Ernalemlah Man Dibata
MEMPERSIAPKAN MASA DEPAN
Amsal 3: 1 – 6
Berkat dari hikmat
3:1 Hai anakku, janganlah engkau melupakan ajaranku, dan biarlah hatimu memelihara perintahku,
3:2 karena panjang umur dan lanjut usia serta sejahtera akan ditambahkannya kepadamu.
3:3 Janganlah kiranya kasih dan setia meninggalkan engkau! Kalungkanlah itu pada lehermu, tuliskanlah itu pada loh hatimu,
3:4 maka engkau akan mendapat kasih dan penghargaan dalam pandangan Allah serta manusia.
3:5 Percayalah kepada TUHAN dengan segenap hatimu, dan janganlah bersandar kepada pengertianmu sendiri.
3:6 Akuilah Dia dalam segala lakumu, maka Ia akan meluruskan jalanmu.Ajaren man anak perana
3:1 Ndigan pe ola ilupakenndu kai si kuajarken man bandu o anakku. Ingetlah lalap kai si kukataken man bandu.
3:2 Ajarku bandu erbahanca gedang umurndu janah senang geluhndu.
3:3 Tetaplah kam erkemalangen man Dibata janah bujurlah perbahanenndu man kerina manusia. Burakenlah e i bas kerahungndu dingen suratken i bas pusuhndu.
3:4 Adi bage perbahanenndu subuk Dibata bage pe manusia ngena atena ngenehen kam.
3:5 Ernalemlah man Dibata alu bulat ukurndu. Ndigan pe ola ernalem man pemetehndu jine.
3:6 Ingetlah Dibata i bas kerina si idahikenndu e maka IA si nuduhken dalan si payo man bandu.
Gelah PERMATA GBKP:
- Ngangkai uga pentingna nggeluh erkemalangen man Tuhan erpalasken nas.
- Mpersiapken masa depan gundari nari.
Metode: Inventarisir
I. BENA KATA
Sekalak mahasiswa rajin kel erlajar perbahan ibas pikirenna adi tutus erlajar, masa depanna pe mejile. Sekalak pengusaha pe rela erdahin asa tengah berngi segelah perusahaan ras bisnis na banci reh suksesna. Sekalak jelma si ikut ibas pertandingen e pe berusaha ia lalap, segelah ia banci sukses jadi juara ibas pertandingen e. Adi si nehen, kerina tujunna seri, emekap segelah ia sukses. Tapi, enda termasuk kegeluhen si sukses ibas duniawi. Tuhan nggo mereken kegeluhen man manusia, Tuhan nggo mereken pemeteh man manusia guna meteh kai si benar ras kai si la benar. Pemeteh si nggo i bereken Tuhan e me si ipake manusia guna mpersiapken masa depanna. Kerina manusia merhat gelah kegeluhen masa depanna ipenuhi pasu-pasu. Em sababna manusia erdahin asa gegehna gelah kegeluhenna banci reh sikapna. Tapi uga kin maksudna kegeluhen si i pasu-pasu Tuhan, uga carana segelah kita ndatken pasu-pasu ibas Tuhan nari, segelah kesuksesan si lit ibas kegeluhen ta la terjeng sukses bas mata manusia ngenca tapi sukses ibas mata Tuhan pe. II. Kitab Kuan-kuanen emekap salah sada kitab sastra ibas Padan Si Ndekah, isi tentang didiken ras pengajaren-pengajaren. Kitab Kuan-kuanen enda lit 31 pasal, ija ibas setiap pasalna ngajarken kerna uga sikap ras perilakuta si seharusna sidalanken bas kegeluhenta. Kitab Kuan-kuanen enda itujuken man setiap kalak si cukup bijaksana, si nggit mbegiken pedah-pedah ras didiken. Tujun kitab enda ibas kata pengantarna (1:2) emekap nampati kalak gelah pentar dingen ngaloken pengajaren si mehuli, janah ngantusi ranan si mbages ertina.
