PEHAGA TUHAN DIBATA ALU KERJA RANI
Ulangen 16:9-12
16:9 Tujuh minggu harus kauhitung: pada waktu orang mulai menyabit gandum yang belum dituai, haruslah engkau mulai menghitung tujuh minggu itu. 16:10 Kemudian haruslah engkau merayakan hari raya Tujuh Minggu bagi TUHAN, Allahmu, sekedar persembahan sukarela yang akan kauberikan, sesuai dengan berkat yang diberikan kepadamu oleh TUHAN, Allahmu. 16:11 Haruslah engkau bersukaria di hadapan TUHAN, Allahmu, engkau ini dan anakmu laki-laki serta anakmu perempuan, hambamu laki-laki dan hambamu perempuan, dan orang Lewi yang di dalam tempatmu, dan orang asing, anak yatim dan janda, yang di tengah-tengahmu, di tempat yang akan dipilih TUHAN, Allahmu, untuk membuat nama-Nya diam di sana. 16:12 Haruslah kauingat, bahwa engkaupun dahulu budak di Mesir, dan haruslah engkau melakukan ketetapan ini dengan setia.
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden pop rohani.
- Janah kerina perdalanen PJJ enda banci iubah (imodifikasi) rikutken perluna.
- Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU/ PERPULUNGEN JABU
- Rende: KEE No. 424:1 (ibabai Bapa)
Ipuji kami kam Dibata si mbelin
Alu ende-enden si meriah
Suari ras berngi kawali kami min
Segelah la celus bas percuban
Reff: Sangap kap kalak si ‘rnalem ba Ndu e
Daten tuah ras kesenangen pe
Sangap kap kalak si ‘rnalem ba Ndu e
Daten tuah ras kesenangen pe
- Ertoto (ibabai simada Jabu)
- RENUNGEN
Teks : Ulangen 16:9-12 (ibabai Simada Jabu)
Tema : Pehaga Tuhan Dibata alu Kerja Rani
Kerja Rani rusur kal ikawitken ku bas kegeluhen perjuma. Gia bage i bas kinata kegeluhen perpulungenta labo kerina perjuma, terkhusus si tading i kota. Masyarakat kota labo lit musim rani na tapi lit nge sumber pendapatenna subuk arah gaji selaku pegawai, pengusaha, jadi si erdahin kalak, erbinaga, rsd. Ngingetken man banta maka kerja rani e me tanggungjabab kerina kalak si erkiniteken i bas erbage-bage pendahinna man Dibata.
Kerja Rani silakoken gerejanta e me pengataken bujur nggejapken kiniulin Tuhan i bas kegeluhen si teptep wari si icidahken arah maba persembahen ku rumahNa.I bas Ulangen 16:9-12 ituriken kerna perentah Dibata man bangsa Israel guna ngelakoken Kerja Rani. Kerja Rani e ilakoken i bas waktu si itentuken Tuhan e me: ibeligai pitu minggu i bas kalak e menaken rani gandum. Enda tujunna guna mpehaga Tuhan Dibata. Persembahen enda ibaba alu ermeriah ukur, Buena rikutken pasu-pasu si ibereken Dibata. Kai si ipersembahken e labo terpaksa, tapi sue kai si lit i bas kita.
Kerja Rani si perentahken Dibata e ilakoken alu meriah ukur i adep-adepen Tuhan ras anak-anak rikut ras kerina suruh-suruhen, kalak Lewi, kalak pertandang, anak melumang, ras diberu balu-balu si tading kuta kalak e. Ngingetkenca man banta maka kerja rani e pe guna ngergai kalak si kote si tading tengah-tengah kalak Israel gelah ia pe banci ermeriah ukur i bas Dibata enggo masu-masu bangsaNa. E maka arah kerja rani enda kita enggo muat bagin guna mpehaga Tuhan ras ngkelengi manusia.
Kerja rani enda pe ngingetken bangsa Tuhan maka ia pernah iadi budak i Mesir ras Dibata enggo mbebasken ia i bas perbudaken nari janah Dibata nge nikapken taneh guna njamin geluh bangsaNa (bdk. Im. 23:15-21). Perentah enda arus tetap ilakoken i bas kegeluhen bangsa Israel.
