Kisah Para Rasul 5: 26 – 42
Rasul-rasul di hadapan Mahkamah Agama – Nasihat Gamaliel5:26 Maka pergilah kepala pengawal serta orang-orangnya ke Bait Allah, lalu mengambil kedua rasul itu, tetapi tidak dengan kekerasan, karena mereka takut, kalau-kalau orang banyak melempari mereka.
5:27 Mereka membawa keduanya dan menghadapkan mereka kepada Mahkamah Agama. Imam Besar mulai menanyai mereka,
5:28 katanya: “Dengan keras kami melarang kamu mengajar dalam Nama itu. Namun ternyata, kamu telah memenuhi Yerusalem dengan ajaranmu dan kamu hendak menanggungkan darah Orang itu kepada kami.”
5:29 Tetapi Petrus dan rasul-rasul itu menjawab, katanya: “Kita harus lebih taat kepada Allah dari pada kepada manusia.
5:30 Allah nenek moyang kita telah membangkitkan Yesus, yang kamu gantungkan pada kayu salib dan kamu bunuh.
5:31 Dialah yang telah ditinggikan oleh Allah sendiri dengan tangan kanan-Nya menjadi Pemimpin dan Juruselamat, supaya Israel dapat bertobat dan menerima pengampunan dosa.
5:32 Dan kami adalah saksi dari segala sesuatu itu, kami dan Roh Kudus, yang dikaruniakan Allah kepada semua orang yang mentaati Dia.” 5:33 Mendengar perkataan itu sangatlah tertusuk hati mereka dan mereka bermaksud membunuh rasul-rasul itu.
5:34 Tetapi seorang Farisi dalam Mahkamah Agama itu, yang bernama Gamaliel, seorang ahli Taurat yang sangat dihormati seluruh orang banyak, bangkit dan meminta, supaya orang-orang itu disuruh keluar sebentar.
5:35 Sesudah itu ia berkata kepada sidang: “Hai orang-orang Israel, pertimbangkanlah baik-baik, apa yang hendak kamu perbuat terhadap orang-orang ini!
5:36 Sebab dahulu telah muncul si Teudas, yang mengaku dirinya seorang istimewa dan ia mempunyai kira-kira empat ratus orang pengikut; tetapi ia dibunuh dan cerai-berailah seluruh pengikutnya dan lenyap.
5:37 Sesudah dia, pada waktu pendaftaran penduduk, muncullah si Yudas, seorang Galilea. Ia menyeret banyak orang dalam pemberontakannya, tetapi ia juga tewas dan cerai-berailah seluruh pengikutnya.
5:38 Karena itu aku berkata kepadamu: Janganlah bertindak terhadap orang-orang ini. Biarkanlah mereka, sebab jika maksud dan perbuatan mereka berasal dari manusia, tentu akan lenyap,
5:39 tetapi kalau berasal dari Allah, kamu tidak akan dapat melenyapkan orang-orang ini; mungkin ternyata juga nanti, bahwa kamu melawan Allah.” Nasihat itu diterima.
5:40 Mereka memanggil rasul-rasul itu, lalu menyesah mereka dan melarang mereka mengajar dalam nama Yesus. Sesudah itu mereka dilepaskan.
5:41 Rasul-rasul itu meninggalkan sidang Mahkamah Agama dengan gembira, karena mereka telah dianggap layak menderita penghinaan oleh karena Nama Yesus.
5:42 Dan setiap hari mereka melanjutkan pengajaran mereka di Bait Allah dan di rumah-rumah orang dan memberitakan Injil tentang Yesus yang adalah Mesias.5:26 E maka berkat pengawal Rumah Pertoton ras juak-juakna ngelegi rasul-rasul e. Tapi labo alu cara paksa ibahanna, sabap mbiar ia ibenteri kalak si nterem.
5:27 Ibabana rasul-rasul e ku bas janah isuruhna tedis i lebe-lebe sidang. Jenari isungkun Imam si Mbelin rasul-rasul e.