II. ISI
Kuan-kuanen 3:1-6, termasuk ku bagin sepuluh telu ajaren hikmat man anak si nguda denga, emekap si njelasken tentang ciri khas ras manfaat hikmat sejati. Sekitar 3000 tahun lewat, Salomo, anak Daud nggo mereken didiken, ajaren nasihat nasehat kita, segelah kita jagai ras makeken perintah Tuhan ibas kegeluhenta. Kuan-kuanen 3: 1-2 ngatakensa man kita “Ndigan pe ula ilupakenndu kai si kuajarken bandu o anakku. Ingetlah lalap kai si kukataken bandu. Ajarku bandu erbahanca gedang umurndu janah senang geluhndu”. Ayat enda ngingetken kita gelah kita mehamat man Tuhan, Firman Tuhan banci si terima ras si jadiken jadi pegangen ta ibas kegeluhenta. Ibas ayat 2 pe ikataken kerna umur si gedang ras kegeluhen si senang asalna Arah ngelakoken ajar si nggo isehken Tuhan man kita. Ayat enda i peseh Salomo kurang lebih man generasi ke 120 sebelum kita. Tapi implementasina ibas generasi ta bas zaman enda seh kel luar biasa. Kata Dibata untuk mendidik, ngajari ras mereken nasihat orang banta segelah kita banci taat ras patuh ndalanken perintah-Na. Segelah kita nggeluh bas dalan Dibata si mereken kita umur si gedang ras kegeluhen si senang. I singetken Salomo pe tentang kasih setia Dibata la pernah, nadingken kita. Emaka, ibas ayat 3 ngatakensa “Tetaplah kam patuh man Dibata janah bujurlah perbahanendu man kerina manusia. Burakenlah e ibas kerahungndu dingen suratken ibas pusuhndu”. Burakenlah kasih setia Dibata bas kerahungta gelah jadi hiasen si sehkal jilena, jilen asa emas, perak, intan ntah pe permata. Adi tetap si buraken ibas kerahungta kasih setia Dibata e, maka kita ndatken kasih ras penghargan arah Dibata nari bagepe arah manusia nari. Sebab ibas ayat 4, ikataken “Adi bage perbahanenndu, subuk Dibata bagepe manusia ngena atena ngenehen kam”. Ibas ayat 5, ikataken “ernalemlah man Dibata alu bulat ukurndu. Ndigan pe ula ernalem man pemetehndu jine”. Adi si nen ibas Bahasa Indonesia, kata si igunaken emekap “percayalah kepada Tuhan dengan harapan bisa”, si ertina sepenuhna kita tek man Dibata. Si imani bahwa Dibata emekap pencipta langit ras doni, pencipta jagat raya ras kerina isina ras si imani bahwa Dibata adalah Tuhan dan Juruslamat kita, si sembah kita ibas gelar Dibata Bapa, anakNa si tonggal ras Kesah Si Badia. Bagin si terakhir ibas ayat 6, ngatakensa maka, “ingetlah Dibata ibas kerina si idahikenndu emaka la si nuduhken dalan si payo man bandu”. Ayat enda emekap perintah man banta guna nginget ras ngakui Dibata ibas setiap perbahanenta. Salomo enggo ngelakoken baginna, emekap mereken pengajaren man banta gelah kita makeken kata Dibata. Gundari baginta, si ikutken pedah Salomo ntah lang. Harapenta, maka erkomitmen kerina PERMATA GBKP segefah tetap ernalem man Dibata i bas nikapken masa depanna kegeluhenta, terutama kita selaku PERMATA GBKP, anak singuda si mpersiapken masa depanna. Memang melala tantangen si hadapi, melala pilihen si lit i lebe-lebe ta.
III. PENGEKENAINA
Selaku PERMATA GBKP kita menukah kel terjerumus ku pilihen lingkungennta. Tantangen zaman si lit ibas kegeluhen ta lebih dominan asangken kinteken ta maku, selaku PERMATA GBKP si mpersiapken masa depanna, lit piga-piga hal si harus ibahan man tagangen ta segelah masa depan ta ipasu-pasu Dibata ras kita pe jadi pasu-pasu man jelma si nterem, emekap:
- Ernalemlah man Tuhan ras ula si lupaken ajaren-Na. Kujape kita lawes ras ibas situasi si ugapape kegeluhenta, ajaren Dibata lalap lit ibas pusuhta ras si pakeken ibas kegeluhenta.
- Nggeluh ibas kekelengen ras kesetiaan. Nggo si nikmatin kerna pasu-pasu Dibata ibas kegeluhenta, emaka kekelengen ras kesetiaan e harus jadi gelemen ta ibas ndalanken kegeluhenta.
- Erpedoman man Firman Tuhan ras nggeluh ibas kepastin. La pernah ngeraguken kuasa Dibata.
- Akui Dibata ibas setiap perbahanen ta ras ula deheri si la mehuli. Adi si lakoken ajaren Dibata alu kesadaren iman si lit ibas kita, maka lanai kita mbiar kerna masa depan si harus jadi bagin kegeluhenta.
IV. INVENTARISIR PERMATA GBKP
Mpersiapken kertas ras pulpen. Ibas kertas e, PERMATA GBKP nulisken alasenna, i bas la ernalem man Tuhan selama nggeluh i bas doni, janah kai akibat si terjadi, adi la ernalem man Tuhan. Kenca bage ibereken waktu man PERMATA GBKP si atena mbagiken hasil si itulisna jadi sada kesaksin ibas kegeluhenna.
V. USULEN ENDE-ENDEN
- KEE. 202 – Ernalem Gelah Man Yesus; 1,2,3
- KEE. 194 – Senang Adi Ras Yesus; 1,2
- Kasih SetiaMu yang Kurasakan
