Teks : Lukas 10:1-12
Tema : lutus Guna Erberita
Tujun : Gelah Mamre:
- Ngidah uga Jesus nuruh ajar-ajarNa ras cara er-Berita si Meriah
- Nggejapken maka Mamre idilo ras isuruh guna er-Berita si Meriah man anggota Mamre si enggo ndekah la reh ku perpulungen
Metode : Aksi (Sada Mamre Maba Sada Mamre/Sada Maba Sada)
Yesus mengutus tujuh puluh murid
10:1 Kemudian dari pada itu Tuhan menunjuk tujuh puluh murid yang lain, lalu mengutus mereka berdua-dua mendahului-Nya ke setiap kota dan tempat yang hendak dikunjungi-Nya. 10:2 Kata-Nya kepada mereka: “Tuaian memang banyak, tetapi pekerja sedikit. Karena itu mintalah kepada Tuan yang empunya tuaian, supaya Ia mengirimkan pekerja-pekerja untuk tuaian itu. 10:3 Pergilah, sesungguhnya Aku mengutus kamu seperti anak domba ke tengah-tengah serigala. 10:4 Janganlah membawa pundi-pundi atau bekal atau kasut, dan janganlah memberi salam kepada siapapun selama dalam perjalanan. 10:5 Kalau kamu memasuki suatu rumah, katakanlah lebih dahulu: Damai sejahtera bagi rumah ini. 10:6 Dan jikalau di situ ada orang yang layak menerima damai sejahtera, maka salammu itu akan tinggal atasnya. Tetapi jika tidak, salammu itu kembali kepadamu. 10:7 Tinggallah dalam rumah itu, makan dan minumlah apa yang diberikan orang kepadamu, sebab seorang pekerja patut mendapat upahnya. Janganlah berpindah-pindah rumah. 10:8 Dan jikalau kamu masuk ke dalam sebuah kota dan kamu diterima di situ, makanlah apa yang dihidangkan kepadamu, 10:9 dan sembuhkanlah orang-orang sakit yang ada di situ dan katakanlah kepada mereka: Kerajaan Allah sudah dekat padamu. 10:10 Tetapi jikalau kamu masuk ke dalam sebuah kota dan kamu tidak diterima di situ, pergilah ke jalan-jalan raya kota itu dan serukanlah: 10:11 Juga debu kotamu yang melekat pada kaki kami, kami kebaskan di depanmu; tetapi ketahuilah ini: Kerajaan Allah sudah dekat. 10:12 Aku berkata kepadamu: pada hari itu Sodom akan lebih ringan tanggungannya dari pada kota itu
- KATA PENARUH
Dibata ndilo ras milih manusia jadi dalanna nehken sura-suraNa man doni enda. I bas ngaloken pendilo Dibata e, tentu lit nge misi Dibata si arus ilakoken manusia i bas kegeluhenna. Misi si isehken Dibata man kerina kalak si tek eme meritaken Berita si Meriah. E maka labo lit ise pe si pang ngatakenca lalit tanggungjababna meritaken Berita si Meriah adina kin ia ngaku tek man Dibata. Termasuk pe ije Mamre GBKP si tugas ras tanggungjababna eme meritaken Berita si Meriah kempak kalak si deban. Sebab Mamre GBKP pe enggo ngaloken pendilo i bas Dibata nari. Tentu ertanggungjabab ka pe ia ndalanken pendilo Dibata e bas geluhna.
- PELIKASI (URAIAN) TEKS
Bahan ogen PA Mamre i bas minggu enda nuriken kerna Jesus milih ras ngutus pitu puluh kalak lako meritaken Berita si Meriah kempak kerina ingan bas doni enda. Labo ituriken penulis kitab Lukas alu tangkas engkai maka arus pitu puluh kalak si iutus Jesus. Bagepe labo ituriken secara jelas kuja ingan si ituju kalak si enggo ipilih enda. Tapi pengutusen e nuduhkenca maka lit keterlibaten enterem jelma i bas ndalanken misi Dibata man doni enda. La terjeng ajar-ajar si sepuluh dua kalak, tapi rikut pe si pitu puluh kalak enda ndai iutus alu cara dua kalak sendalanen. Banci jadi enda ilakoken gelahna sue ras aturen maka kesaksin dua kalak banci erdalan dingen terteki (Bnd. UI. 19:15b). Kalak enda iutus kerina ku ingan-ingan si bakal idahi Jesus lako nuriken kerna Kinirajan Dibata e. Ertina maka lit ibahan si reh leben lako mpersiapken kerehen Jesus. Aminna pe si pitu puluh kalak enda pe ertanggungjabab ka nge i bas meritaken kerna Kinirajan Dibata. La terjeng je saja ngenca, ibereken ka pe kuasa man bana lako mpepalem kalak si pinakiten gelahna enterem kalak tek dingen ngikutken Jesus sabap enggo idahna kuasa Dibata si mbelin e.
