IRANGGUT DINGEN IPERSADA
Epesus 4:7-16
(Sinergi dan Kolaborasi SDM Gereja)
4:7 Tetapi kepada kita masing-masing telah dianugerahkan kasih karunia menurut ukuran pemberian Kristus. 4:8 Itulah sebabnya kata nas: “Tatkala Ia naik ke tempat tinggi, Ia membawa tawanan-tawanan; Ia memberikan pemberian-pemberian kepada manusia.” 4:9 Bukankah “Ia telah naik” berarti, bahwa Ia juga telah turun ke bagian bumi yang paling bawah? 4:10 Ia yang telah turun, Ia juga yang telah naik jauh lebih tinggi dari pada semua langit, untuk memenuhkan segala sesuatu. 4:11 Dan Ialah yang memberikan baik rasul-rasul maupun nabi-nabi, baik pemberita-pemberita Injil maupun gembala-gembala dan pengajar-pengajar, 4:12 untuk memperlengkapi orang-orang kudus bagi pekerjaan pelayanan, bagi pembangunan tubuh Kristus, 4:13 sampai kita semua telah mencapai kesatuan iman dan pengetahuan yang benar tentang Anak Allah, kedewasaan penuh, dan tingkat pertumbuhan yang sesuai dengan kepenuhan Kristus, 4:14 sehingga kita bukan lagi anak-anak, yang diombang-ambingkan oleh rupa-rupa angin pengajaran, oleh permainan palsu manusia dalam kelicikan mereka yang menyesatkan, 4:15 tetapi dengan teguh berpegang kepada kebenaran di dalam kasih kita bertumbuh di dalam segala hal ke arah Dia, Kristus, yang adalah Kepala. 4:16 Dari pada-Nyalah seluruh tubuh, –yang rapih tersusun dan diikat menjadi satu oleh pelayanan semua bagiannya, sesuai dengan kadar pekerjaan tiap-tiap anggota–menerima pertumbuhannya dan membangun dirinya dalam kasih.
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU / PERPULUNGEN JABU
RENDE KEE No. 313: 1 (Ibabai Simada Jabu)
Pulung m’riah kal kami kerina, jumpa i bas rumah si badia
Reh min kam o, Bapa Si Mulia, g’lah kerina badia jadina
Salsali pusuh kami, layasi ukur kami
Pengarapen reh teguhna, kiniteken reh paguhna
ERTOTO (ibabai Bapa)
RENUNGEN
Teks: EPESUS 4:7-16
Tema: IRANGGUT DINGEN IPERSADA
Renungen PJJ-nta sendah enda, nuriken kerna konsep kiniersadan kula si isehken Paulus man perpulungen i Epesus. Surat si kirim Paulus i bas penjara nari enda, la terlepas arah situasi perpulungen si tetap aktif nembah man dewi Artemis si igelari dewi kesuburen. E maka ikirimken Paulus surat enda sebage nasehat, perintah ras himbauan segelah perpulungen tetap ersada ras Kristus, sabap alu bage me perpulungen enda banci ertahan i bas meterna angin pengajaren si papak si reh
Natsta sendah si tuhuna mabai kita ku bas dua tingkaten kerohanin si penting i bas kegeluhen kalak si erkiniteken, e me:
- Tingkat kedewasan Kristus.
