KEKELENGEN NANDANGI UNDANG – UNDANG TUHAN
Mazmur 119: 97 – 104
119:97 Betapa kucintai Taurat-Mu! Aku merenungkannya sepanjang hari. 119:98 Perintah-Mu membuat aku lebih bijaksana dari pada musuh-musuhku, sebab selama-lamanya itu ada padaku. 119:99 Aku lebih berakal budi dari pada semua pengajarku, sebab peringatan-peringatan-Mu kurenungkan. 119:100 Aku lebih mengerti dari pada orang-orang tua, sebab aku memegang titah-titah-Mu. 119:101 Terhadap segala jalan kejahatan aku menahan kakiku, supaya aku berpegang pada firman-Mu. 119:102 Aku tidak menyimpang dari hukum-hukum-Mu, sebab Engkaulah yang mengajar aku. 119:103 Betapa manisnya janji-Mu itu bagi langit-langitku, lebih dari pada madu bagi mulutku. 119:104 Aku beroleh pengertian dari titah-titah-Mu, itulah sebabnya aku benci segala jalan dusta.
A. PERSIKAPEN
B. PERPULUNGEN JABU-JABU
- RENDE “Baca Kitab Suci” (iendeken 2x) (ibabai Bapa)
Baca kitab suci doa tiap hari, doa tiap hari, doa tiap hari
Baca kitab suci doa tiap hari kalau mau tumbuh
Kalau mau tumbuh, kalau mau tumbuh, glory haleluya
Baca kitab suci doa tiap hari kalau mau tumbuh - ERTOTO (ibabai tuan rumah)
- NGOGE KATA DIBATA (ibabai Bapa/Nande)
- NURIKEN KATA DIBATA (ibabai Pdt/Pt/Dk)
Teks : Masmur 119: 97 – 104
Tema : Kekelengen Nandangi Undang – Undang Tuhan
Lit sada belas-belas si ngatakenca “Peraturen ibahan guna ilanggar”. Ungkapen enda rehna i bas sifat/kodrat alamiah manusia si la nggit iatur. La terlepas i bas kalak Kristen si lenga nggit iatur undang-undang (kata Dibata). Sada tradisi i bas kalak Jahudi, maka orangtua maba anakna si enggo berusia kira-kira lima tahun ku rumah pertoton. I bas rumah pertoton e petugas namaken tengguli i datas batu tulis, janah anak-anak isuruh ndilat tengguli e alu dilahna. Upacara enda ibahan jadi sada pengalamen si istimewa, si ngajarken anak-anak Jahudi maka “Taurat” e ntebu bagi tengguli. Kebiasan enda ngajari kita maka kata Dibata e ipetandaken ku anak mulai kin kitik-kitikna nari. Kai ngaruhna undang-undang Tuhan enda man diri Duad selaku pemasmur? - Pentaren ia asangken imbang-imbangna.
- Pengertinna ngelebihi pengertin guru si ngajari ia.
- Belinen kepentarenna asangken orangtua.
- Kerina si jahat banci isilahkenna
Kerina enda erkiteken undang–undang Tuhan tetap ipekusur-kusurna i bas ukurna. Perentah Dibata e i ikutkenna dingen Dibata ibahanna jadi penggurunna. Enda me bedana kepentaren Dibata ras kepentaren doni. Kepentaren Dibata rehna i bas Dibata si nepa langit ras doni. Sifatna kekal ras la pernah salah entah pe keliru. Sedangken kepentaren doni (manusia) sifatna terbatas. Erkiteken si e pemasmur (Daud) mesikel tetap ndalani kegeluhenna erpalasken perentah Dibata. Idalankenna undang–undang Tuhan labo erkiteken terpaksa tapi erkiteken enggo igejapkenna uga tebuna ulih ndalanken kata Dibata e. Kalak si megiken kata Dibata ia seri ras batang kayu si turah i tepi lau anak erbuah i bas paksana dingen bulungna pe la melus sangap ia bas kerina pendahinna (Msm. 1: 3)
Adi si perdiateken kinata gundari, megati adi ngoge kata Dibata minter kita bosan, munduk-unduk, sementara adi er sosial media (er FB, WA, Instagram, Twitter, rsd) ngasup kita er jam-jam dingen la kita bosan-bosan. Adi si benaken er FB tahan kita ngayak keri batere hpta. E maka perlu kal kita tuntunen Kesah Si Badia i bas ngoge kataNa gelah i sampatiNa kita seh ku bas sura-sura Dibata e. Daud bersedia ngelitken waktuna guna ngoge ras ngerenungken kata Dibata. Melala pesan pribadi sidatkenna arah Dibata nari erkelangken kataNa. Ialokenna Daud pengertin (ay. 99) ras kepentaren (ay. 104)
Menurut Profesor i Salk Institute for Biological Studies, California, Terry Sejnowski,: “Otak manusia ngasup menyimpan kapasitas penyimpanan memori kurang lebih sebanyak 1 petabyte (1 PT). Kapasitas 1 PT kira-kira sebanding ras 1000 terabyte (TB) atau setara ras 1.000.000 gigabyte (GB)”. Banci si bayangken uga bayakna otak manusia alu kemampuan ngasup menyerap berbagai informasi. Tapi alu la si sadari, lenga tentu si masuk ku bas otakta e, kerina si mehuli ras si benar. I bas 1 juta GB kapasitas si terserap otakta, piga GB nge si mehuli ras si benar bengket ku bas? Erkiteken nggeluh e me pilihen, bage ka me uga kita mengisi perukurenta. Pemasmur milih guna la nirangi undang-undang Tuhan. Kekelengena nandangi undang-undang Tuhan erbahanca ia megegeh.
