(Aksi Hemat Energy Dalam Rangka Merawat Lingkungan)
Teks : Masmur 19: 1-7
Tema : LANGIT NCIDAHKEN KEMULIAN DIBATA
Tujun : Gelah Mamre:
- Meteh maka langit enda ncidahken Kemuliaan Dibata
- Mamre jadi pelaku Aksi Hemat Energy (make listrik, lau, bahan bakar, sora ula megangsa, kertas asa perluna)
Metode : Diskusi
Untuk pemimpin biduan. Mazmur Daud. Langit menceritakan kemuliaan Allah, dan cakrawala memberitakan pekerjaan tangan-Nya; hari meneruskan berita itu kepada hari, dan malam menyampaikan pengetahuan itu kepada malam. Tidak ada berita dan tidak ada kata, suara mereka tidak terdengar; tetapi gema mereka terpencar ke seluruh dunia, dan perkataan mereka sampai ke ujung bumi. Ia memasang kemah di langit untuk matahari, yang keluar bagaikan pengantin laki-laki yang keluar dari kamarnya, girang bagaikan pahlawan yang hendak melakukan perjalanannya. Dari ujung langit ia terbit, dan ia beredar sampai ke ujung yang lain; tidak ada yang terlindung dari panas sinarnya.
1.KATA PENARUH
I bas Pustaka si Badia, isuratken kerna langit e me:
- Si mula-mulana ijadiken Dibata (Kej 1:1)
- Dibata si madasa (Kej 24:7)
Kejadin 1: 8 ngataken maka “Awang-awang” ndai igelari Dibata “Langit”. E maka terdauhen si pepayo ka i bas Kamus Besar Bahasa Indonesia (KBBI), bahwa langit adalah ruang luas yang terbentang di atas bumi, tempat beradanya bulan, bintang, matahari, dan planet yg lain. Kerna si enda, tentu mereken pengertin man banta maka sikataken langit e me kerina daerah si lit i datas doni enda, e me ingan bulan, bintang, matawari ras planet si debanna si itamaken Tuhan i je.
Rikutken Padan si Ndekah maka kata “kemulian” semalna reh arah kata Ibrani e me kavod si ngertiken e me lit “keakraban” janah lit kawitenna ras “bobot” ntah pe “nilai”. Alu bage, sendalanen ras tema PA nta maka kasa kai si lit i bas langit e ncidahken kemulian Dibata. Kemulian e jine rehna i bas Dibata nari dingen sikerajangen Dibata kap. E maka tugas gereja e me kap mpermuliaken Dibata. Kita labo ngasup nambahi kemulian Dibata e, tapi dahinta e me lako ncidahken kemulian dingen mpermuliaken Dibata.
2. URAIAN TEKS/ TAFSIREN
Uraian Masmur 19:1-7 banci ras-ras kita mpepayosa, e me:
- Ayat 1.
Masmur enda ikataken sebage “Masmur Nyanyian Penciptaan” si nuduhken maka Masmur enda ngakui kerna bekas tinepa Dibata si lit Sorga bage pe i bas doni enda. Erdandanken Dibata nge si nepa doni enda ras kerina isina e maka arah doni enda Dibata mpetandaken diriNa. Maka la me Dibata si tuhu-tuhu mulia dingen erkuasa. Enda me bentuk pengakun Daud selaku si nuratken bagin enda.
- Ayat 2-6:
Pengakun pemasmur kerna si idah, ibegi ras inanamina:
- Langit encidahken kemulian Dibata kap, e me awang-awang si erberita kerna perbahanenNa. Arah langit ras awang-awang banci manusia ngidah ras nandai kemulian Dibata.
- Kemulian Dibata e teridah i bas tep-tep wari si pegancih: Senin nuriken ku Selasa, Selasa nuriken ku Rabu, Rabu nuriken ku Kamis. Kamis nuriken ku Jumat, Jumat nuriken ku Sabtu, Sabtu nuriken ku Minggu janah Minggu nuriken ku Senen ka mulihi. Si enda terjadi subuk suari ras berngi. Berita wari ku wari la lit si ngerana ntah melasken kata, lalit sora si terbegi tapi sorana erdengung i belang-belang doni, terbegi seh ku tampuk doni. Enda jadi erdandanken Dibata nge si ngaturkenca. Wari-wari e erputar i bas otoritas Dibata.
- Ibahan Dibata rumah i langit man ingan matawari. Enda nuriken kerna kuasa Dibata dingen perbahanen Na si mbelin lako ngelitken matawari nerangi doni enda. Kerina doni enda iterangina dingen si tepat i bas paksana. Erpagi-pagi pultak ia dingen erdalan i bas ujung langit nari ku ujungna si deban.
Alu bage, kasa kai si lit i langit ncidahken kemulian Dibata sebab arah si lit i langit nari me manusia e ndatken kerina si banci ndemi kebutuhen manusia. Matawari si icibalkenNa i langit erbahanca kegeluhenta erdalan alu mehuli. Kune si pepayo sinuan-sinuan si kurang kena matawari semalna kurang mehuli.
3. APLIKASI
PA Mamre paksa enda mabai kita lako tetap ertedeh ate muat bagin i bas aksi “Hemat Energy Dalam Rangka Merawat Lingkungan”, Guna si e marilah si pepayo tole:
- Ingetlah tetap maka langit enda ncidahken Kemuliaan Dibata kap tetap si inget maka kita persuruhen Dibata kap njagai doni enda gelan tetap jadi ingan Dibata ncidahken kemulianNa. Adi bage, sijagai me langit e alu ngerawat ntah pe mpekena-kena sekelewetta. Ola kita ncedai kerangen, ola kita ncedai lau, ola kita ncedai taneh ras si debanna maka ola sempat ceda ka langit erkiteken si e kerina. Gendekna, sijagai dirinta arah kerina hal si erbahanca jadi polusi udara piah dungna langit e pe jadi ceda.
- Mari dage mengayak min kita kerina maka Mamre GBKP enda jadi pelaku “Aksi Hemat Energy (make listrik, lau, bahan bakar, sora ula megangsa, kertas asa perluna)”.
Mamre GBKP iarapken encidahken biak-biak anak Dibata si nggeluh lako ncidahken kemulian Dibata. Mamre GBKP arus jadi pioneer guna ngkelengi langit enda, ola min jadi si ncedai ntah pe ngerontangi. Iritlah makeken kerina peralaten listrik bage pe BBM maka la ceda doni enda si banci erbahanca kemulian Dibata e pe tetap terjagai alu mehuli. Ngerana ola megangsa gelah ula keri gegehta. Bagepe di make kertas pakelah rikutken perluna sabab e sekaligus ngkurangi batang kayu i tabah. E maka ulu oksigen (02) pe tetap terawat.
Tuhan Jesus memberkati kita semua.. Aminnnn
4. DISKUSI
- “Langit ncidahken Kemulian Dibata”; Kata enda nggo seh man banta Mamre. Asa siidah kita Mamre, teridah denga nge kemulian Dibata e i langit i bas keadaan si genduari enda? Turiken alasenta.
- Kerina kita Mamre si er PA iajuk maka Mamre jadi pelaku Aksi Hemat Energy: make listrik, lau, bahan bakar, sora ula megangsa, kertas asa perluna. Kai tekadta kerna si enda?
5. USULEN LAGU
- KEE GBKP No. 260 : 1, 2
- KEE GBKP No. 262:1,4
- KEE GBKP No. 343: 1-
- KEE GBKP No. 191:1, 4
Pdt. Agustinus Ginting Manik, M.Th, M.Pd
HP/WA: 0852-6111-9971