Megi, Ngangka dingen Erbuah
Matius 13: 18 – 23
13:18 Karena itu, dengarlah arti perumpamaan penabur itu.
13:19 Kepada setiap orang yang mendengar firman tentang Kerajaan Sorga, tetapi tidak mengertinya, datanglah si jahat dan merampas yang ditaburkan dalam hati orang itu; itulah benih yang ditaburkan di pinggir jalan.
13:20 Benih yang ditaburkan di tanah yang berbatu-batu ialah orang yang mendengar firman itu dan segera menerimanya dengan gembira.
13:21 Tetapi ia tidak berakar dan tahan sebentar saja. Apabila datang penindasan atau penganiayaan karena firman itu, orang itupun segera murtad.
13:22 Yang ditaburkan di tengah semak duri ialah orang yang mendengar firman itu, lalu kekuatiran dunia ini dan tipu daya kekayaan menghimpit firman itu sehingga tidak berbuah.
13:23 Yang ditaburkan di tanah yang baik ialah orang yang mendengar firman itu dan mengerti, dan karena itu ia berbuah, ada yang seratus kali lipat, ada yang enam puluh kali lipat, ada yang tiga puluh kali lipat.”Iterangken Jesus kerna perumpaman si ngambur benih
(Mrk 4:13-20;Luk 8:11-15)13:18 “Begikenlah dage, kai ertina perumpaman enda.
13:19 Kalak si megi Berita kerna Kinirajan e, tapi la iangkana bali kap ia ras benih si ndabuh ku tepi dalan. Si jahat reh nangko berita si enggo iamburken ku bas pusuhna e.
13:20 Benih si ndabuh ku taneh si erbatu-batu bali ras kalak si minter ngaloken Berita e alu meriah ukur asum ibegina.
13:21 Tapi la mbages janah kentisik ngenca i bas ia. Adi ia ngenanami kesusahen ras iayak-ayak erkiteken Berita e, minter tondel ukurna.
13:22 Benih si ndabuh ku tengah-tengah peren duri bali ras kalak si ngaloken Berita e; tapi aru atena kerna geluhna ras merincuh kal ia bayak e maka kicat Berita e, janah e me erbahanca la erbuah.
13:23 Tapi benih si ndabuh ku taneh si mehumur bali ras kalak si megi Berita dingen iangkana, jenari erbuah pe; lit si erbuah seratus, lit si enem puluh, lit si telu puluh.”
(KESELAMATAN/KERAJAAN ALLAH)
Ogen : Matius 13: 18-23
Tema : Megi, Ngangka dingen Erbuah.
Tujun: Gelah Saitun:
- Ngangkai antusen perumpaman si ngambur benih.
- Ngasup nuriken kai saja enggo buah Kata Dibata ei bassa ras simegikenca pe reh gegehna.
I. BENA KATA
Kata Dibata si jadi bahan PA-nta Minggu enda nuriken kerna uga pengaloken ras pendalanken Kata Dibata i bas geluhna. Kata enda mabai kita guna rukur mulihi alu mbages, enggo me tuhu-tuhu si aloken kata si ibegi, janah ringan i bas pusuhta, turah dingen erbuah, buahna erlipat ganda, i bas keadan si ugapana pe si jadi i bas geluhta? Subuk susah entah senang, bagi ukur entah la bagi ukur si jadi.
Marilah tole si pebagesi pengangkanta kerna Kata enda gelah reh ngasupna kita nandai dirinta i lebe-lebe Dibata. Janah arah Kata enda banci terjemba pusuhta guna mpelimbarui perukuren, perbahanen ras pengerananta alu penampat Kesah Sibadia.
II. MPEBAGESI OGEN
Matius 13:18-23 eme nuriken kerna antusen perumpamaan Tuhan Jesus kerna ‘Si ngambur Benih (ayat 18). Ituriken maka lit sekalak perjuma lawes ku jumana ngamburken benih. Benih e lit si ndabuh i dalan emaka reh perik manganisa, lit ndabuh i taneh sierbatu-batu minter turah benih e tapi minter ka melus, lit i tengah peren duri, kenca turah benih e talu iban peren duri janah lit ka ndabuh ku taneh si mehumur, emaka mehuli perturahna seh erbuah, buahna erlipat ganda (Matius 13:3b-8). Singambur benih eme kap Perberita si Meriah, benih e me kata Dibata, juma eme kap manusia, kita kerina si nggo megiken Kata Dibata.
Lit 4 tempas juma ingan benih e ndabuh:
- I tepi dalan, nuriken maka lit kalak megiken berita e, tapi la iangkana, emaka mesunah iakap kalak jahat muatsa iabas ia nari, seh lanai lit i bas ia Kata e. kalak si la lit I bas ia Kata Dibata, la tandaina Dibata.
- I taneh si erbatu-batu, nuriken kerna kalak si megiken Berita e, meriah kal ukurna ngalokenca. Kulit-kulitna ngenca ietehna, maka la mbages pengertinna. Kentisik ngenca tading Kata e i bas ia, sabab adi reh kenca kesusahen, iayak-ayak ia erdandanken Berita e, minter tondel ukurna, tundalkenna Berita (Kata) e (ayat 20-21). Kalak si bagenda, tupung sikap kerina maka tek ia nandangi Kata Dibata, la lit kesusahen, kiniseran adi ras Tuhan, bage me pengertinna. Pada hal Tuhan Jesus jine pe ngenanami kiniseran, tentu selaku kalak Kristen (pengikut Kristus) lit ka nge paksana kita ngenanami kiniseran doni enda, tapi kinitekenta arus tetap paguh.
