ERDAHIN GUNA KINIULIN PERPULUNGEN
2 Korinti 8: 16 -19
Titus diutus
8:16 Syukur kepada Allah, yang oleh karena kamu mengaruniakan kesungguhan yang demikian juga dalam hati Titus untuk membantu kamu. 8:17 Memang ia menyambut anjuran kami, tetapi dalam kesungguhannya yang besar itu ia dengan sukarela pergi kepada kamu. 8:18 Bersama-sama dengan dia kami mengutus saudara kita, yang terpuji di semua jemaat karena pekerjaannya dalam pemberitaan Injil. 8:19 Dan bukan itu saja! Ia juga telah ditunjuk oleh jemaat-jemaat untuk menemani kami dalam pelayanan kasih ini, yang kami lakukan untuk kemuliaan Tuhan dan sebagai bukti kerelaan kami.
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU/ PERPULUNGEN JABU
1) Rende: Singing Glory praise The Lord) 2x (lbabai anak)
Singing Glory praise the Lord Haleluya
Singing Glory praise the Lord Haleluya
Singing Glory Prasie the Lord Haleluya
Singing Glory Haleluya Praise the Lord
Dilaki: Oh My sister praise the lord Haleluya
Diberu: Oh My Brother Praise the Lord Haleluya
Every Body praise the lord Haleluya
Singing Glory Haleluya praise the Lord
2) RENDE: KEE No. 204: 1-2 (IBABAI SI MADA JABU/BAPA)
Kata Ni Dibata seh kal e perluna bas geluh enda
Ogelah Pustaka je IA ngerana man banta k’rina
Gegeh i bas geluhku kataNdu si tuhu-tuhu ras pasu-pasuNdu
BAPA: Kata ni Dibata e jadi senjata bas geluh enda
NANDE: Lawanlah musuhta la arah gegehta ipermenangna
Tetap kal ukur kami la lit kebiaren nari Tuhan si nampati
3) ERTOTO (Ibabai nande/simada jabu)
4) RENUNGEN
Teks : 2 Korinti 8:16-19 (si ngogekenca anak)
Tema : Erdahin Guna Kiniulin Perpulungen
Erdahin guna kiniulin perpulungen e sada pendilo man kalak si tek. Kristus enggo mereken usihen, aminna bayak gia IA, tapi guna kiniulin perpulungen, ipemusilNa baNa, gelah arah kemusilenNa e jadi bayak kita. Perpulungen Makedonia enggo ngusih perbahanen Jesus e. I bas kekurangenna pe ergiah-giah ukurna mere nampati perpulungen i Judea. La terjeng duit ngenca iberekenna tapi iendeskenna dirina lako nampati, waktu, gegeh, pemeteh ras kai si lit i bas ia. Ngidah ukur perpulungen si ergiah giah e, perlu niakap iarak-arak e maka Paulus ngutus Titus mulihken ku Makedonia lako nerusi dahin si enggo ibenaken perpulungen e. Radu ras Titus, ikut pe sekalak senina si ipujiken perpulungen i ja pa pe erkiteken dahinna meritaken Berita Si Meriah. Titus ras temanna e pe ergiah-giah ukurna erdahin guna kiniulin perpulungen. Teridah i je buah kiniteken. I bas ndahiken dahin e la si panjang punjuten, labo perbahan isuruh maka idahikenna, tuhu-tuhu sura-surana erdahin e arah pusuhna ersuruh. I bas erdahin e sada perayaken e me guna kemulian Tuhan.
Ergiah-giah ukure me kunci i bas erdahin, subuk dahin i bas pulungen bage pe i bas dahinta si teptep wari. Adi kerina pusuhta ergiah-giah muat bagin ndahiken dahin perpulungen uga pe tama kiniulin man perpulungen e. Si perlu ieteh perpulungen e me kerna talentana, kengasupen ras pemeteh si lit i bas ia. Adi megermet kita maka kerina nge lit kengasupenta i bas perpulungen e, lit si beluh rende, lit si beluh jadi protokol, lit si beluh nimpan ras mbukuken sen, lit si beluh dekorasi gereja, lit si beluh musik, lit si beluh make alat teknologi ras si debanna. Kerina kebeluhen e banci sipakeken guna ndahiken dahin perpulungen.
Wari enda ercakap kita kerna tim kotbah, e me tim si nuri-nuri kerna kata Dibata, subuk arah mimbar tupung kebaktin minggu, subuk bas kebaktin sekolah minggu, bas PA, bas PJ, Kebaktin padang, katekisasi ras si debanna. Tim enda labo saja Pandita ras Pt, Dk, tapi pe banci bengket ngawan perpulungen. Umpamana si ngajar katekisasi, banci guru agama Kristen i sekolah, banci ka guru sekolah minggu, pengurus PJJ ras pengurus kategorial. Seakatan nuriken kata Dibata, tim kotbah enda pe dahinna banci ka erbahan dokumen kotbah, nikapken jadwal sermon ras ngkuhi keperlun i bas sermon. Kerina tim enda min ergih-giah ukurna ras nikapken dirina lako ndahiken dahin kotbahna alu mehuli, lit alur kotbah benaken kata perlebe, isi ras aplikasi kotbah. Adi nehken kata Dibata la banci meros, arus ersikap tuhu-tuhu. E maka kerina arus ikut sermon. I bas kita ersikap e pe si tuhuna kita enggo ngendesken dirinta man Tuhan lako ndahiken dahin Na. Kerina tim la oratna sipandang punjuten entah sidalih-dalihen. Kerina tim ertanggungjabab i bas baginna sekalak-sekalak. Sada tujun tim e i bas ndahiken dahinna e me mpermuliaken Kristus.
5) NURIKEN PENGGEJAPEN
• Bapa
• Nande
• Anak
6) DISKUSI/AKSI
• Kai kira-kira perayaken Perpulungen Makedonia maka ergiah-giah kal ukurna muat bagin ndahiken dahin perpulungen?
• Kai nge si idah kendalana maka lit denga perpulungen lenga ergiah-giah muat bagin i bas dahin-dahin perpulungen?
• Si litken tim kotbah i bas runggun ras sektor ta.
7) PERSEMBAHEN: RENDE KEE NO: 218:4 )2x (ibabai anak)
Nggo kenca seh i bas paksana
Si endesken me persembahenta
Lah enda banci min erguna pebelangken Kerajan Dibata
Si bas Berita Si Meriah perukuren tetap min ergiah
Bas si la tengka minter nilah
G’luh si mbaru lah madin peturah
8) PERTOTON SAPAAT (ibabai Pt, Dk/ bapa)
• Gelah min kerina perpulungen ergiah-giah ukurna ndahiken dahin perpulungen
• Kiniersadan arih bas perpulungen
• Jabu ingan pulung ras jabu ingan pulung minggu si reh
9) RENDE KEE No. 203:1, 4
Pasu pasu ni Tuhanta, si nemani geluhta
Tiap wari seh man banta, la ersibar ngaruhna
Aku pe aku pe, pasu-pasu aku pe
Kesah Tuhan Si Badia, Surga nari kap rehna
Bengketi K’rina jelma, si ngaloken kata Na
Aku pe aku pe, bengketi min aku pe
10) PERTOTON TUHAN (ibabai Pt, Dk/nande)
11) MOMO
C. JEDA RAS PENUTUP
Pdt. Nurbety br Ginting, M.Th.
HP/WA: 082168696383