5:28 Nina, “Enggo ilarang kami kam ngajar i bas gelar Jesus. Tapi teridah, maka enggo serser kalak Jerusalem enda megi pengajarenndu. Janah ikatakenndu maka kami erbahanca IA mate.”
5:29 Ngaloi Petrus ras rasul-rasul si deban nina, “Kami arus ngikutken Dibata, labo manusia.
5:30 Dibata si isembah nininta enggo mpekeke Jesus i bas si mate nari, kenca IA enggo ibunuhndu alu makuken IA ku kayu persilang.
5:31 Dibata enggo ngangkat IA dingen mereken kuasa man baNa jadi Raja dingen Penebus, gelah kalak Israel jera dingen dosa-dosana ialemi Dibata.
5:32 Kami me saksi i bas si e kerina, kami ras Kesah Si Badia si ibereken Dibata man kalak si ngikutken IA.”
5:33 Megi kata e merawa kal ate anggota sidang. Ibunuhna pe atena rasul-rasul e.
5:34 Tapi tedis sekalak anggota sidang e, e me kalak Parisi, gelarna Gamaliel. Ia sekalak guru Undang-undang janah kerina kalak mehamat man bana. Isuruhna gelah ibaba lebe ndarat rasul-rasul e.
5:35 Jenari nina man anggota sidang, “O kam kalak Israel, ukurkenlah manjar-anjar kai si atendu ibahanndu nandangi rasul-rasul enda.
5:36 Sabap nai reh si Tudas, ikatakenna maka ia sekalak si mbelin; janah lit pe si ngikutken ia empat ratus kalak. Tapi kenca ia ibunuh kerina pengikut-pengikutna e merap janah pergerakenna ngadi.
5:37 Kenca si e, sanga ilakoken cacah jiwa reh ka Judas i Galilea nari. Ibabaina kalak si nterem mbrontak. Tapi ia pe ibunuh janah kerina pengikut-pengikutna merap.
5:38 Perbahan si e kukataken man bandu, ola ugapa pe ibahan ia. Pelepas sajalah, sabap adi i bas manusia nari kin ajarenna e, masap nge pagi.
5:39 Tapi adi i bas Dibata nari, labo mungkin kam ngasup ngolangisa. Banci jadi kam nge si ngelawan Dibata.”
Kai si ikataken Gamaliel e ikutken anggota sidang.
5:40 E maka idilona rasul-rasul e ku bas. Isuruhna pengawal-pengawal ngeligasi rasul-rasul e janah ilarangna ia kerina ngajar i bas gelar Jesus. Kenca bage ipulahina.
5:41 Itadingken rasul-rasul sidang e alu ukur meriah sabap metunggung iakap Dibata ia ikut ngenanami penggombangi kalak gelar Jesus.
5:42 Janah tep-tep wari iteruskenna ngajar dingen meritaken Berita Si Meriah kerna Jesus Kristus i Rumah Pertoton bage pe i bas rumah kalak.
Ersaksi Jadi Kesemalen Geluh
Ogen: Perbahanen Rasul-Rasul 5:26-42
Tema: Ersaksi Jadi Kesemalen Geluh
Tujun: Gelah Mamre:
- Meteh maka ersaksi arus jadi kesemalen geluh kalak si erkiniteken man Dibata.
- Muat bagin i bas dahin kesaksin i bas gereja.
I. KATA PENARUH
Sope Jesus nangkih ku Surga, lit kap pedahNa man ajar-ajarNa “Laweslah ku kerina bangsa manusia, bahanlah ia jadi ajar-ajarku; Peridiken ia i bas gelar Bapa, gelar Anak, ras gelar Kesah Si Badia, janah ajari ia ngikutken kerina si nggo Ku pedahken man bandu. Janah ingetlah! Aku tetap kap ras kam seh ku kedungen jaman” (Mat. 28:19-20). Bage pe tole niNa “Tapi ialokenndu pagi gegeh asum Kesah Si Badia seh man bandu. Janah kam me pagin naksiken kerna Aku man kalak si deban, i Jerusalem, i daerah Judea ras Samaria seh ku belang-belang doni enda” (Perb. 1:8). Pedah enda tetap isehken man kerina kalak si tek. Jadi lit kap tanggungjabab kalak si tek, e me nehken Berita si Meriah, naksiken Jesus ku belang-belang doni enda. Sue ras tema PA Mamre wari enda “Ersaksi Jadi Kesemalen Geluh”.
