(Minggu 19 Kenca Trinitatis)
0gen : Perbahanen Rasul-rasul 13:37-39
Tema : Kebebasen ibas Kristus
Tujun : Gelah Saitun:
- Nandai Kristus singalemi kerina salah lepakta.
- Nggeluh ibas kebebasen siertanggungjawab erpalasken kiniteken man Kristus (Kebebasen ngerana, rukur, nehken perbahanen rsd).
13:37 Tetapi Yesus, yang dibangkitkan Allah, tidak demikian. 13:38 Jadi ketahuilah, hai saudara-saudara, oleh karena Dialah maka diberitakan kepada kamu pengampunan dosa. 13:39 Dan di dalam Dialah setiap orang yang percaya memperoleh pembebasan dari segala dosa, yang tidak dapat kamu peroleh dari hukum Musa.
BENA KATA
Enterem kalak ngatakenca maka kita kalak Indonesia memiliki mentalitas jajahan denga. Engkai, erkiteken idahna maka i bas ndalanken peraturen pe arus ipaksa arah kehadiren aparat. Lit aturen maka kalak si naik sepeda motor arus pakai helm. Tapi labo ipakena adi la lit ije ndeher polantas, Padahal make helm untuk keselamaten sendiri. Mberat akapna matuhi aturen si lit. Bagepe, lit ka aron (singemo) i juma, adi la simandori dekahen ia kundul ras man belo. Adi ije kita maka ipatuhina jam kerjana. Kalak sibagenda me contoh kalak si bermentalitas “jajahan”.
Mentalitas Kristen e me mentalitas kalak merdeka, lanai mentalitas jajahan. la enggo ibebasken kristus ibas dosa ras undang-undang nari. Emaka la pe lit undang-undang ibahanna simehuli guna memenuhi sura-sura undang-undang. Bageme nina Paulus ibas teks bahan PA nta sekali enda.
MPEBAGESI OGEN
Perbahanen Rasul-rasul 13:16-41 e me khutbah Paulus i kota Antiokia. Adi alu megermet sipediateken, jelas maka khotbahna enda, batang belinna persis bali ras khotbah rasul Petrus ibas Perbahanen Rasul-rasul 2. Paulus ngataken ibas khotbahna maka kerehen Tuhan Yesus e me kap puncak kerina sejarah. Sejarah nasional kalak Yahudi berpusat ibas Kristus, Perdalinen sejarah erdalih sue ras rencana Dibata. Tapi manusia la ngidah rencana Dibata si icidahkenNa ibas Yesus Kristus. Manusia tempa-tempa pentang la ngidah karya keselamaten Dibata arah Yesus Kristus.
Arah pengorbanen Yesus Kristus idatas kayu persilang, manusia ibebasken ibas ukumen dosa nari, erkiteken kematenNa e enggo jadi gancihta ngaloken ukumen. Undang-undang Musa (Taurat) la ngasup mbebasken kita ibas ukumen dosa nari. Undang-undang Taurat ngasup encidahken man banta bahwa kita kalak perdosa, tapi la ngasup nebusi ras mbebasken kita ibas dosa nari. Emaka Undang-undang Taurat labo nebusi utang dosanta, la mbebasken kita ibas dosa nari, tapi Yesus Kristus mbebasken kita.
Erkitek-kiteken pengorbanenNa i kayu persilang, kita jadi bebas ibas ukumen nari. Emaka kebebasenta e arus sipertanggungjawabken alu ngikutken sura-sura si enggo nebusi ras mbebasken kita. Jadi kebebasenta e teriket ku Kristus. La banci kebebasenta e erpalasken sura-suranta jine. Adi sura-suranta sidalinken sebagal manusia siperdosa, mabai kita labo ku simehuli tapi ku kebenen. Kita ibebasken Yesus Kristus, e maka sipertanggungjawabken kebebasenta e man baNa. Nggeluh, ngerana, bagepe bertindak la bagi ate-ateta, tapi bagi ate Kristus. Adi bage, mejile nari nge kegeluhenta.
PENGKENAINA
Kai kin ertina kalak si bebas /merdeka? Kalak si bebas, kai pe si ilakokenna e erkiteken bagekin akapna mehuli. Adi nampati la, ilakokenna e secara sukarela, senang akapna ngelakokenca. Labo gelah ia ipuji kalak, tapi nampati kin atena. Adi nehken kekelengen ia man kalak sideban, labo ia ngarapken simulih, berupa pujian entah pe gelah kalak sisampatina e pe banna ka bage bana. Lang. Sekalak bawahan si bebas, ia erdahin alu tutus ibas memenuhí tanggung jawabna. La pe ije atasenna
tetap ia tutus erdahin ndungi dahinna alu mehuli. la erdahin alu mehuli ras ertanggungjawab entah ije atasenna entah lang, la ia tergantung man manusia tapi man Tuhan. Em ciri-ciri kalak si enggo ibebasken Kristus.
Kai kin ertina kalak si la bebas /merdeka? Kai si ilakokenna labo situhuna perbahan atena erbahan mehuli, tapi lit sura-surana si terbuni. La ilakokenna secara sukarela, emaka perbahanenna e jadi beban man bana. Lit iarapkenna simulihna. Kune enggo ibahanna mehuli man kalak janah kai pe la lit simulihna, pujian entah sideban, enggo ia jungut-jungut. Bage pe, adi sekalak bawahan ia, mejingkat adi ije atasenna, adi lang banci ia ngadi-ngadi ras santai saja. Kalak si langa bebas secara mental arus ikontrol lalap pendahinna, harus lalap imandori. Biaren ia man manusia asangken Tuhan
PERTOTON
Bapa kami sini surga, Bujur ikataken kami sabab enggo ibebasken Kam kami ibas kuasa dosa nari arah kematen AnakNdu Yesus Kristus. E maka bereken kengasupen man kami guna ndalanken kebebasen kami alu ertanggungjawab, Erbahan mehuli nandangi teman kami manusia secara sukarela, la terpaksa ras la nuntut simulih man teman kami singaloken kiniulin kami. Aloken pertoton kami ibas Yesus Kristus. Amin.
- DISKUSI
- Kuga nge nehken keleng ate rikutken keleng ate Dibata man manusia? Tanpa syarat?
- Kita enggo merdeka secara politis sejak 17 Agustus 1945. Tapi enggo nge kita merdeka secara mental. Mentalitas kalak merdeka nge enggo mentalitasta?
RESEP
BAWAL BUMBU KUNING
Bahan: 500 gr ikan bawal, 2 ikat kecil daun kemangi
1 buah jeruk nipis, 2 sendok makan minyak goring
Bumbu halus: 5 Siung bawang merah, 2 siung bawang putih
5 cm kunyit, 5 buah kemiri
Cara memasak:
1) Bersihkan ikan, cuci dan buat goresan pada ikan beri perasan jeruk nipis.
2) Tumis bumbu sampai harum
3) Masukkan ikan dan tambahkan air
4) Masukkan daun kemangi dan masak sampai matang.
Siap disajikan