Erdiate ras Erpemere
Ulangan 15: 4 – 11
15:4 Maka tidak akan ada orang miskin di antaramu, sebab sungguh TUHAN akan memberkati engkau di negeri yang diberikan TUHAN, Allahmu, kepadamu untuk menjadi milik pusaka,
15:5 asal saja engkau mendengarkan baik-baik suara TUHAN, Allahmu, dan melakukan dengan setia segenap perintah yang kusampaikan kepadamu pada hari ini.
15:6 Apabila TUHAN, Allahmu, memberkati engkau, seperti yang dijanjikan-Nya kepadamu, maka engkau akan memberi pinjaman kepada banyak bangsa, tetapi engkau sendiri tidak akan meminta pinjaman; engkau akan menguasai banyak bangsa, tetapi mereka tidak akan menguasai engkau.
15:7 Jika sekiranya ada di antaramu seorang miskin, salah seorang saudaramu di dalam salah satu tempatmu, di negeri yang diberikan kepadamu oleh TUHAN, Allahmu, maka janganlah engkau menegarkan hati ataupun menggenggam tangan terhadap saudaramu yang miskin itu,
15:8 tetapi engkau harus membuka tangan lebar-lebar baginya dan memberi pinjaman kepadanya dengan limpahnya, cukup untuk keperluannya, seberapa ia perlukan.
15:9 Hati-hatilah, supaya jangan timbul di dalam hatimu pikiran dursila, demikian: Sudah dekat tahun ketujuh, tahun penghapusan hutang, dan engkau menjadi kesal terhadap saudaramu yang miskin itu dan engkau tidak memberikan apa-apa kepadanya, maka ia berseru kepada TUHAN tentang engkau, dan hal itu menjadi dosa bagimu.
15:10 Engkau harus memberi kepadanya dengan limpahnya dan janganlah hatimu berdukacita, apabila engkau memberi kepadanya, sebab oleh karena hal itulah TUHAN, Allahmu, akan memberkati engkau dalam segala pekerjaanmu dan dalam segala usahamu.
15:11 Sebab orang-orang miskin tidak hentinya akan ada di dalam negeri itu; itulah sebabnya aku memberi perintah kepadamu, demikian: Haruslah engkau membuka tangan lebar-lebar bagi saudaramu, yang tertindas dan yang miskin di negerimu.”15:4 TUHAN si masu-masu kam i negeri si iberekenNa man bandu, e maka sada pe la lit kam kalak musil,
15:5 adi iikutkenndu IA dingen alu tutus ngelakoken kasa kai si kuperentahken wari enda.
15:6 TUHAN si masu-masu kam rikutken si ipadankenNa. Ipinjamkenndu pe duitndu man melala bangsa-bangsa si deban, tapi la kam perlu minjam i bas bangsa si apai nari pe. Kam erkuasa nandangi melala bangsa-bangsa, tapi la lit sada bangsa pe si ngkuasai kam.
15: 7I bas kuta-kuta si ibereken TUHAN Dibatandu man bandu, adi lit i je sapih-sapih kam kalak Israel si kekurangen, ola kam nggeluh erbana-bana, tapi sampatilah ia.
15:8 Tapi melumbar lah, dingen berelah ia minjam asa si iperlukenna.
15:9 Ola tulak adi atena minjam man bandu, aminna pe tahun nasapken utang enggo ndeher. Ola kal pelepas perukuren si jahat e turah i bas ukurndu. Adi la kam nggit mereken pinjamen man bana, erlebuh ia ku TUHAN ngelawan kam e maka ipersalahken TUHAN kam.
15:10 Bereken man bana alu melumbar ras dem keriahen ukur, gelah ipasu-pasu TUHAN kam i bas kerina si idahikenndu.
15:11 Lit nge rusur kalak Israel si musil dingen si kekurangen, e maka kuperentahken man bandu maka melumbar kam man bana.”
Teks : Ulangen 15:4-11
Tema : Erdiate ras Erpemere
Tujun: Gelah Mamre
‒ Meteh maka kegeluhen bangsa Israel enggo ipasu pasu Dibata ras jadi pasu pasu man kalak sideban
‒ Ngasup jadi bapa si erdiate ras erpemere.