II. PELIKASI (URAIAN) TEKS
Kitab Perbahanen Rasul-rasul e me kitab sejarah. Ikataken kitab sejarah erkiteken i bas Kitab Perbahanen Rasul-rasul ituriken kerna turi-turin kecibal ajar-ajar Jesus ras kalak si tek kenca Tuhan Jesus nangkih ku Surga ras nusurna Kesah Si Badia. I bas nusurna Kesah Si Badia, pantek me perpulungen kalak si tek. Enda me sinigelari gereja si pemena pantek i doni enda. Kenca ajar-ajar ras kalak si tek ibengketi Kesah Si Badia maka tuhu-tuhu teridah orat geluh si ersaksi. Kerina pang naksiken kerna Jesus Kristus. Petembil kel orat geluhna sope i bengketi Kesah Si Badia adi gel-gel percikcik, genduari enggo perpang. Ersaksi enggo jadi kesemalen man kerina ajar-ajar ras kalak si tek. Anem gia erbage-bage kiniseran si nderpa, itangkap, iligasi ras ipenjaraken. Si e kerina la jadi kebiaren ntah erbahanca surut semangat guna nehken Berita si Meriah. Enda me ulih pendahin Kesah Si Badia, ajar-ajar jadi Rasul, guna nehken Berita si Meriah, la ketadingen pe kerina kalak si erkiniteken. I bas ogen PA sekali enda tuhu teridah kerna kesaksin rasul-rasul i tengah-tengah persidangen agama kalak Jahudi.
Kesaksin Rasul Petrus ras rasul-rasul sideban alu tangkas ras la biar-biaren nuriken: “Kami arus ngikutken Dibata, labo manusia. Dibata si isembah nininta nggo mpekeke Jesus i bas si mate nari, kenca IA enggo ibunuhndu alu makuken IA ku kayu persilang. Dibata enggo ngangkat IA dingen mereken kuasa man baNa jadi Raja dingen Penebus, gelah kalak lsrael jera dingen dosa-dosana ialemi Dibata. Kami me saksi i bas si e kerina, kami ras Kesah Si Badia si ibereken Dibata man kalak si ngikutken IA “I bas sidang e pe ipakeken Rasul Petrus ras rasul-rasul sideban guna ersaksi. Enda me ertina ersaksi enggo jadi kesemalen geluh. Nuriken Berita si Meriah, Berita si tuhu-tuhu si maba keterkelinen. Arah kesaksin si isehken rasul-rasul e tuhu-tuhu teridah maka rasul-rasul e me kalak si erkiniteken man Jesus si enggo nebusi dosa-dosa, si enggo nehken lias ateNa, perkuah ateNa ras mereken keterkelinen. Tole pe rasul-rasul ipegegehi Kesah Si Badia i bas ndalanken pedah Jesus guna naksiken kerna lA.
Megi kata ras kesaksin rasul-rasul e merawa kal ate anggota sidang. ibunuhna pe atena rasul-rasul e. Tapi tedis sekalak anggota sidang e me kalak Parisi, gelarna Gamaliel, ia sekalak guru undang – undang janah kerina kalak mehamat man bana. Isuruhna gelah ibaba lebe ndarat rasul-rasul e. lbabai Gamaliel angota siding e runggu ras isehken Gamaliel pendapatna alu dem kepentaren. Nuriken piga-piga kejadin si enggo lewat. Seh ibukuina nina”..kukataken man bandu, ula ugapa pe ibahan ia. Pelepas sajalah, sabap adi i bas manusia nari kin ajarenna masap nge pagi. Tapi adi i bas Dibata nari, labo mungkin kam ngasup ngolangisa. Banci jadi kam nge si ngelawan Dibata.” (ay. 38-39). Kai si kataken Gamaliel e ikutken anggota sidang.
