MPELAJARI, MAKEKEN RAS NGAJARKEN
Esra 7:6-10
(Tata Gereja: Pengenalan dan memiliki Tata Gereja)
7:6 Ezra ini berangkat pulang dari Babel. Ia adalah seorang ahli kitab, mahir dalam Taurat Musa yang diberikan TUHAN, Allah Israel. Dan raja memberi dia segala yang diingininya, oleh karena tangan TUHAN, Allahnya, melindungi dia. 7:7 Juga berangkat pulang ke Yerusalem beberapa rombongan orang Israel dan imam, orang Lewi, penyanyi, penunggu pintu gerbang dan budak di bait Allah pada tahun ketujuh zaman raja Artahsasta. 7:8 Lalu tibalah ia di Yerusalem pada bulan kelima, yakni pada tahun ketujuh zaman raja itu. 7:9 Tepat pada tanggal satu bulan pertama ia memulai perjalanannya pulang dari Babel dan tepat pada tanggal satu bulan kelima ia tiba di Yerusalem, oleh karena tangan murah Allahnya itu melindungi dia. 7:10 Sebab Ezra telah bertekad untuk meneliti Taurat TUHAN dan melakukannya serta mengajar ketetapan dan peraturan di antara orang Israel.
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU/ PERPULUNGEN JABU
RENDE KEE No. 374:1-2 (IBABAI SIMADA JABU)
Jesus ulu kegeluhenku, Kam me ngenca pengendesenku
Lalap tedeh ate pusuhku, ‘ku pehaga Kam ‘bas geluhku
Reff: O Tuhan pernehen pusuhku
Si ertedeh ate man baNdu
Ku gelem pedah ras padanNdu
Ku sembah Kam i bas geluhku
(Diberu)
“Ku sembah Tuhan Penebusku, si mereken kekelengenNa
(Dilaki) Alu tutus reh aku Tuhan, ras kerina isi jabungku
(kerina) Reff: …
ERTOTO (IBABAI SIMADA JABU)
RENUNGEN
Teks : Esra 7:6-10 (iogeken bapa/nande)
Tema : Mpelajari, Makeken Ras Ngajarken
Segedang geluh, ija pa pe kita perlu tetap erlajar bage pe ngajar. Terlebih i tengah-tengah perpulungen, kerina kita ngawan ni perpulungen perlu erlajar dingen ngajar alu tujun gelah reh bagesna kegeluhenta rurat i bas Kristus, turah dingen erbuah. I bas proses erlajar ras ngajar e, la banci lang Pustaka Si Badia me jadi gelementa si pemena ras terutama. Mbue dingen erbage pengajaren si dat arah Pustaka Si Badia, janah salah sada e me kap kerna aturen-aturen geluh man banta anak-anak Tuhan.
Kerna aturen si lit bas gerejanta GBKP, salah sada e me Tata Gereja. Gunana Tata Gereja e me lako mbangun kegeluhen perpulungen sue ras kai isukaken Dibata jine man banta. E maka, Tata Gereja nta GBKP isusun erpalasken Pustaka Si Badia sabap arah Pustaka Si Badia me si dat kai sura-sura/peraten Dibata. Erpalasken nilai-nilai kebenaren si lit i bas Pustaka Si Badia, Tata Gereja terlitken alu engkawitkenca ras kajian-kajian pengalamen kegeluhen erkiniteken bage pe ras sisi gereja secara organisasi. Erkiteken si e, Tata Gereja e kumpulen aturen si tersurat, si esah i bas GBKP, lako jadi alat pelayanen guna menata gerejanta GBKP i bas ndalanken misi Dibata. Sebage ‘alat’, tentu alat e meherga adi erfungsi dingen erguna. Bage me pe Tata Gereja meherga adi tujunna ipakeken guna nehken sura-sura ntah pe peraten Dibata.