PENGANTAR
Nggeluh berhasil dingen sukses merupaken perayaken setiap jelma ibas doni enda, ras e merupaken kebanggaan bas geluhta. Janah megati sukat sukat siipake guna nuduhken hal enda eme, bayak, pangkat simeganjang, mbue rumah ras taneh, rsd. Kerina enda identik ras materi bagepe gegeh sendiri guna ndatkenca. Tapi ibas kinatana, ternyata labo kerina kita jadi kalak bayak ntahpe sukses bahken mbue ka si tetap musil aminna ia nggo berjuang keras ibas ndahiken dahinna. Biak guna nampati temanta simusil e lit ka aturen tersendiri, misal alu bunga duit ntah pakai anggunen. Adi la sesuai ras janji maka anggunen banci isita ntah pe bunga duit jadi berkali lipat. Intina simusil tetap jadi musil aminna nggo isampati.
Ibas bahan oratenta sendah, Dibata ningetken bangsa Israel arah Musa maka keberhasilen sekalak jelma ibas kegeluhena e erpalasken kubas pasu pasu Tuhan labo erkiteken gegeh dirina sendiri. Emaka guna mempersiapken diri bangsa Israel selaku bangsa pilihen Tuhan, maka Dibata mereken pengajaren kerna nehken penampat bagepe mere alu ukur meriah sebage biak kalak si ikelengi Dibata. Rikut pe sebage bangsa si megegeh ras bersiap menghadapi kompetisi i taneh Kanaan, Terkhusus ibas ulang thaun Mamre si pe 28 ken kerina kita Mamre iajuk gelah njadiken persadanta ibas Mamre enda jadi persadan si nteguh ras ncidahken biak erdiate dingen erpemere.
PEMBAHASAN
Guna mpebagesi pengertinta, maka bahan oratenta enda banci sibagi kubas 3 bagin perenungen eme:
- Dibata simasu masu geluhndu, ikutkenlah perentahNa (ay 4-6).
Ibas ayat enda Dibata menegasken maka sura suraNa man bangsa Israel eme ngaloken pasu-pasuNa dingen arah pasu-pasuNa e bangsa Israel la lit sada pe si musil. Sura sura Dibata enda mempertegas jaminen pemeliharaan Dibata man bangsa pilihenNa. Alu ketentuan kerina e banci terjadi adi bangsa Israel tetap ngikutken dingen ngelakoken perentahNa.
Terdauhen isingetken Dibata, maka pasu pasu siiberekenNa terjeng ncukupken keperlun geluhna saja tapi pe banci jadi sada gegeh ibas menaklukken bangsa sideban (bd ay 6). Alu sie maka bangsa pilihen Dibata ngasup naluken tantangen si lit, janah jadi pemimpin bangsa bangsa sideban si lit isekelewetna.
Gambaren siisehken Dibata enda nuduhken maka pasu pasu Dibata man bangsa pilihenna sangat luar biasa. Bagepe pasu pasu Tuhan man banta Mamre, labo pasu pasu si biasa tapi mabai Mamre gelah jadi luar biasa. Mamre singasup naluken tantangen jaman dingen jadi pemimpin sihandal ibas gereja ras masyarakat. - Sampati ras melumbarlah mere man kalak si kekurangen (ay7-10).
Ibas bagin enda isingetken maka Kata Dibata e peka kubas realita/kenyataan si terjadi ibas kegeluhen bangsa Israel. Payo sura-sura Tuhan gelah kerina bangsa Israel la lit si musil. Tapi ibas realitana banci saja lit denga si musil. Keadaan enda nuduhken keterbatasen si lit ibas diri manusia misalna gegeh, pemeteh, kesempaten, rsd. Guna ngatasi keterbatasen enda bagepe guna ncidahken keadilen Dibata maka Dibata ningetkan man kalak Isreal si bayak gelah nampati dingen melumbar mere man kalak Israel simusil. Sebab ibas pasu pasu si nggo ialokenna e lit tanggungjawab Dibata guna pekena kena kalak musil. Bagi siisingetken Dibata maka sura surana eme nehken pasu pasu man kerina bangsaNa.
lbas bagin enda pe Dibata alu tegas ngataken maka adi lit kalak si la nggit nampati temanna maka ia ipersalahken Tuhan. Bagepe adi nggit ia nampati temanna maka pasu pasu Tuhan itambahken ka man bana.
