BERSIH DINGEN LA ERPANDANGEN
2 Petrus 3: 9 – 15
3:9 Tuhan tidak lalai menepati janji-Nya, sekalipun ada orang yang menganggapnya sebagai kelalaian, tetapi Ia sabar terhadap kamu, karena Ia menghendaki supaya jangan ada yang binasa, melainkan supaya semua orang berbalik dan bertobat.
3:10 Tetapi hari Tuhan akan tiba seperti pencuri. Pada hari itu langit akan lenyap dengan gemuruh yang dahsyat dan unsur-unsur dunia akan hangus dalam nyala api, dan bumi dan segala yang ada di atasnya akan hilang lenyap.
3:11 Jadi, jika segala sesuatu ini akan hancur secara demikian, betapa suci dan salehnya kamu harus hidup
3:12 yaitu kamu yang menantikan dan mempercepat kedatangan hari Allah. Pada hari itu langit akan binasa dalam api dan unsur-unsur dunia akan hancur karena nyalanya.
3:13 Tetapi sesuai dengan janji-Nya, kita menantikan langit yang baru dan bumi yang baru, di mana terdapat kebenaran.
3:14 Sebab itu, saudara-saudaraku yang kekasih, sambil menantikan semuanya ini, kamu harus berusaha, supaya kamu kedapatan tak bercacat dan tak bernoda di hadapan-Nya, dalam perdamaian dengan Dia.
3:15 Anggaplah kesabaran Tuhan kita sebagai kesempatan bagimu untuk beroleh selamat, seperti juga Paulus, saudara kita yang kekasih, telah menulis kepadamu menurut hikmat yang dikaruniakan kepadanya.3:9 Tuhan la kap melet ngelakoken kai si enggo ipadankenNa, bagi lit kalak si erpengakap bage. Tapi saber ia nandangi kam, sabap la ateNa sekalak pe ikernepken, tapi gelah kerina min jera i bas dosa-dosana nari.
3:10 Tapi wari kerehen Tuhan bali ras kerehen sekalak penangko. I bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap me.
3:11 Adi si enda kerina bagenda me jadina, kuga nge arusna kegeluhenndu? Kam arus nggeluh bagi si ngena ate Tuhan, janah erpengendes man Dibata,
3:12 sanga itimaindu Wari Dibata janah ngusahakenca gelah reh pedasna IA reh. I bas Wari e langit keri meseng, janah erkiteken lasna barang-barang si i langit jadi melebur.
3:13 Tapi kita nimai kai si enggo ipadnken Dibata e me langit si mbaru ras doni si mbaru; i je me inganna keadilen.
3:14 Erkiteken si e, o teman-temanku si kukelengi, i bas kam nimai Wari e, pala-palail gelah kam bersih dingen la erpandangen i lebe-lebe Dibata janah nggeluh alu dame ras IA.
3:15 Bahanlah maka kesabaren Tuhan e jadi kesempaten man bandu gelah kam terkelin, bagi si enggo isuratken seninanta Paulus si ikelengi kita man bandu, rikutken kepentaren si ibereken Dibata man bana.
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. RENDE: KEE 440: 1 – 2 (IBABAI NANDE)
O Bapa, salah lepakku ku ‘teh nge
Dosaku pe rusur ku inget,
Man baNdu aku erdosa
Reff: Mekuah ateNdu min,
erkiteken liasNdu
SasapkenNdu min,
k’rina dosangku o Tuhan
O Bapa, kubahan rusur si jahat,
Patut nge aku i ukum Ndu,
Bujur nge keputusenNdu,
Reff: …
C. ERTOTO (IBABAI BAPA)
D. RENDE: KEE 468: 2 (IBABAI NANDE)
Tuhan demi aku salu KataNdu 2X
Pusuhku bagi tambe ku baba ku pancurNdu
Tuhan demi aku salu KataNdu
E. RENUNGEN
Teks: 2 PETRUS 3: 9 – 15 (IBABAI ANAK)
Tema: BERSIH DINGEN LA ERPANDANGEN (ADVENT)
Lit sada cerita kerna sada rombongen Pecinta Alam i teruh pimpinen Zakharia erkemping ku bas sada kerangen si lenga pernah idahi kalak. Alu semangat Zakharia pe terus erdalan, la ngadi-ngadi amin pe nggo berngi. La sitik pe gejapna latih janah lupa ia erbahan tanda-tanda i bas dalan si bentasina. Pas berngina ndai, je sengget kal ia erkiteken rombongenna ndai lanai idah. Serko ia, segelah banci kari begi rombongenku ndai atena. Tapi, la lit sora si ngaloisa. E maka, mulihken ia ndarami rombongenna ndai. Sementara, rombongenna ndai pe, kidaram, radu-radu ndarami. Ngerana sekalak bas rombongen ndai nina, “Si cubaken, ngadi kita ije, sabap adi siterusken pe, la kita jumpa-jumpa ras Zakharia ndai.” E maka 3 wari dekahna, idapeti Zakharia me rombongenna ndai nggo ersikap. Mamang kal ate Zakharia, e maka nina nungkun, “Engkai maka banci kena nggo ersikap kenca kita jumpa ndai?” Ngaloi sekalak nina,” telu wari enda, tiap wari kami nggo ersikap nimai kam. Adi seh paksana reh kam, kita tading lawes.”
