BIMBINGEN PA MAMRE 16-22 OKTOBER 2022

October 17, 2022 Writer-1 Mamre 0

(Keutuhan keluarga: Okultisme, Judi, Narkoba, Selingkuh)

Teks       : Galatia 5:16-26

Tema     : PEDAUH SURA-SURA UKUR MANUSIA

Tujun     : Gelah Mamre:

  1. Meteh apai saja sura-sura ukur manusia ras apai ka sura-sura Kesah Si Badia
  2. Mereken diri ras lagu langkahna ipimpin ras ikuasai Kesah Si Badia alu mpedauh okultisme, judi, narkoba ras selingkuh si banci encedai jabu.

Metode                : Diskusi

Hidup menurut daging atau Roh
5:16 Maksudku ialah: hiduplah oleh Roh, maka kamu tidak akan menuruti keinginan daging. 5:17 Sebab keinginan daging berlawanan dengan keinginan Roh dan keinginan Roh berlawanan dengan keinginan daging–karena keduanya bertentangan–sehingga kamu setiap kali tidak melakukan apa yang kamu kehendaki. 5:18 Akan tetapi jikalau kamu memberi dirimu dipimpin oleh Roh, maka kamu tidak hidup di bawah hukum Taurat. 5:19 Perbuatan daging telah nyata, yaitu: percabulan, kecemaran, hawa nafsu, 5:20 penyembahan berhala, sihir, perseteruan, perselisihan, iri hati, amarah, kepentingan diri sendiri, percideraan, roh pemecah, 5:21 kedengkian, kemabukan, pesta pora dan sebagainya. Terhadap semuanya itu kuperingatkan kamu–seperti yang telah kubuat dahulu–bahwa barangsiapa melakukan hal-hal yang demikian, ia tidak akan mendapat bagian dalam Kerajaan Allah. 5:22 Tetapi buah Roh ialah: kasih, sukacita, damai sejahtera, kesabaran, kemurahan, kebaikan, kesetiaan, 5:23 kelemahlembutan, penguasaan diri. Tidak ada hukum yang menentang hal-hal itu. 5:24 Barangsiapa menjadi milik Kristus Yesus, ia telah menyalibkan daging dengan segala hawa nafsu dan keinginannya. 5:25 Jikalau kita hidup oleh Roh, baiklah hidup kita juga dipimpin oleh Roh, 5:26 dan janganlah kita gila hormat, janganlah kita saling menantang dan saling mendengki.

1. KATA PENARUH

Kita ipebelin-belin i bas sada keluarga. Kita erlajar meteh mehuli i bas keluarga. Kita meteh erkade-kade i bas sada keluarga. Si eteh kita ikelengi ras si eteh engkelengi benaken i bas keluarga nari. Keluarga e me lembaga sosial si kitikna, si lit kawiten sada ras sidebanna si tading i bas sada rumah. Bapa, nande ras anak-anak kerina erkawiten. Bapa ras nande e me perbulangen ras ndehara, bapa ku anak kawitenna e me sada dareh, bagepe nande ku anak kawitenna sada dareh. Kerina anggota keluarga e ertanggungjabab njagai persadan jabu. Kerina perlu erjuang gelah jabu e tetap mehuli. siergan, sikelengen, sihamaten, sisampat-sampaten, siteken, em biak si perlu ipebelin i bas keluarga.

Guna si e lit i bahan waktu guna ercakap-cakap, nuri-nuri, nonton ras-ras (nobar), main game keluarga, ibadah keluarga ras sidebanna. Bapa, nande ras anak-anak perlu terus terang i bas kai pe. Keluarga sempabu em si isuraken Dibata.

Kira-kira kai nge si megati erbahansa maka keluarganta lanai sempabu?

