Ogen : Daniel 6:9-1O
Tema : Ertoto Jadi Gegeh I bas Erkiniteken
Tujun : Gelah Saitun:
- Ngidah ketenengen Daniel i bas ngalaken kiniseranna alu ertoto.
- Erbahan ertoto jadi kesemalen geluhna gelah ngasup ngalaken kerina kebiaren geluh.
6:8 (6-9) Oleh sebab itu, ya raja, keluarkanlah larangan itu dan buatlah suatu surat perintah yang tidak dapat diubah, menurut undang-undang orang Media dan Persia, yang tidak dapat dicabut kembali.” 6:9 (6-10) Sebab itu raja Darius membuat surat perintah dengan larangan itu. 6:10 (6-11) Demi didengar Daniel, bahwa surat perintah itu telah dibuat, pergilah ia ke rumahnya. Dalam kamar atasnya ada tingkap-tingkap yang terbuka ke arah Yerusalem; tiga kali sehari ia berlutut, berdoa serta memuji Allahnya, seperti yang biasa dilakukannya.
- BENA KATA.
Kitab Daniel emekap sada kitab nabi-nabi si mbelin, si merupaken kitab nabi si perpudina i bas kitab Padan Sindekah. Daniel ertina: Allah adalah Hakimku. Daniel anak sekalak keturunan Raja Hizkia. Daniel asalna i bas keluarga si terdidik i bas kalangen Yerusalem. Daniel sekalak tabanen Yahudi tapi jabatenna sebagai perdana menteri i Babelonia. Daniel nggeluh i bas zaman rezim Nebukadnezar emekap Raja Babilonia. Kegeluhen pertendin Daniel tuhu-tuhu mehuli, erbahanca Daniel banci berhasil ras sukses.
- MPEBAGESI SI MAN OGEN.
Lit 3 rahasia kunci kesuksesan Daniel, eme kap:
- Daniel nggeluh i bas standar Kebenaren Kata Dibata (Daniel 1:8-12)
Daniel la ia nggit man pangan si isikapken erdandanken pangan e enggo ipersembahken man dewa. Janah e desken kekejian man Dibata. Daniel la la ngelanggar kata Dibata alu man pangan si enggo ipersembahken man dewa, sebab ia arus njaga kebadian kinitekenna janah la ia nggit kompromi ras dosa.
- Daniel isadarina maka kerina si lit i bas la rehna bas Dibata nari. (Daniel 2:27)
Daniel iakuiana ras isadarina maka kesuksesan siialokenna rehna i bas Tuhan nari. la la pernah jadi kalak sombong. Daniel la ia nggit ngaloken pujin erdandanken banci ia ngantusi nipi Raja Nebukadnezar tapi alu terus terang ikatakenna maka Dibata si nampati ia. Kedungenna Raja Nebukadnezar ngakui Dibata si isembah Daniel.
- Waktu-waktu pribadi Daniel ras Tuhan arah ertoto (Daniel 6:10-11).
Daniel ngalaken masalah si tuhu-tuhu mberat ras dem alu resiko sehubungen ras penembahenna man Dibata. Telu kali sada wari Daniel ertoto man Dibata, hal enda nuduhken maka kedisiplinenna i bas ersekutu/ersembah ras ertoto guna muji Dibata. Keputusen Raja Nebukadnezar la erbahanca surut kinitekenna man Tuhan segelah ia banci tetap nembah ras ertoto guna mindo penampat man Dibata bagepe muji Tuhan. Anem gia lit ancamen si membahayaken dirina tapi Daniel la ia mbiar janah tetap ituduhkenna maka dirina selaku anak Dibata si tetap menjalin hubungen ras Tuhan arah pertotonna. Perbahanen Daniel i bas ertoto ras nembah man Dibata erbahanca ia enggo ngelanggar perintah raja si dungna ia ibenterken/imasukken kubas lubang singa. Tapi singa-singa e itutup malaikat Dibata babahna. Meriahkal ukur raja Nebukadnezar kenca pepagina i idahna maka Daniel ras teman-temanna selamat, e maka iperintahken raja guna ngerintak Daniel kudas janah teridah maka la kena kai pe ia, perbahan ernalem ia man Dibata.
- PENGKENAINA
Erpalasken kata Dibata enda banci si simpulken maka Daniel sekalak si tutus, dem integritas, setia i bas nilai-nilai ajaren kata Dibata. la tetap setia ndalanken kai sienggo iajarken i bas Hukum Torat ras ndalanken kai sienggo i perentahken Tuhan man bana.
