IPEKENA-KENA TUHAN
Masmur 8:1-10
(Etika/Ipekena Guna Mehuli)
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Sope benaken PJJ, banci kita rende alu make ende-enden KAKR.
6) Janah kerina perdalanen PJJ enda banci iubah (imodifikasi) rikutken perluna.
Untuk pemimpin biduan. Menurut lagu: Gitit. Mazmur Daud. Ya Tuhan, Tuhan kami, betapa mulianya nama-Mu di seluruh bumi! Keagungan-Mu yang mengatasi langit dinyanyikan. Dari mulut bayi-bayi dan anak-anak yang menyusu telah Kauletakkan dasar kekuatan karena lawan-Mu, untuk membungkamkan musuh dan pendendam. Jika aku melihat langit-Mu, buatan jari-Mu, bulan dan bintang-bintang yang Kautempatkan: apakah manusia, sehingga Engkau mengingatnya? Apakah anak manusia, sehingga Engkau mengindahkannya? Namun Engkau telah membuatnya hampir sama seperti Allah, dan telah memahkotainya dengan kemuliaan dan hormat. Engkau membuat dia berkuasa atas buatan tangan-Mu; segala-galanya telah Kauletakkan di bawah kakinya: kambing domba dan lembu sapi sekalian, juga binatang-binatang di padang;burung-burung di udara dan ikan-ikan di laut, dan apa yang melintasi arus lautan. Ya Tuhan, Tuhan kami, betapa mulianya nama-Mu di seluruh bumi!
B. PERPULUNGEN JABU-JABU/ PERPULUNGEN JABU
RENDE : KEE No. 260:1-2 “Oh Andiko Jilena” (ibabai bapa)
https://youtu.be/I1Bx457z1V4
- Oh andiko jilena tinepa Dibata, Subuk pertibi enda ras isina k’rina
Deleng si meratah kerangen, Perik-perik rende kabangen
Andiko jilena si banNa, Seh kel kap ulina
Reff : E maka tangarlah min kita jelma
Ola melasang ola meturdaksa
Lit tenah kata pedah ni Dibata,
Jaga kelengi, k’rina tinepaNa - Ah andiko cedana, si tepaNa ndube
Penggaya iblis ‘rbanca, jelma rate-ate
Uruk si megersing meturban,
Rudang nggo merapak i mbalmbal
Andiko mekelek cedana, bekas tinepaNa Reff : …
ERTOTO (ibabai Nande)
NGOGE KATA DIBATA : Masmur 8:1-10 (ibabai anak)
RENUNGEN (ibabai Bapa)
Tema : Ipekena-kena Tuhan
Masmur 8 enda eme puisi, ende-enden, pertoton ras pengarapen, sinuriken kerna pengalamen kiniteken erDibata. Arah ngoge ras ngukuri kitab Masmur enda melalakel kita tersampat i bas rukur, uga Dibata erkeleng ate encidahken kuasaNa man banta arah tinepaNa. Sigejabken ise kin kita i adep-adepen Dibata? Manusia eme tinepa Dibata si ijadikenNa sue ras tempas Dibata (imago Dei). Ibereken Dibata dahin man banta guna njagai ras ngkelengi bage pe mpekena-kena tinepaNa.
Masmur enda itulisken Daud i bas bentuk pujin (hymn of praise) man Dibata, rusur i ogeken i bas kebaktin guna mpegegehi kalak Israel i bas ngalaken perbeben bage pe imbang si ngkeleweti. Pigapiga bagin si ituriken I bas Masmur 8 enda e me :
Sinulisken pujin enda (ay. 1)
Pujin, kemulian ras perbahanen Dibata (ay.2-3)
Kiniteruken manusia (ay. 4-5)
Dibata erbahanca manusia ermulia (ay. 6-9)
Kemulian Dibata (ay. 10)
Si nulisken pujin enda ngaku maka Dibata kap njadiken si nasa lit i doni seh ku das surga. IA Dibata si ermulia, Dibata si erkuasa. Man baNa ngenca kita nembah, sabab IA ngenca patut ndatken pujin. Erkiteken perbahanenNa si mejin, si teridah i bas kerina tinepaNa, langit ras doni, bage pe bulan ras bintang si itamakenNa i bas inganNa. IjadikenNa manusia teruhen asangken diriNa jine, ipekena-kenaNa ras itangkuhkenNa alu kemulian ras kehamaten. Tuhu-tuhu kal ibahan Dibata manusia e meherga, IberekenNa pemeteh guna ngasup mbedaken si benar ras lepak, janah biak-biak Dibata nggeluh i bas manusia guna ngkelengi ras mpekena-kena tinepa si deban; rubia-rubia, perik-perik, nurung ras kerina si ijadiken Dibata.
