Tanggal 28 April 2024 – 04 Mei 2024
(Harapan bagi Saitun/Aspek Rohani)
Ogen : Job 12:12-16
Tema : Dibata kap Gegehku, e maka Aku Menang
Tujun : Gelah Saitun:
1) Nggejapken kuasa Dibata si jadi penampat i bas keterbatasen geluh.
2) Tetap semangat muat bagin nehken keleng Tuhan.
Metode: Diskusi ras sharing pengalamen
12:12 Konon hikmat ada pada orang yang tua, dan pengertian pada orang yang lanjut umurnya. 12:13 Tetapi pada Allahlah hikmat dan kekuatan, Dialah yang mempunyai pertimbangan dan pengertian. 12:14 Bila Ia membongkar, tidak ada yang dapat membangun kembali; bila Ia menangkap seseorang, tidak ada yang dapat melepaskannya. 12:15 Bila Ia membendung air, keringlah semuanya; bila Ia melepaskannya mengalir, maka tanah dilandanya. 12:16 Pada Dialah kuasa dan kemenangan, Dialah yang menguasai baik orang yang tersesat maupun orang yang menyesatkan.
BENA KATA
Dibata enggo erbahan hukum alam si labo banci sisilahi: Manusia arus ndalani tahapen kegeluhen masa danak-danak, remaja, singuda-nguda / anak perana, erjabu ras metua. Kerina lit kelebihenna ras kekurangenna. Adi nguda, melala sura-sura ras mbelin denga gegehna, tapi kurang pengalamenna. Adi enggo metua, melala pengalamenna, tapi kurang gegehna. Terdauhen pe, maka kerina manusia lit kelebihen ras lit ka kekurangenna.
Saitun si enggo ibereken Tuhan umur si meganjang, mungkin jadi enggo urak gegehna ras pe lit kelemahen sidebanna. I bas sie me kita erlajar uga ngaloken keadan e erpalasken kata Dibata si jadi oraten i bas PA Saitunta sendah.
MPEBAGESI OGEN
- Kitab Job enda termasuk beligan kitab kebijaksanan (hikmat) si nuriken kai si penting i bas jelma umumna, bersifat universal. Kitab enda itulis erpalas kinata kegeluhen manusia si nyata. Kejadinna i taneh Us (1:1), wilayah laut mati, Utara Arabia (Rat.4: 21).
- Tujun kitab enda eme guna menggumuli penungkunen: “Adi Dibata e perkeleng, engkai maka ipediatna kalak si nggeluh bujur ikenai pinakit ras kiniseran i bas geluhna?” E maka, melala kal kita banci erlajar arah kitab enda kerna ngalaken pinakit ntah pe kiniseran, subuk asum kita mengalamisa, ntah pe kai arus siban man kalak si sangana i bas pinakiten ntah pe kiniseran.
- Bahan PA Saitun-nta bagin jabab Job nandangi temanna (Elipas, Bildat ras Sopar) si nuriken maka pinakit ntah pe kiniseran si inanami Job eme erkiteken salah ras dosana (Job 11: 13-17). Job njabab temanna:
a. Pemeteh temanna labo beda ras pemetehna (ay.3). Tapi pemeteh manusia labo serta. Kai siukurina kerna dirina berbeda ras kinatana. Malahen pengerana teman – temanna e labo nampati, tapi justru nambahi kesusahen Job.
b. Manusia banci erlajar arah kerina tinepa Dibata, arah perik ras rubia – rubia si ni lawit banci kalak erlajar. (ay.7 -8). Malahen pe, tua-tua si enggo mbue melala panna sira (pengalamen) erbatas kal kepentaren, pengertin ras gegehna (ay.12), Labo lit si serta i doni enda.
c. Kerina si jadi i bas doni enda Dibata nge si ngaturkensa: Adi iruntuhken Na, labo lit si ngasup ngolangisa. Adi ipenjaraken Dibata, labo lit si ngasup mulahisa. Reh me musim perlego adi itatang Tuhan udan, tapi reh me banjir adi iburtasken Tuhan tambak e. Artina, Dibata nge si megegehna ras si pentarna, e maka IA nge si tetap menang. Kerina manusia, subuk si itebu-tebu ras sinebu – nebu lit i bas kuasaNa.
PENGKENAINA
Arah bahan PA Saitun-nta, lit piga-piga hal si banci sirenungken:
- Kerina tinepa Dibata, termasuk manusia labo lit si serta. Termasuk kerina Saitun si enggo ibereken Tuhan umur si gedang, lit keterbatasenta. Keterbatasenta e manusiawi ntahpe normal, tapi ola e sibahan jadi alasen maka lanai berkarya. Dibata pe mindo kita ngelai ia asa gegeh, ukur ras kengasupen si lit.
- I bas gegeh Saitun si labo serta, lit si serta, si banci nampati kita, eme Tuhan Dibata, si enggo reh ku doni enda bas Tuhan Jesus ras Kesah si Badia, si nemani geluhta. Ikataken i bas Jesaya 40: 31, “Tapi kalak si ernalem kempak Dibata, tetap ipelimbaruiNa gegehna. Desken rajawali kabang, lalap ia reh ganjangna. Kiam ia, la ia ngelabuh, erdalan ia, tapi la akapna latih.” E maka, ola kita rusur nulih ku kelemahen si lit bas kita tapi tapi ernalemlah man Tuhan si jadi gegeh ras si erbahansa kita menang i bas kerina keadan (tema).
- Adi lit temanta si sangana kote, selaku Salitun si enggo ngangka maka i bas Tuhan lit gegeh si serta, ras si mpengasup kita menang, mari sidampingi ras sitotoken ia gelah megegeh, paguh ras jadi pemenang.
- Tandana kita Saitun si enggo tek man Tuhan Jesus, kualitas ntah bobot geluhta arus min berbeda ras doni enda (Rm.12: 2). Kita harus berkarya guna kemulian Tuhan segedang-gedang geluhta. Sigejapken dirinta sebage kalak si enggo ipemenangken Dibata, berarti lanai kita rusur jungut – jungut, aru ate ras enggo ngasup kita ngaloken teman ta uga lit na ia, seh maka I bas pudi metua enda lanai bo kita nambahi musuh.
PERTOTON
“Bapa kami si ni Surga! Kam kap Dibata si serta. Kami enda manusia si dum kekurangen. Tegu-tegulah kami i bas kerina keadan! Terlebih – lebih i bas kelemahen kami, tungkat-tungkatNdu kami maka ola ndabuh ku bas dosa, tapi gelah tetap kami ngasup berkarya ras melayani Tuhan. I bas gelar Tuhan Jesus kami ertoto! Amin!”
DISKUSI
- Secara umum lit dua tipe Saitun: Sipemena, rusur mengeluh i bas kerina kekurangenna, seh maka keluarga si ngepkepsa pe latih ibanna. Sipeduaken, tipe Saitun si mandiri. Asa ngasupna berusaha ia mpekena bana. Si la ngasup ngenca maka ia mindo penampat. E maka, ia enggo jadi pasu-pasu ras usihen man jabuna. Arah pengalamenta, orang tua si mpetubuh kita (nande – bapanta) masuk ku tipe siapai nge? Uga mbarenda kita ngalakensa?
- Diskusiken lah perbahanen entah pe kegiaten kai si ban gelah Saitun banci mandiri ras muat bagin i bas nehken keleng ate Tuhan?
Pdt. Arapen Peranginangin, M.Th
HP: 082185345585