NGGELUH I BAS KINIULIN
Epesus 4:1-3
4:1 Sebab itu aku menasihatkan kamu, aku, orang yang dipenjarakan karena Tuhan, supaya hidupmu sebagai orang-orang yang telah dipanggil berpadanan dengan panggilan itu. 4:2 Hendaklah kamu selalu rendah hati, lemah lembut, dan sabar. Tunjukkanlah kasihmu dalam hal saling membantu. 4:3 Dan berusahalah memelihara kesatuan Roh oleh ikatan damai sejahtera
A. PERSIKAPEN
1)Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Sope benaken PJJ, si puji Tuhan alu ngendeken lagu KA-KR :
(ibabai anak)
https://www.youtube.com/watch?v=q59edsRAQjw
Sungguh alangkah baiknya, sungguh alangkah indahnya
Bila saudara semua hidup rukun bersama
Sungguh alangkah baiknya, sungguh alangkah indahnya
Bila saudara semua hidup rukun bersama
Seperti minyak di kepala Harun
Yang ke janggut dan jubahnya turun
Seperti embun yang dari Hermon
Mengalir ke bukit Sion
Karna ke sanalah Allah memrintah
Agar berkat-berkatNya tercurah
Serta memberikan anugerah
Hidup rukun s’lamanya…
B. PERPULUNGEN JABU-JABU/ PERPULUNGEN JABU
Rende KEE No. 338:1,3 (Ibabai nande)
https://www.youtube.com/watch?v=m3r1R6x5oxA
Kam kusembah, ulu tuah, ajar aku me gelah
Lah nurihi pujin kami, lalap la ‘rngadi-ngadi
Lias ras keleng, ateNdu jujurkenNdu man bangku
Nteguh paguh la terundu, Kuasa ras muliaNdu
Pasu-pasu surga nari, ku gejap tiap wari
Kepentaren berekenNdu, nehken sura-suraNdu
PakekenNdu lah min aku, jadi persuruhenNdu
Jenda aku, suruh aku, nehken kekelengenNdu
ERTOTO (ibabai Bapa)
NGOGE KATA DIBATA: EPESUS 4:1-3 (Ibabai Anak)
RENUNGEN
Tema : Nggeluh I Bas Kiniulin
Nggeluhlah sue ras kecibalndu bagi asum tangtangna kam idiloNa guna ngikutken Kristus. I bas bahasa Indonesia, berpadanan dengan panggilan, bahasa Yunani : axios antusenna: nggeluh ersada nehi kiniulin. Kecibal si erbage-bage lanai jadi persoalen. Amin pe erbage-bage tetap min ersada, ngasup ngaloken teman si la seri ras kita, subuk suku, agama, bahasa, pendahin, persekolahen, kiniteken ras si debanna. Nggeluh i bas persadan em si man perjuangenken. Bagi i bas perjabun sekalak dilaki ras sekalak diberu. Dilaki ras diberu pelain-lain tapi sepadan. Kuh ia adi ersada, bagekin ijadiken Dibata. I bas ia pelain-lain e idilo Dibata nehken sura-suraNa. Arus lit kiniersadan i bas ia duana ndalanken pendilo Tuhan e.
I bas penjara nari, Paulus nehken pengajarenna man perpulungen arah surat si ikirimkenna. Ibegina paksa si e lit denga rusur persoalen i bas perpulungen kerna kecibalna si erbage-bage umpamana kalak Jahudi ras la Jahudi. Sura-sura kalak Jahudi gelah kerina kalak si isekelewetna la pe sada sukuna ngikutken orat geluh kalak Jahudi. Pengakapna adat ras kebiasanna e si mehulina, sabab nina erkata bana, ia bangsa Dibata. Rikutken pengajaren Paulus, labo terperseri kebiasan adat duana suku enda sabab ijadiken kin ia pelain-lain, tapi banci ia ersada i bas ate keleng, si sampaten ras ngaloken teman si la seri ras ia. Kiniersadan, la meneken identitas diri. Guna si e isehken piga-piga kebiaken si arus lit i bas kalak Kristen e me :
1) Meteruk ukur
Iandingken bagi sinuan-sinuan si turah njoler i taneh. tempatempa labo lit ertina. Labo kita ulin asa kalak si deban. Enda palas si nteguh kal man banta kalak Kristen e me kita tuhu kin kalak perdosa, si labo sitik pe metunggung tapi ipetunggungken Dibata. Kita ndatken perkuah ate si mbelin i bas Tuhanta nari arah anakNa Jesus Kristus si enggo nebusi dosa-dosanta.