2. URAIAN TEKS/TAFSIREN

I bas diri manusia lit tabiat (perangai; watak; biak: perbahanen si rusur ilakoken). Perbahanen e lit si mehuli ras lit si la mehuli. Nina Paulus man perpulungen Galati, perbahanenndu si la mehuli enggo itebus Tuhan Jesus, Dosa-dosandu kerina enggo ialemi. Ku bas pusuhndu enggo itamaken Kesah Si Badia, si mpelimbarui tabiat si lit i bas kam. Lanai arusna kam ngikuti tabiat doni si megati nawin pusuhndu ngelakoken sura-surandu jine. Si mpediat dirina ngelakoken tabiat doni e situhuna ilawanna tabiat Kesah si badia si enggo lit i bas dirina. Kalak si ngelakoken tabiat doni asa ndigan pe la banci bengket ku bas kinirajan Dibata si reh pagin. Tabiat doni ras tabiat Kesah Si Badia e petembil.

Paulus erbahan pembagin kai saja si bengket ku bas tabiat doni ras kai saja si bengket ku bas tabiat Kesah Si badia.

NoTabiat DoniNoTabiat Kesah Si Badia
1Erlua-lua: perbahanen amoral, ngelakoken hubunen seksual ras ndehara kalak entah ras diberu si labo ndeharana. Banci ka negelakoken hubungen seksual sesame jenis. Senang nonton film porno, ngenen gambar-gambar porno sidebannya1Kekelengen: Ngukuri ras ndarami si mehuli nandangi kalak sideban alu la   ersemulih. umpamana, mere penampat secara materi tapi la iarapken semulihna, Nampati secara moril; nehken kata pergegeh, nehken toto, mereken motivasi ras sidebanna. Tole nari mabai teman gelah kinitekenna reh paguhna
2Si nggesuh: perbahanen si melket, bahasa kotor, ngisak-ngisak, perukuren si la mehuli, sura-sura si jahat, ras si debanna  2Lit Keriahen: penggejapen senang si erpalas keleng ate, entah tergejap pasu-pasu i bas Dibata nari. Kai pe si jadi man bana meriah lalap ukurna erkiteken igejapkenna labo ia si sada ngalakensa. Igejapkenna lalap Tuhan nemani ia. La murah aru ate
3La meteh mela: guna nehi  sura-surana, Lanai nenna kawes kemuhen, la sopan (muka tembok).  3Lit kemalangen ate: Teneng pusuh ras perukuren sebab ietehna maka Tuhan lalap mereken penampat. Di kune lit musuh ngupuh, Tuhan jadi ampang-ampang.
4Nembah man berhala: nembah man roh kalak sienggo mate, nembah jelma, nembah patung, entah benda si niakap seri belinna kuasana ras Dibata entah belinna asa Dibata4Kesabaren: la murah merawa di kune lit teman si la bagi ukurna. La murah curiga, La pedas bene ukurna. Kesabaren e erkawiten ras ngalemi salah  
5Ilmu Sihir: nembah setan-setan, dukun-dukun, si make tabas (obat) gelah malem i bas sakit pinakit, pedas dat dahin, dat teman geluh si bagi ukurna, pelaris bas usaha, ras sidebanna5Perbahanen mehuli (kemurahan): La nggit ngelakoken perbahanen si erbahanca mesui ate teman, Nggit erbagi kai si lit I bas ia erkiteken igejapna kerina e rehna I bas Dibata nari. Banci kataken la pelit  
6  Simusuhen: rubat belin, lanai lit sura-sura erdame, ipebelin segat ate, erelem-elem ipesusur ku sinursurna6  Mehuli: teridah arah kata ras perbahanen si ertanggungjawab, i bas erdahin la meros, idahikenna dahin seh dung. Igejapkenna siidahikenna e guna kemuliaan Tuhan. La lit jungut-jungutna i bas erdahin
7Rubati: erlumba nuduhken kinijagonna, perbahan lit i je si man ayaken umpamana erta warisen, jabaten, pendahin, diberu, ras sidebanna7Setia: Konsisten, encikep enteguh padanan si enggo ibelasken (umpamana i bas pemasu-masun perjabun). Erjuang she ke ujungna kune pe lit tantangen, la mobah ukurna.
8Mecimberu: iri hati, segat ate nandangi keberhasilen kalak sideban8Meteruk Ukur: patuh kel ndalanken sura-sura Dibata, nggit lalap erlajar gelah payo guna si mehuli, tegas ngerana erkiteken bujur
9Perampus: rawa si mesangat si tuduhken alu belas-belas si megang, entah nemtem meja, pintu, ngambekken piring ras sedebanna9Ngasup nguasai diri: la ipelepasna dirina bengket ku bas perukuren, sura-sura, pengerana ras perbahanen si la mehuli. Tetap tenang ras eukur positif. Perlu disiplin laoko mpekitik ego pribadi, amin pe enda labo mesunah ngelokensa. Nguasai diri atan i je: nguasai dilah, nguasai nafsu sex, nguasai babah angkar i bas pangan), nguasai waktu, seimbang erdahin ras pekesahken, nguasai perukuren
10Ngukuri kepentingenna jine: guna ndatken kuasa ntah jabaten, alu cara si ugape pe ilakoken, lanai ngukuri kiniulin kalak sideban  
11Erbahan perpecahan: uga gelah persadan e rubat, erkelompok-kelompok, bahanna pengajaren si la mehuli. Istilah I bas kalak karo perjabun tengah  
12Si cian-cianen: penggejepen la merhat ngenehen sekalak jelma singgur ras ate nembeh, erkiteken li bas la si jadi ateta  
13Kerja minem-minem seh mabuk: mbuesa minem inemen keras seh lanai terkuasai diri, kai pe enggo belasi, lanai ieteh mehuli  

