Teks : Kuan-kuanen 3:17-18
Tema : Pentar makeken Teknologi Informasi
Tujun : Gelah Mamre:
- Meteh kepentaren Dibata simaba kesenangen geluh
- Makeken Teknologi Informasi maba dame ras kiniersadaan
3:17 Jalannya adalah jalan penuh bahagia, segala jalannya sejahtera semata-mata. 3:18 Ia menjadi pohon kehidupan bagi orang yang memegangnya, siapa yang berpegang padanya akan disebut berbahagia.
- KATA PENARUH.
Lit 2 kalak persabah bas paksa lego ndarami lau. Enca idatsa mata lau das deleng, sekalak nukur piga-piga ember, janah iyahkenna kerina anak jabuna njujungi lau ku sabahna. Sekalak nari tukurna pipa, janah alu pipa ndai ipemalerna lau ku sabahna. Duana sabah kalak ndai erlau. Sekalak alu kerja keras, ras sekalak alu kerja cerdas (kreatif, inovatif, produktif, efektif ras efisien). Bagenda me pilihen kepentaren kegeluhen bas makeken kemajuan teknologi ras informasi, terlebih bas kita memanfaatkenca secara cerdas dingen mbabai kesenangen nggeluh (damai sejahtera) rikut sue tema sasaran pelayanan GBKP jemaat menjadi pelaku aktif pelayanan.
Secara historis perkembangan teknologi ras informasi ibenai alu revolusi industry si ibenaken 1.0 (abad pe-18) alu pemakaen tenaga uap rikut mekanisme produksi bagepe produktivitas. Tahap 2.0 (abad pe-19) alu penemuan listrik dingen produksi perakitan rikut efesiensi biaya. Tahap 3.0 (tahun 70-an) melalui otomatisasi parsial penggunaan control rikut komputerisasi robotik. Tahap 4.0 itandai alu penerapen platform digital/teknologi informasi rikut komunikasi bas dunia industri (system produksi fisik-cyber-pabrik pintar/cerdas ras efisein rikut fleksibel) (Kompas. com. 8.10.2021 diakses 2607.2022 jam 16.20). Gundari kita mengketi tahap masyarakat 5.0. alu konsep internet of things (loT) rikut Al segelah kegeluhen manusia rikut doni enda reh ulina (eco-friendly) dingen ngurangi gap kesejahteraan antar manusia/bangsa. Trend kekinian bas kemajuan teknologi e me digitalisasi layanan public sekaligus mendorong pertumbuhan ekonomi digital. Keterampilan digital kerna pemrograman (coding), kecerdasan artifisial (AI), mahadata, internet untuk segala (loT), realitas virtual (VR) rikut pemasaran digital (start up).
- PELIKASI (Uraian) Teks.
Kalak pentar bas Pustaka Si Badia e me kerna kepentaren secara pemeteh, keterampilen/keahlian (kecerdasan intelektual), rikut kepentaren secara utuh/holistik eme mencakup kepentaren emosional dingen kecerdasen spiritual, enda iistilahken alu ‘hkm’ (hikmat/bijaksana), sirehna bas Dibata nari (Kua. 8). Janah enda me sijadi ukuren kepentaren simabai kesenangen sejati, labo kesenangen lahiriah sibanci saja idat alu kesenangen doni dingen kesenangen material. Terutama pe sekalak sipentar ndalani kegeluhenna arah dalan kedamen/keriahen/ kesejahteraan la lit bas ia kebiaren dingen kearun (ay. 17).
Kepentaren siimaksudken enda man kalak Israel banci idat alu nambahi pemeteh ngorati Pustaka Si Badia, arah ngoge buku-buku berkualitas, erlajar arah pengalamen kegeluhen rikut bimbingen cendekiawan, bagepe nambahi cakrawala wawasen alu erdiskusi ras kalak si inspiratif dingen layak jadi usihen/panuten bas kegeluhenna dingen kinitekenna. Alu bagenda banci idat kai keutamaan kegeluhen guna jadi perayaken. Dingen alu tangkasna kai sijadi perayaken, banci ilakoken perubahan-perubahan pola pikir, lagu langkah sigel-gel kin labo payo, subuk ku kiniulin geluh, jabu, ingan pendahin, rikut pe kegeluhen bangsa. Kepentaren enda sipentingna e me ngasup ngikuti kemajun dingen reh paguhna ka unsur kiniteken, e me sejarah keselamaten ras perbahanen Dibata si mbelin nandangi tinepa-Na. Dampar sideban e me nalangi peluang pendahin/usaha produktif siulihna kesejahteraan dingen kemajun.
