JESUS NURUH SI ERDAHIN GUNA MPERANISA
Lukas 10: 1 – 10
Yesus mengutus tujuh puluh murid10:1 Kemudian dari pada itu Tuhan menunjuk tujuh puluh murid yang lain, lalu mengutus mereka berdua-dua mendahului-Nya ke setiap kota dan tempat yang hendak dikunjungi-Nya.
10:2 Kata-Nya kepada mereka: “Tuaian memang banyak, tetapi pekerja sedikit. Karena itu mintalah kepada Tuan yang empunya tuaian, supaya Ia mengirimkan pekerja-pekerja untuk tuaian itu.
10:3 Pergilah, sesungguhnya Aku mengutus kamu seperti anak domba ke tengah-tengah serigala.
10:4 Janganlah membawa pundi-pundi atau bekal atau kasut, dan janganlah memberi salam kepada siapapun selama dalam perjalanan.
10:5 Kalau kamu memasuki suatu rumah, katakanlah lebih dahulu: Damai sejahtera bagi rumah ini.
10:6 Dan jikalau di situ ada orang yang layak menerima damai sejahtera, maka salammu itu akan tinggal atasnya. Tetapi jika tidak, salammu itu kembali kepadamu.
10:7 Tinggallah dalam rumah itu, makan dan minumlah apa yang diberikan orang kepadamu, sebab seorang pekerja patut mendapat upahnya. Janganlah berpindah-pindah rumah.
10:8 Dan jikalau kamu masuk ke dalam sebuah kota dan kamu diterima di situ, makanlah apa yang dihidangkan kepadamu,
10:9 dan sembuhkanlah orang-orang sakit yang ada di situ dan katakanlah kepada mereka: Kerajaan Allah sudah dekat padamu.
10:10 Tetapi jikalau kamu masuk ke dalam sebuah kota dan kamu tidak diterima di situ, pergilah ke jalan-jalan raya kota itu dan serukanlah:Iutus Jesus pitu puluh kalak ajar-ajarNa
10:1 Kenca si e, ipilih Tuhan pitu puluh kalak nari jadi ajar-ajarNa. Ajar-ajar enda ndai isuruhNa dua-dua kalak sendalanen ngelebei IA ku kerina kuta ras ingan si minter ateNa idahiNa.
10:2 Nina Jesus man kalak e, “Mbelang si man peranin, tapi kurang si ranisa. Dage, ertotolah man si Mada peranin e, gelah isuruhNa si erdahin guna mperanisa.
10:3 Berkatlah! Kusuruh kam lawes bagi anak biri-biri ku tengah-tengah serigala.
10:4 Ola baba dompet, gajut-gajut, ntah sepatu, ola kam ngadi i tengah dalan guna ercakap ras kalak.
10:5 Adi bengket kam ku bas sada rumah katakenlah lebe, ‘Dame man isi jabu enda.’
10:6 Janah adi lit i bas rumah e kalak si ngarapken dame, maka dame si isehkenndu ringan i bas ia. Tapi adi la lit, dame si isehkenndu mulih man bandu.
10:7 Kesilanglah i bas rumah e, pan dingen inemlah kai si iberekenna man bandu, sabap kalak si erdahin patut kap dat upah. Ola sambar-sambar inganndu kesilang.
10:8 Adi bengket kam ku sada kuta janah i je ialo-alo kalak kam, panlah kai si iberekenna man bandu;
10:9 janah pepalemlah kalak si penakiten i je. Kataken pe man anak kuta e, ‘Kinirajan Dibata enggo ndeher ku tengah-tengahndu!’
