MERE PERSEPULUHEN
2 Kronika 31:4-12
31:4 Ia memerintahkan rakyat, yakni penduduk Yerusalem, untuk memberikan sumbangan yang menjadi bagian para imam dan orang-orang Lewi, supaya mereka dapat mencurahkan tenaganya untuk melaksanakan Taurat TUHAN. 31:5 Segera setelah perintah ini tersiar, orang Israel membawa dalam jumlah yang besar hasil pertama dari pada gandum, anggur, minyak, madu dan segala macam hasil bumi. Mereka membawa juga persembahan persepuluhan dari segala sesuatu dalam jumlah yang besar. 31:6 Orang Israel dan orang Yehuda yang tinggal di kota-kota Yehuda juga membawa persembahan persepuluhan yang terdiri dari lembu sapi dan kambing domba, dan persembahan persepuluhan yang terdiri dari persembahan kudus yang telah dikuduskan bagi TUHAN Allah mereka. Semuanya itu diletakkan mereka bertimbun-timbun. 31:7 Mereka mulai membuat timbunan itu pada bulan yang ketiga, dan mereka selesai pada bulan yang ketujuh. 31:8 Hizkia dan para pemimpin datang melihat timbunan itu, dan mereka memuji TUHAN dan umat-Nya, orang Israel. 31:9 Hizkia menanyakan para imam dan orang-orang Lewi tentang timbunan itu, 31:10 dan dijawab oleh Azarya, imam kepala keturunan Zadok demikian: “Sejak persembahan khusus mulai dibawa ke rumah TUHAN, kami telah makan sekenyang-kenyangnya, namun sisanya masih banyak. Sebab TUHAN telah memberkati umat-Nya, sehingga tinggal sisa yang banyak ini.” 31:11 Kemudian Hizkia menyuruh menyediakan bilik-bilik di rumah TUHAN dan mereka menyediakannya. 31:12 Dan dengan setia mereka membawa segala persembahan khusus, persembahan persepuluhan dan persembahan-persembahan kudus itu ke sana. Konanya, seorang Lewi, mengawasi semuanya, dan Simei, saudaranya, adalah orang kedua,
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU JABU/PERPULUNGEN JABU
1) Rende KEE No. 424:1 iendeken 2x
I puji kami Kam Dibata si mbelin
Alu ende-enden si meriah
Suari ras berngi kawali kami min
Segelah la celus bas percuban
Reff: Sangap kap kalak si ‘rnalem baNdu e
Daten tuah ras kesenangen pe
Sangap kap kalaksi ‘rnalem baNdue
Daten tuah ras kesenangen pe
2) Responsoria Tuhan Kap Ulu Pasu-pasu. Masmur 128
Pt/Dkn: Sangap kal kalak si malang man Tuhan, si nggeluh ngikutken kerina perentahNa.
Bapa: Ipanna me ulih latihna, sangap nggeluh, mehuli sikerajangeNa.
Nande: Ndeharana bali ras anggur si meramis buahna i bas rumahna
Anak: Dingen anak-anakna bali ras tunas batang saitun i sekelewat mejana
Pt/Dkn: Bage me pasu-pasu Tuhan man kalak si malang man baNa.
3) Ertoto (Ibabai Si Mada Jabu)
4) Renungen
Teks: 2 Kronika 31:4-12 (logeken Nande)
Tema: Mere Persepuluhen
Sekali jadi lit sada diskusi i bas sada kede kopi kerna persepuluhen. I bas diskusi e lit penungkunen, engkai maka piga-piga keluarga langa ngendesken persembahen persepuluhenna. Nina Bp. Batu: “Aku langa mereken persembahen persepuluhen perbahan langa jelas konsepna.” Nina Bp. Nongat: “Aku langa mere persepuluhen perbahan langa tangkas penggunanna.” Reh ka Bp. Mburak “Aku langa kubereken sabap langa ibereken runggun nomor rekeningna” Nina ka Bp. Sukat, “Aku langa kubereken perbahan langa itagih.” Reh ka Bp. Mangkok, “Aku langa kebereken sabap lalap langa ersada arih kami tengah jabu katawari benaken merekenca”. Bagenda me diskusi piga-piga mamre i bas kede kopi. Kerina alasen mamre ndai banci pe jadi alasen i bas perpulungenta maka lenga mereken persepuluhen.
