SETIA MAN DIBATA
Jakup 4:1-6
(GBP/Tata Nilai: Kesetian)
Hawa nafsu dan persahabatan dengan dunia
4:1 Dari manakah datangnya sengketa dan pertengkaran di antara kamu? Bukankah datangnya dari hawa nafsumu yang saling berjuang di dalam tubuhmu? 4:2 Kamu mengingini sesuatu, tetapi kamu tidak memperolehnya, lalu kamu membunuh; kamu iri hati, tetapi kamu tidak mencapai tujuanmu, lalu kamu bertengkar dan kamu berkelahi. Kamu tidak memperoleh apa-apa, karena kamu tidak berdoa. 4:3 Atau kamu berdoa juga, tetapi kamu tidak menerima apa-apa, karena kamu salah berdoa, sebab yang kamu minta itu hendak kamu habiskan untuk memuaskan hawa nafsumu. 4:4 Hai kamu, orang-orang yang tidak setia! Tidakkah kamu tahu, bahwa persahabatan dengan dunia adalah permusuhan dengan Allah? Jadi barangsiapa hendak menjadi sahabat dunia ini, ia menjadikan dirinya musuh Allah. 4:5 Janganlah kamu menyangka, bahwa Kitab Suci tanpa alasan berkata: “Roh yang ditempatkan Allah di dalam diri kita, diingini-Nya dengan cemburu!” 4:6 Tetapi kasih karunia, yang dianugerahkan-Nya kepada kita, lebih besar dari pada itu. Karena itu Ia katakan: “Allah menentang orang yang congkak, tetapi mengasihani orang yang rendah hati.”
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
•Nikapken ingan persembahen.
•Nungkun ras nuratken topik pertoton sapaat.
•Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
•Sope benaken PJJ, banci kita rende alu make ende-enden pop rohani.
•Janah kerina perdalanen PJJ enda banci iubah (imodifikasi) rikutken perluna.
•Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B.PERPULUNGEN JABU-JABU / PERPULUNGEN JABU
RENDE: KEE No. 205:1, 2 (IBABAI SI MADA JABU)
Rehlah min o Tuhan, sikap kami k’rina
Ersembah man baNdu jenda
Nusurlah min Tuhan, bahan sikap k’rina
Ukur kami pebadia
O Bapa, b’re gelah, daten pasu-pasu, kami k’rina enda
Tuhan Dibatanta lit bas rumah enda, nembah kita k’rina baNa
Alu kehamaten mungkuklah man baNa
Kula, tendi pe kerina
Aloken kataNa ras pasu-pasuNa usekenNa banta
ERTOTO
RENUNGEN
Teks: JAKUP 4: 1-6 (IBABAI BAPA)
Tema: SETIA MAN DIBATA
Kerina manusia lit sura-surana i bas geluhna, e me sura-sura kiniulin. Janah sura-sura manusia e seh bagi niarapken la lepas arah cara rukur, penggejapen bage pe pengalamen nggeluh. Bagi nina Psikolog Amerika Serikat si tergelar BF. Skinner: “keinginan-keinginan dalam diri manusia merupakan manifestasi dari pembiasaan atau kebiasaan yang dilakukan setiap hari, waktu dalam hidupnya (teori radical behaviorism).” Ertina cara rukur manusia ipengaruhi tahap perkembangen manusia subuk secara fisik bage pe mental (psikis).
Jakup 4:1-6 e me pedah si peseh Jakup man anak-anak Dibata si merap i taneh perlajangen, gelah ula erteman ras doni, maksudna:
1) Ula erjengil ras rubati (ay. 1).
I bas teks enda, Jakup make kata ‘hedone’: kesenangen. Ate Jakup ngatakenca maka erbage-bage perjengilen ras perubaten si jadi i bas persadan kalak si tek si ngaloken suratna, e me erkiteken teptep kalak erjuang guna ndatken kesenangen ras kemalemen atena sue ras pengertinna jine. Adi i bas sada perpulungen/persadan ate-atena idalankenna, labo banci lit kedamen. Em si erbahanca ibahan aturen gelah ratur kerina.
2)Sura-sura si la tersehi banci mpereh kejahaten/munuh (ay. 2-3).
Mengga ate banci mabai manusia ersura-sura la mehuli jadi man kalak si segat atena (enda pe bali ras munuh), I ayat 2 enda lit perbahanen sebab akibat, la ndatken si isuraken erkiteken la ipindona man Tuhan. I bas Matius 7: 7-8, Jesus mereken jaminen maka kalak si mindo alu ertoto i bas gelarNa ngalo me.
3)Erteman ras doni jadi imbang Dibata (ay. 4; bdk. 1 Joh. 2:15).