Teridah tuhu-tuhu penampat Kesah Si Badia, si makeken Gamaliel ersaksi rikutken paksa si enggo lewat. Bage pe si mpeturah ukur ersada i bas anggota sidang e guna ngaloken ras ndalanken kai si ikataken Gamaliel. Kenca enggo dung persidangen e, anem gia rasul-rasul iligasi ras lit larangen ngajari bas gelar Jesus, rasul-rasul tetap ermeriah ukur ras nerusken ersaksi. Rasul-rasul e tep-tep wari iteruskenna ngajar dingen meritaken Berita Si Mehuli kerna Jesus Kristus i Rumah Pertoton bage pe i bas rumah kalak. Tuhu-tuhu enggo teridah orat geluh rasul-rasul e me ersaksi. Ersaksi enggo jadi kesemalen geluhna. Teridah tuhu buah kinitekenna man Jesus. La mbiar ersaksi kebenaren Dibata. Alu bage maka Berita si Meriah mbar ku belang-belang doni, ku ja saja rasul-rasul ras kalak si tek lawes.
III. PENGKENAINA
Kalak si erkiniteken arus teridah arah perbahanenna. Teridah arah kerina dampar geluhna naksiken kerna selaku ajar-ajar, pengikut ras ndalanken pengajaren Tuhan Jesus. Muat bagin i bas dahin pebelangken Berita si Meriah. Bagi kegeluhen perpulungen si pemena, kerina kalak erngena ate man perpulungen e. Tep-tep wari itambahi Tuhan ku perpulungen e kalak si iselamatkenNa (Perb. 2:42-47). Ertina kerina muat baginna, encidahken kesaksinna kerna Berita si Meriah. Tambahan yang perlu di buat Aktual kehidupan nyata (Pekerjaanna dan bisa mewarnai).
I bas GBKP pe tetap ilumbaken gelah anggota perpulungen muat bagin i bas dahin-dahin pembarken Berita si Meriah. I bas paksa enda i tengah-tengah gerejanta tuhu-tuhu enggo teridah maka enggo enterem si muat bagin guna dahin pembarken Berita si Meriah contohna i tengah-tengah gerejanta lit Tenaga Detaser sekitar 180 kalak si itempatken sebelang-belang GBKP. Tentuna iperluken dana simbelin guna si e, e maka i bas ngelitken dana enda labo pernah lit si tulpak. Janah selain i bas kas umum Moderamen GBKP, iarapken enterem anggota perpulungen si muat bagin i bas dahin enda. Subuk Pribadi, PJJ, Runggun, ras sidebanna. Tentuna sura-suranta reh teremna si erdahin nehken Berita si Meriah. Guna si e maka Mamre tole banci encidahken partisipasina i bas dahin enda. Adi la kita sempat berkat ku bas sada-sada ingan guna meritaken Berita si Meriah, maka arah dana ras toto kita ikut muat bagin.
IV. DISKUSI
- Kai nge erbahanca maka rasul-rasul tuhu-tuhu pang ras nggit tetap ersaksi, anem gia tuhu-tuhu mesangat kiniseran si man alankenna?
- Turiken i bas kai-kai saja Mamre banci ncidahken kesaksinna i bas pebelangken Berita si Meriah ?
V. USULEN ENDE-ENDEN
- KEE GBKP NO. 295: 1, 2
- KEE GBKP NO. 257: 1, 6
- KEE GBKP NO. 322: 1, 2
- KEE GBKP NO. 300: 1, 4
Pdt DR. Kalvinsius Jawak, M.Si
HP/WA 081361419249