RENDE MUJI TUHAN
Keluaren 15: 1-18
(Tim Kesaksian Ekspresif)
Nyanyian Musa dan Israel15:1 Pada waktu itu Musa bersama-sama dengan orang Israel menyanyikan nyanyian ini bagi TUHAN yang berbunyi: “Baiklah aku menyanyi bagi TUHAN, sebab Ia tinggi luhur, kuda dan penunggangnya dilemparkan-Nya ke dalam laut. 15:2 TUHAN itu kekuatanku dan mazmurku, Ia telah menjadi keselamatanku. Ia Allahku, kupuji Dia, Ia Allah bapaku, kuluhurkan Dia. 15:3 TUHAN itu pahlawan perang; TUHAN, itulah nama-Nya. 15:4 Kereta Firaun dan pasukannya dibuang-Nya ke dalam laut; para perwiranya yang pilihan dibenamkan ke dalam Laut Teberau. 15:5 Samudera raya menutupi mereka; ke air yang dalam mereka tenggelam seperti batu. 15:6 Tangan kanan-Mu, TUHAN, mulia karena kekuasaan-Mu, tangan kanan-Mu, TUHAN, menghancurkan musuh. 15:7 Dengan keluhuran-Mu yang besar Engkau meruntuhkan siapa yang bangkit menentang Engkau; Engkau melepaskan api murka-Mu, yang memakan mereka sebagai tunggul gandum. 15:8 Karena nafas hidung-Mu segala air naik bertimbun-timbun; segala aliran berdiri tegak seperti bendungan; air bah membeku di tengah-tengah laut. 15:9 Kata musuh: Aku akan mengejar, akan mencapai mereka, akan membagi-bagi jarahan; nafsuku akan kulampiaskan kepada mereka, akan kuhunus pedangku; tanganku akan melenyapkan mereka! 15:10 Engkau meniup dengan taufan-Mu, lautpun menutupi mereka; sebagai timah mereka tenggelam dalam air yang hebat. 15:11 Siapakah yang seperti Engkau, di antara para allah, ya TUHAN; siapakah seperti Engkau, mulia karena kekudusan-Mu, menakutkan karena perbuatan-Mu yang masyhur, Engkau pembuat keajaiban? 15:12 Engkau mengulurkan tangan kanan-Mu; bumipun menelan mereka. 15:13 Dengan kasih setia-Mu Engkau menuntun umat yang telah Kautebus; dengan kekuatan-Mu Engkau membimbingnya ke tempat kediaman-Mu yang kudus. 15:14 Bangsa-bangsa mendengarnya, merekapun menggigil; kegentaran menghinggapi penduduk tanah Filistin. 15:15 Pada waktu itu gemparlah para kepala kaum di Edom, kedahsyatan menghinggapi orang-orang berkuasa di Moab; semua penduduk tanah Kanaan gemetar. 15:16 Ngeri dan takut menimpa mereka, karena kebesaran tangan-Mu mereka kaku seperti batu, sampai umat-Mu menyeberang, ya TUHAN, sampai umat yang Kauperoleh menyeberang. 15:17 Engkau membawa mereka dan Kaucangkokkan mereka di atas gunung milik-Mu sendiri; di tempat yang telah Kaubuat kediaman-Mu, ya TUHAN; di tempat kudus, yang didirikan tangan-Mu, ya TUHAN. 15:18 TUHAN memerintah kekal selama-lamanya.”
- PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden pop rohani.
- Janah kerina perdalanen PJJ enda banci iubah (imodifikasi) rikutken perluna.
- Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
2. Rende KEE No, 372: 1-3 (lbabai Nande)
Pujlah Tuhan si Badia, puji perbahanenNa si Mbisa
Embus suling terompet, cawir ban sorana
Puji Tuhan si Mada krina tinepa
Suraklah o doni kerina
Rende muliakenlah gelarN
Bujur perbahanenNa, la pedas merawa
Puji Tuhanta i bas lias ateNa
O tendingku puji Dibata, alu dem keriahen pujilah
Kerina si erkesah lA si madasa
Puji Tuhan si Mada Krina tinepa
3. Ertoto (lbabai Bapa)
4. Renungen
Teks: Keluaren 15: 1 – 18 (Ibabai Anak)
Tema: Rende Muji Tuhan
Adi ngerana kita kerna rende, tentuna hal si semal si lakoken janah megati ka nge jadi “hobby” sekalak jelma. E maka rende e me komponen musik si lit ije lirik ras lagu. Janah semal me kita ndengkehken kalak rende ntah pe kita kin jine pe megati kal rende. Rende mabai “pengaruh positif” nandangi kalak si ngendekenca ras pe si megikenca kune iendeken alu payo ras sempabu rikut pe perkakas musik si lit si tuhu-tuhu mabai ku bas ketenengen, nambahi semangat, mpeturah perukuren si mehuli bage pe banci ngkurangi latih rukur (stress). E maka rende enda si tuhuna perlu kal guna kesehaten kula bage pe kiniteken.
