Mamre Si Tutus (Displin)
Roma 12: 8 – 11
12:8 jika karunia untuk menasihati, baiklah kita menasihati. Siapa yang membagi-bagikan sesuatu, hendaklah ia melakukannya dengan hati yang ikhlas; siapa yang memberi pimpinan, hendaklah ia melakukannya dengan rajin; siapa yang menunjukkan kemurahan, hendaklah ia melakukannya dengan sukacita.
Nasihat untuk hidup dalam kasih
12:9 Hendaklah kasih itu jangan pura-pura! Jauhilah yang jahat dan lakukanlah yang baik.
12:10 Hendaklah kamu saling mengasihi sebagai saudara dan saling mendahului dalam memberi hormat.
12:11 Janganlah hendaknya kerajinanmu kendor, biarlah rohmu menyala-nyala dan layanilah Tuhan.12:8 Adi man banta ibereken Dibata kengasupen petetap ukur kalak, silakokenlah e. Kalak si ngasup mere man kalak si deban arus iberekenna e alu ukur menahang; kalak si lit kengasupenna jadi peminpin, arus ia tutus erdahin; kalak si ngasup encidahken perkuah ate man kalak si deban, arus ibahanna e alu ukur meriah.
12:9 Keleng ate ola min alu pekulah-kulah. Cigalah atendu si jahat janah persadalah dirindu ras si mehuli.
12:10 Sikeleng-kelengenlah kam bagi si ersenina. Silebe-lebenlah kam i bas mpehaga teman.
12:11 Ola kam mekisat, tapi tutuslah erdahin. Ergiah-giahlah ukurndu i bas ndahiken dahin Tuhan.
Teks : Roma 12: 8 – 11.
Tema : Mamre si tutus (displin).
Tujun : Gelah Mamre:
- Gelah Mamre meteh orat geluh si tutus.
- Gelah Mamre displin (tutus) i bas geluh ndahiken dahinna bage pe dahin Tuhan.
I. BENA KATA
Displin ertina ketaaten (kepatuhen) nandangi peraturen (tata tertib). Displin ikenaken man sesekalak i bas sada kondisi si tercipta alu proses serangkaian perilaku si encidahken ketaaten, kepatuhan, kesetiaan, keteraturan, ntah pe ketertiban. Kalak si displin e me patuh man peraturen ras tepat waktu. E maka kata “displin” erkaiten ras dahin, ras waktu. desken jadwal/roster kehidupan”. Bage kin memang hakekat hidup manusia, si sentudu ras “tempas Dibata”. Dibata erdahin i bas waktu, mulai kin sanga itepaNa doni enda (Kej 1). Dibata erdahin alu ratur kal, mulai wari si pemena nari seh ku wari pe enem ken, janah i bas wari si pe pitu ken (Wari Sabbat), ipebadiaken Dibata kerina pendahinNa. E maka erkiteken Dibata erdahin, manusia pe arus ka erdahin, janah erdahin ka alu mehuli. Alu bage kerina pendahin eme mehuli (rohaniah pendilo/panggilan Dibata). E maka dahin labo “beban”, tapi “pasu-pasu”. Erdahin seharusna mereken “keriahen ukur labo ‘stress”, apai ka erkiteken “displin” me si jadi pintu masuk guna kemajun kegeluhen.
II. PEBAGESI ISI TEKS
- Roma 12: 8-11 eme bagin perikop si isina eme kerna “Lagu langkah kalak Kisten” I bas perikop enda Rasul Paulus ngajuk kalak Kristen i Roma gelah njadiken geluhna jadi persembahen si nggeluh man Dibata. Kai pe pendahin kerina guna kemuliaan Kristus (selaku ringriing Kula ni Kristus. Lit deba ibereken Dibata kengasupen petetap ukur kalak, kengasupen guna mere. kengasupen jadi pemimpin tah pe kengasupen encidahken perkuah ate, arus kerina alu tutus ndahikenca (ay 8, bd 1 Kor 12:1-11). Kerina pendahin e me pendilo Dibata, pemere Dibata, pemere Kesah si Badia.
