Perjuangen Sekalak Bapa
Ester 4: 7 – 17
4:7 dan Mordekhai menceritakan kepadanya segala yang dialaminya, serta berapa banyaknya perak yang dijanjikan oleh Haman akan ditimbang untuk perbendaharaan raja sebagai harga pembinasaan orang Yahudi.
4:8 Juga salinan surat undang-undang, yang dikeluarkan di Susan untuk memunahkan mereka itu, diserahkannya kepada Hatah, supaya diperlihatkan dan diberitahukan kepada Ester. Lagipula Hatah disuruh menyampaikan pesan kepada Ester, supaya pergi menghadap raja untuk memohon karunianya dan untuk membela bangsanya di hadapan baginda.
4:9 Lalu masuklah Hatah dan menyampaikan perkataan Mordekhai kepada Ester.
4:10 Akan tetapi Ester menyuruh Hatah memberitahukan kepada Mordekhai:
4:11 “Semua pegawai raja serta penduduk daerah-daerah kerajaan mengetahui bahwa bagi setiap laki-laki atau perempuan, yang menghadap raja di pelataran dalam dengan tiada dipanggil, hanya berlaku satu undang-undang, yakni hukuman mati. Hanya orang yang kepadanya raja mengulurkan tongkat emas, yang akan tetap hidup. Dan aku selama tiga puluh hari ini tidak dipanggil menghadap raja.”
4:12 Ketika disampaikan orang perkataan Ester itu kepada Mordekhai,
4:13 maka Mordekhai menyuruh menyampaikan jawab ini kepada Ester: “Jangan kira, karena engkau di dalam istana raja, hanya engkau yang akan terluput dari antara semua orang Yahudi.
4:14 Sebab sekalipun engkau pada saat ini berdiam diri saja, bagi orang Yahudi akan timbul juga pertolongan dan kelepasan dari pihak lain, dan engkau dengan kaum keluargamu akan binasa. Siapa tahu, mungkin justru untuk saat yang seperti ini engkau beroleh kedudukan sebagai ratu.”
4:15 Maka Ester menyuruh menyampaikan jawab ini kepada Mordekhai:
4:16 “Pergilah, kumpulkanlah semua orang Yahudi yang terdapat di Susan dan berpuasalah untuk aku; janganlah makan dan janganlah minum tiga hari lamanya, baik waktu malam, baik waktu siang. Aku serta dayang-dayangkupun akan berpuasa demikian, dan kemudian aku akan masuk menghadap raja, sungguhpun berlawanan dengan undang-undang; kalau terpaksa aku mati, biarlah aku mati.”
4:17 Maka pergilah Mordekhai dan diperbuatnyalah tepat seperti yang dipesankan Ester kepadanya.4:7 Ituriken Mordekai kerina si enggo jadi, bage pe asa kai buena duit si ipadanken Haman lako iberekenna man perbendaharan raja adi kerina kalak Jahudi enggo ibunuh.
4:8 Ibereken Mordekai man Hatah salinen surat raja si enggo imomoken i Susan. I bas surat e iperentahken maka kerina kalak Jahudi arus ikernepken. Ipindo Mordekai maka salinen surat perentah e ibereken man Ester janah gelah iterangkenna uga kecibalna si tuhuna. Tole ipindo Mordekai gelah lawes Ester ngadap raja lako mindo perkuah ate raja nandangi bangsana kalak Jahudi.
4:9 Kenca bage mulihken Hatah ku istana, iturikenna man Ester kai si ikataken Mordekai ndai.
4:10 Jenari isuruh Ester ka ia mulihken ndahi Mordekai nehken berita enda;
4:11 nina Ester, “Asa kai kalak si ndahi raja alu la leben idilo raja, subuk dilaki, bage pe diberu, arus iukum mate. Enda me aturen; janah aturen si enda kerina kalak metehsa, mulai i bas penasehat-penasehat raja nari terus ku kalak si ringan i propinsi-propinsi. Sada ngenca dalan pulah i bas aturen e nari, e me: adi idudurken raja ciken emas kerajan man bana lako ndilosa, e maka la ia ibunuh. Tapi enggo lit sebulan dekahna aku la idilo raja.”