Rikutken kesemalen manusia kune berkat ku bas sada ingan si ndauh tentu lit nge bekal si arus isikapkenna ras ibabana. Bekal e tentu kai siniperlukenna i bas perdalanen ku ingan si ituduhken man bana. Tapi labo kepe bage ibahan Jesus. Justru kerina kalak enda ndai ilarang Jesus maba dompet, gajut-gajut, ntahpe sepatu (Bnd. Luk. 10:4). Si perlu ilakokenna e me ertoto man Dibata. Lit sada pengajaren si penting si isehken Jesus ije e me gelah tep-tep kalak si ngaloken pendilo Dibata lanai perlu ia er-aru ate nandangi kerina kebutuhenna secara doni. Ula erkiteken kebutuhen doni jadi terhalang meritaken Berita si Meriah. Sabap sie kerina enggo iaturken Dibata alu mehuli. Lit nge penemani ras pengkawali Dibata nandangi kalak si iutusna lako meritaken Berita si Meriah e. Hal enda me si itekanken Jesus i bas ayat 2 seh maka si arus ilakoken kalak si iutus e eme ertoto mindo gegeh man Dibata. Toto e me gegeh si mpengasup manusia ndalanken kegeluhenna. Kune jumpa pe ia perbeben si mesangat, alu gegeh toto banci ia ngasup mentasisa sebab ibereken Dibata kiningasupen man bana. Bagepe kune lit siniperlukenna, enggo iaturken Dibata gelah tercukupi kerina kebutuhenna. landingken Jesus bagi sada juma si enggo man peranin, tapi kurang si ranisa pe. Arah toto e, Dibata nuruh ras mperlengkapi kalak guna peranin e. Bagem cara Dibata erdahin i bas kegeluhen kalak si erkiniteken.
Jenari ituriken Jesus pe perbahanen si arus ilakoken kalak si iutus e tupung bengket ia ku bas sada rumah maka arus ikatakenna: “dame man isi jabu enda”. Ertina kerehen kalak si ipilih Dibata arus me kap maba dame ku sekelewetna. I bas bukuna B.J. Boland ngataken maka “Salam e isehken labo ngenehen ise jelmana. Subuk sada kiniteken ras la sada kiniteken”. Tapi tanggungjabab kalak si erkiniteken ku jabu ise kin pe la arus isehkenna dame man isi jabu e. Tentu enda jadi gambaren man Mamre maka kehadirenna pe arus jadi dame ras pasu-pasu man kalak si deban. I bas tep-tep kerehenna ku jabu kalak si deban, rikut pe ibabana dame ras pasu-pasu man jabu e. Kune isi jabu e la ngaloken pasu-pasu e, maka mulih nge man kalak si iutus Dibata dame e. Bagepe ituriken Jesus maka adi isuruhna kesilang ras man irumahna, alokenlah sie kerina alu meriah ukur. Sebab e bagin ulih sinialoken kalak si ndahiken dahin Dibata. Tentu teridah ije kuga penemani ras pengkawali Dibata man kalak si iutusNa ndahiken dahinNa bas tengah-tengah doni enda. Enda arus jadi palas Mamre i bas nehken tanggungjabab pelayanenna erberita i bas kegeluhenna.
- APLIKASI
Seh asa genduari dahin meritaken Berita si Meriah lenga bo dung i bas doni enda. Kerina kalak si enggo ngaloken pendilo Dibata, arus tetap nehken Berita si Meriah e. Termasuk pe ije Mamre GBKP si arus tetap erberita bas kegeluhenna. Sebab e kin tanggungjabab si la banci lang arus ilakokenna bas geluhna. Erberita e tentu banci arah erbage dampar geluhna, umpamana arah pendahinna, arah peradaten, arah kegeluhen jabu ras si debanna. Mamre pe arus sadar maka lit tanggungjababna mpeseh ras mabai kalak si deban nggeluh i bas Berita si Meriah e. Salah sada cara si banci ilakoken Mamre eme reh ngiahken Mamre si la aktif gelah ikut bas kegiaten pelayanen Mamre. I bas tahun ku tahun si jadi perbeben Kategorial Mamre eme kerehen ras keaktifen anggota Mamre. Jumlah pertisipasi anggota Mamre si reh kegiaten pelayanen Mamre langa bo bang si isuraken. Arah bahan enda iajuk Mamre si enggo aktif i bas kegiaten gelah banci ka ngiahken teman senina Mamre si deban. Enda sada bentuk tanggungjabab gelah Mamre banci enterem reh ku PA, PJJ, Kebaktian Minggu ras si debanna. Sigejapkenlah maka kita pe ipake Dibata jadi perkakasna lako erberita dingen mabai teman Mamre si deban si sedekah enda la reh ku kegiaten Mamre. Alu age, lanai lit Mamre si merasa terabaikan ntahpe la iperdiateken bas geluhna.
- AKSI
I bas PA Mamre sektor enda idata ise saja anggota Mamre Sektor si la aktif i bas kegiaten gereja sedekah enda, khususna PA Mamre. Kenca enggo ibahan datana, maka ilakoken aksi PRT ku rumah senina Mamre si la aktif e. Si ikut i bas PRT eme pengurus Mamre sektor ras serayan si dilaki. Ibahan prioritas si man dahin. Asa bancina sekalak i bas sada minggu idahi gelah banci lit pertambahen anggota Mamre si hadir tep-tep mingguna.
- USULEN ENDE-ENDEN:
- KEE GBKP No. 205:1,2
- KEE GBKP No. 257:1, 5, 6
- KEE GBKP No. 300:1, 2, 3
- KEE GBKP No. 171:1,-
Pdt. Dicky A. Bangun, M.h
HP/WA 081263231231