2) Lemah lembut
Labo medate ngerana, tapi ietehna katawari merawa i bas paksana. Kalak si ngasup nguasai dirina, alu penampat Kesah Si Badia. E maka ietehna katawari perlu merawa ras katawari la merawa.
3) Sabar ras megenggeng
Biak sabar, la murah atena nembeh man kalak si megombang man bana, nggit ngalemi kalak si erbahanca mesui pusuh, tetap ipertemanina kalak si rate segat man bana. Bagi Jesus sabar nandangi kalak si nokohi IA i kayu persilang. Biak megenggeng, la murah kelsehen i bas ngalaken kiniseran erkiteken bencana si jadi umpamana, banjir, kelegon, kepesengen, erupsi, pinakit, ekonomi surut erkiteken pandemi ras si debanna. Lalap erjuang
anem gia mbue nge kiniseran si man alanken. Kiniteken si tetap erbahanca tahan ngalaken percuban-percuban si lit.
4) Njaga kiniersadan i bas perdamen.
Sedar kita maka si gejapken ras si akuken maka Dibata nepa kinierbagen. Mulai kin doni enda ras isina itepaNa. Kinierbagen e me kebayaken. Si perlu i je si ergan, si hamaten, ras si kelengen. Alu e me maka kerinana nggeluh dame. Njagai kiniersadan i bas perdamen labo menukah tapi adi nulih ku perbahanen Jesus si mperdameken kerinana, lit perayakenta ku je. Janah dahin e iendesken man banta kalak si erkiniteken (Kol. 3:15)
Jadi kesimpulen si banci si dat e me: kita enda erbage, Dibata pe nepa kita i bas kinierbagen tapi kita enggo iranggutNa jadi sada i bas
kebiaken-kebiaken Kristus si enggo sialoken pendiloNa. Jadi ersada kita i bas kebiaken-kebiaken si mehuli. Alu e me tetap dame kegeluhenta. Malem ateta subuk i bas jabu gereja ras masyarakat. I tengah kinierbagen, i tengah litna perbeben paksa enda, pandemi si lenga erkedungen, bencana alam si megati jadi, radu ras min kita kerina encidahken kekelengen, nggeluh si sampat-sampaten. La terjeng teman sada gereja saja si perdiateken ras si sampati, tapi pe teman si pelain-lain kinitekenta, suku ras kebiasanta. Perlu kal radu ras kita engkelengi kegeluhen enda. Cidahken ras geluhkenlah si mehuli e.
PENGGEJAPEN :
1) Bapa
2) Nande
3) Anak
IRAKUT PERTUA/DIAKEN/EMERITUS/PENDETA
DISKUSI
1) Turiken palasta ncidahken kiniulin i bas kegeluhen
2) Kai kendala-kendalata i bas kita ncidahken kiniulin?
RENDE : KEE No. 445: 1,2 (mpepulung persembahen)
https://youtu.be/Bn0WbX7wnH8
Si pepulung me persembahennta, si endesken dage man Dibata
Tanda mriah ukur ban pasu-pasuNa, si simpar b’reNa man banta
Reff : Asa si enggo isikapken, asa singgo itotoken
Em pengataken bujurta, kempak Dibata
Tuhu simpar pemere Dibata, man perjuma ras si erbinaga
K’rina si erdahin si ngarap man baNa, ituahi pasu-pasuNa Reff :
PERTOTON SAPAAT, PERTOTON TUHAN
1) Kerna persembahen
2) Kerna ngawan perpulungen gelah ngasup ngaloken kalak si deban uga litna
3) Si turah i bas jabu, sektor ras runggun
4) Pertoton Tuhan
MOMO
C. JEDA RAS PENUTUP
Pdt. Irama br Purba, S.Th., M.Si.
HP/WA : 0812 6066 6946