Terombo
KONFESI BUDAYA 2 (ORAT TUTUR)
Matius 1: 1 – 17
Silsilah Yesus Kristus1:1 Inilah silsilah Yesus Kristus, anak Daud, anak Abraham.
1:2 Abraham memperanakkan Ishak, Ishak memperanakkan Yakub, Yakub memperanakkan Yehuda dan saudara-saudaranya,
1:3 Yehuda memperanakkan Peres dan Zerah dari Tamar, Peres memperanakkan Hezron, Hezron memperanakkan Ram,
1:4 Ram memperanakkan Aminadab, Aminadab memperanakkan Nahason, Nahason memperanakkan Salmon,
1:5 Salmon memperanakkan Boas dari Rahab, Boas memperanakkan Obed dari Rut, Obed memperanakkan Isai,
1:6 Isai memperanakkan raja Daud. Daud memperanakkan Salomo dari isteri Uria,
1:7 Salomo memperanakkan Rehabeam, Rehabeam memperanakkan Abia, Abia memperanakkan Asa,
1:8 Asa memperanakkan Yosafat, Yosafat memperanakkan Yoram, Yoram memperanakkan Uzia,
1:9 Uzia memperanakkan Yotam, Yotam memperanakkan Ahas, Ahas memperanakkan Hizkia,
1:10 Hizkia memperanakkan Manasye, Manasye memperanakkan Amon, Amon memperanakkan Yosia,
1:11 Yosia memperanakkan Yekhonya dan saudara-saudaranya pada waktu pembuangan ke Babel.
1:12 Sesudah pembuangan ke Babel, Yekhonya memperanakkan Sealtiel, Sealtiel memperanakkan Zerubabel,
1:13 Zerubabel memperanakkan Abihud, Abihud memperanakkan Elyakim, Elyakim memperanakkan Azor,
1:14 Azor memperanakkan Zadok, Zadok memperanakkan Akhim, Akhim memperanakkan Eliud,
1:15 Eliud memperanakkan Eleazar, Eleazar memperanakkan Matan, Matan memperanakkan Yakub,
1:16 Yakub memperanakkan Yusuf suami Maria, yang melahirkan Yesus yang disebut Kristus.
1:17 Jadi seluruhnya ada: empat belas keturunan dari Abraham sampai Daud, empat belas keturunan dari Daud sampai pembuangan ke Babel, dan empat belas keturunan dari pembuangan ke Babel sampai Kristus.
Gelah PERMATA GBKP:
- Meteh kerna terombo Jesus janah erbahan refleksi kiniteken arah terombona.
- Beluh ertutur alu memperdiateken terombona.
Metode: Aksi
I. BENA KATA
Ngoge terombo mungkin membosanken, erkiteken si man ogen isina emekap gelar-gelar ibas kesusuren. Enterem si ngoge Pustaka Sibadia ngkelangi ngogesa adi jumpa si isina gelar-gelar ngenca, terlebih terombo Jesus isuratken la gendek tapi lit sepuluh pitu ayat. Engkai maka i kelangi ngogesa erkiteken la ieteh kai ertina gelar-gelar si isuratken e. Adi si perdiateken ibas Injil Matius maka terombo Jesus isuratken ibas perlebe (Matius 1:1-17). Arah segi peletaken i tama ibas lebe tentuna terombo Jesus lit i bas bagin si kal Terombo Jesus i suratken alu lengkap mulai Abraham seh ku Jesus tentuna lit mereken makna si penting. Guna ngangkai Terombo si la banci lang harus si eteh uga nai sejarahna, bage pe guna ngangkai terombo Jesus harus si angkai uga sejarahna Abraham nari seh ku Jesus, emaka arah si e gelar-gelar si oge la terjeng gelar-gelar saja ngenca tapi mereken makna tersendiri ibas kita penting ngogesa ibas konteks gundari enda. Pengertin enda harus lit ibas si ngoge terombo adi lang tentuna ngoge gelar-gelar jadi membosanken.
