Ogen : Ulangen 31: 6-8
Tema : Tek Dingen Tetapkelah Ukurndu
Tujun : Gelah Saitun:
- Ngidah uga Musa mpetetap ukur Josua
- Nggit mpeturah kepercay aan diri Permata guna jadi pemimpin masa depan
- Notoken ras mpersiapken anak singuda gelah nggit ndahiken dahin Tuhan
31:6 Kuatkan dan teguhkanlah hatimu, janganlah takut dan jangan gemetar karena mereka, sebab TUHAN, Allahmu, Dialah yang berjalan menyertai engkau; Ia tidak akan membiarkan engkau dan tidak akan meninggalkan engkau.” 31:7 Lalu Musa memanggil Yosua dan berkata kepadanya di depan seluruh orang Israel: “Kuatkan dan teguhkanlah hatimu, sebab engkau akan masuk bersama-sama dengan bangsa ini ke negeri yang dijanjikan TUHAN dengan sumpah kepada nenek moyang mereka untuk memberikannya kepada mereka, dan engkau akan memimpin mereka sampai mereka memilikinya. 31:8 Sebab TUHAN, Dia sendiri akan berjalan di depanmu, Dia sendiri akan menyertai engkau, Dia tidak akan membiarkan engkau dan tidak akan meninggalkan engkau; janganlah takut dan janganlah patah hati.”
Medode PA : Diskusi
- BENA KATA
Erkiniteken ertina tek nandangi kai si iarapken kita, tek kerna si la iidah (Heb 11:1), Kalak sierkiniteken ngeluh i bas pimpinen ras pengaturken Tuhan kegeluhenNa. Labo kai pe siman kebiarenken nandangi kai silenga jadi, sebab kiniteken man Dibata eme mbabai kita tetap nare kempak Dibata. Kiniteken e mbabai Ketetapen ukur ndalani kegeluhen si lenga jadi. Kuasa Dibata pe tangkas kal igejapken ras I iakui kalak sierkiniteken seh maka tetap kel ukurna guna ngaloken ras ndahiken dahin sienggo iampeken kempak ia.
Kiniteken pe mereken kengasupen man sekalak jelma ngasup ngendesken dahin siselama enda idahikenna guna iterusken kalak sideban, dingen tetap ka pe ukurna maka kalak singgantiken ia epe pasti nge iperlengkapi Tuhan. Ketetapen ukur guna ngendesken ras ngaloken dahin banci ratur erpalasken kiniteken dingern ketetapen ukur.
- MPEBAGESI OGEN
Musa la iberken Tuhan kesempaten guna bengket kutaneh Kanaan sienggo ipadanken Tuhan. Ia pemimpin i bas peristiwa pembebasen I Taneh Mesir ras Pemimpin 40 Tahun I padang gurun. Tangkas kal ikataken Tuhan kempak la maka ia labo atan bengket kubas kesenangen I taneh perpadanen. Aminna pe bage Musa labo kitik ukurna, Ia sekalak pemimpin sidewasa i bas kiniteken she maka labo ia megelut ras merawa kempak Tuhan, tapi siilakokenna eme empetetap ukur Josua guna jadi pemimpin sijadi gancihna guna nerusi dahin mbabai bangsa pilihen Tuhan kempak Taneh perpadanen.
Bagi Musa enggo ipasu-pasu dingen iarak-arak Tuhan i bas encukupken keperlun bangsa Israel dingen engkawali ia i bas imbang-imbangna singelawan ia mage me pe Josua pasti ijaga dingen ikawali Tuhan. Kiniteken sipaguh i bas Musa erbahanca ia ngasup empepaguhi kiniteken ras semangat Josua guna nerusi dahin sienggo iampeken kempak ia. Teridah maka Musa tuhu-tuhu sekalak Bapa Rohani ras Motifator man Josua gelah ula monce-monce kinitekenna nerusi dahin siniiendesken kempak ia. Kata pergegeh siisehken Musa eme:
- Tetapkenlah ukurndu, janah teklahj
- Ola mbiar Tuhan Dibatandu kap singarak-ngarak Kam
- La kam juru ras la itadingkenNa
Kata siipeseh Musa enda tuhu-tuhu Kata singajuk Josua tetap erdalin i bas dalin Tuhan. Janah adi enggo Tuhan milihsa, kugapa pe tentu I perlengkapina alu pemeteh ras kepentaren, guna jadi pemimpin sebab adi Tuhan similih dingen netapkenca kugapa iberena kuasa guna ndahiken dahin e. Kiniteken Josua singaloken dahin e pe tentu erbahanca tetap ukurNa ngalaken kerina resiko kepemimpinena.
Musa pe memproklamirken pedah sienggo ndube ibelaskenna ilebe-lebe Bangsa Israel, gelah reh tetapna ka ukur Josua guna ngaloken ras ndahiken dahin sienggo iampeken man bana. Dahin simbelin guna mbabai Bangsa pilihen Tuhan she ku Taneh si enggo ipadanken Tuhan man nini-nini bangsa e iterusken Josua. Nini Bangsa Israel pe enterem kange labo banci ikut bengket ku Taneh perpadanen e. Tapi Generasi siibereken Tuhan banci bengket e, harus ibabai Josua seh kutujun. Ipersingeti Musa ka mulihi maka Tuhanlah lalap iandalkenna ndahikenca dahin e, emaka labo kai pe man kebiarenken ras labo perlu aru atena, sebab padan Tuhan maka labo ia itadingkenna, janah labo juru ia ibahan Tuhan. Kata siibelasken Musa ilebe -lebe sienterem pe empersingitisa maka Bangsa Israel pe harus mehamatman bana selaku pemimpin simbaru. Kata siipeseh Musa e erbahanca tetap kal ukur Josua ras BangsaNa.
- PENGKENAINA
Selaku Saitun tentu lit kempu-kempunta, mari dage sipetetap ukurna gelah banci tetap iandalkenna Tuhani bas ia ndalani kingudanna guna nerusi dahin-dahin I Gereja, ras siajuk ka ia maka ula ka ketadingen kuliahna ras pendahinna. Pengalamen Kiniteken Saitun jadi usihen man anak-anak permata gelah ia pe labo biar-biaren guna ngalaken kai pe silenga jadi i bas kegeluhen ras pendahinna. Tentu anak-anak Permata sigenduari labo seri ras zamanta nai emaka ula sibandingken kita ras ia. Tapi petetaplah ukurna ras ajuk ia maka tetap nggeluh i bas dalan Tuhan. Sitotoken ka ia maka banci i bas kiningudanna pe tetap ia erkemalangen man Tuhan. Kai pe siibelaskenna, siiukurina ras silakokenna kerinana e erpalasken mehamat ras erkemalangen man Tuhan. Peseh lah man kempu-kemputa permata selamat Ulang Tahun Permata. Mbelin kal pengarapen Gereja bagepe kita selaku Saitun maka kempu-kempunta sienggo permata e tetap i bas kai pe siidahikenna. Turikenlah, ajarkenlah rusur man kempunta permata e erkemalangen man Tuhan perbahanen ras keleng ate Tuhan.
- DISKUSI
- Turiken kuga cara Musa empete tap ukur Josua maka nggit ia nerusi dahin kepemimpinan sienggo iendesken man Josua erpalasken ogenta?
- Kai sienggo ibahan kam selaku nini ras ninibulang guna empepaguhi kiniteken ras empetetap ukur permata?
- Kuga nge pengalamenndu i bas ercakap-cakap kerna turi- turin kegeluhen ras anak permata kinahun enda?
Pdt. S.Magdala Munte.MTh