Terteki
Matius 5:37
5:37 Jika ya, hendaklah kamu katakan: ya, jika tidak, hendaklah kamu katakan: tidak. Apa yang lebih dari pada itu berasal dari si jahat.
GBP/TATA NILAI: KEJUJURAN
Gelah PERMATA GBKP:
- Meteh pentingna nuriken kata tuhu sue ras nas
- Terteki i bas kerina dampar geluhna
Metode: Permainan ToD (Truth or Dare)
I. BENA KATA
“Kejujuran adalah kemewahan yang sederhana.” Enda sada quote si menegasken maka Kejujuran e seh kel berhargana janah hal si sangat sederhana sebab ise pe banci ngelakokenca, janah kejujuren e mbabai sekalak jelma “siat” ijapa pe. Bageme pentingna nilai kejujuren enda seh makana secara khusus pe jadi salah sada Tata Nilai ibas GBP GBKP. Penungkunenna, uga nge penggejapenta ibas jaman genduari enda, menukah denga nge siakap jumpa ras kalak si terteki enda?
II. ISI
Matius 5:37 sijadi nas ibas eme sada ungkapen si terkenal dingen ilustrasi sipe-empatken singerana kerna sumpah. Khusus ibas Matius 5:37 enda kerna mbelasken sumpah palsu (Bdk: Im. 19:12; Ul. 23:21; Kel. 20:7). “Katakenlah, ‘ue’ adi tuhu janah katakenlah, ‘lang’ adi la tuhu”. Sada penyangkalen sitegas siarusna cukup nandangi manusia. Iteruskenna “Lain asangken si e ibas Iblis nari kap rehna.” Nuriken maka kerina sumpah sijadi tambahen ibas pernyataan si ibahan manusia ibas sikatakenna (banci kataken alasen-alasen tambahen) e rehna ibas Iblis nari. Alu kata sideban, Jesus negasken maka kalak si tek man baNa labo perlu ersumpah, sebab sekalak sierkiniteken dikune isungkun kerna pernyataanna cukup menjawab “ya” dan “tidak” sebab lebih asa sie enggo ibas sijahat nari rehna si mahanca manusia secara tidak langsung ngakui maka pernyataanna e la banci terteki ntah pe mabai kita kubas sada tingkat sebagai pendusta (merendahken martabatta).
Secara psikologis, kalak si terteki (yang jujur hatinya) tentram, dame ras senang ukurna. Sebalikna, kalak si berdusta geluhna labo banci tenang bagi tempa layak-ayak “pemberontakan” sirehna ibas hati nuranina simeteh si benar. Kalak si berdusta lalap nge lit perasaan khawatir, was-was dikune kebohongen si ibahanna e terbongkar.
Pustaka Si Badia namaken beberapa contoh kalak si terteki bagepe kalak si la terteki. Beberapa kalak siterteki si isuratken ibas Pustaka Si Badia, misalnya Kej. 39:1-10 kerna si Yusuf, Dan. 1:8-13 kerna si Daniel. Bagepe kerna si la jujur, Kis. 5:1-10 kerna si Ananias ras Safira. Kisah-kisah e mbabai kita kubas sada kinata uga kegeluhen kalak si terteki ras kuga kecibalen kegeluhen kalak si la terteki. adalah) Kejujuren banci itinjau ibas piga-piga sudut pandang:
- Sudut pandang sosial
Ibas sudut pandang sosial, kejujuren eme sada hal si merga sibanci gat Lak menentuken nilai ibas sekalak jelma. Kejujuren kunci mbangun kepercayaan, sijadi elemen sipenting ibas kegeluhen sosial. Lalitna kepercayaan, sekalak jelma labo banci mbangun kegeluhen sosial si mehuli bu ga P si menyulitken kegeluhen. Emaka ibas sudut pandang sosial pe ianjurken guna mengembangken dingen nuanken sikap jujur ibas diri. - Sudut pandang moral
Ibas sudut pandang moral, kejujuren e ikaitken kubas ucapan sekalak manusia ibas berinteraksi ras temanna manusia. Kejujuren mengacu kubas aspek karakter, kejujuren e ertina banci terteki, setia, adil ras tulus. - Sudut padang politik
Ibas sudut pandang politik, kejujuren e seh kel pentingna guna mpehuliken keadaan bangsa. Politisi simehuli eme si jujur, santun, dingen berintegritas, ngergai kalak sideban, ngaloken pluralitas, lit keprihatinen guna kesejahteraan umum, dingen la mementingken diri sendiri ras golongenna. - Sudut pandang pekerjaan
Ibas sudut pandang pekerjaan, kejujuren seh kel perluna guna seh kubas keberhasilen (kesuksesan) ibas bidang masing-masing - Sudut pandang hukum
Hakekat hukum eme keadilen, tanpa keadilen, hukum labo layak ikataken hukum. Hukum si berkeadilen eme hukum si namaken kejujuren sebagai hal utama ibas penegakenna.
III. PENGKENAINA
Arah kerina si isuratken idatas maka sikap jujur (terteki) eme hal si penting ibas kegeluhen manusia si mahanca kegeluhen manusia tenang, damai ras senang. Sikap terteki mpedauh sekalak jelma ibas rasa curiga, kekhawatiren, was-was kerna efek ibas kebohongen sibanci ncedai kiniteken kalak sideban nandangi ia. Ija pe kita ringan, kejujuren erbanca siat inganta. Kalak siterteki ihamati kalak sinterem ibas erbage-bage aspek kegeluhen, agama, sosial, moral, pekerjaan, politik bagepe ibas penegaken keadilen hukum.
Kejujuren kunci keberhasilen ibas geluh, kejujuren e arus total, sebab kejujuren si setengah-setengah tetap kebohongan. Kejujuren eme sada kiniulin simbages singajarken dingen simabai kita ibas sikap bersyukur nandangi geluhta dingen alu kejujuren e ngasupka pe kita mpepaler ngataken bujur si go lit bas kita man temanta manusia. Jujur memang sulit tapi jujur e menenangkan geluhta. Nterem kalak siterteki, tapi adi sulit denga siakap njumpaken kalak siterteki ibas geluhta, jadilah kam salah sada sebage kalak siterteki. “Honesty is the best policy. If I lose it, I lose myself.”
IV. METODE: Game ToD
TOD (Truth or Dare) iaturken ibas P.A masing-masing kerna penungkunen ras tantangenna.
V. USULAN LAGU
KEE GBKP No. 350 “Kelengi Kebenaran”
“Kejujuran adalah kebijakan terbaik.
Jika saya kehilangannya, saya kehilangan diri saya sendiri.”
Pdt. Sevriany br Tarigan, S.Th
