
Bahan PA MAMRENTA wari enda erlajar kita uga Yesus ngaloken anak-anak. Lit piga piga hal si banci si pelajari arah teks Allkitabta kerna Yesus si meriah ukur ngaloken anak-anak.
1) Ituriken kerna piga piga kalak maba anak-anak man Jesus (13), sura sura na gelah anak-anak e ipasu pasu. Kata lit piga piga kalak ibas entrem jelma si pulung ije nuriken bahwa labo kerina kalak e lit ukurna mbaba anakna e guna nandai Dibata. Sikap ajar ajar merawa man kalak enda.
2) Sikap Yesus man ajar-ajarna tupung reh anak-anak ndahi ia emekap merawa IA “ula olangindu anak-anak e reh man bangKU.” Situasi ibas paksa e anak-nak ianggap la penting, sebab anak-anak labo pernah ndatken perhatian khusus arah orangtua, agama bagepe pemerintah tapi Yesus ialokena anak-anak e janah i teruskenNa ngerana man ajar-ajar nina sebab kalak si bage si empuna kerjaan sorga. Kai simaksudken Yesus kata Kerajaan sorga emekap, ketulusan anak-anak e bagepe sikap anak-anak si patuh bageme si ngena ate Dibata
3) La terjeng ia alokena alu meriah ukur alu perkataan ngenca anak-anak e tapi lit tindakan si bahanna emekap idakepna anak-anak e sekalak-sekalak, I tamakeNa tanNa ku babona janah ipasu-pasuNa.
Arah sura-sura oreng tua si mbabai anak guna nandai Yesus la sia-sia. Si idah uga anak si babana ndube ngaloken pasu-pasu ibas Tuhan Yesus nari. Sebab bage kin harusna, maka anak-anak e meherga sebab Yesus pe meriah ukurna ngaloken anak-anak e. - PENGKENAINA
Tanggal 18 April 1890 i peringeti sehna berita si meriah man kalak karo pertama i Buluh awar. Ibas tanggal e ka me iperingeti HUT KAKR ibas tahun enda 134 tahun. Hal enda erkiteken berita simeriah seh man kalak karo la hanya kalak dewasa tapi ikut pe anak-anak ije, Naruhken anak ku Tuhan Yesus ngertiken selaku mamre kita mbabai anakta e nandai Dibata. Jadi la banci lang ope denga si taruhken e kita lbe jadi teladanna. Lit piga piga hal si baci sipelajari arah bahanta enda emekap:
1) Situasi zaman kita mbarenda anak-anak ras gundari anakta situasina nggo berbeda. Emaka cara mendidik nai ras gundari e berbeda: Tentu selaku mamre perlu kita tetap erlajar uga kin cara siterbaik gelah iangkana kata Dibata
2) Rikutken data KPAI maka tingkat kekerasan terhadap anak cukup meningkat setiap tahunna Selaku mamre kita labo jadi pelaku kekerasan man anak tapi bagi Yesus si ermeriah ukur nandangi anak-anak bagelah kita. Bagi anak anak ndai meriah akapna ras minter idahina Yesus. Pengharapenta anak-anakta epe meriah kel akapna ras kita mamre
3) Ibenakenlah lbe arah isi jabunta kita mamre si peseh berita simeriah man anak-anakta tentu sidatken me kemalemen ate. Emaka nggo ka baci kalak sideban pe sitaruhken gelah dat pasu-pasu. Adi jabunta pe nggo sibabai alu kata Dibata tentu ku kalak sideban pe kita nggo baci jadi kesaksiaan. - DISKUSI
1) Kai-kai saja nge si jadi tantangan kita gundari enda ibas naruhken anakta ku kata Dibata turiken?
2) Turiken uga nge pendapatndu pengajaren kata Dibata man anakta sedekah enda, baik ibas jabu ras gereja nggo nge payo si dalanken, adi lengga turilken ras dalanken, baci breken masuken man KAKR runggunta guna idalanken.
3) Tahun enda ilakoken me salah sada program KAKR emekap PIARA, selaku mamre si erdiate ras erpemere kai nge banci si lakoken nandangi program anak anakta enda, sebagai tanda dukungen mamre man anak-anakta, Banlah rancangan aksindu. - USULEN ENDE-ENDEN
1) KEE GBKP No. 331: 1, 2
2) KEE GBKP No. 249: 1, 2, 3
3) KEE GBKP No.264: 1, 2, 3
4) KEE GBKP No.281:1, 3
5) KEE GBKP No. 257:1 – persembahen
Pdt. Bangun Firdaus Sembiring, S.Th
HP/WA: 0813-3810-6748