Aksi eko wisata dalam rangka membuka peluang kerja dan merawat lingkungan
Teks : Masmur 35: 26-28
Tema : NGENA ATE TUHAN ADI SANGAP GELUH ANAK-ANAKNA
Tujun : Gelah Mamre:
- Meteh maka ngena ate Tuhan adi sangap geluh anak-anakNa
- Membuka peluang kerja baru man mamre i bas situasi masa kini arah merawat lingkungen
Metodi : Diskusi
35:26 Biarlah bersama-sama mendapat malu dan tersipu-sipu orang-orang yang bersukacita atas kemalanganku; biarlah berpakaian malu dan noda orang-orang yang membesarkan dirinya terhadap aku! 35:27 Biarlah bersorak-sorai dan bersukacita orang-orang yang ingin melihat aku dibenarkan! Biarlah mereka tetap berkata: “TUHAN itu besar, Dia menginginkan keselamatan hamba-Nya!” 35:28 Dan lidahku akan menyebut-nyebut keadilan-Mu, memuji-muji Engkau sepanjang hari.
1. KATA PENARUH
Bagin teks enda berlatar belakang kerna kisah si lit i bas kitab 1 Samuel 24: 9-15, si nuriken kerna Raja Saul si paksana ndarami (memburu) Daud i padang gurun En-Gedi. Kisah si terjadi i padang gurun menampilken situasi perbeben si mberat man Daud: kering, tandus ras la lit pangan itambah keadaan si ‘terpojok’ i bas gua menjadiken situasi genting i bas kegeluhen Daud. Lanai lit dalin pulah/mentok. Tading 2 (dua) pilihan menyerah ntah bertahan; talu ntah menang. Pilihenna lit bas diri Daud, janah Daud milih tetap bertahan ras mengandalken Dibata guna ndatken kesangapen jadi anak anak Tuhan. Banci kin e terjadi? Kai si ilakoken Daud maka banci idatkenna kesangapen bas Dibata nari? Mari kita erlajar arah bahan PA nta wari sisendah.
2. URAIAN TEKS / TAFSIREN
Bahan ogenta banci sibagi kubas 3 (telu) bagin perenungen:
Ay. 26 Tegar i bas kesuliten sabab lit peluang iban Tuhan
Bahanlah maka si meriah akapna ngenen kiniseranku, italuken dingen bene ukurna. Bahanlah maka kalak si megombang bangku, juru dingen mela.
Kiniseran sialami Daud labo erkiteken ia mekisat erdahin (malas), labo erkiteken kurang pemetehna (bodoh) tapi erkiteken kehebaten/kemampuan (prestasi baik) si nggo ibahanna e me naluken Goliath panglima perang bangsa Filistin (nen I Samuel 17). Keberhasilen Daud jadi masalah man Raja Saul, turah cian ate bahkan nusun rencana guna munuh Daud. Turah ukur jahat Raja Saul la pernah iduga/iprediksi sebelumnna, tapi rancangen jahat e tetap terjadi. Mulai jenari Raja Saul ngataken maka Daud merupaken kalak jahat si ncedaken kerajaan dingen patut ihukum ras ibunuh. Banci si pahami uga sulitna keadaan sialami Daud, gelar pahlawan berubah menjadi penjahat ntah pecundang kelas kakap bangsa Israel. Daud iayak-ayak erbulan-bulan bahken tande ku tahunna. Peristiwa i padang gurun En-Gedi merupaken situasi tragis, Daud enggo terkepung. Gedang-gedang wari Daud ertoto gelah Dibata ncidahken keadilenNa.
Kedungenna Dibata ncidahken kuasana, situasi terpojok berubah jadi kemenangan, alu erban Raja Saul terpedem bas gua. I bas kesesaken tercipta peluang, Daud la menyia-nyiaken kesempaten si lit e. Daud la munuh Raja Saul tapi ipotongna ujung jubahna tanda bukti maka keleng denga ate Daud man Raja Saul. Erkiteken sie mela akap raja ras perburuan nandangi Daud ihentiken.
Ay. 27. Dibata ermulia adi sangap suruh suruhenNa.
Ersuraklah kalak si mejehe ngidah aku ibenarken, iulih-ulihinalah ngataken “Andiko muliana Tuhan e! Ngena ateNa adi sangap suruh-suruhenNa”
Sikap ras tindaken si ilakoken Daud merupakan contoh si mehuli man banta. Aminna Daud iperlakuken la adil, kebebasenna itindas, ras iburu tapi kerina e la menyurutken sikap ras tindakenna tetap mengandalken Dibata. Biak tetap bertahan i bas segala situasi (tetap setia) merupaken biak silit i bas Dibata e me biak si la berubah, bagepe padan sibelaskenNa la pernah berubah, tetap rasa lalap.
