Erbuah Meramis
Yohanes 15: 1 – 8
Pokok anggur yang benar15:1 “Akulah pokok anggur yang benar dan Bapa-Kulah pengusahanya.
15:2 Setiap ranting pada-Ku yang tidak berbuah, dipotong-Nya dan setiap ranting yang berbuah, dibersihkan-Nya, supaya ia lebih banyak berbuah.
15:3 Kamu memang sudah bersih karena firman yang telah Kukatakan kepadamu.
15:4 Tinggallah di dalam Aku dan Aku di dalam kamu. Sama seperti ranting tidak dapat berbuah dari dirinya sendiri, kalau ia tidak tinggal pada pokok anggur, demikian juga kamu tidak berbuah, jikalau kamu tidak tinggal di dalam Aku.
15:5 Akulah pokok anggur dan kamulah ranting-rantingnya. Barangsiapa tinggal di dalam Aku dan Aku di dalam dia, ia berbuah banyak, sebab di luar Aku kamu tidak dapat berbuat apa-apa.
15:6 Barangsiapa tidak tinggal di dalam Aku, ia dibuang ke luar seperti ranting dan menjadi kering, kemudian dikumpulkan orang dan dicampakkan ke dalam api lalu dibakar.
15:7 Jikalau kamu tinggal di dalam Aku dan firman-Ku tinggal di dalam kamu, mintalah apa saja yang kamu kehendaki, dan kamu akan menerimanya.
15:8 Dalam hal inilah Bapa-Ku dipermuliakan, yaitu jika kamu berbuah banyak dan dengan demikian kamu adalah murid-murid-Ku.”Jesus kap batang anggur si tuhu-tuhu
15:1 “Aku kap batang anggur si tuhu-tuhu, janah BapangKu kap perkebun anggur e.
15:2 Dahan-dahan si la erbuah itektekNa, janah dahan-dahan si erbuah ibersihkenNa alu mutiki tunas-tunas si la erguna gelah reh buena buahna.
15:3 Kam enggo ibersihken alu kata si Kukataken man bandu.
15:4 Tetaplah min kam i bas Aku, janah Aku pe tetap i bas kam. Dahan labo ngasup erbuah adi la kin ersada dahan e ras batangna. Bage me pe kam, adi la kin kam ersada ras Aku labo kam erbuah.
15:5 Aku kap batang anggur janah kam me dahan-dahanna. Kalak si tetap i bas Aku dingen Aku i bas ia melala me buahna; sabap adi la kin ras Aku labo kam ngasup erbahan kai pe.
15:6 Kalak si la tetap i bas Aku itektek me bagi dahan. Jenari kerah me ia. Ipepulung me dahan e jenari iambekken ku bas api.
15:7 Adi kam tetap i bas Aku janah KatangKu tetap nggeluh i bas kam, banci ipindondu kai pe atendu, janah ialokenndu me kai si ipindondu e.
15:8 Adi melala buahndu, kam me ajar-ajarKu, janah i bas si e ermulia me BapangKu.
Teks: Johanes 15: 1 – 8
Tema: Erbuah Meramis
Tujuan: Gelah Mamre:
- Meteh maka kalak si ersada ras Tuhan erbuah meramis
- Nuratken perbahanen simehuli guna ilakoken man kalak si deban
I. KATA PENARUH
Tep-tep tahun enggo iaturken sasaren pelayanen GBKP si tersurat i bas Garis-Garis Besar Pelayanen (GBP) GBKP. Sasaran adalah target spesifik dan dapat ditindaklanjuti yang perlu dicapai dalam kerangka waktu yang lebih kecil, seperti satu tahun atau kurang, untuk mencapai tujuan. Sasaran menggambarkan tindakan atau kegiatan yang terlibat dalam mencapai tujuan. Erkawiten ras erti sasaren enda maka tiap tahun lit target khusus si jadi kegiaten i bas GBKP lako nehi misi ras visi GBKP.
I bas tahun 2023 sasaren pelayanen GBKP e me “Jemaat Menjadi Pelaku Aktif Pelayanen”. Pengarapen gerejanta maka kerina anggota GBKP (KAKR, Permata, Moria, Mamre ras Saitun) ikut muat bagin i bas kegiaten gereja. E maka enggo ibentuk tim-tim pelayanen, janah kerina anggota GBKP bengket ku tim-tim pelayanen enda rikutken talenta sekalak-sekalak. Jenari bengket ku tahun 2024 sasaren pelayanen GBKP me “Erdahin Dingen Ernanam Kempak Kalak Si Deban”. Sasaren pelayanen GBKP tahun 2024 merupaken kelanjuten sasaren tahun pelayanen sebelumna, sabap gereja lit i bas doni enda labo guna dirina saja tapi pe ernanam nandangi doni enda. Gereja (kalak si tek man Kristus) e me sira ras terang doni enda.
II. PELIKASI (URAIAN) TEKS
Judul Johanes 15:1-17 e me Jesus kap batang anggur si tuhu-tuhu. Jesus make batang anggur guna nehken pengajaren kempak kalak si megi-megi pengajarenNa erkiteken batang anggur e me sada sinuan-sinuan si melala turah i daerah Israel. Alu bage batang anggur enggo tangkas kal itandai kalak Jahudi. Buahna banci langsung ipan bagepe banci ka isuling alu fermentasi gelah jadi inemen. Minem anggur e me sada kesemalen i bas kalak Israel. Lit dahin pulung-pulung umpamana kerja-kerja pasti lit anggur (bdk. Joh. 2: 1-11). Anggur Israel terkenal mejile kal kualitasna.