- I peren duri, eme taneh kalak si aru atena kerna geluhna, kalak si bage la ngasup ngidah kiniulin ras perkuah ate Dibata. Merincuh kal ia bayak, maka ukurna ikuasai erta doni enda erbahanca kata Dibata terjeng i eteh ngenca, turah ngenca tapi la erbuah, kicat, talu Kata e ibahan sura- sura ras kearun atena.
- I taneh mehumur, e me kalak si megiken Kata (berita simeriah) e, iangkana, sabab tutus kal atena megikenca, mpelajaraisa, tek kal ia nandangi Kata e janah inpraktekkenna i bas kegeluhenna si tep-tep wari. Kata e ibahanna jadi palasna rukur, ngerana ras kai pe atena ibahanna. Emaka la aru atena, la ia mbiar kerna wari si pepagi, tapi tetap kal ukurna nggeluh i bas perkuah ate Dibata ras tetap erpengarapen man Dibata i bas ngalaken kerina situasi geluh. Emaka erkuasa Berita e i bas ia, la sia-sia kiniteken ras pengarapenna. Kata e jadi gelemenna, sabab enggo tersuan alu mehuli, perturahna pe mehuli, emaka buahna pe meramis, lit sierbuah seratus, enem puluh, telu puluh (ayat 23). Ulihna Kata Dibata jadi kebayakenna janah kemalemen ate jadi sikerajangenna
III. PENGKENAINA
Selaku Saitun, tentu enggo melala kal kita megi Kata ibata Mulai kitik-kitik nari, entah pe mulai jadi kalak Kristen. Perlu kal kita nungkun, enggo nge siangka Kata e? kalak si ngangka Kata e, tentu ialokenna, ipakekenna, ibahanna jadi palasna nggeluh. Kinitekenna paguh, erbuah, I bas pengerana, perbahanenna sierbahanca malem atena ras kalak si lit isekelewetna. Meriah ukurna naksiken kerna Berita Simeriah, emaka i idah ras igejabken kalak keleng ate Dibata arah kegeluhenna. I bas kerina dampar geluhna ia er-PI. Ertina i bas kegeluhen kalak si megi, ngangka dingen erbuah Kinirajan Dibata enggo seh, e enggo lit genduari, i doni enda. Dibata si erkuasa, mbarenda, genduari seh rasa lalap (Matius 12:28; Markus 1: 14, 15) Garis Besar Playanan (GBP) GBKP tahun 2023 enda ngataken “Jemaat Menjadi pelaku Aktif Pelayanan”.
Sendalanen ras Kata enda ngajuk kita, gelah aminna pe Saitun enggo ibabo 60 tahun umurna, asa kengasupen si lit, la ikurang-kurangi, la Ka itambah-tambahi ikut muat bagin i bas pelayanen eme naksiken Berita Simeriah ku tengah jabu, i perpulungen, masyarakat, bage pe ras sangkep geluh. Pakekenlah kesempaten si lit, pakekenlah gegeh si lit, kiniliten si lit, kepentaren si lit. Ulihna, kerina anggota saitun GBKP, arah megiken alu tutus, ngangkai Kata Dibata seh erbuah. Lit si erbuah seratus, enem puluh, telu puluh ras seterusna. Mari, tetaplah meriah ukurta megi Kata Dibata dingen mpelajarisa alu tutus gelah siangka dingen erbuah Kata e i bas geluhta Teridah Kinirajan Dibata genduari i bas geluhta, keselamaten jadi sikerajangenta. Selamat kita i bas kuasa si jahat nari, si atena nirangken kita ras Dibata.
IV. PERTOTON
O Tuhan, enggo ndekah kal kami megi KataNdu, tapi langa bo melala si iangka kami, emaka langa bo mbelin kengasupen kami makekenca i bas geluh kami, langa bo kami erbuah. I bas paksa enda ngaku kami Tuhan, kurang tutus denga kami megiken ras mpelajari KataNdu. Sura-sura kami, erbuah min Kata e i bas geluh kami, gelah i bas waktu si lit denga, si iberekenNdu man kami, banci dengan icidahken kami buah Kata ras kiniteken kami. Bujur Tuhan, i bas Jesus Kristus kami mindo man baNdu. Amin.
V. DISKUSI
- Arah Kata si jadi bahan PA-nta Minggu enda, lit 4 ingan ndabuh benih. Ingan ndabuh benih siapai nge iakapndu si mehulina? Engkai? Turikenlah!
- Selaku Saitun enggo nge Kata Dibata ras Kinitekenta erbuah? Turiken kai buktina.
- Kai nge si banci si ban gelah reh teremna kalak nandai Dibata dingen nggejabken perkuah ate Dibata. Lakokenlah!
Pdt. Jennie E. Keliat
Salah bisa di perbaiki, gagal bisa di ulangi,
jatuh bisa bangun kembali, tapi menyerah
berarti selesai.
Hidup akan selalu mengalami salah, gagal
dan jatuh, namun jangan sampai menyerah.