4:12 Kenca ialoken Mordekai kata Ester enda ndai,
4:13 itenahkenna ka mulihken kata pertenget enda nina, “Ola iarapkenndu maka kam sikapen asangken kalak Jahudi si deban erkiteken kam ringan i bas istana. 4:14 Adi sinik pe kam i bas paksa-paksa si bagenda, ugapa pe reh nge penampat man kalak Jahudi tah i ja nari gia, janah kalak Jahudi e la banci lang selamat nge; tapi kam ugapa pe mate, janah keluarga si itadingken bapandu imasapken. Banci jadi guna nampati bangsandu nge maka kam enggo iangkat jadi kemberahen.”
4:15 E maka itenahken Ester perkatan enda man Mordekai,
4:16 “To, pepulunglah kerina kalak Jahudi si lit i kuta Susan enda; ertoto dingen erpuasalah kam kerina guna aku. Ola kai pe pan tah iinemndu telu wari telu berngi dekahna. Aku ras suruh-suruhenku si diberu pe bage ka ibahan kami. Kenca bage lawes aku ndahi raja, aminna gia e ngelanggar aturen. Adi terpaksa kin aku mate guna si e; mate pe labo dalih.”
4:17 Kenca bage lawes Mordekai, jenari ibahanna kai si nikataken Ester ndai.
Ogen: Ester 4: 7 – 17
Tema: Perjuangen Sekalak Bapa
Tujun: Gelah Mamre
- Meteh kuga perjuangen ras pengorbanen Mordekai mperjuangken kiniulin jabu ras bangsana
- Ngasup mereken diri guna erjuang ras erkorban guna kiniulin jabu ras bangsa
I. KATA PENARUH
Turi-turin i bas pengogenta enda isina eme kerna perjuangen sekalak perbapan sitergelar Mordekai guna njagai kinitekenna ras keselamaten bangsana i bas rencana jahat Perdana Menteri Kerajaan Media Persia e me Haman guna munuh kerina kalak Israel si lit ibas Kerajanna. Erkiteken nembeh atena man Mordekai si la nggit patuh man undang-undang sibahanna guna nembah dirina, sabap siman sembahen menurut Mordekai cukup Dibata saja. Ipindona surat kuasa man Raja Ahasweros guna munuh kerina kalak Israel alu alasen eme kalak lsrael la patuh man undang-undang Media Persia. I bas situasi si mberat enda me peranna selaku bapa erjuang guna keselamaten bangsana ibas ancamen pembunuhen enda. Gia mberat tapi ulihna kalak israel selamat
Sehubungen ras sie, ibas pengoratenta sendah fokus kita ngenehen Perjuangen Mordekai (Bapa) ibas nelamatken bangsana (sue temanta) gelah banci jadi usihen man Mamre ibas erjuang guna keselarnaten (kiniulin) bas jabu gereja ras bangsanta.
II. PELIKASI (URAIAN) TEKS
- Konteks pengogenta eme iangkat Raja Ahasweros Haman jadi perdana mentri iperintahkena maka kerina pegawai arus nembah Haman. Mordekai (sekalak pegawa kerajaan) la nggit sabap Dibata ngenca patut man sembahen E maka nembeh Haman erkiteken la nggit Moderka nembah ia, irencanakenna la terjeng munuh Mordekai tapi pe kerina kalak Jahudi ipesehna rencana enda man raja alu alasen lit sada suku ibas bangsana la patuh man undang-undang kerajaan. Erjanji ia maka adi enggo idalanken program enda ijaminina maka banci iberekenna lebih 340.000 kilo perak perbendeharaan kerajaan. E maka tek ka raja ras isetempelna surat perentah e (nen Psl 3). Berita enda ibegi Mordekai, e maka ceda atena, icaingkenna pakenna ras ipakena uis guni, icaburkenna abu ku takalna, ngandung ia alu pusuh si getem. Rikut pe kerina kalak Jahudi si megi berita e minter terbegi sora tangis megang, erpuasa ras make uis guni kerina. Berita enda seh man Ester ras ngorati kai masalahna man Mordekai. Ituriken Mordekai kerina kai sijadi ras mereken salinen surat raja guna munuhi kalak Jahudi man Ester. Ester enda e me Ratu Raja Ahasweros eme turang sembuyak bapa ras Mordekai. Kenca mate bapana ijadiken Mordekai ia jadi anak angkatna.