Kata Dibata e jadi terang guna nerangi geluhta. Kata Dibata e me undang-undang singkawali kita. Kekelengenta nandangi undang-undang Tuhan la cukup arah kita rajin ngoge Pustaka, hafal ayat-ayat Pustaka si Badia, hebat pemetehta kerna isi Pustaka si Badia, jago kotbah ras nehken kata Dibata. Tapi lebih asa si e, e me uga kita ngasup naksiken kata Dibata e i bas geluhta si teptep wari. Jadilah “Pelaku Firman Tuhan”, la terjeng jadi “Pendengar Setia”. Bagi anak si mbaru tubuhlah kita, si tetap muas nandangi susu pertendin. Muas tendinta guna tetap ipelimabrui Dibata.
Si pekusur-kusur perentah Dibata e i bas ukurta guna jadi ulu gegehta. Adi ersura-sura kita gelah lit perubahen bas geluhta, renungkenlah sora Dibata si ngerana man banta arah kataNa. Lakoken perentah Tuhan erkiteken kekelengen nandangi undang-undang Tuhan ngenca si ngasup mengubah geluhta. Kegeluhenta i bas doni enda la terjeng itentuken uga belinna nilai IQ (Inteligence Quotient) ras EQ (Emotional Quotient) saja. Lit si la kalah penting eme SQ (Spiritual Quotient). IQ ras EQ erbahanca kita ngasup bertindak secara tepat ras cerdas. Tapi SQ mereken kita jabapen tentang makna kegeluhenta. SQ rusur igelari sebage kecerdasan jiwa. Kecerdasan en+-da erkawiten ku bas nilai-nilai kejujuren, keadilen, kelengen, meteruk ukur, empati, ngergai ras si debanna. Erkemalangen man Tuhan dingen tutus ngikutken perentah Tuhan membentuk karakter kalak Kristen si berkualitas (kecerdasen SQ). Melala musuh bas geluhta si arus ngasup kita nalukenca. Musuh e lanai bo bagi peperangen antar negara. Tapi musuh e rehna arah perbeben geluhta ras kerincuhen dagingta (sura-sura dagingta) si mabai kita ndabuh ku bas dosa. Kata Dibata ngenca si ngasup mbebasken ras mereken kemenangen man banta. Kata Dibata e erbahanca kita seh ku bas tingkat kedewasaan si serta, labo erkiteken umurta metua tapi erkiteken Kesah Tuhan erdahin bas kita.
Si ajari dingen si mamahilah rusur kata Dibata e ku anak-anakta gelah ikelengina Undang-undang Tuhan e i bas kegeluhenna. Si bentengi anak jabunta alu undang-undang (kata Dibata), gelah ula icedai pengajuk doni enda. Si ajuk rusur ku gereja ras PA, bage pe dahin gereja si debanna, sabab ije me ia ngaloken kata Tuhan e. Pengarapenta maka kata Dibata e lah jadi undang-undang si man ikuten bapa, nande, anak, terus ku kempu-kempunta, seh jabunta dem alu kekelengen nandangi undang-undang Tuhan, alu bage jabunta jadi jabu si ngena ate Dibata. - RENDE KEE No. 249: 1
Ajar aku o Tuhanku, make kata ras pedahNdu
Kueteh payo ras sentudu, ku ikutken bas geluhku
Si ngikut pedah Dibata, daten me kerembaken
Pedah kata tangkas k’rina, em jadi gelementa - NURIKEN PENGGEJAPEN
- RENDE KEE No. 204: 1 (ibabai Anak)
Kata ni Dibata seh kal e perluna, bas geluh enda
Ogelah Pustaka, je IA ngerana, man banta k’rina
Gegeh i bas geluhku, kataNdu situhu-tuhu
Ras pasu-pasuNdu - DISKUSI
- Kai nge ndia si enggo ilakoken gerejanta i bas menciptakan generasi “Cinta Baca Alkitab” nandangi kategorial KAKR khususna i bas runggunta?
- Enggo nge teridah buah kekelengen nandangi undang-undang Tuhan i bas caranta rukur, pengerana bage pe perbahanenta si teptep wari, subuk bas jabu, bas perpulungen ras i bas nggeluh bermasyarakatta? (turikenlah penggejaben)
- KESIMPULEN IBABAI PENDETA/PERTUA/DIAKEN
- PERSEMBAHEN–Rende KEE No. 454: 1-2
Amin dosangku mbue la terkira
Si erban ndauh ras Kam Tuhan
Tapi keleng ateNdu tangkas Tuhan
La taktakiNdu dosangku
Reff: Bujur man baNdu Tuhan, ban ialemi dosangku
Meriah kel ukurku, Tuhan nasapken dosangku
Tendingku enggo itebusi Tuhan, Iblis lanai ngerim-rim aku
Gundari geluhku isambariNa, Tuhan ngerajai aku
Reff:
- PERTOTON PERSEMBAHEN
- MOMO
- PERTOTON SAPAAT IDUNGI PERTOTON TUHAN
C. JEDA RAS PENUTUP
Pdt. Melda Jupenita Ginting, S.Th.
HP/WA: 085320128595