Tingkat kedewasan Kristus si maksudken Paulus jenda, labo sebatas enggo ngaloken pendilo Kristus e saja, tapi teridah arah ersadana kinitekenta ras penandaita nandangi Anak Dibata (ay.13). I bas ayat 1 pe si tuhuna enggo i turiken Paulus “kam enggo idiloNa. …Pendilo e teridah arah ukur simeteruk, lemah lembut, saber, ras la pergelut (ay.2)”. E maka i bas ay. 7 iturikenna tole maka Dibata enggo mereken kengasupen si khusus sue ras baginta erpalasken lias ateNa. Deba ibahanNa jadi rasul, deba jadi nabi; deba jadi perBerita Si Meriah, lit deba jadi mpermakani perpulungen ras guru-guru (ay. 11). Aminna tugas dahin-dahin si ibereken Dibata e pelain-lain, tapi tujunna sada nge, e me gelah kerina anak-anak Dibata sikap ndahiken dahinna guna majekken kula Kristus (ay.12). Em si erbahanca kita seh ku tingkat kedewasan Kristus si serta e. I bas tingkat e, kita lanai bali ras bali ras anak-anak si banci i ombang-ambingken ntah i jole-joleke ku jah ku je alu angin pengajaren kalak penebu-nebuna si guak (ay.14). Kita enggo dewasa secara rohani si enggo iperlengkapi alu pengertin si payo. - Tingkat kesempurnan Kristus.
Kenca seh i bas tingkat kedewasan Kristus si serta e, kita I ajuk guna terus nuriken si tuhu-tuhu alu dem keleng ate si erbahanca kita dungna reh belinna (semakin dewasa) janah maba kita ku tingkat kesempurnan Kristus (ay.15). I bas tingkat enda, kita enggo ersada ras Kristus e (la terpisah) Kristus e me takal janah kita me kulana, janah ku lA me kerina kula e i rakut janah i persada alu penampat urat si lit i bas ringring e (ay.16). Kerina enda njadiken kita jadi sikerajangen Kristus si nerapken kita secara khusus man gunaNa.
E maka kita kerina warga GBKP, subuk perpulungen, pengurus ras serayan arus ersada. kita iranggut dingen ipersada (tema) guna banci bersinergi (bergabung) ras berkolaborasi (kerja sama) guna majekken kula ni Kristus si paguh i bas GBKP. Aminna la seri i bas tugas ras tanggungjabab, terlebih-lebih pelain-lain i bas pendahin (profesi) bage pe talenta (kengasupen) tapi kerina enda jadi kebayaken ras keuntungen/kekuaten man GBKP si erbahanca banci kita saling melengkapi i bas kekurangen bage pe i bas kelebihenta, alu bage pelayanen gerejata pe reh ulina. E maka alu penampat urat si lit i bas kula e, kerina kita ngawan GBKP i ranggut dingen ipersada guna jadi tan Dibata i bas pekena-kena doni enda. Selamat meningkatken dirinta ku tingkat kedewasan ras kesempurnan Kristus.
NURIKEN PENGGEJAPEN
• SIMADA JABU
• BAPA
• ANAK
DISKUSI
- Kai nge maksud Paulus kerna tingkat kedewasan Kristus ras tingkat kesempurnan Kristus?
- Turiken, i bas kai-kai saja nge kita (perpulungen, pengurus ras serayan) enggo i ranggut dingen i persada i bas sector bage pe runggun ta?
PERSEMBAHEN:
RENDE KEE No. 289: 1, 2
Lalap sikataken bujur, beritaken kemulianNa
Mbelin pemereNa banta, puji gelarNa
Reff: Dibata kap cilingementa, malem ateta
Tuhan Dibata penalementa
Penanam-nanam bas geluhta
K’leng ateNa kapen nusur, lalaplah ngataken bujur
Ingetlah pedahNa rusur, segedang umur
Reff:..
PERTOTON SAPAAT RAS PERSEMBAHEN (ibabai nande)
• Notoken gelah kerina ngawan GBKP banci bersinergi ras berkolaborasi guna kemajun gerejanta.
• Notoken persembahen, si mada jabu
• Si turah i bas perpulungen.
RENDE KEE No. 209:2
Gereja Kristen sikaplah, ersada paguhlah
Ersada ukur min i bas, Dibata Bapanta
Peturah kiniteken pe, ras dame k’rinalah
Ras sikeleng-kelengenlah, ngikutken Tuhanta
PERTOTON TUHAN (ibabai sekalak Serayan)
MOMO
C. JEDA RAS PENUTUP
Pdt. S. Jonathan Meliala, M.Th.
HP/WA: 082368627229