Ulih kepentaren sipenting e me litna kedamen ertina ndauh i bas sura-sura sijahat, perbahanen kalak si mabai cilaka dingen sindabuhken (bangkrut, sakit). Enda me pujin dingen ulihna man kalak sibijaksana, si meteh uga makeken kepentaren Dibata simaba kesenangen geluh. Alu bage kepentaren e me ulu kesangapen. Kesangapen ndalani kegeluhen. terutama kegeluhen pertendin. Ulih kepentaren memang icidahken bas umur si gedang, bage pe kebayaken ras kehamaten (ay. 16). Bas Bahasa Indonesia tole ikataken: “la menjadi pohon kehidupan bagi orang yang memegangnya.” Pohon kehidupan, e me lambang pasu-pasu Tuhan, i ja tupung lego pe la ia kerahen/melus. Kesangapen rikuten ras kegeluhen si benar, pengerana simedate dem kiniulin mabai kemalemen ate.
- PENGKENAINA.
Perkembangan teknologi rikut informasi genduari iistilahken desrupsi, gelombang kreasi rikut inovasi simbelin sinderpa kerina aspek kegeluhen. Perkembangan teknologi ras informasi ulihna e me presisi (ketepatan), efesiensi (kemurahan biaya) dan efektivitas (mencapai tujuan secara optimal). Gundari untuk mobilisasi/ transportasi lit ojek online, pembayaran digital, jual beli dingen pemesanan barang/pangan secara daring, pendidikan secara online. I bas GBKP lit ikembangken peluang ekonomi digital arah Tigata. Enda kerina jadi faktor kemudahan siialoken masyarakat akibat kemajuan teknologi si dahsyat ndai dingen jadi kesempaten, peluang man Mamre.
Kemajuan teknologi ras informasi tetap ikuti dampak pisau bedah, maksudna sejatina guna kiniulin, kesehatan ras kesejahteraan, tapi bas kinatana melala ka nge siisalahgunaken kalak. Bas sie perlu kal kita kepentaren bagi siisingetken i bas Pustaka Si Badia. Paksa terjadi pembatasan akibat penyebaran covid-19 percepatan teknologi ras informasi semakin ibutuhkan i sektor ekonomi, social, pendidikan, hiburan dingen pertendin/kebaktian. Tindak kejahatan pe reh canggihna bas penyalahgunaan pemanfaatan teknologi ras informasi, misalna bas pemanfaatan waktu, pengguna media social (terutama video pendek), biasana ndedah lebih asa sienggo irencanaken, apa lagi sibermain game online entah terjerumus judi online. Social engineering (soceng): penipuan persuasif untuk membujuk, mengajak, meyakinkan korban untuk melakukan pelaku penipuan lewat dunia digital. Dampak bahayana bas meros dingen merosotna komunikasi verbal/non-verbal i tengah jabu terancam alu istilah jumpa la erkuan, seisi jabu i rumah tapi sibuk asik sendiri alu hp masing-masing. Bas ngalaken tantangen dingen ancaman sie kita ituntut guna cermat, teliti (mbages niksiki) bas penguasaan teknologi ras informasi. Tangkas banta maka alat teknologi informasi e me ulih kepentaren si rehna ibas Dibata, alu bage segelah banci min jadi sumber keuntungen si mehuli, media tritugas Gerejawi, dingen bas makekenca la kita terjebak melanggar undang-undang informasi dan transaksi elektronik (UU ITE).
- DISKUSI
- Uga kerna kepentaren simaksudken Kuan-kuanen 3:17-18?
- Kai saja penyalahgunan teknologi ras infornmasi, dingen uga kita memanfaatkan perkembangen informasi ras teknologi simabai keuntungen/kiniulin man banta, bagepe kiniersadanta Mamre?
- USULEN ENDE-ENDEN:
- KEE GBKP No. 57:1, 3, 4.
- KEE GBKP No. 205:1, 4.
- KEE GBKP No. 204:1, 6.
- KEE GBKP No. 445:1-
- KEE GBKP No. 212:1, 5.
Pdt. Imanuel Kemenangan Ginting, STh
HP: 0813 6218 0453