Tanggungjabab kerina ngawan perpulungen raduken serayan Tuhan me guna njaga ras ndalanken Tata Gereja e gelah kegeluhen gerejanta ratur. Sabap, bagi bangsa Israel, ibere Dibata undang-undang alu tujun gelah ratur kegeluhen bangsa e. E maka, penting sada pengidahta bas GBKP enda maka Tata Gereja GBKP labo terjeng si kerajangen ntah pe jadi perhatin serayan Tuhan (Pandita, Pertua, Diaken, Emeritus) ngenca. Tapi, kerina ngawan perpulungen perlu meteh, melajari, ras ngajarken (siajar-ajaren) kerna isi Tata Gereja e. Bagi Esra bas pengogenta, gelgel nari enggo tutus kal ate Esra melajari Undang-undang TUHAN, bage pe makekenca i bas geluhna, dingen ngajarken pedah ras peraturen-peraturen si lit i bas Undang-undang e man bangsa lsrael (ay.10). Lit lah min Tata Gereja i bas kita kerina ngawan perpulungen GBKP, sada gia teptep jabu. Sioge-oge isina, i ja batang belinna ibagi ku bas telu bagin e me Pembukaan, Tata Dasar, ras Tata Laksana. Si pelajari i bas perpulungen, bage pe bas jabunta, janah tentu jenari sipakeken ka. Si patuhi aturen-aturen si lit i bas Tata Gereja GBKP gelahna ratur perdalinen kegeluhen perpulungenta, reh ruratna kegeluhenta i bas Kristus, mehuli perturahna kinitekenta, jenari erbuah. Bagi Esra, meganjang dingen mbages kal pemetehna kerna undang-undang si enggo ibereken TUHAN Dibata Israel man Musa (ay.6a). Undang-undang e me lima na kitap si pemena i bas Padan Si Ndekah, ntah pe bagin-bagin si isina perentah-perentah si runut kerna cara ersembah man Dibata, bagi si tersurat i bas kitap Keluaren, Imamat, ras Ulangen. E maka, ratur kegeluhen bangsa Israel e. Dage, mari sipelajari, sipakeken, dingen siajarken (siajar-aja ren) Tata Gereja GBKP e. Amin
NURIKEN PENGGEJAPEN:
Si mada jabu (bapa/nande) bage pe sekalak serayan Tuhan.
SHARING & AKSI
- Turiken kai saja pengangkanta kidekah enda menyangkut Tata Gereja GBKP.
- Litkenlah Buku Tata Gereja GBKP bas jabunta masing- masing, alu ratur si oge, si pelajari, si pakeken, dingen siajar-ajarenlah bas perpulungenta kerna Tata Gereja GBKP!
PERSEMBAHEN:
RENDE KEE No, 450: 1,3 (ibabai anak)
Endesken kami man baNdu, sada bagin penereNdu
Persembahen kami baNdu, gelah ialokenNdu
Reff: Pasu-pasu Ndu min gelah, si tading i bas kami
AjariNdu dage kami, m’re persembahen baNdu
K’rina jine si aloken, erta ras pe kiniliten
Sada bagin si ulihken, asa si ‘nggo sikapken Reff: …
PERTOTON SAPAAT
• Notoken gelah kerina ngawan perpulungen GBKP nggejapken Tata Gereja jadi sada kebutuhen sebage alat pelayanen i tengah perpulungen (ibabai sekalak bapa/nande/anak)
• Notoken gelah Majelis Runggun/BPMR secara konsisten jadi usihen i bas mpelajari ras makeken Tata Gereja dingen mere motivasi man ngawan perpulungen gelah makeken Tata Gereja (ibabai Pdt/Pt/Dk/Em)
• Persembahen, si turah i bas perpulungen, si mada jabu, tuan/nyonya rumah PJJ minggu si reh.
RENDE
KEE No. 249: 1,5
Ajar aku O Tuhanku, make kata ras pedahNdu
Kueteh payo ras sentudu, ‘ku ikutken bas geluhku
Reff: Si ngikut pedah Dibata, daten me kerembaken Na
Pedah kata tangkas k’rina, em jadi gelementa
Mata ukur nare baNa, gelah peratenNa siangka
Adi g’luhta ikepkepNa, tentu malem kal ateta Reff: ..
PERTOTON TUHAN (BABAI PDT/PT/DK/EM)
Adi kebaktin PJJ ilakoken secara mandiri i bas jabu, Pertoton Tuhan banci ibabai bapa/nande/anak)
MOMO
C. JEDA RAS PENUTUP
Pdt. Theodosius Keliat, M.Th.
HP/WA: 081262440044