Lit 3 (telu) bagin isi teks PA Mamre i bas paksa enda.
- Jesus mpetandaken diriNa
Jesus melasken Aku kap batang anggur si tuhu-tuhu, janah BapangKu kap perkebun anggur e. Alu tegas ikataken Jesus maka IA kap batang anggur si tuhu-tuhu. Perkatan Jesus enda nuriken maka lit batang anggur si la tuhu-tuhu. Batang anggur si jadi peren dingen la erbuah. Jenari ibelasken Jesus pe, Aku kap batang anggur dingen kam me dahan-dahanna. Perkatan Jesus enda nuriken maka lit kiniersadanNa ras ajar-ajarNa. Jesus me ulu kegeluhen ajar-ajarNa. Erkiteken si e ajar-ajar arus tetap ersada ras Jesus. - Perbahanen Jesus kempak ajar-ajarNa
Jesus enggo mbersihken ajar-ajar alu kata si enggo ibelasken Na. Tujunna e me gelah ajar-ajar banci erbuah (ulih kiniteken). Kata si ibelasken Jesus tuhu-tuhu erbahan ajar-ajar nggeluh mehuli dingen ernanam kempak kalak si deban. - Ajar-ajar Jesus arus erbuah
Pengajuk Jesus kenmpak ajar-ajarNa e me tetap min i bas Jesus gelah la pe tetap i bas ajar-ajar (ay. 4). Tetap i bas Jesus ertina tetap nggeluh ersada ras Jesus. Alu bage kuasa Jesus lit i bas ajar-ajar si erbahan ajar-ajar banci erbuah Ajar-ajar labo banci erbuah adi la kin ia ersada ras Jesus (dahan labo ngasup erbuah adi la kin ersada adahan e ras batangna). I bas ayat 6, mulihi isingetken Jesus gelah ajar-ajar tetap i bas la dingen la i bas ajar-ajar, Alu pengulangen enda nuriken maka perkatan e tuhu-tuhu penting. Tuhu-tuhu penting sabap kalak si tetap i bas Jesus dingen Jesus i bas ia maka banci ipindona kai pe atena dingen alokenna me kai si ipindona e. Sabap pemindonna e ngena ate Dibata erdandanken ietehna sura-sura Dibata dingen kal keperlunna.
I bas ayat 7 ituriken Jesus kerna tanda ajar-ajarNa e me melala buahna. Melala buahna ertina melala pendahin, pengerana ras perbahanenna si ernanam kempak kalak si deban. Reh buena kiniulin si ilakoken ajar-ajar berarti reh ernanamna man enterem jelma dingen i bas si e kalak si ngenanamisa banci ngidah keleng ate Dibata i bas anak-anakNa. Alu bage Dibata pe ermulia. Pengajaren Jesus enda mabai ajar-ajar arus ersada ras la gelah banci erbuah si mabai ia ernanam kempak kalak si deban.
III. PENGKENAINA
Tema Penelahen Alkitab (PA) Mamre i bas paksa enda e me: erbuahmeramis. Tema enda nuriken maka ajar-ajar Jesus (Mamre) arus melala ngelakoken si mehuli e me buah kiniteken guna banci inanami anak jabu ras kalak si deban.
Perbahanen simehuli sebage buah kiniteken si banci ilakoken Mamre e me:
‒ Nemani anak tupung erlajar
‒ Mediate kempak ndehara
‒ Pengerana mehuli
‒ Pendahin mehuli
‒ Nampati sangkep geluh si mesera baban geluhna
‒ Nambahi Mahasiswa singaloken beasiswa Mamre
‒ Kerja sama ras agama si deban gotong royong pesikap lingkungen ingan tading
‒ La main judi dingen make narkoba
‒ Ras sidebanna
Bageme rikutken kata Dibata i bas PA Mamre enda iajuk Mamre gelah komitmen ngelakoken perbahanen simehuli man kerina jelma (masyarakat). Belinna kinitekenta sukat-sukatna e me Buena pendahin, pengerana ras perbahanen si mehuli si ilakoken kita kempak kalak si deban terkhusus kempak masyarakat si rulo, Tandana kita ersada ras Dibata pe teridah i bas kiniersadanta ras kalak si deban. Alu bage perlu kal si pegegehi dingen si petetap ukurta ernanam kempak masyarakat si rulo. Mamre hadir mpekena mpenahangi dingen nampati jelma si enterem. Selamat erdahin dingen ernanam kempak kalak si deban. Amin.
IV. DISKUSI
- Oge mulihi Johanes 15: 5. Turiken kai antusenna!
- Turiken erti erdahin ras erguna kempak kalak si deban (lndonesia: berkarya dan berguna bagi orang lain= sasaran pelayanan GBKP tahun 2024)
V. USULEN ENDE ENDEN
- KEE GBKP No. 368: 1-2
- KEE GBKP No. 350: 1-2
- KEE GBKP No. 209: 1-2
- KEE GBKP No. 62: 1-2
- KEE GBKP No. 296:1-3
Pdt. Christopher Sinulingga
HP/WA 081376291768