MUAT BAGIN PEMBARKEN BERITA SI MERIAH
3 Johanes 1: 5-8
(Musyawarah Warga Sidi Runggun)
Saling menolong dan perlawanan1:5 Saudaraku yang kekasih, engkau bertindak sebagai orang percaya, di mana engkau berbuat segala sesuatu untuk saudara-saudara, sekalipun mereka adalah orang-orang asing. 1:6 Mereka telah memberi kesaksian di hadapan jemaat tentang kasihmu. Baik benar perbuatanmu, jikalau engkau menolong mereka dalam perjalanan mereka, dengan suatu cara yang berkenan kepada Allah. 1:7 Sebab karena nama-Nya mereka telah berangkat dengan tidak menerima sesuatupun dari orang-orang yang tidak mengenal Allah. 1:8 Kita wajib menerima orang-orang yang demikian, supaya kita boleh mengambil bagian dalam pekerjaan mereka untuk kebenaran.
- PERSIKAPEN
- PERPULUNGEN JABU-JABU
- Rende: KEE No. 209: 5 (Ibabai Bapa/Pengurus PJJ)
Kerina daten pemere, dat pasu-pasu pe
Mejingkat k’rina min dage, ndahiken dahin e
Meteruk ukur k’rinalah, em pedah Tuhan e
Em jadi man ikutenlah, i bas kelengNa e
- Ertoto (Ibabai Nande/ Pengurus PJJ)
- Renungen
Teks : 3 Johanes 1: 5-8
Tema : Muat Bagin Pembarken Berita Si Meriah
Kata Dibata i bas wari si sendah nuriken kerna sekalak si tergelar Gayus si nggit ngalo-ngalo janah nikapken keperluan perBerita Si Meriah si reh ku rumahna aminna pe la itandaina secara pribadi. Tupung si e penginapen labo hal si nukah guna ijumpai, secara biaya pe labo ka murah janah penginapen tupung si e megati jadi ingan pinakit sosial. Gayus nggit terlibat i bas hal si mehuli amin kitik gia, perbahan kai gia dahin e, adi guna kemuliaan Tuhan janah jadi penopang dahin-dahin Dibata, maka e seri bagi pembarken Berita Si Meriah.
Erlajar arah Gayus, kepe muat bagin i bas pembarken Berita Si Meriah enda labo terjeng arus er-PI ku kuta-kuta si ndauh. Muat bagin i bas pembarken Berita Si Meriah banci silakoken i bas kegeluhenta si teptep wari. Alu ngelakoken lagu langkah bagi si ngena ate Dibata, bagi nina i bas Matius 5: 16 “Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga” Ija termulia gelar Dibata alu lagu langkahta, situhuna e enggo muat bagin i bas pembarken Berita Si Meriah.
La lit dahin si kitik entah dahin di mbelin I adep-adepen Dibataa adi kin guna pembarken Berita Si Meriah. Adi guna kemulian Tuhan si kitikna i lebe-lebe doni pe mbelin i lebe Tuhan. Secara pribadi Rasul Johanes mujiken Gayus i bas ketulusen ukurna makeken si lit i bas ia guna nampati dahin erBerita Si Meriah. Enda jadi pengakun maka kai si ibahan Gayus e dahin si mehuli i lebe lebe Tuhan.
Rikutken kalender gerejanta, masuk me kita I bas wari-wari nikapken ras ngelakoken Musyawarah Warga Sidi Runggun. Tujun musyawarah e, e me ingan arih-arih kerina ngawan Warga sidi ikut muat bagin ngukurken kiniulin perdalanen gereja sue ras peraten Dibata. Jadi adi lit denga kita erpengakap maka Musyawarah Warga Sidi Runggun enda labo dahin pembarken Berita Si Meriah, perlu kita mperdiateken mulihi kesaksin rasul Johanes kerna geluh kiniteken sekalak Gayus enda.
