Teks : Lukas 21:34-36
Tema : Jagailah Banndu!
Tujun : Gelah Mamre:
- Meteh persinget Jesus kerna pengajuk si jadi siding ibas kegeluhen manusia.
- Njagai dirina ibas pinakit social masyarakat (judi, narkoba ras pergaulen bebas)
Nasihat supaya berjaga-jaga
21:34 “Jagalah dirimu, supaya hatimu jangan sarat oleh pesta pora dan kemabukan serta kepentingan-kepentingan duniawi dan supaya hari Tuhan jangan dengan tiba-tiba jatuh ke atas dirimu seperti suatu jerat. 21:35 Sebab ia akan menimpa semua penduduk bumi ini. 21:36 Berjaga-jagalah senantiasa sambil berdoa, supaya kamu beroleh kekuatan untuk luput dari semua yang akan terjadi itu, dan supaya kamu tahan berdiri di hadapan Anak Manusia.”
- KATA PERLEBE
Penyakit social tetap menjadi ancamen nyata bas kegeluhenta. Judi tetap marak aminna gia melala kel ingan erjudi nggo i tutup. Narkoba pe melala beredar i tengah masyarakat. Bagepe gaya hidup pergaulen bebas, perselingkuhen, tetap jadi ancamen bas kegeluhen jabu. Tentu adi siuri melala kel factor si erbahanca enda banci tetap lit itengah-tengahta. PA Mamrenta sekali enda labo ate ngargari kai-kai deba factor sierbahanca pinakit social enda lalap lit, namun uga Mamre ngasup njagai dirina min gia pinakit social enda tetap lit ras cenderung berkembang.
- PEMBAGESI TEKS
Teks Lukas 21 secara keseluren ngarana kerna keselamaten khususna khususna emekepa kerna. Adi bas ayat sebelumna berita kerna kerehen Dibata pedua kaliken ituriken alu metode Bahasa kenabian (lit ije tempa pengenehenen) tapi bas bahannta justru lit berita kerna kerehen Dibata pedua kaliken itulisken alu Bahasa pastoral/pengembalaan. Bas ayat 34 ikataken jagailah dirindu. Kata jagailah dirindu ibas Bahasa aslina itulisken alu kata (Prosechete) si ibuat ibas 2 kata pros ras echo si banci iertiken tetap mengarahken pikiren ku tujuan/ku lebe. Man Yesus kegeluhen manusia lit ngge tujunna. Ras tujun kegeluhen tentu labo terjeng bas kegeluhenta si kentisik bas doni enda tapi kegeluhen sirasa lalap pe. Emaka la enca diri man jagan gelah tetap erdalan melangkah ku tujun tapi pusuh perukuren (kardia sibanci iertiken hati/pusuh). Ertina pusuh man jagan gelah isina mehuli. Kai kin isi pusuh si lamehuli emekap si pemena bentuk ketagihen. Kata ketagihen enda harus imaknai pe seh kubas akibat siterjadi ad lalap e ilakoken. Maka 2 hal sierbanca pusuh la mehuli kwalitasna emekap adi kita tergantung ku bas inem-inemen keras. Minum inemen keras tentu sada sisi banci erbahanca kita sakit, melala pinakit bas dagingta adi melalasa kita minem minemen keras. Tapi la ngenca sakit, adi lalap mabuk maka la kita sadar ras bas kinilasadarenta banci kita lupa kerna tujun kegeluhen. Melala kalak mabuk erkiteken ikuasai kemabukenna nggo lalar, erbahan dosa sebab ukurna isina lanai mehuli.
Lukas ngambarken maka wari kerehen Dibata bagi siding. Kalak mabuk bas kinilasadarenna melukah kel kena siding. Siding banci iertiken alu dua hal. Sipemena tentu dampak langsung i doni. Kalak si kena siding judi ras mabuk judi melala kel dampak sinimai ia. Banci kemiskinan bahkan jabu pe melala murde. Tapi siding peduaken emekap kegeluhen si rasa lalap. Sebab bagi si enggo ituriken idatas maka adi nggo kita siding lanai kita banci seh ku bas tujuan si ateta si tuju. Sementara wari kerehen Dibata e la si eteh dingan rehna, rempet perehna. Emaka ibutuhken kesadaren tingkat tinggi, kemampuan untuk lalap meteh tujun gelah alu bage la kita kena siding.
Gelah la kena siding Yesus mereken 2 resep man banta. Si pemena mekap erjaga-jaga. Erjaga-jaga berarti meteh tujun. Tujun kegeluhenta i doni tentu labo terjeng guna doni, tapi guna Tuhan kap. Emaka labo terjeng kai siakap meriah tapi lebih bas si e erguna ntah lang. adi nggo ka mulai catting ras silakin biakna man cattingen, man banta banci jadi meriah siakap tapi uga Dibata. Tujun geluhta emekap Tuhan, guna kemulian Tuhan.
Sipeduaken emekap ertoto. Ertoto labo terjeng wadahta guna mindo kerna keperlunta man Dibata. Namun erkawiten ras bahanta enda toto pe erbahanca kita lalap ndeher ras Dibata. Ertembakna kita ras Dibata maka kwalitas kinitekenta pe erhulina. Tanda kwalitas kiniteken erhulina bicara ugapape sekali pengajuk doni si mengoda kita la kita melukah ndabuh sebab kiniteken jadi benteng sienteguh.
- PENGKENAINA
Jelas ngge maka nai nari pinakit social lalap lit itengah-tengah kegeluhenta. Bentuk, cara, ras inganna saja simungkin berubah-ubah. Namun sebagai kalak sierkiniteken lanai kita mudah tergoda ibas kerina tawaren pinakit social enda. Gelah banci bage maka kesadaren kerna tujun geluh lalap si pakaiken. Tujun ngeluhta emekap mpermuliaken gelar Dibata. Ibas pegangkanta kerna si enda secara dewasa nggo ngasup kita nulak ras nirangken kerina pinakit enda.
Mungkin jadi lit ka kita si nggo sempat ndabuh ku bas pinakit social enca. Lanai bo man terusenken. Data nyata si idah entisik ngenca entabeh tapi simesuina banci seumur hidup. Jabu banci murde, ekonomi hancur, ras akibat si mbelinna eme kena siding kina ras lanai kita ndatken keselamaten. Emaka mari metenget, njagai diri gelah ula kena siding.
- DISKUSI:
- Nggo me si eteh kai dampak adi terjerumus kubas pinakit social, tapi engkai maka melala denga kalak si kena siding pinakit social?
- Uga caranta gelah la terjebak pinakit social? Adi lit pengalamen pribadi mehuli kel ibagiken guna nambahi kiniteken sipulung.
- USULEN ENDE-ENDEN:
- KEE GBKP No. 234:1,4
- KEE GBKP No. 350:1-2
- KEE GBKP No. 440:1-3
- KEE GBKP No. 249: 1, 5
Pdt. Jepri Alexander Keliat
HP, 0813 6064 5511