Keselamaten/Kerajaan Dibata
Ogen : Matius 25: 31-40
Tema : Kelengi Dibata alu ngkelengi manusia
Tujun : Gelah Saitun:
- Meteh maka kiniteken si payo arus teridah arah perbahanen.
- Niksiki si lit i bas ia guna ibereken man kalak sideban (sitertindas, ngenanami kiniseran, musil, sakit) gelah ernahangna baban geluhna.
25:31 “Apabila Anak Manusia datang dalam kemuliaan-Nya dan semua malaikat bersama-sama dengan Dia, maka Ia akan bersemayam di atas takhta kemuliaan-Nya. 25:32 Lalu semua bangsa akan dikumpulkan di hadapan-Nya dan Ia akan memisahkan mereka seorang dari pada seorang, sama seperti gembala memisahkan domba dari kambing, 25:33 dan Ia akan menempatkan domba-domba di sebelah kanan-Nya dan kambing-kambing di sebelah kiri-Nya. 25:34 Dan Raja itu akan berkata kepada mereka yang di sebelah kanan-Nya: Mari, hai kamu yang diberkati oleh Bapa-Ku, terimalah Kerajaan yang telah disediakan bagimu sejak dunia dijadikan. 25:35 Sebab ketika Aku lapar, kamu memberi Aku makan; ketika Aku haus, kamu memberi Aku minum; ketika Aku seorang asing, kamu memberi Aku tumpangan; 25:36 ketika Aku telanjang, kamu memberi Aku pakaian; ketika Aku sakit, kamu melawat Aku; ketika Aku di dalam penjara, kamu mengunjungi Aku. 25:37 Maka orang-orang benar itu akan menjawab Dia, katanya: Tuhan, bilamanakah kami melihat Engkau lapar dan kami memberi Engkau makan, atau haus dan kami memberi Engkau minum? 25:38 Bilamanakah kami melihat Engkau sebagai orang asing, dan kami memberi Engkau tumpangan, atau telanjang dan kami memberi Engkau pakaian? 25:39 Bilamanakah kami melihat Engkau sakit atau dalam penjara dan kami mengunjungi Engkau? 25:40 Dan Raja itu akan menjawab mereka: Aku berkata kepadamu, sesungguhnya segala sesuatu yang kamu lakukan untuk salah seorang dari saudara-Ku yang paling hina ini, kamu telah melakukannya untuk Aku.
- BENA KATA
Manusia selaku tinepa Dibata si sentudu ras tempasNa, bage pe selaku mahluk sosial labo ngasup nggeluh guna dirina jine. Tep-tep manusia pasti lit kekurangenna ras lit ka kelebihenna alu bage maka setiap manusia iperluken kalak sideban ras memerluken kalak sideban. Setiap manusia perlu penampat maka arus ka nampati, perlu ikelengi ras arus pe engkelengi.
- MPEBAGESI OGEN
Ayat 31-32: I bas kerehen Tuhan Yesus peduakaliken ije pagi masa penghakiman, jelma sienterem ibagi dua terpuk eme biak kambing ras biak biri biri. Tuhan Yesus pagi jadi hakim simenentuken apai arah kawes apai arah kemuhen, bagi permakan mpeserap biri biri i bas kambing nari.
Ayat 33: Biri biri arah kemuhen, sibiakna igambarken kalak si lit i bas Yesus dingen patuh perintahNa la mesera man katanken, patuh perintah Tuhan. Kinitekenna erbuah, teridah arah perbahanenna arah ia ncidahken kekelengen. Emaka i bas wari pendungi iperanina ulihna, bengket ia kubas kinirajan si kekal sisikapken Tuhan.
Ayat 35-36: Tuhan Yesus memposisiken diriNa bagi kalak si musil, si sakit si i bas penjara, sila ersima sima, simesera baban geluhna. Emaka gambaren siibahan Yesus enda, ise kalak si mpekena-kena kalak simesera geluhna, perbahanenna e bali ras perbahanen man Tuhan Yesus. I bas wari pendungi pagi lit ulihna. Emaka adi ateta ndatken kegeluhen sirasalalap, genduari nari lah sibenaken ncidahken kekelengen man kalak sibutuh pertolongen, bagi kalak simusil, kalak sakit, kalak si i bas penjara. Yesus e labo nari banci siidah, tapi genduari wujutna i bas kalak simesera geluhna.