10:10 Tapi adi bengket kam ku sada kuta janah i je la kam ialoken kalak, laweslah kam ku pasar-pasar, jenari momokenlah,
JESUS NURUH SI ERDAHIN GUNA MPERANISA
Lukas 10: 1 – 10
(GBP GBKP: TIM PI)
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU/ PERPULUNGEN JABU
- Rende KEE No. 254: 1 (ibabai Bapa)
Reff: Isuruh Dibata sikeleng-kelengen
Sisampat-sampaten asa kengasupen
Mbue me kap tuhu si man bahanenta
Radu ras kerina kita ndahikenca
Palasta nampati em ate mekuah
Ngusih Tuhan Jesus enggo kap nampati
Meriah ukurta adi teman pulah
Masap kebiaren, je dat ate jadi
Reff: …
- Ertoto (ibabai nande)
- Renungen
Teks : Lukas 10: 1-10 (ibabai bapa)
Tema : Jesus Nuruh si Erdahin Guna Mperanisa (GBP TIM PI)
Dahin erBerita Si Meriah (PI) tetap denga silakoken, la banci singadiken janah kin pe arus siterusken selaku ajar-ajarNa sue ras Amanat Agung Jesus: “Laweslah ku keringa bangsa manusia, bahanlah ia jadi ajar-ajarku; peridiken ia i bas gelar Bapa, gelar Anak ras gelar Kesah si Badia…” (Mat. 28: 19). Bage pe Visi GBKP 2010-2030: GBKP Aron Dibata guna jadi Pasu-pasu man isi doni (1 Kor. 3:9; 1 Pet. 2: 9-10). Tole pe maka dahin erBerita Si Meriah enggo iaturken i bas GBP GBKP kerna Tim Pekabaran Injil. Erpalasken si e maka kerina ngawan ni perpulungen tetap radu ras ertanggung jabab muat bagin nehken tugasna sue ras bidang pendahin rikutken konteks i ja pa pe ia ringan dingen katawari paksa pe, sabap er-PI e labo dahin serayan ngenca ntahna tugas Tim PI saja.
Jenari kerna dahin erBerita Si Meriah/PI, enda pe enggo isuratken i bas Garis-garis Besar Pelayanen GBKP BAB I, subuk kerna palasna, prinsipna bage pe tujun/sasaran programna. Isingetkern ije:
1) Ekklesiologi adalah pemahaman gereja mengenai jati dirinya/identitasnya sebagai tubuh Kristus yang melaksanakan keselamatan Allah di dunia.
2) GBKP hidup dan melayani dalam konteks budaya Karo. GBKP adalah pelaku utama yang melaksanakan misiNya sesuai karunia Roh Allah untuk melaksanakan pelayanan baik secara mandiri maupun secara bersama.
Pitu puluh kalak ajar-ajar si iutus Jesus tentu saja labo kalak si mbaru denga dung ingawanken ntah nderbih denga jumpa/nandai, ngidah ntah nggejapken kai tanda-tanda sengget si enggo ibahan Jesus. Ertina si pitu puluh kalak e e me jelma si tuhu-tuhu “mengimani” kuasa Jesus nge maka meriah kal ukurna ngueken perentah Jesus e.
Engkai maka arus pitu puluh kalak si pilih ras iutus Jesus? I bas tradisi bilangen kalak Jahudi maka angka pitu e me angka si nuduhken kinisertan/kuh. Jelma si enggo tek man Jesus seh kal teremna janah “layak” guna ipilihNa, (bdk. lima ratus kalak si ibere man). Piga piga ahli tafsir Pustaka ngatakenca maka banci saja Jesus terinspirasi arah sepulu dua beligan suku bangsa Israel, sepulu dua kalak ajar-ajarNa si pemena, jenari pitu puluh kalak “tua-tua Israel” (bdk. Kel. 24:1, 9); sepulu dua kalak siterpilih guna sinampati Musa minpin bangsa Israel; sepulu dua mata lau i Elim janah lit ije pitu puluh batang kurma (bdk. Kel. 15: 27) bage pe enem wari Dibata nepa doni janah wari si pepituken Dibata pekesahken (bdk. Kej. 2:2).