I bas Tata Gereja GBKP, BAB XXXIX, Pasal 164 “Musyawarah Warga Sidi Runggun” e me inganta guna mereken masuken-masuken, megiken laporen-laporen perkembangen ngawan ni perpulungen arah BPMR bage pe Kategorial, PJJ ras seksi-seksi runggun. Kerina masuken i bas Musyawarah Warga Sidi Runggun enda ibaba ku Sidang Majelis Runggun si ndeherna guna iputusken. E maka Musyawarah Warga Sidi Runggun ula min gelah enggo saja. Musyawarah Warga Sidi arus igumuli secara serius ras iangkai selaku dalan Dibata makeken gerejaNa guna pehuliken janah mperlengkapi dahin pembarken Berita Si Meriah arah partisipasi kerina ngawan.
Arah kinitutusenta nikapken ras ngikuti Musyawarah Warga Sidi Runggun, e ncidahken kita ermediate nandangi dahin-dahin Tuhan i bas gerejanta. Kinimediatenta enda teridah arah kita mereken masuken man Majelis Runggun dingen pe radu ras mengevaluasisa. Arah e, banci kita erbahan program si terarah ku bas sasaran pelayanen gerenjanta ras pe enggo banci sipekena kekurangen-kekurangen i bas program si enggo lepas. Kai gia posisinta i bas Musyawarah Warga Sidi Runggun, selaku BPMR, serayan, pengurus ntah selaku ngawan, e dahinta ras guna mpesikap dahin pembarken Berita Si Meriah. Banci saja i bas erbage masuken, lit si la bagi ukurta tapi adi guna kemulian Tuhan arus ngasup kita ngalokenca ras ndalankenca. Aku, kam, kita kerina jadi teman Dibata ndahiken dahin si mulia, salah sadana alu erMusyawarah Warga Sidi Runggun. Selamat ermusyawarah. IKUT AKU SADA!
- Nuriken Pengejapen pegancih-gancih
- Diskusi (Ibabai Pengurus PJJ)
- Musyawarah Warga Sidi Runggun e me program si arus ilaksanaken teptep tahun i bas gerejanta, uga nge ndia persikapenta i bas ngelakoken Musyawarah Warga Sidi Runggun tahun enda?
- Selaku perpulungen, kai nge si kidekah enda si jadi usulenta i bas Musyawarah Warga sidi Runggunta, program man banta saja nge (Sektor/Kategorial/Runggun) ntah enggo nge kita ngusulken guna erBerita si Meriah (PI Keluar) man kalak si deban?
- Kesimpulen Ibabai Pandita/Pertua/Diaken
Nehken Persembahen: Rende KEE No. 202: 1, 3 (Ibabai Pengurus PJJ)
Ernalem gelah man Jesus, kula ukur tendingku
Endesken geluhndu baNa, keleng ateNa bandu
Reff: Ernalem gelah, tutus min gelah
O Jesusku, bahan aku ernalem gelah
Ola lupa ‘rtoto baNa, ras kataken bujur pe
Mbue kapen pemereNa, ola lupa kita e Reff: …
- Pertoton Persembahen + Sapaat (Ibabai Pdt/Pertua/Diaken)
- Momo (I bas Pengurus PJJ)
Rende KEE 255 : 3, 4
Ersadalah min arihta kerina, make kata ras pedahNa
Gelar ni Tuhan ‘lah tetap mulia,
Ije me t’ridah i bas lagu lgkahta
Reff: Kalak si malang nandangi Tuhan
La kap nggit nilah labo nggit nogan
Maka dahikenlah alu tutus
Ola lakoken alu mekarus
Ulihta lit kap bas Tuhan Dibata, mulia rikut mehaga
Adi perkisat la kal lit gunana,
Jelma mejingkat maka ngena ateNa Reff:
Pertoton Tuhan
Jeda Ras Penutup
Pdt. Surya A. Surbakti, S.Th
HP/WA: 081375524675