Renungenta wari enda e me kerna Jesus si itimai kalak si tek man baNa, e me perpulungen si ielai Petrus paksa si e, bage pe kita i bas paksa genduari. Si menarik i bas ogen enda e me lit kelompok si ngerana nina, “”Ma kin erpadan Tuhan maka la reh? I ja dage la?” (ay. 4a). Petrus ngataken kelompok enda sebage kalak si kegeluhenna ikuasai kerincuhen daging. Ise nge kalak enda si tuhuna? Kalak si la tek man Jesus nge? Labo! Kelompok enda e me kalak si tek man Jesus tapi megombang nanda kai si itekina sedekah enda. Kalak si mungkin pernah jadi pejuang pantekna perpulungen, pejuang kiniteken, genduari berubah jadi pembunuh kiniteken perpulungen. Engkai maka bage jadina? Sada jababenna i bas ogenta enda e me ndekahsa nimai. Si eteh kita maka tegun nimai e me tegun si la meriah ngelakokenca, erkiteken la si eteh ndigan waktuna reh banci reh, banci ka la reh, banci pedas reh, banci ka melet reh.
Kata Dibata ngataken man banta si mungkin paksa genduari enda nggo cukup latih i bas nimai i bas kegeluhen enda, “Tapi wari kerehen Tuhan bali ras kerehen sekalak penangko. I bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap me” (ay. 10). Kerina kita nimai wari kerehen Tuhan e janah kita pe nimai melala hal si deban si nggo ndekah kal siarapken kerehenNa. Enggo reh kin wari Tuhan e? Lenga! Tapi pasti nge IA reh? Kata Dibata enda mereken sada jabapen kepastin man banta maka wari kerehen Tuhan e, pasti reh.
Berita si mehuli kerna wari kerehen Tuhan e si ateta sibegiken i bas paksa enda e me ayat 9: Tuhan la kap melet ngelakoken kai si enggo ipadanken Na, bagi lit kalak si erpengakap bage. Tapi saber ia nandangi kam, sabap la ateNa sekalak pe ikernepken, tapi gelah kerina min jera i bas dosa-dosana nari; ay. 15a: “Bahanlah maka kesabaren Tuhan e jadi kesempaten man bandu gelah kam terkelin.”
Minggu Advent ningetken kita maka i bas nimai kerehenNa enda me si tuhuna pusat pengarapen kalak Kristen si tercurmin i bas pengakun kinitekenta i bas bagin “Je nari reh me IA pagi ngeranaken si nggeluh ras si enggo mate”. I bas masa Advent gereja tempa mpegeluh seruan masa penantian, perpulungen iajuk gelah ersikap ngalo-ngalo kerehen Mesias, tapi banci jadi seruan e terjeng pengumumen tanpa pemaknaan si mbages, sie teridah arah sibukna gereja nghias diri erbahan dekorasi ketubuhen Jesus. Natal tempa enggo mulai. Uga dage arusna kita nggejabken minggu Advent? Arusna Advent imaknai alu dem kesadaren diri, nggejabken kerina kesalahen ras dosa-dosanta, sebage kalak situhu-tuhu perlu penampat (penolong) guna keselamaten dirinta. Bagi nina Agustinus: Orang Kristen harus merasakan masa-masa Advent sama seperti orang yang akan tenggelam dan dia sangat menantikan pertolongan untuk diselamatkan. Bage me arusna lit persikapen si mehuli, persikapen e bagi mbangun sada infrastruktur jalan tol, dalan si bebas hambaten, ngagui kerina singolangi bagi nina Johanes Peridin: Sikapkenlah dalan Tuhan, pepinter dalan man baNa (bdk. Mat. 3:3). E maka, mari silakoken persiapenta bagi tema wari enda e me bersih dingen la erpandangen. Kalak si er-Advent e me kalak si nggit nangtangi kerina kerincuhen dagingna dingen njagai dirina alu arapen si payo si ngena ate Tuhan segelah ia bersih dingen la erpandangen i bas nimai wari kerehen Tuhan. Selamat er-Advent.
F. NURIKEN PENGGEJAPEN
• Bapa
• Nande
• Anak
G. SHARING (IBABAI ANAK/PERMATA)
- Uga pengertinta sedekah enda kerna Advent, bali nge bagi pengertin siituriken Petrus i bas ogenta ndai?
- Cuba situriken persikapen kai si lakoken nimai wari kerehen Tuhan.
H. PERSEMBAHEN
RENDE: KEE 450: 1-2 (IBABAl NANDE)
Endesken kami man baNdu, sada bagin pemereNdu
Persembahen kami baNdu, gelah ialokenNdu
Reff: Pasu-pasuNdu min gelah,
si tading i bas kami
AjariNdu dage kami,
m’re persembahen baNdu
Si pepulung persembahen, si endesken e man Tuhan
Asa gegeh kengasupen, mari si persembahken
Reff: …
I. PERTOTON PERSEMBAHEN + SAPAAT ITUTUP PERTOTON TUHAN (IBABAI BAPA)
Keterangen: Bereken waktu 1-2 menit guna ertoto secara pribadi.
J. MOMO
K. ERCAKAP-CAKAP JANAH ERJEDA-adi lit
Pdt. Rio Berseba Bangun, M.Th.
HP/WA: 082274666654