Ogen-nta si sendah nuriken kerna peristiwa Musa ras kalak Israel tupung mentasi laut Teberau janah ndatken kemenangen. I bas perbeben bage pe kebiaren sinialaken Musa ras bangsa Israel, tergejap Dibata erdahini bas perbeben sinialaken bangsa e. Kenca seh i bas tujunna, ngata ken bujur ia man Tuhan erkiteken penampat bage pe keleng ate Dibata kempak ia kerina. Janah itatapna maka kerina tentera Firaun bage pe kereta ras kudana enggo gedap i lawit. Mamang janah la iarap bangsa Israel banci jadi bage, e maka Musa ras kalak Israel ndai rende ngataken bujur man Tuhan. Iendekenna ende-enden man Tuhan kerna penampatNa si mbelin e. Isi ende-endenna e me nuriken alu pusuh si erburak maka Dibata e seh kal ulina bage pe seh kal perkelengna. E maka iendeken Musa ras bangsa Israel puji-pujin ras kinimbisan Dibata i bas geluhna.
Bicara si andingken i bas kegeluhenta genduari, la kin lah gatin nge si inget lagu sakit hati, erkune-kune ras lagu si mecat-mecat ngenca riahen si akap mbegisa asangken ngendeken pujin man Tuhan? Si tuhuna min i bas kegeluhenta enda gantinlah kita muji gelar Tuhan asangken ngendeken ende-enden si erbahanca latih rukur. Sabap kalak si makeken babahna guna mpermuliaken Tuhan alu rende maka isehken Dihata pe pasu-pasuNa man banta.
Sue ras GBP GBKP (hlm. 78) kerna tim-tim kesaksian ekspresif lit ije telu bagin si tercakup i bas nehi tema-nta si sendah, e me: Paduan suara, Vocal Group ras Solo. Enda me bagin-bagin rende si semal silakoken i bas perdalinen pelayanen gerejanta. E maka iarapken man banta kerina gelahna muat bagin i bas rende muji Tuhan. Gelahna ula tangkel lalap kuan-kuan nina: koorta enda koor jumpa datas. Ertina gelah enggo-enggo saja. E maka iajuk teptep runggun ras ngawan perpulungen gelahna ngelitken tim-tim paduan suara, Vocal Group ras pelatihen pengembangen suara. Seh maka i bas kebaktin-kebaktinta pe banci iselingi alu nehken persembahen puji-pujin guna nuriken isi pusuh arah ende-endenta man Tuhan. Selamat rende guna muji Tuhan!
5. Nuriken Penggejapen
- Sekalak i bas si mada jabu
- Bapa
- Nande
6. Diskusi
- Oge mulihi Keluaren 15:1. Turiken kai-kai saja banci sidatken ulihna i bas kita rende muji Tuhan?
- Sue ras bahan oratenta, enggo nge jadi program prioritas i bas Runggun/Perpulungenta guna ngelitken Pelatihen Tim-Tim Paduan Suara, Song Leader, Vocal Group ras Vocal Solo? Adi enggo tetap sitingkatken kualitasna tapi adi lenga mari si jadiken program ras tetap silakoken.
7. Mpepulung Persembahen
Rende No. 319:1-3
1) Sada soranta muji Dibatanta
la jine si njayam keg’luhenta
Lalap la ‘ngkelengi tinepaNa
Maler me kap tetap pasu-pasuNa
2) Sada soranta muji Dibatanta
S’lamat kita ban perkuah ate Na
AlokenNa kita jadi anakNa
Maler me kap tetap pasu-pasuNa
3) Sada soranta muji Dibatanta
Lit perbeben b’rekenNa dalan pulah
G’lah min kita enda jadi erbuah
Maler me kap tetap pasu-pasuNa
8. Pertototon Persembahen, Sapaat ras Pertoton Tuhan (Ibabai Pendeta/Pertua/Diaken/Emeritus)
- Notoken perpulungen gelah ngelitken tim-tim kesaksin ekspresif: paduan suara, vocal grup, solo
- Si turah i bas perpulungen/jabu
- Pertoton Tuhan
MOMO
JEDA
Pdt. Join Uda Ginting, S.Si-Teol.
HP/WA: 081260907161