II. ISI
I bas pembuka Matius bindu 1 ayat 1 i suratken “Enda me terombo Jesus Kristus. Jesus e me kesusuren Daud, dingen Daud e me kesusuren Abraham”. Engkai maka ibas pembuka Matius i tulisken gelar Daud? Alasenna emekap singaloken Injil Matius e me kalak Jahudi, nimai maka Mesias, terombona rehna arah kesusuren Daud, asalna i kuta Betlehem, ija Daud nai tading (Yoh. 7:42) ras bagi piga-piga nabi ernubuat maka Mesias rehna ibas kesusuren Daud nari (Ya. 9:7. Yer. 23:5), arah si e si eteh maka namaken gelar Daud arah lebe gelah membuktiken maka Jesus eme Mesias si enggo ipadanken rehna ibas kesusuren Daud.
Dung e maka i tulisken terombo Jesus, i benaken ibas Abraham nari. Adi si perdiateken terombo Jesus, i bagi ke telu fase keturunen; sipemena kesusuren Abraham seh ku Daud (1. Abraham, 2. Ishak, 3. Yakub, 4. Yehuda, 5. Peres, 6. Hezron, 7. Ram, 8. Aminadab, 9. Nahason, 10. Salmon, 11. Boas , 12. Obed, 13. Isai, 14. Daud), sipeduaken kesusuren Daud sch ku Pembuangen ku Bahil (1. Salomo, 2. Rehabeam, 3. Abia, 4. Asa, 5. Yosafat, 6. Yoram, 7. Uzia , 8. Yotam, 9. Ahas, 10. Hizkia, 11. Manasye, 12. Amon, 13. Yosia, 14. Yoyakim) ras sipeteluken e me Pembuangen Babil nari seh ku Jesus (1. Yekhonya, 2. Sealtiel, 3. Zerubabel, 4. Abihud, 5. Elyakim, 6. Azor, 7. Zadok, 8. Akhim, 9. Eliud, 10. Eleazar, 11. Matan, 12. Yakub, 13. Yusuf, 14. Yesus). Adi i kira tep-tep fase maka ibas Abraham-Daud lit 14 kesusuren, Daud-Pembuangen Babil lit 14 kesusuren, Pembuangen Babil-Jesus lit 14 kesusuren ras jumlahna kerina lit 42 kesusuren. Jadi setiap fase lit 14 kesusuren, janah arah si e si idah maka dibata erdahin alu teratur ras si seh kal pentingna ibas erlajar kerna terombo Jesus em Dibata erdahin ibas tep-lep kesusuren, la erdahin alu unik ibas tep-tep kesusurangen rasibas berbeda. Mulai ibas Abraham nari seh ku Jesus sada perbahanen Dibata secara teratur erdahin ibas sada rencana penyelamatan manusia.
Adi si perdiateken terombo Jesus, lit piga-piga hal si banci si dat keunikenna, melala si idah gelar-gelar si rusur si begi misalna Abraham, Ishak, Jakub, Daud, Salomo, rsd, tapi si menarik lit gelar-gelar ibas kesusuren Azor , Eliud, Matan jarang si begi ras kai jabatenna ras pendahinna labo kel ieteh ras labo menonjol bagi sidebanna. Ertina maka ia emekap orang-orang biasa saja tapi aku pake Tuhan ibas rencana si mbelin emekap keselamaten manusia. Si menarik pe ibas terombo si itulis Matius, terombo itulis la bagi semalna, kalak Jahudi nulis terombo arah garis keturunen dilaki tapi ibas terombo Jesus lit itulisken 5 diberu, emekap: 1. Rahap, diberu Kanaan sierdahin perlua lua tapi ia nampati mata -mata kalak Israel (Yosua 2:1-24), 2. Tamar, diberu si bermasalah ibas perjabun, 3. Rut, e me kalak Moab, si bangsana rusur nuhsahi bangsa Israel, 4. Betsyeba, ndehara Uria si ibuat Daud, alu cara si lamehuli 5. Maria, si mehuli kulana la bagi jelma sinterem, mehuli kulana perbahan Kesah Dibata. Bage pe si idah maka labo kalak simehuli ngenca i pake Dibata tapi kalak si erdosa pe ikut ibas rencana simbelin guna mpesikap rencana Tuhan. Bage pe gelar-gelar yang terkenal bagi Abraham, Jakup, Daud gelarna si mbelin pernah kang ndabuh ibas kinitekenna. Bagi Abraham pernah ragu ibas rencana Tuhan, dungna ibuatna Hagar jadi ndeharana, Jakub si terkenal sebagai penipu ulung ras Daud si ikut ibas rencana pembunuhan Uria guna ndatken Betsyeba. Tapi Dibata erdahin ibas kalak si gagal pe banci isalihken Dibata jadi mehuli guna rencana keselamaten manusia.