- Erkiteken kerina pendahin e me pemere Kesah si Badia, e maka labo lit pendahin si lebih rohani asa pendahin si deban. Labo lebih rohani pendahin pandita asangken pendahin ASN, bape pe paramedik asangken pendahin perbinaga. Kerina pendahin e me Pendilo Dibata, e maka kerina pendahin bersifat rohani (rohani), pendahin si ndalanken si ngena ate Dibata (Teologia Calvinis). Arah kegeluhen, arah pendahin manusia termulia Dibata (Gloria Dei). Endesken kegeluhen (kula – pendahin) jadi persembahen si nggeluh, ibadah yang sejati (Roma 12:1). Palas erdahin e me keleng ate, erpalas ku bas si ngena ate Dibata (ay 9-10). Tempas Dibata/pendahin Dibata teridah i bas lagu langkah, i bas pendahin kalak Kristen. Pemeteh, pendahin, buaten lit jadi persembahen si nggeluh man Dibata, tama guna kiniulin geluh teman manusia.
- Erdahinlah alu ratur bagi Dibata ratur ndahiken dahinNa. Nina Rasul Paulus man Perpulungen Korinti “Sebab Dibata labo Dibata kinilaraturen, tapi Dibata kiniraturen” (1 Kor 14: 33a). Erdahin alu ratur, alu tutus, lit kaitenna ras displin erdahin. Displin erdahin ertina lit pengaturen dahin (profesi), pengaturen dahin keluarga, dahin adat, dahin gereja, ras dahin masyarakat. Terjadwal, teragenda kerina dahin-dahin. Bage me maka ratur kerina dahin, janah ulih pendahin pe mehuli, mereken keriahen ukur (kemalemen ate) i bas ndahiken dahin. Pengaturen dahin ras displin ndahiken dahin engkurangi stress i bas ndahiken dahin, janah jadi pintu masuk untuk maju. Labo lit kemajun tanpa erdahin. Labo lit kemajun adi la displin nggeluh, la displin i bas erdahin E maka tutuslah erdahin. Ergiah-giahlah ukurndu i bas ndahiken dahin Tuhan (ay 11).
III. PENGKENAINA
- Mamre selaku Kepala Rumah Tangga selaku Imam i tengah-tengah jabu e me teman/aron Dibata, wakil Dibata i bas nehken tanggung jawabna. E maka Mamre arus displin i bas nehken tanggung jawab e. Mamre si displin e me Mamre si tutus, si setia i bas tanggung jawab. Displin e me pintu masuk guna maju, maju i bas ka pe, i bas dahin, i bas jabu, i bas kiniteken. Membiasaken displin erbahan geluh i bas keriahen ras dem pasu-pasu. Warga Gereja arus displin, e maka lit Tata Gereja, P2PRT Mamre, janah adi la displin tentu lit penggembalaan/pengepkepen gelah tetap displin. Mamre si displin sangana ndalani geluhna ku bas kemajun. Lit keriahen ibas jabu, gereja ras masyarakat adi Mamre nggeluh i bas kedisplinan. Ula stres erkiteken displin tapi jadi keriahen.
- Kai pe profesi sekalak Mamre e me pemere Tuhan, kerina dahin e me pendilo/panggilan Tuhan (talenta si ibereken Dibata). Tutus I bas dahinta/profesinta e me pelayanenta man Tuhan. E maka tutus melayani Tuhan ertina pe tutus i bas dahinta/profesinta. E maka ula sipertentangken dahinta/profesinta ras dahin Tuhan/Gereja. Kerina kita Pelayan Tuhan (Jemaat/Mamre e me Pelayan, Pt/Dk ras Pandita e me Pelayan Khusus janah Pandita e me Pelayan Khusus Penuh Waktu = PKPW). Jadilah Mamre si tutus (displin), jadi Pelayan Tuhan si tutus (displin) i bas dahinna (profesina), i bas jabuna, i bas gereja ras i bas masyarakat. Majulah Mamre GBKP, Tuhan Yesus masu – masu.
IV. DISKUSI
- Oge mulihi Roma 12 11! Ngkai kin maka banci la ergiah-giah ukurta ndahiken dahin Tuhan? Mari sidiskusiken!
- Bereken contoh-contoh tutus ate (displin) i bas dahin: jabu, gereja ras masyarakat
V. USULEN ENDE-ENDEN
- KEE GBKP No. 20: 1, 3.
- KEE GBKP No. 25: 1.3.
- KEE GBKP No. 68: 1, 2.
- KEE GBKP No. 86: 1,3.
- KEE GBKP No. 102: 14.
Alm. Pdt Simon Tarigan S.Th