Piga-piga hal menarik perlu si perdiateken arah oratenta sendah, e me:
• Jesus milih si erdahinNa tentu alu la rayo-ayo, labo kalak si lit sekolahna, mbue ertana, terpandang ka ia ntah erkiteken alu “sistem voting”. Tapi si ipilihNa e me kalak si ersikap dingen ermeriah ukur janah nggit.
• Lit pesan khusus i bas Jesus nari bana kerina, e me:
a. Mbelang si man peranin, nuduhken kuga belangna wilayah kerja si erdahin; kuga enteremna jelma si arus iselamatken/ngaloken Berita Si Meriah (Injil) e. E maka si erdahin e pe arus enterem ka.
b. Ertotolah man si mada peranin. Gegeh pertoton e me asam si erdahin. Alu ertoto, si erdahin tetap lit i bas komitmenna, paguh i bas kiniteken dingen setia erpengarapen.
c. Tetap metenget i bas pendahin. Melala imbang si merawa si man alanken, bagi pemerintah/penguasa doni, kalak jahat, kuasa iblis si la teridah pe.
d. Ula maba perbekalen kai pe sabap megati e erbahanca si erdahin meganjang ukur, repot, gagal fokus ras terganggu i bas erdahin. Ertina ula erkiteken taren ngukuri keperlun doni/kula (aminna e perlu) tapi lit lebih penting si arus iutamaken ajar-ajar.
e. Ula lupa nehken “salam” nandangi jelma si ijumpai sabap e bagin ras cara Dibata i bas masu-masusa.
f. Tetap “konsisten” i bas ndalanken tugas erBerita si Meriah e seh asa dung.
g. Ula milih-milihi ingan er berita tapi siari kerina ija lit jelma tapi ula paksaken.
h. Alokenlah pemere kalak alu dem pengataken bujur, ula paksaken.
i. Persingeti dingen ajari kalak gelah robah ras jera, sabap “Kinirajan Dibata enggo ndeher kutengah-tengahndu”.
Semalna adi sekalak guru nuruh ajar-ajarna guna ndahiken sada-sada dahin, em ngatakenca maka guru e mereken perentah si arus idahiken alu tutus/ipertanggungjababken. Mehaga min akap ajar-ajar e i bas ia ngaloken persuruhen guruna, alu bage “fokus dingen serius” min ia ndahikenca seh asa dung.
- Nuriken Penggejapen (iaturken i bas sektor)
- Diskusi (lbabai Pengurus)
• Sue ras oratenta, i bas konteks perpulungen GBKP, model-model er Pl si kuga nge akapndu si “mejile/payo” guna si terapken jadi programta i bas gerejanta enda?
• Nina Jesus: “Mbelang si man peranin, tapi kurang si ranisa”. Ise saja nge akapndu si metunggungna isuruh erBerita Si Meriah e?
- Nehken Persembahen iher rende KEE No. 289: 1-3
Lalap si kataken bujur, beritaken kemulianNa
Mbelin pemereNa banta, puji gelarNa
Reff: Dibata kap cilinggementa malem ateta
Tuhan Dibata penalementa,
Penanam-nanam bas geluhta
K’leng ate Na kapen nusur, lalaplah ngataken bujur
Ingetlah pedahNa rusur, segedang umur Reff: …
Adi seh sura-suranta, labo e perban gegehta
Maka ula kita lupa, IA m’rekenca Reff:…
- Pertoton Persembahen ras Sapaat (ibabai serayan)
- Rende KEE No.257: 1
Reff: Si beritaken Berita Si Meriah
Ku kalak latih si ndele ntah pe lolah
Bas si la payo kerina banci robah
Adi Dibata si m’reken serpang luah
Enterem denga kalak si kelsehen
Perbahan jumpa rusur kebiaren
Piah lanai bo teh na pe tumburen
Ndaram-ndarami ingan man tundalen - Pertoton Tuhan (ibabai nande)
- Momo arah Pengurus/Serayan nari
C. JEDA RAS PENUTUP
Pdt. Yosfran P. Sembiring, S.Th., M.M.
HP/WA: 081370586230