III. PENGKENAINA
Arah terombo Jesus si idah maka Dibata setia ibas padanNa, nehken rencana si luar biasa manusia emekap keselamaten. Dibata erdahin alu teratur memiliki prinsip-prinsip pengaturan mulai bas Abraham-Dan-Pembuangan Babil-jesus, bas situasi ras perbeben. Ihas rencana keselamaten Dibata e, si idah gelar gelar si labo kepe kalak Jahudi saja i pakeNa tapi kalak non Jahudi. Labo kalak si terberita tapi kalak si biasa-biasa saja, la ngenca dilaki tapi diberu ras la ngenca kalak si mehuli tapi kalak si erdosa pe i pake Dibata ibas rencana keselamaten. Arah terombo Jesus enda PERMATA GBKP ngidah maka keselamaten si ialoken gundari rehna ihas perdalanen si gedang kal. Labo kalak Jahudi agenca i pakeNa, tapi pe bangsa-bangsa si dehan. GBKP enda lit perbahan isuruh Dibata kalak Belanda nehken keselamaten si ibenaken pemena i Buluh Awar. Bage pe labo ngenca kalak si beluh, si terpandang ipake Dibata tapi kalak si biasa-biasanya pe i pake Dibata. Bagi Timotius, amina gia anak singuda si sifatna permela tapi ipake Dibata jadi maba berita simeriah ras Paulus. Erdahin ibas Dahin Tuhan labo lit kearusen maka harus dilaki ntah diberu tapi lit ibas rencana Tuhan. Emaka melala si idah dilaki ras diberu seri uge ipake Dibata. Bage pe si idah maka Dibata la ngenca make kalak si mchuli tapi kalak si perdosa pe ikut ibas rencana Tuhan, enda si idah uga Dibata terbuka man kalak perdosa pe.
Ibas budaya ertutur kalak Karo, terombo seh kal perluna i eteh, sabab arah terombo si eteh asal-usulta, merga, bere-bere, binuang, kempu, kampah ras solerta. Bage pe arah kesusuren menentuken kal ibas meteh ganjang terukna ibas kita ertutur, misalna ertutur sekalak dilaki seri mergana lenga tentuna ia duana ersenina, banci sekalak erbapa sabab bapana seninana; bagepe sekalak diberu jumpa seri beruna lenga tentu ersenina tapi banci erbibi ntah ernande. Man danak-danak pe lenga bo tentu agina banci ia bapana ntah bulangna sabab ersenina ia ras bapa ntah ras bulangta. Bagem terombo enda mempengaruhi ibas ertutur ras si menentuken ganjang terukna ibas ertutur.
IV. AKSI
- Nulisken terombo masing-masing PERMATA GBKP (sope PA enggo i sungkun orang tua) ras erbahan sada refleksi arah terombona dung e tulisken merga, bere-bere, binuang, kempu, soler, kampahna..
- Ertutur alu rende (nuriken merga /beru, bere-bere si ibaba, kuta, piga sembuyak rsd), ntah ertutur alu: Ndung-ndungen, Anding-andingen, Kuning-kuningen, rsd.
V. USULEN LAGU
- KEE. 68: 1-3 “DahinNdu Si Mbelin Tuhan”
- KEE. 184: 1-3 “Yesus Tuhanku Njaminisa”
- KEE. 212 : 1-3 “Perkuah Makan Si Mbelin”