- PENGKENAINA
Bagi ibu Teresia mpekena kena kalak si mesera geluhna I India, lit kalak nungkun bana ngkai maka kam nggit mbaluti ugah kalak enda lange atendu ciga? ljawab ibu Teresia alu singkat nina: Lit kuidah ayo Yesus i bas ayo kalak enda. Kai kubahan man kalak simeteruk enda, e kap perbahanenku man Tuhan Yesus.
Bageme i bas pusuhna maka semangat kal ia erbahan simehuli man kalak silabo itandaisa. Tentu adi bage penggejapenta kalak Kristen enggo pasti nggit kita muat bagin i bas pekena kena kalak si man sampaten. Sebab kai siibahan kita man kalak simeterukna e berarti perbahanenta man Yesus Tuhanta. Emaka marilah kita muat bagin jadi kalak sierguna man kalak sienterem terutama man kalak simesera baban geluhna. Sabab kai pe si ibahan kita labo pernah percuma, sebab e buah kinitekenta, i bas sada paksa pepagi sialoken ulihna.
Lit sada turi turin kalak Kristen ernipi. Nipina idahi Tuhan Yesus ia, nina Tuhan Yesus bana, Aku pagi reh ku rumahndu guna masu masu kam sada jabu. Emaka pagi ula kam kuja pa pe gelah jumpa kita pagi irumah enda.
Payo i bas wari siikataken Yesus e la ia kujapa pe, ia sikap irumah nikapken jamuan makan sipaling istimewa guna ngalo ngalo Yesus. Mulai erpagi pagi lampas enggo ia sikap tah katawari kari Yesus e reh bage atena.
Jam 9 erpagi pagi reh sekalak si pentang pake tongkat, nina man sipentang to lawes kam, sekale reh tamungku simehaga ula kam je dongkel kam kari je. Emaka lawes me sipentang e alu ayo berjut.
Jam 12 ciger reh ka sekalak simesera kal geluhna uisna melket merigat, bauna pe la sikap, pindona nakan sebab melihe kal ia, emaka nina simada jabu e ula kam ku rumah, reh temuengku sekale kalak mehaga labo banci kubuat nakan sienggo ku sikapken e kubere bandu lanai kari akap tamungku ndai ia ipehaga, laweslah kam ku rumah sideban. Emaka lawes ka kalak simusil ndai alu ayo ringut.
Jam 3 karaben reh ka sekalak si kertang kertang, pucat erkiteken ndekah sakit, nina: mekuah atendu aku, istirahat ateku rumahndu enda sada berngi kote kal aku sangana. Emaka nina simada rumah e: kentisik nari reh temuengku simehaga idahna kam kari ijenda mela aku, to kurumah kalak ah kam istirahat, mulih ka kalak sakit enda ndai alu iluh mambur.
Timai ngayak gelap lanai ise pe reh, jamuan makan si istimewa ndube pe ise pe la manca erkiteken enggo mali. Telu wari berikutna reh Yesus kurumahna.
Ngeran simada rumah e nina Kam la tepat waktu Yesus, kutimai timai kam rikutken janjindu tapi labo kam reh.
Nina Yesus njababsa telu kali Aku reh ku rumahndu tupung wari kujanjiken e, jam 9 jam 12 jam 3 karaben tapi telu kalina Aku ipelawesndu alu iluh mambur. Nina simada rumah e jam 9 lit sireh eme kalak pentang, jam 12 reh kalak meser geluhna, 3 reh kalak si sakit pucat, tapi kam lalit kuidah reh, nina man Yesus janah merampus. Emaka Nina Yesus ngaloi: Kalak pentang si reh e, ras klk mesera e, bagepe kalak si sakit si reh e, Aku kap e. Tapi itulakndu Aku irumahndu,
- PERTOTON
O Tuhan berekenNdu gegeh man kami, gelah mediate kami nandangi kalak simesera baban geluhna, dingen nggit kami muat bagin nampatisa, gelah ndarat kalak simesera i bas kiniseranna nari. Amin.
- DISKUSI
- Lit jadi kuan kuan i bas kalak Karo nina, Salah banana lepak pendungina. Kai nge ertina adi kaitken ras wari pendungi?
- Kai nge ndi sibahan i bas geluhta gelah malem ateta i bas kinituanta, dingen kune nadingken doni enda pe labo kita mbiar?
Pdt Diman Ginting/08126350496
Hidup itu sederhana, yang rumit itu
cara berpikir kita. Hidup itu murah,
yang mahal itu gengsi kita. Hidup
itu indah, yang semrawut itu pola
fikir kita. Rejeki dari Allah itu pasti
cukup untuk hidup, tetapi tidak
pernah cukup untuk gaya hidup