(Kesehatan Kula ras Tendi)
Ogen : 1 Tesalonika 5:23-24
Tema : Sehat kin kula, tendi ras kesahndu?
Tujun : Gelah Saitun:
- Ngangka maka lit telu siperlu iperdiateken i bas geluhna.
- Ngangkai maka kula, tendi ras kesah la banci ipesirang emaka arus ijaga.
- Nggit ngajarken anak kempuna guna njaga kesehaten kula tendi ras kesah.
5:23 Semoga Allah damai sejahtera menguduskan kamu seluruhnya dan semoga roh, jiwa dan tubuhmu terpelihara sempurna dengan tak bercacat pada kedatangan Yesus Kristus, Tuhan kita. 5:24 Ia yang memanggil kamu adalah setia, Ia juga akan menggenapinya.
- BENA KATA
Bahan PA nta sendah e me bagin siperpudina kal i bas surat sipemena Rasul Paulus man perpulungen Tesalonika. Bagi biasana i bas surat-surat, arah pudi isingetken Paulus pertotonna kerna perpulungen. Pertotonna gelah min Dibata si mada “damai sejahtera”, si mada kejuah-juahen (shalom) e lah sierbahanca “kesah, tendi ras kula” (bhs Ind: Roh, jiwa dan tubuh) kerina perpulungen jadi badia. Badia secara sempurna, la terjeng arah darat entah pe sepuhna ngenca badia, tapi terus ku bas pusuh ras ukur simbagesna. Ertina la lit pekulah-kulah, la lit kemunafikan. Lit kin kalak ngasup nggeluh badia alu serta? Man manusia la mungkin terjadi, tapi i bas Dibata kerina e banci jadi (Matius 19:25-26). Dibata si erbahanca manusia sempurna, erkiteken perkuah ateNa. IA si mpedeher diriNa man manusia. Manusia sendiri la ngasup erbahanca dirina badia sempurna, tapi Dibata sierbahanca sempurna. Siernalem man baNa, ialemiNa ras itebusiNa kesalahen ras dosanta, ialemiNa “Kinilasertan” ta.
- MPEBAGESI OGEN
Arah ogenta 1 Tes.5: 23-24, tangkas man banta maka Tuhan tetap mperdiateken kegeluhen manusia seutuhna. janah tetap i bas proses. Kai si enggo ijadikenNa badia, ikawaliNa gelah Kesah, Tendi ras Kulanta e tetap badia seh ku wari kerehen AnakNa Yesus Kristus peduakaliken.
Enda me pertoton Paulus nandangi perpulungen Tesalonika, gelah sehat “Roh, Jiwa dan Tubuh” (bhs Karo: Kesah, Tendi ras Kula), sabab teluna unsur kegeluhen enda tergantung sada nandangi sidebanna. Adi geluh kerohanian (spiritualitas – kesah) la sehat, tendi ras kula pe ibabaina la sehat, bagepe sebalikna.
Menurut Paulus, i bas geluh manusia lit telu bagin sipelain-lain, e me:
- Kesah (Roh), bersifat roh. Arah roh si lit i bas kita ngenca kita banci berhubungen ras Dibata, sabab Dibata e Roh. Roh ras roh ngenca banci berhubungen. Roh si lit i bas kita me simabai kita erkiniteken, erkemalangen man Dibata, nggit ngoge Kata Dibata i bas Pustaka si Badia.
- Tendi (Jiwa) – bersifat psikhis, kejiwaan, emaka lit ilmu jiwa. I bas jiwa nari reh sifat-sifat manusia, karakterna. Karakter manusia banci berubah, umpamana adi roh si lit i bas kita berhubungen ras Dibata, karakterta banci irubahna i bas perampus nari jadi lanai murah merawa, sabar. Gel-gel pendendam berubah jadi nggit ngalemi (mengampuni) rsd.
- Kula (Tubuh) – bersifat phisik, kedagingen, materi.
Emaka sipentingna kal i bas si telu enda ndai e me Kesah (Roh), sabab arah Kesah (Roh) nge maka kita banci berhubungen ras Dibata (Kesah si Badia). Bagepe arus sieteh, maka adi ateta tuhu-tuhu sehat, telu bagin (unsur) enda ndai arus berinteraksi, berhubungan baik sada nandangi sidebanna.
- PENGKENAINA
Kesehatan Kesah (roh), tendi (jiwa) ras kula (tubuh) nta jadi perayaken maka kita tuhu-tuhu ikataken sehat total, sehat secara keseluruhan. Si mengananami stress i bas kita e me Jiwa/tendi. Kalak si stress la banci entabeh tunduh, naik asam lambung dungna sakit maag. Bagepe tekanan darah tinggi (hipertensi). Bagepe i bas jiwa nari nge reh “perasaan dengki” (cian ate). Adi lit cian ate i bas kita, nembeh ateta kalak sideban tanpa alasan. La pe lit perbahanenna si mehuli man banta, nembeh nge ateta. Cian ate enda pe reh i bas jiwa nari.
Tendi (jiwa) si kurang sehat banci itambari alu roh si lit i bas kita, dalanna rohta berhubungen ras Dibata, mindo penampat arah pertoton gelah Kesah si Badia erdahin i bas rohta. Kesah si Badia si erdahin ras rohta ngajari tendi (jiwa) nta gelah ernalem man Dibata, ngikutken KataNa. Alu bage ngasup kita (i bas jiwa) berubah: nggit erdame ras mengampuni, erkeleng ate bagepe ngasup ngataken bujur i bas kai-kai pe. Alu bage sehat kita secara keseluruhan.
- PERTOTON
Tuhan Dibata si mada kegeluhen, mindo kami gelah KesahNdu si Badia reh kubas kesah / roh si lit i bas kami, gelah tendi/jiwa kami isampati i bas perdalanen geluh kami. Gelah alu bage daging / kula kami pe sehat. I bas gelar AnakNdu Yesus Kristus kami ertoto. Amin.
- DISKUSI
- Kai pengertinndu kerna kesah i bas perikop enda? Megati kesah siertiken sebagai nafas/ angin, sehubungen ras “erkesah”. Cubaken diskusiken kerna pengertinta selama enda.
- Pernah nge igejapkenndu “merasa stress”? Gejapndu nge kuga nanam ras akibatna? Janah gejapndu nge maka adi sigelem Kata Dibata, berkurang rasa stress? Turiken.
Pdt. M.P. Barus M.Th