- Langkah Perjuangan si ilakoken Mordekai eme:
a. Perjuangen kiniteken:
‒ Ia tetap setia kempak Dibatana, la nggit matuhi undang-undang guna nembah Haman, sebab si patut man sembahen eme Dibata labo manusia. Ijenda icidahkenna identitas kiniteken (agama) nandangi Dibata tuhu la tergantiken ras kai pe, gia kesahna ras keselamaten bangsana jadi taruhenna. Enda me perjuangen kinitekenna.
‒ Guna nelamatken bangsana ibas ancamen pembunuhen nari: ertoto, erpuasa, itamana abu ku takalna ras ipakena guni tandana atena ceda ras mindo penampat man Dibata. Raduken ras sie iajukna kerina bangsana ngelakoken hal si seri Radu ras ia kerina mindo penampat man Dibata guna keselamaten bangsana
b. Perjuangen alu usaha (implementasi kinitekenna)
‒ Ipindana penampat ras mereken kata persinget man Ratu Ester (turangna sekaligus anak angkatna) isi persingetna eme:
‒ Maka bangsana (jahudi) kuga pe ikelengi Dibata nge tapi kam la banci la mate raduken keluargandu imasapken Dibata adi la isampati kam bangsandu (Jahudi)
‒ Banci jadi erkiteken nelamatken bangsandu nge maka kam iangkat jadi kemberahen Raja Ahasweros
Ulihna:
‒ Ester sadar ras nggit jumpai raja gia erasamken kesah, tapi ipindona kerina bangsa Israel ertoto, erpuasa guna keselamatenna, janah enda ilakoken Mordekai ras bangsa Israel
‒ Kedungenna Israel selamat ras Haman igantung.
III. PENGKENAINA
Mamre iarapken kel jadi sekalak pejuang bali ras Mordekai:
‒ Pejuang njagai integritas kinitekenna alu la mpekitik Dibata gia akibatna mberat bagi sialami Modekai. Mordekai nulak si ertentangen ras kinitekenna gia resikona mberat. Mamre pe iarapken lit perjuangenta ngelawan si la sue ras kinitekenta si merendahken integritas Dibatanta (gerejanta). Kai gia pengajuk ntah aturen si mpersilahang gerejanta ntah pe mpekitik Tuhan ula si ikut-ikut. Perlu si inget, Kita Mamre nge simperjuangken gerejanta gelah meherga bali ras Modekai ndai.
‒ Perjuangen nelamatken anak jabuna, gerejana, bangsana bali ras Mordekai nelamatken kiniteken Ratu Ester ras bangsa Israel, bage pe nelamatken bangsana i bas ancamen pembunuhen Haman nari. Masalah bas konteks gundari (ntah pe sigelari Haman modern) tuhu mbue si banci encedai entah ngkernepken jabunta, anak-anakta (generasinta) gerejanta, bangsanta, upamana: Penggunaan IT alu la benar, kemiskinan, pinakit sosial, rsd Emaka kita Marne arus erjuang bagi Mordekai ndai ndarami solusina gelah kita selamat kerina jenda alu segala cara sibenar ipakai Mordekai arah penguasa (eme Ester sebage Ratu), arah budaya sabap Ester eme turangna sembuyak bapa ras anak angkatna, iajukna kerina bangsana arah ertoto ras erpuasa, rsd. larapken pe kita Mamre proaktif ibas perjuangenta, pasti berhasil bagi perjuangen Mordekai ndai.
Selamat erjuang
IV. DISKUSI
- Turiken perjuangen ras pengorbanen Mordekai guna keselamaten bangsana
- Diskusiken kai-kai saja perjuangennta Mamre sedekah enda guna Janah kai-kai saja sibanci kinulin jabu, gereja ras bangsanta. siperjuangken ku lebe enda
V. USULEN ENDE-ENDEN
- KEE GBKP No. 202:1-2
- KEE GBKP No. 254:1-2
- KEE GBKP No. 108:1-2
- KEE GBKP No. 381:1
Pdt. Seth Perangin-angin, MTh
HP/WA O81397340320