KUBEREKEN DEBA
Jop 31:16-20
(Diakoni Karitatif)
31:16 Jikalau aku pernah menolak keinginan orang-orang kecil, menyebabkan mata seorang janda menjadi pudar,
31:17 atau memakan makananku seorang diri, sedang anak yatim tidak turut memakannya
31:18 –malah sejak mudanya aku membesarkan dia seperti seorang ayah, dan sejak kandungan ibunya aku membimbing dia–;
31:19 jikalau aku melihat orang mati karena tidak ada pakaian, atau orang miskin yang tidak mempunyai selimut,
31:20 dan pinggangnya tidak meminta berkat bagiku, dan tidak dipanaskannya tubuhnya dengan kulit bulu dombaku;
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Janah kerina perdalanen PJJ enda banci iubah (imodifikasi) rikutken perluna.
6) Sope ibenaken PJJ banci iendeken lagu-lagu KA-KR
Hati Yang Gembira
Hati yang gembira a..a…a…. adalah obat
Seperti obat hati yang senang
Tapi semangat yang patah, keringkan tulang
Hati yang gembira a…a…a… Tuhan senang
B. PERPULUNGEN JABU-JABU/ PERPULUNGEN JABU
1) RENDE : KEE No. 3 : 1 “Puji Dibata E “
( IBABAI SIMADA JABU )
https://www.youtube.com/watch?v=u-S1Y1Udnys
Puji Dibata e, Raja mbelin si mulia
Kita kerina erjimpuh ertoto ku Ia
Pulunglah min! Rende ersurak me kin
K’rina me kam manusia
2) ERTOTO (IBABAI SIMADA JABU)
3) NGOGE KATA DIBATA : Jop 31:16-20 (IOGEKEN ANAK)
4) RENUNGEN
Tema : Kubereken Deba
I bas sada gereja, sekalak diaken ercakap-cakap kerna diakoni i rumah perpulungen si nggeluh sederhana.
Diaken : “Pa, dikune lit keretandu 2, meriah nge ukurndu merekenca sada guna pelayanen gerejanta?”
Bapa : “Meriah kel ukurku Diaken” Meriah kel ukur Diaken e megi jabab perpulungenna, iteruskenna ka penungkunenna.
Diaken : “Adi kune lit 2 kerbondu pa, meriah nge ukurndu mpersembahkenca sada ku gereja?
Bapa : “E meriah kel ukurku ” Tambah riahna ukur Diaken e erkiteken iakapna enggo mbages kel pengertin perpulungenna kerna erdiakoni.
Diaken : ”Adi kune lit manukndu 2 pa, e meriah nge ukurndu mpersembahkenca sada ku gereja?”
Bapa : (janahna rukur) “Timai lebe diaken, pasti tehndu sangana lit kuasuhi 2 me, e,…. adi e la meriah ukurku merekenca diaken!”
Kekelengen Tuhan, konsep diakoni (mere) megati tangkas si angkai i bas cakap ngenca, tapi i bas kinatana mberat si akap ngelakokenca erkiteken lit mbiar kita nguraki si lit i bas kita.
Jop e me sekalak si bayak ras malang man Dibata, tapi ia ngenanami kiniseran si mberat i bas geluhna. Anak-anak ras kebayakenna kernep i bas sada wari, dagingna ugahen mekelek i bas tapak-tapak nahena nari seh ku piserenna dingen ndeharana pe nundalken ia. I bas kiniseran si inanamina, kerina teman-temanna nalahken ia, erkiteken tupung si e lit pengangkan maka kalak si malang man Tuhan ndatken pasu-pasu, janah man kalak si erdosa iukum Dibata. Ertina, iakap teman-temanna kiniseranna e ukumen i bas Dibata nari man Jop erkiteken dosana. La payo iakap Job kerna kai si ikataken temanna e, Jop kalak si patuh dingen bujur i adepen Dibata.