Ncidahken biak si seri ras Dibata berarti ncidahken kiniersadaan antara Dibata ras suruh-suruhenNa. Tentu saja enda menjadi hal si ngena ate Dibata ras sekaligus jadi kesangapen man suruh-suruhenNa. Tetap bertahan i bas kesuliten ras tetap mengandalken Tuhan merupaken kunci ndatken kesangapen.
I bas bagin enda pe teridah maka ndatken kesangapen membutuhken perjuangen. Alu semangat, megenggeng ras tetap setia kedungenna Daud ndatken kesangapen e arah Dibata si ncidahken keadilenNa.
Ay. 28 Beritaken keadilenNa dingen Puji GelarNa
E maka kuberitaken keadilenNdu, dingen kupuji Kam gedang-gedang wari.
I bas bagin enda Daud nggo ndatken keadilen Dibata, janah penggejapen si ialamina e jadi kesaksin si nggeluh i bas kegeluhenna. Sebuten “Dibata Deleng Batuku” merupaken syair si nuriken kerna kiniteken Daud si ialamina i bas padang qurun En-Gedi. Arah pengalamen enda Daud erberita kerna keadilen Dibata si ialamina e man bangsa Israel. Ekspresi ungkapen Daud si memasukken unsur alam ncidahken maka Keadilen Dibata la hanya menyangkut soal jaminen keadilen man manusia saja, tapi secara universal keadilen e pe mereken jaminen kegeluhen man manusia bagepe kerina tinepaNa. Sebagai bukti banci si idah arah kerina tinepa si ijadiken Dibata. Kerina si ijadiken Dibata e memiliki keterkaiten bagepe ruang ras inganna masing-masing. Pemandangen alam si mejile, udara si menyejukken, lau si bersih, perik si rende-rende ras si debanna merupakan wujud keadilen Dibata i bas doni enda sekaligus ekspresi kerina tinepa Dibata enda guna muji gelarNa.
3. APLIKASI
Arah tema tahunen gerejanta “Kreatif Merawat Lingkungen”, kerina Mamre GBKP iajuk guna mencintai ras melestariken lingkungen. Rikutken bahan oratennta teridah uga semangat kiniteken Daud si mengandalken Dibata guna bangkit i bas merubah situasi tersudut ntah terpojok e jadi kesangapen ras berita keriahen.
Senada ras keadaan siterjadi i bas kegeluhenta kenca pandemi Covid 19, kerina kita khususna Mamre masih mengalami situasi kegeluhen si sulit. Covid 19 la pernah terprediksi akan terjadi, tapi kenyataanna kita arus menghadapi pandemi covid 19. Seri bagi pengalamen Daud si la pernah memprediksi perbahanen Raja Saul man bana. Jadi i bas situasi enda selaku Mamre si erkiniteken, tek kita maka Dibata tetap mereken peluang guna mengatasisa e me eko wisata.
Secara konsep, Eko Wisata merupaken konsep si memaduken 3 (telu) komponen e me konservasi alam, pemberdayaan masyarakat lokal ras meningkatkan kesadaran lingkungan. Gagasen kerna ekowisata enda mulai muncul i bas usulen Budowski tahun 1976 alu menggabungken wisata alam ras konservasi. Janah i bas perkembangenna ikenal menjadi eko wisata mulai tahun 1980.
I bas kinata silit gundari, ekowisata enda megati ihubungken ras objek-objek wisata alam si lit isekitar kita misalna kebun bunga, pemandian alam (pantai), pemandian lau las, wisata sabah (sawah), rsd. Kerina enda merupaken potensi alam si lit sekitarta ras banci imanfaatken guna menambah pendapaten jabu.
Rikutken bahan oratenta, alu tema Ngena Ate Tuhan adi sangap anak-anakNa, maka ekowisata merupaken salah sada peluang usaha i bas masa sulit enda (kenca pandemi). Hal enda idukung keberadaan warga gerejanta si tading (berdiam) i bas daerah daerah si memiliki potensi besar i bas membangun ekowisata enda, baik sebagai usaha perorangen ntah pe secara kelompok.
Tentuna alu kegiaten ekowisata, iarapken Mamre GBKP banci ncidahken ras cinta man lingkungen, merawat lingkungen ras datken potensi ekonomi (income) man jabu. Janah arah kegiaten enda Mamre tetap pembarken Keadilen Dibata man kerina tinepaNa sekaligus jadi kesangapen man anak anakNa.
4. DISKUSI
1) Arah ogenta, kai silakoken Daud maka ia ndatken kesangapen bas Dibata nari?
2) Turiken ingan wisata si pernah idahindu, jenari siksiki ngkai maka menarik akapndu ingan wisata e ras kai sura-sura si iakapndu perlu ilakoken guna mpesikap inganta tading, gereja ntah ingan wisata temanta mamre?
- USULEN LAGU
- KEE GBKP No. 201: 1,3
- KEE GBKP No. 200: 1, 2, 3
- KEE GBKP No. 68: 1, 2
- KEE GBKP No. 338: 1, 2