(HUT Mamre pe-27)
Teks : Lukas 8: 40 – 42a; 49- 56
Tema : MABA ANAK JABU KU TUHAN
Tujun : Gelah Mamre:
- Meteh maka dirina e me imam simabai jabu ku Tuhan
- Erkomitmen janah ndaftarken perbahanen-perbahanen maba anak jabu ku Tuhan.
Metode : Diskusi
Yesus membangkitkan anak Yairus dan menyembuhkan seorang perempuan yang sakit pendarahan
8:40 Ketika Yesus kembali, orang banyak menyambut Dia sebab mereka semua menanti-nantikan Dia. 8:41 Maka datanglah seorang yang bernama Yairus. Ia adalah kepala rumah ibadat. Sambil tersungkur di depan kaki Yesus ia memohon kepada-Nya, supaya Yesus datang ke rumahnya, 8:42 karena anaknya perempuan yang satu-satunya, yang berumur kira-kira dua belas tahun, hampir mati.
8:49 Ketika Yesus masih berbicara, datanglah seorang dari keluarga kepala rumah ibadat itu dan berkata: “Anakmu sudah mati, jangan lagi engkau menyusah-nyusahkan Guru!” 8:50 Tetapi Yesus mendengarnya dan berkata kepada Yairus: “Jangan takut, percaya saja, dan anakmu akan selamat.” 8:51 Setibanya di rumah Yairus, Yesus tidak memperbolehkan seorangpun ikut masuk dengan Dia, kecuali Petrus, Yohanes dan Yakobus dan ayah anak itu serta ibunya. 8:52 Semua orang menangis dan meratapi anak itu. Akan tetapi Yesus berkata: “Jangan menangis; ia tidak mati, tetapi tidur.” 8:53 Mereka menertawakan Dia, karena mereka tahu bahwa anak itu telah mati. 8:54 Lalu Yesus memegang tangan anak itu dan berseru, kata-Nya: “Hai anak bangunlah!” 8:55 Maka kembalilah roh anak itu dan seketika itu juga ia bangkit berdiri. Lalu Yesus menyuruh mereka memberi anak itu makan. 8:56 Dan takjublah orang tua anak itu, tetapi Yesus melarang mereka memberitahukan kepada siapapun juga apa yang terjadi itu.
1. KATA PENARUH
Secara garis besarna, pendahin Jesus asum Ia i doni enda e me nehken pengajaren ras erbahan tanda sengget (mujizat). Isi pengajaren Jesus e me gelah manusia ndalanken kebenaran, keadilen, kebujuren bage pe ngkelengi kerina tinepa. Istilah sideban simegati pe sibegi e me gelah manusia ngasup menghadirken tanda-tanda Kerajaan Dibata itengah-tengah doni enda (pembebasen si holistik/menyeluruh), keselamaten jasmani dan rohani.
I bas pendahinNa i doni enda, Jesus la saja ertiori tapi kai siajarken Na sekaligus ipraktekkenNa e me alu erbahan tanda sengget (mujizat). Tanda sengget (mujizat) e sada bukti maka kerehen Jesus ku doni enda e me selaku Messias, Tuhan ras Juruselamat.
Mari sigargari seh ija enggo kita Mamre tuhu-tuhu jadi imam itengah jabu, gereja ras masyarakat i bas umurta si enggo 27 tahun enda.
2. URAIAN TEKS/ TAFSIREN
Jairus, e me sekalak kepala rumah pertoton agama Yahudi; anakna umur 12 tahun sakit mekelek. Sekalak pengulu rumah pertoton si sejajar ras Ahli Taurat ras kalak Farisi njumpai Jesus itengah-tengah jelma sienterem enda labo hal sibiasa (sebab kalak enda labo siperiahen). Erkiteken enggo ibegi Jairus tanda-tanda sengget sibahan Jesus e maka turah kinitekenna man Jesus ras lanai iranakenna resiko sibakal jadi bagepe lanai iukurina kerna harga dirina gelah anakna malem.
Asum i bas perdalanen ku rumah Jairus lit si reh maba berita ngataken maka anak Jairus enggo mate (ay. 49). Ibegi Jesus kata e e maka niNa: “Ola kam mbiar, tek sajalah, malem nge kari anakndu e.” Ngenca seh i rumah, Sora tangis ras ceda ate kerina keluarga, idahi Jesus anak simbaru mate e nina alu sora megang: “o beru, kekeken!”
I bas ayat 41 Jairus njumpai Jesus alu make kata ‘isembahna’ (bahasa Indonesia: tersungkur dihadapan Jesus). Enda sada hal si labo gampang man sekalak pengulu rumah pertoton nembah Jesus adi la erkiteken tek.
3. APLIKASI
Arah perbeben simberat si ialami Jairus, piga-piga perenungen banci sibuat:
- Jairus selaku bapa (Mamre) i bas jabu, muat keputusen si tepat e me reh nembah man Jesus. Enda sada pembelajaren man banta Mamre: i bas keadaan si genting, entah kerna pinakit, ekonomi, ras sidebanna; tetap mengandalken Tuhan ras la mengandalken pemeteh, gegeh ras beluhta.
- Amin pe lit jabaten, tapi Jairus ngasup merendahken diri ilebe-lebe Dibata ras manusia. Guna anak jabu la iperhitungkenna resiko si bakal jadi ras soal harga diri.
- Pertolongan Tuhan tidak pernah terlambat! Mungkin siakap Dibata melawenca bertindak ras njawab pertotonta. Kerina rancangen Dibata (termasuk si siakap melawenca e) maba kiniulin man banta.
- Umur 27 tahun Mamre, e umur si cukup matang ras dewasa. Mari kita kerina Mamre bertindak bagi Jairus e me mengambil keputusan yang tepat dan mengutamakan kesejahteraan dan kebaikan keluarga. Selamat 27 tahun Mamre GBKP.
4. DISKUSI
1) Mari sidiskusiken, engkai maka kepala rumah pertoton Jairus ertekat njumpai Jesus amin pe lit resiko si bakal ihadapina?
2)Kai sijadi komitmenta i bas umurta Mamre enggo 27 tahun ras ngenca kita ngorati bahan PA-nta wari enda?
USULEN LAGU
KEE GBKP No. 279: 1, 2, 4= https://www.youtube.com/watch?v=qDvPUUtEilQ
KEE GBKP No. 293: 1, 3= https://www.youtube.com/watch?v=za-1JW9PWU0
KEE GBKP No. 127: 3
KEE GBKP No. 445: 1 – = https://www.youtube.com/watch?v=Bn0WbX7wnH8
Pdt. Hermanto Tarigan, MTh
HP 0812 6405 6540