I bas bindu 31 enda, Jop mbela dirina desken sekalak si nehken sumpah kebenaren i bas pengadilen. Itimai Jop Dibata ngadili ia. Alu tangkas ituriken Jop maka kebujurenna labo terjeng cakap tapi pe i bas pusuh perukuren nari ras perbahanenna ndalanken kebujuren. E me buah kiniteken Jop. I bas Jop 31: 16, ituriken Jop maka kalak musil si mindo penampatna la itulakna, janah diberu balu-balu la ipediatna erndele ate. Jop tuhu nggit nampati ras mereken pengapul man kalak si perlu. La terjeng si e ngenca, Jop pe mereken nakan man anak melumang janah ipebelin-belin ras iajarina ia kitik nari (ay. 17-18). I bas kiniliten Jop, ia la ngukuri dirina ngenca tapi iukurina pe keperlun kalak si deban subuk secara materil bage pe moril. Ayat 19-20, Jop nuriken kerna uga ia mereken paken kempak kalak si bergehen gelahna melas iakapna. Enda me bukti si icidahken Jop selaku buah kiniteken ras kepatuhenna man Tuhan.
Kai nge bukti kiniteken ras kepatuhenta man Tuhan? “Kubereken Deba” e me jadi tema ras tekadta minggu enda guna ngusih Jop lako mereken penampat man unit-unit Diakoni i bas gerejata. Alpa Omega (anak-anak berkebutuhan khusus), Gelora Kasih (anak melumang), PPOS (lanjut usia) ras HIV Aids (shelter rehabilitasi) e me ingan tading kekelengenta si muas nandangi penampatta. Penampat e banci saja i bas bentuk pangan, paken, sen, ras keperlunna teptep wari. Si ndeher kutata banci si bereken waktuta reh jadi temanna nuri-nuri. Labo arus si timai bayak bagi Jop maka banci si dahi kekelengenta si tading i bas unit-unit Diakoni GBKP enda, reh saja pe kita nggo jadi keriahen i bas ia. Si ndauh kuatata banci sitotoken ras sisampati alu si kirim (transfer) guna nampati ia. I bas kita nggit mereken dirita guna ndahi ia janah maba luahta si banci berupa sen, ulih juma ras keperlun si debanna i je me ialokenna kekelengen Dibata arah dirita. AMIN
5) NURIKEN PENGGEJAPEN
Bapa
Nande
Anak
6) IRAKUT PERTUA/DIAKEN/EMERITUS/PENDETA
7) AKSI
Cakapken i bas jabu ras PJJ kerna aksi mereken diakoni ku Alpa Omega/Gelora Kasih/PPOS/HIV AIDS. Rencanaken ndigan waktuna janah kai saja si baba. Percakapen enda labo terjeng cakap ngenca tapi tuhu-tuhu silakoken.
8) RENDE : KEE No. 254 : 1,3 “Isuruh Dibata”
(PERSEMBAHEN)
https://youtu.be/WoX0kW9AbFk
Reff:
Isuruh Dibata sikeleng-kelengen,
Sisampat-sampaten asa kengasupen
Mbue me kap tuhu si man bahanenta
Radu ras kerina kita ndahikenca
Palasta nampati, em ate mekuah
Ngusih Tuhan Yesus, enggo kap nampati
Meriah ukurta, adi teman pulah
Masap kebiaren, je dat ate jadi
Reff…..
Bas nampati teman la ngarapken balas
Pusuh peratenta aruslah meciho
Tuhan ersimulih ibereNa lampas
Sangapen kap mere asa kita ngalo
9) PERTOTON SAPAAT
1) Unit diakoni GBKP, Alpa Omega, Gelora Kasih, PPOS ras HIV AIDS (ibabai Diaken/Bapa)
2) Pelayanen diakoni sektor, Runggun, Klasis ras Moderamen GBKP ernanam nandangi si enterem (ibabai Pertua/Anak)
3) Pandemi covid-19 ras si turah i bas jabu bage pe perpulungen (ibabai pt/dk/em/pendeta/Nande)
10) RENDE : KEE No. 209 : 5 ”Perpulungen Ersadalah”
https://youtu.be/CW_YNHCWKR0
Kerina daten pemere, dat pasu-pasu pe
Mejingkat k’rina min dage, ndahiken dahin e
Meteruk ukur k’rinalah, em pedah Tuhan e
Em jadi man ikutenlah, i bas kelengNa e
11) PERTOTON TUHAN (ibabai Pt/Dk/Pendeta)
12) MOMO
C. JEDA RAS PENUTUP
Pdt. Rasmalem Br Ginting, S.Si ( Theol)
HP/WA : 0852 2889 6030