Adi si perdiateken i ja nari manusia e itepa, si tuhuna manusia e labo meherga, sebab ijadiken i bas abu taneh nari, biakna la merupa, kote, ras la ergegeh, banci ikabangken angin, lesap rasa lalap. Si e ngatakenca manusia e la ergegeh, ras geluhna pe kentisik. Adi la ibahan Dibata labo ia ngasup nggeluh ras ndalani kegeluhen
apai ka ngkelengi tinepa si deban. Igejapken pemasmur kal uga kotena manusia adi la ipekena-kena Dibata, e maka nina, ise kin manusia e maka ipekena-kenaNdu ka ia?
Pemasmur ngidah bage ulina Dibata, kalak si kote dingen la ergegeh pe ibahanNa jadi meherga janah ijadikenNa temanNa mpekenakena tinepaNa. Em dalan-dalanna kerina muji Dibata. Danak-danak ras gara-gara rende muji gelarNa. Megati kel pengakapta maka anak-anak ntah si gara-gara lenga lit pengangkan ras pengertinna, janah siakap kin ia kalak si la megegeh, kote e maka rusur kel ia sikepkep ras si jagai. Tapi Tuhan Dibata makeken kalak si kote jadi megegeh guna muji gelarNa seh maka lit kemenangen i bas
naluken imbang si ngelawan Dibata.
Jadi pasu-pasu man kerina tinepa e me pendilo Dibata man banta seh wari enda. Kita idilo ertanggung jabab njagai, ngkelengi dingen mpekena-kena doni enda, aktif ras kreatif i bas inganta tading gelah kerina si itepa Dibata ersurak-surak muji Tuhan. I bas kita atan mpekena-kena ras mpehuliken si enggo lit e, i je kita enggo muji-muji Dibata ras ulihna kerina tinepa Dibata nggeluh mejuahjuah. Bageme si isuraken Dibata man banta kerina.
IRAKUT PERTUA/DIAKEN/EMERITUS/PENDETA I BAS KESIMPULEN
DISKUSI (ibabai Anak)
1) I bas KEE No. 260, “Oh Andiko Jilena,” lit i je tertulis …”ola melasang, ola meturdaksa.” Kira-kira, kai nge antusen kalimat enda man banta paksa enda?
2) Bereken contoh si banci silakoken mpekena-kena lingkungen si mereken kemalemen ate ku sekelewetta.
RENDE nehken Persembahen KEE No. 298:1,3 “Mbincar matawari”
https://youtu.be/elbY-xydg_Q
- Mbincar matawari, enggo kap nerangi
K’rina negeri, juma ntah pe sabah
K’rangen si meratah, mehuli t’ridah - Wari-wari g’luhku, e pe pemereNdu
IjujurkenNdu, ermengkah ateku
Bekas penjayamNdu, pujin man baNdu
Pertoton Sapaat (ibabai Bapa)
1) Notoken kerina Pandita, Pt/Dk, Pengurus PJJ, Kategorial ras perpulungen ngasup ngkelengi ras mpekena-kena lingkungen
2) Gelah reh teremna simuat bagin nehken aksi guna mpekena lingkungen subuk bas pemerintah, LSM, Lembaga, ras si debanna
3) Si mada jabu ras si turah i bas perpulungen
4) Persembahen
RENDE : KEE No. 201:1-2 “Malem Ate Tuhu-tuhu”
https://youtu.be/JRVOZ_09uR8
- Malem ate tuhu-tuhu, si ernalem man baNdu
Kam Dibata si ‘njadiken, langit ras doni enda
SalsaliNdu pusuh kami, maka t’rangNdu tergejap
Kalak si tek la kap bene, ‘ban kelengNdu e tetap - Matawari, bulan, bintang, Kam nepasa jadi t’rang
Doni enda dem isina, Labo kai pe si kurang
K’rina si erkesah gia, nggeluh i doni enda
Bagi si ngerana nina: “Kam Tuhan si Madasa”
Pertoton Tuhan: (ibabai Nande)
Momo
C. JEDA RAS PENUTUP
Pdt. Peken Pardis Br Ginting M.Div. M.Th
HP/WA : 0813 9672 6055