Kerja Rani e me pengataken bujur ras jadi kesaksin kiniteken, maka si lit i bas kita uluna i bas Tuhan nari. Njemba kita selaku kalak si tek mpehaga Dibata arah ulih pendahinta. Adi sigejap keleng ate Tuhan i bas geluhta tentu labo lit alasen la mereken si mehulina guna mpehaga Tuhan.
Ulih kerja Rani si baba kita ku Rumah Pertoton seh kal pentingna guna ndukung pelayanen i tengah-tengah gerejanta. Erpalas ku bas Tata Gereja Pasal 179-184, maka lit telu sumber keuangen gerejanta simbelinna e me Kolekte kebaktin minggu, persembahen kerja rani ras persembahen persepuluhen. Ulih kerja Rani 60 % e me sikerajangen runggun guna ipakeken ngelakoken pelayanen i tengah-tengah gereja. Janah 40 % e me bagin sinodal guna pelayanen secara sinodal. E maka peningkaten ulih kerja rani mbelin kal ngaruhna ku bas peningkaten keuangen gerejanta. Si lakokenlah kerja rani alu ukur ergiah- giah, ula meros sabap dahin enda e me si isuruh Tuhan guna mpehagaken IA. Ula si kurangi semangat kerja rani e tapi lebih min asa si enggona. Adi i bas mbue maka kita mere man Tuhan tentu enda semal nge, tapi mereken si mehulina man Tuhan i bas paksa kekurangen enda banci jadi kesaksin man kalak si enterem.
I bas Habakuk 3:17-19 ituriken gelah tetap ermeriah ukur i bas Tuhan erkiteken Dibata kap si ngkelini, “Amin gia batang ara la erbunga, batang anggur la lit buahna, batang saitun la lit asilna, perjuma la rulih, biri-biri mate kerina, lembu keri bas karangna. Marilah sicidahken semangat kerja rani i bas tahun enda i bas kerina keterbatasenta janah arihken bas sektor ras runggun uga si payo kerja rani tahun enda silakoken.
4. NURIKEN PENGGEJAPEN: Bapa, Nande, Anak
5. DISKUSI
- Rikutken pengangkanta uga nge si payona mpehaga Tuhan arah persembahen Kerja Rani?
- Kai usulenta si konkrit i bas kita ngelakoken kerja rani gelah kita mereken simehulina man Dibata?
6. PERSEMBAHEN: Rende KEE No. 459: 1,3 (ibabai Bapa)
Sendah kerja rani m’riah ukurta
Pulung kita k’rina muji Dibata
Peranin si mbaru, ‘ndesken man baNa
Pasu-pasu Tuhan, ulih p’raninta
Reff: Marilah dagena si taruhken ulih p’raninta
Alu ukur meriah, ku adepen Tuhan Dibata
Sendah kerja rani m’riah ukurta
Ulih pendahinta sehken man baNa
Buena rikutken pasu-pasuNa
Si nggo ib’rekenNa ku bas geluhta Reff: …
7. PERTOTON SAPAAT
- Notoken gelah kerina ngawan perpulungen se GBKP ergiah-giah ukurna muat bagin i bas kerja Rani (Nande)
- Notoken gelah reh bagesna pengertinta i bas nehken persembahen guna pehagakern Tuhan (Bapa)
- Notoken pemimpin gereja subuk wilayah sinodal, Klasis, Runggun, Perpulungen ngasup makeken perduiten alu payo guna kemajun gereja (Anak)
8. Rende KEE No. 282: 1 (ibabai Bapa)
Kukataken bujur baNdu, o Kam Tuhan Penebus
Aku enggo s’lamatken Ndu, arah lias ate Ndu
Reff: Keleng kal ate Ndu aku
Simpar kap ngaruhNdu bangku
Lias ateNdu lanai terpilasi
Kupuji Kam teptep wari
9. PERTOTON TUHAN (ibabai serayan/ bapa)
10. MOMO
C. JEDA RAS PENUTUP
Pdt. Riyal Ginting, S.Si.
HP/WA: 081397742023