Kenca ituriken Paulus tabiat doni ras tabiat Kesah Si badia iberekenna sada pengajaren entah pe persinget gelah kerina kalak Kristen mpebelin tabiat Kesah Si Badia i bas pusuhna. Kesah e me si mereken kegeluhen, si mabai manusia tetap natap kempak Kristus. Kesah e me si mpengasup kalak si tek nuduhken lagulangakahna ngikutken sura-sura Kesah.

3. APLIKASI

Adi si perdiateken jabu-jabu kalak Kristen, uga maka enterem si la sempabu? Lakinlah enterem denga kita ras anggota keluarganta si ngelakoken tabiat/biak doni? Megati si begi perbulangen jabu si A enggo selingkuh ras bekas teman-temanna paksa SMA, ndehara si B erlua-lua ras perbulangen kalak. Lit ka jabu si C ndarami pelaris i bas erbinaga, ndabuhken keduduken kalak alu erbage cara gelah ia banci kundul i bas jabaten e, make kuasa-kuasa gelap lako mpengaruhi jelma si enterem gelah tetap tek banta, aminna pe ia ibuali. Melala jabu-jabuta si kebenen keriahen erkiteken anak ras perbulangen enggo candu narkoba, minem inemen keras, judi ras rubati. Lit denga ka biak percian ras percimberu.

Adi tabiat doni merincuh kal erbahan perpecahen, la siangkan dungna nggeluh serap-serap, simusuhen, ras la lit ketenengen. Merhat kal ndarami kesalahen kalak, janah meriah kal akapna adi ngasup ia nuriken kesalahen ras kekurangen temanna man jelma si enterem. Adi sipertahanken kin tabiat doni enda i bas pusuhta, nandangi kerap nge kerina isi jabu, bas doni enda pe labo lit kedamen, surga pe pagi la ka lit ingan.

Kesah Si Badia ibereken Dibata man banta lako empekena-kena lagu langkah ras perukurennta. IA erdahin i bas pusuh si mbagesna kal, ipersingetina situhuna kita di kune ngelakoken tabiat doni enda, labo erlatih-latih kita ipersingetiNa. Saja megati lanai sibegiken sora pusuh e ngerana man banta erkiteken pusuh ras ukurta idemi sura-suranta jine. Gundari nari, bereken pusuhta ingani Kesah Si Badia, simereken gegeh ras kengasupen man banta lako nehken sura-Sura Kesah e. Keluarga si nggeluh i bas tabiat Kesah Si Badia uga kal pe sempabu jabuna, dem keriahen, ketenengen ras erkekelengen.

5. DISKUSI
1) Kira-kira kai nge ndia kendalana maka metahat kal si akap mpegeluh tabiat Kesah Si Badal e ibas pusuh ras jabunta?
2) Turiken ulih si datkenndu adi kam nggeluh i bas tabiat Kesah SiBadia!

Pdt. Nurbety Br. Ginting, M. Th
HP. 0821 6869 6383

Post Views: 1,694