Aalu bage teridah maka nehken penampat ras melumbar mere man teman si kekurangen merupaken tanggungjawabta ibas pasu pasu si nggo ibereken Tuhan man banta. Jamah alu behken penampat ras melumbar mere maka reh belinna pasu pasu e itambahken Tuhan man banta. - Tetaplah terus lakoken ras saksiken (ay 11).
lbas bagin si terakhir enda, Dibata menegasken maka nehken penampat ras melumbar mere enda merupakan dahin si tetap arus ilakoken. Kata “lit nge rusur kalak Israel simusil” nuduhken maka dahin nampati bagepe melumbar mere e perlu tetap ilakoken. Sekaligus arah dahin e teridah maka Dibata pe tetap mperdiateken kegeluhen bangsa pilihenNa terkhusus mereken perlindungen man kalak si musil gelah banci keke bas kemusilenna dingen teridah kekelengen Tuhan si mpersadakan kegeluhen bangsaNa
APLIKASI
Ibas minggu enda radu ras kita mperingeti HUT Mamre GBKP si pe-28 ken. Usia simennadaken maka Mamre GBKP semakin matang ras dewasa ibas ndalanken dahin dahin pelayanenna. Rikut arah bahan oratenta, Dibata mulihi mereken persinget man bangsa pilihenna gelah ersikap menghadapi kompetisi kegeluhen i Taneh Kanaan.
Arah kupasen teks alu sederhana isingetken man banta maka:
- Pasu pasu Tuhan sierbanca kam berhasil labo gegehndu.
Keberhasilen bas geluhta kerina enda pelin pelin reh ibas Dibata nari. Dibata labo pernah milih-mlihi ibas mereken pasu pasuNa man anak anakNa. Sura-surana kerina anak anakNa e ndatken pasu pasu e. - Pasu pasu Tuhan ejaminen pengkawaliNa bas geluhta.
Pasu pasu Tuhan e labo hanya terjeng materi, pangkat ntah pe keduduken, tapi lebih asa sie eme jaminen pengkawaliNa ibas geluhta. Bagis sisingetken Dibata man bangsa lsrael, maka Dibata nikapken pasu pasu gelah bangsa lsrael mampu memimpin bangsa bangsa isekelewetna. Enda bukti maka pasu pasu Tuhan luar biasa hebat ibas kegeluhenta. - Sampati ras melumbar mere man si musil, sabab e tanggunjabab ngaloken pasu pasu Dibata.
Ibas kinata kegeluhen, kalak si musil pasti lit. Aminna Dibata ersura-sura mereken pasu pasuNa, tapi erkiteken keterbatasen manusia, situasi kondisi bage pe kesempaten silit; kerina enda banci erbanca temanta ntah kita jadi musil. lbas sie peraten Tuhan gelah kemusilen e banci ihapusken. Carana eme alu nehken penampat ras melumbar mere man kalak musil. Sampati kalak musil e ibas perbebenna seh maka ia banci pulah ibas kemusilen e. Dahikenlah e alu meriah ukur sabab ibas pasu pasu siialoken kita bas Dibata nari lit je tanggunggung jabab guna nehken keadilen: Dibata eme arah nampati temanta si musil. Labo e saja tapi ibas sie pe itambahken Dibata pasu pasuna man banta arah penampat si lakoken kita. Ertina kai silakoken kita e labo ngkurangi kinilitenta tapi nambah silit bas kita. - Jadilah bapa sierdiate dingen erpemere alu tetap nehken penampat ras melumbar Nehken penampat ras melumbar mere labo cukup sekali ilakoken tapi arus tetap ilakoken dikune lit si membutuhken. Ertina dahin enda jadi biak ibas kegeluhenta, eme biak erdiate dingen erpemere. Tetaplah lakoken ras teruslah saksiken ibas kegeluhenta.
Ibas semangat biak erdiate dingen erpemere enda, sirayaken HUT Mamre si pe-28 ken, alu bage semakin teridah dingen ernanam kehadiren Kategorial Mamre itengahtengah gerejanta Selamat Ulang Tahun Mamre
DISKUSI
- Oge mulihi ayat 10, kai ertina mere alu melumbar dingen dem keriahen ukur?
- Motto Mamre: Mamre erdiate, Mamre erpemere. Kai nge bentuk konkrit singgo ilakokenndu ibas mewujudnyataken motto-ta enda? Turiken
USULEN ENDE-ENDEN
- KEE GBKP No. 270:1,3 – Ermengkah Ras Ertoto
- KEE GBKP No. 2: 1,2 – Ipuji Kami Kam
- KEE GBKP No. 451: 1-.. (Pers.) – Malerlah Pasu-pasuNdu
- KEE GBKP No. 281:1,2 – Kek’lengen Yesus Kempak Manusia
Pdt Darius R. Sembiring
HP. 0812 193 1648