Si jadi penungkunen, kai nge si mpengasup Daniel guna dalanken sura-sura Dibata bas geluhna? Lit telu keteladanen Daniel banci si jadiken teladan bas geluhta, eme:
- Daniel setia ertoto man Dibata (ay 11),
- Daniel setia i bas beribadah man Dibata (ay 6)
- Daniel tuhu-tuhu erkemalangen man Tuhan, biaren ia man Tuhan asangken man manusia (ay 9).
Daniel merupaken saksi nggeluh arah puji-pujin ras toto ipenangkih man Dibata. lakui Daniel maka kune hubungenta ras Dibata tetap terjaga alu mehuli maka kugapape kita banci berhasil. Arah kepentaren, hikmat, ras jabaten si lit, uluna bas Dibata nari. Perban si e maka Daniel tetap setia guna ertoto man Dibata. Toto jadi orat nggeluhna ras idalankenna alu setia man Dibata. Arah kesetian Daniel kita pe ibabai segelah kita tuhu-tuhu erpengendes man Tuhan laerngadi-ngadi.
Toto eme sada kebutuhen si penting bas kalak si erkiniteken man Dibata. Arah toto kita banci ercakap-cakap man Dibata ras ije situriken isi pusuhta ras si tulkasken kerina man ba-Na.
Kuga Daniel salah sada Nabi Tuhan si terberita sebagai sekalak si setia i bas ertoto, tentu kita pe sebagai Saitun banci meneladani kuga kesetian Daniel i bas ertoto segelah kita pe setia ertoto man Dibata. Anem gia mungkin gegehta lanai lit guna nampati secara sen (materi) tapi arah toto kita banci
mpegegehi keluarga, teman ras pelayanen itengah gerejanta. Ertoto desken cara encidahken pengendesen dirinta nandangi ketergantungenta man Dibata, kuga Daniel mpemuliaken Dibata arah totona ras mindo penampat. Tentu kita pe selaku Saitun segelah i bas ertoto e ije kita erpengendes ras tergantung sepenuhna man Dibata.
Daniel iberekenna waktuna guna eroto man Dibata 3 x 1 wari, waktu sikhusus, tentu kita pe perlu si ban waktu si khusus guna ertoto, ercakap-cakap ras Dibata. lje kita notoken Bangsa ras negaranta, gereja Tuhan ras kerina serayan-Na rikut pe pengurus kategorial, pengurus PJJ, keluarganta rikut anak/ permen/kela ras kempunta segelah kerina lit kinijuah-juahen. E maka selaku kita Saitun, kita banci tetap natang-natang perdalanen pelayanen gereja Tuhan arah Totonta (Syafaat ta). Saitun sebagai Pendoa Bangsa & Negara, Gereja ras Keluarga
Kesaksin sekalak nini beru Ginting, ia umurna 84 tahun janah ia mbalu enggo 20 tahun dekahna. Nini iting enda ndai anakna lit 5 kalak, 2 Dilaki ras 3 diberu kempuna 15 kalak entena 3 kalak. Ia mereken waktuna tiap berngi “ERTOTO” man Dibata guna notoken anak, kela, permain, kempu ras entena janah kerina gelarna ibelakenna sada persada. Tuhu-tuhu sisa geluhna ipersembahkenna man Tuhan ras notoken keluarga, gereja, bangsa ras negara. Enda ilakoken Iting enda ndai selama 20 tahun sope ia ngadap man Dibata. Pesan Iting enda ndai, ateku segelah sisa geluhku banci aku jadi “PENDOA SYAFAAT” guna notoken Bangsa Negara, Gereja, Keluarga ras kalak sideban.
- PERTOTON
Kami ngataken bujur man ba-Ndu Bapa kami si i surga, perban Kam enggo mperkuanken kami arah kesaksin nggeluh nabi-Ndu Daniel. la sekalak si setia ras tutus i bas ertoto, e maka pasu-pasu-Ndu kami segelah kami pe banci jadi pendoa syafaat selaku kami Saitun. Bujur Bapa i bas gelar Tuhan Yesus Kristus kami ertoto, Amin.
- DISKUSI
- Daniel sekalak si setia i bas ertoto man Dibata. Kai si erbahanca Daniel ngasup tetap setia i bas ertoto man Dibata.
- Daniel i bas ngalaken ancamen geluhna la ia surut guna nembah man Dibata. Kune ancamen iperhadapken man banta, kuga sikapta bas ngalaken ancamen e, ngasup nge kita bagi Daniel?
- Mari si diskusiken kesaksin nini beru Iting enda ndai, kita kuga ninta?
Pdt Ratna Sriany br Meliala