Persepuluhen e me sada bentuk persembahen wajib i bas bangsa lsrael si enggo iaturken Dibata. Praktek persepuluhen enda ibenaken i bas Bilangen 18:21. Sekali enda pe ercakap kita kerna persepuluhen bagi si ilakoken bangsa Israel tupung Hiskia jadi raja i Juda. Melala perubahen si ilakoken Raja Hiskia i Jerusalem e me: Iruntuhkenna tugu peringeten Asyera, iradaskenna batar-batar ersembah kalak perbegu ras ipekenana Rumah Pertoton. Guna si e isuruhna kerina kalak Lewi guna erdahin mulihi i bas Rumah Pertoton. Sabap nai pe kalak Lewi iserapken guna si erdahin i bas Rumah Pertoton. E maka kerina keperlun pelayanen ras keperlun jabuna isikapken i bas Rumah Pertoton e nari. Kalak Lewi la ndatken bagin sanga tanah Kanaan ibagiken, jadi, baginna isikapken i bas Rumah Pertoton e nari. Erkiteken sie kerina suku-suku Israel iwajibken nehken persembahen persepuluhen ku Rumah Pertoton. Gunana e me ngelitken keperlun Rumah Pertoton ras keperlun suku Lewi si erdahin i bas Rumah Pertoton. Hiskia paksa si e enggo muat bagin alu ngendesken persembahen tutungen
erpagi-pagi ras karaben arah ertana. E maka isuruhna rakyatna pe gelah mereken persembahen ku Rumah Pertoton. Lit dua erbage persembahen si ipeseh bangsa e: persembahan si pemena man imam-imam, e me; gandum si mejilena, anggur, minak saitun, tengguli ras ulih juma si deban. Si peduaken, persembahan persepuluhen man kalak Lewi arah kerina si lit I bas ia. Kenca imomoken raja kerna persepuluhen e, ergiah-giah kalak lsrael ndalankenca subuk si tading i Jerusalem bage pe si I Juda. Ibaba kalak e persepuluhenna e me lembu bage pe biri-biri. Kerina enda i persembahken man Tuhan alu meriah ukur. Igejapkenna maka Dibata enggo masu-masu kerina si idahikenna. Ulihna, enggo melala terpepulung persembahen e i bas Rumah Pertoton. Cukup kerina keperlun pelayanen Rumah
Pertoton bage pe keperlun kalak Lewi si erdahin i bas Rumah Pertoton. Buena persembahen persepuluhen rikutken kerina si lit i bas ia. Sepersepuluh i bas lembu nari, sepersepuluh i bas
biri-biri nari ras i bas ulih juma nari. Adi ikira kerina uga pe labo banci seri, sabap labo kerina seri pendahinna. Tapi la ia si panjangpunjuten i bas nehken persembahen e. Igejapkenna kerina si lit i bas ia e pemere Dibata, ras e la guna dirina saja tapi pe guna kesejahteran si erdahin i rumah Tuhan.
Tuhu, pendahinta kerina labo bali. Lit kita si erjuma, ertiga-tiga, supir motor, erbengkel, ras lit ka PNS Si erdahin bas kantor, rumah sekolah, rumah sakit, alat negara ras si debanna. Lit si tiap bulan ngalo gaji, tiap bulan endeskenna persembahenna, si per telu bulan maka rani, je ka endeskenna persembahenna. La terperseri saja kerina muat bagin. Persepuluhen erguna ncukupi keperlun pelayanen gereja ras ngelitken biaya personalia GBKP. Gejapkenlah maka labo pernah kin kekurangen tupung kita ngendesken persembahen ku Rumah Pertoton.
5) Nuriken Penggejapen
• Perbinaga/ supir motor
• Perjuma/perbengkel
• Pegawai negeri/pegawai swasta
6) Diskusi
1) Kira-kira kai nge si ngambati maka lenga kerina perpulungen nehken persembahen persepuluhen?
2) Man si enggo nehken persembahen persepuluhen, engkurangi nge e i bas kam ngelitken keperlun jabu?
7) Nehken Persembahen Rende No. 445:2 (ibabai anak)
Tuhu simpar pemere Dibata, man perjuma ras si erbinaga
K’rina si erdahin si ngarap man baNa, i tuahi pasu-pasuna
Reff: Asa si nggo isikapken, asa si nggo itotoken
Em pengataken bujurta, kempak Dibata
8) Pertoton Sapaat Ras Pertoton Tuhan (ibabai bapa/nande)
• Kerna persembahen, perpulungen ergiah-giah nehken persembahen persepuluhenna
• Jabu Kundulen si sendah ras minggu si reh
• Si turah i bas perpulungen
9) MOMO RAS PENUTUP
Pdt. Luter Efrata Girsang, S.Th.
HP/WA: 08126305649