Kalak Kristen si erteman ras doni jadi imbang Dibata sabap ia kalak si la setia (ay. 4-5). La setia ijenda iandingken bagi kalak si erlua-lua i bas erkiniteken. I bas ayat 5 ikataken i bas Bahasa Indonesia “Janganlah kamu menyangka, bahwa Kitab Suci tanpa alasan berkata: “Roh yang ditempatkan Allah dalam diri kita, diinginiNya dengan cemburu!” Biak mengga ate tetap denga lit i bas manusia (Ke, 6:5; 8:21).E maka arus kita paguh erkiniteken man Tuhan gelah ngasup kita nulak biak si la mehuli e.
4)lbereken Dibata lias ateNa (ay. 6)
Meteruk ukur e me pemere Dibata man manusia, Dibata nehken lias ateNa segelah kalak si tek jadi meteruk ukur kenca si e iberekenNa tole lias ateNa segelah ula ermengga ate man kalak si deban. Ertina kerina kegeluhen kalak Kristen e me erkiteken lias ate Dibata, e maka kita arus nggeluh setia ngikutken pedah Tuhan.
Sue ras sasaren pelayanen GBKP tahun 2023: “Jemaat Menjadi Pelaku Aktif Pelayanan”, mabai kita maka kerina perpulungen jadi pelaku aktif pelayanen (dilibatkan dan melibatkan diri), e maka arus sitingkatken kualitas kinitekenta, si e teridah arah kehadiren perpulungen i bas kebaktin, PJJ ras PA kategorial minimal 70%. Kerina enda banci jadi adi perpulungen nggeluh setia man Tuhan.
Ulu perubaten i bas gereja e me sura-sura guna ihamati, iakui, ndatken kuasa, kesenangen, duit ras kehebaten. Adi sura-sura si bage i pejangjang (bdk. Mrk. 4: 9; Luk. 8: 14; Gal. 5:16-20), pasti mpeturah perubaten. Pertoton kalak si pusuhna idemi sura-surana itulak Dibata, Dibata megiken pertoton kalak si benar (bdk. Msm 34:14-16; 66:18-19). Mari mindo kita man Tuhan alu kesetian (bdk. Msm 145:18), jera bas dosa nari ras meteruk ukur (bdk. Luk. 18:14), mindolah i bas sura-sura Dibata (bdk. 1 Joh. 5:14). Meteruklah kita rukur, tetap ngendesken geluhta man baNa, alu bage persadanta pe nteguh janah kegeluhenta pe jadi pasu-pasu man kalak si deban.
NURIKEN PENGGEJAPEN: Bapa, Nande, Anak
DISKUSI
•Kai nge si erbahanca kalak Kristen megati la setia i bas erkiniteken man Dibata?
•Kai nge siperlu sitingkatkan guna ncidahken kesetianta man Dibata subuk secara pribadi bage pe i bas perpulungen? Si tekadken gelah banci silakoken i bas geluhta masing-masing
NEHKEN PERSEMBAHEN: KEE No. 420: 1, 2 (ibabai anak)
Asa gegeh ras kengasupen, kami nehken persembahen
Endesken kami banNdu Tuhan, alu dem keriahen
Reff: AjariNdu kami ngergaken, talenta ras kiniliten
Arah ukur ras perbahanen, Tuhan ipermuliaken
Mbue tuhu kami aloken, pasu-pasuNdu o Tuhan
KelengNdu igejapken kami, Kam kap si negu kamiReff: …
PERTOTON SAPAAT
•Gelah ngawan perpulungen nggeluh setia man Dibata
•Gelah ngawan perpulungen tetap mindo gegeh man Dibata i bas ngalaken tantangen setia i bas erkiniteken
•Gelah serayan Tuhan tetap setia I bas ndahiken pelayanen; perpulungen setia i bas ngikutken Dibata
RENDE: KEE No. 350: 1-2 (ibabai bapa/nande)
Kelengi kebenaren peduhlah si jahat
Pakeken kat Tuhan tahan rasa lalap
Nggeluhlah alu bujur meteruk ukur kin
Dalanken kebenaren maka ukur teneng
Reff: Erjaga-jagalah reh me wari Tuhan
Ersikap-sikaplah pake kata Tuhan
Darami si mehuli pedauh min si ilat
Megermet bas keg’luhen make pedah Tuhan
Lakokenlah si adil i bas kegeluhen
Bage me pedah Tuhan tetap sidalanken Reff: ….
PERTOTON TUHAN (IBABAI SERAYAN)
MOMO
C.JEDA RAS PENUTUP
Pdt. Lestari br Bukit, S.Th., M.Div
HP/WA: 082186572233