(Minggu V Kenca Trinitatis)
Ogen : Jeremia 12: 1-6
Tema : Rurat ibas Kebenaren Dibata
Tujun : Gelah Saitun:
- Nagasup ngakuken kerna Keleng ate, Kesetian ras kebujuren Dibata.
- Nagasup ngaloken situasi daging kulana, janah tetap ermeriah ukur alu mperdiateken keperlun teman teman na si tading bas PPOS.
Keluhan Yeremia dan jawab Allah
12:1 Engkau memang benar, ya TUHAN, bilamana aku berbantah dengan Engkau! Tetapi aku mau berbicara dengan Engkau tentang keadilan: Mengapakah mujur hidup orang-orang fasik, sentosa semua orang yang berlaku tidak setia? 12:2 Engkau membuat mereka tumbuh, dan merekapun juga berakar, mereka tumbuh subur dan menghasilkan buah juga. Memang selalu Engkau di mulut mereka, tetapi jauh dari hati mereka. 12:3 Ya TUHAN, Engkau mengenal aku, Engkau melihat aku, dan Engkau menguji bagaimana hatiku terhadap Engkau. Tariklah mereka ke luar seperti domba-domba sembelihan, dan khususkanlah mereka untuk hari penyembelihan. — 12:4 Berapa lama lagi negeri ini menjadi kering, dan rumput di segenap padang menjadi layu? Karena kejahatan penduduknya binatang-binatang dan burung-burung habis lenyap, sebab mereka telah mengira: “Ia tidak akan melihat tingkah langkah kita!” 12:5 “Jika engkau telah berlari dengan orang berjalan kaki, dan engkau telah dilelahkan, bagaimanakah engkau hendak berpacu melawan kuda? Dan jika di negeri yang damai engkau tidak merasa tenteram, apakah yang akan engkau perbuat di hutan belukar sungai Yordan? 12:6 Sebab saudara-saudaramu dan kaum keluargamu, mereka sendiri juga berbuat khianat terhadap engkau; mereka juga bersama-sama di belakangmu. Janganlah percaya kepada mereka, sekalipun mereka berkata manis kepadamu!
- BENA KATA
Masa gundari enterem kalak mpertahanken kebenaren, si menurut na benar amin gia secara kasat mata salah. Ipertahankenna, malah ituntutna kalak si ngataken kebenaren situhu-tuhu hanya untuk membuktiken man kerina kalak bahwa ia si benar.
Lit ku oge sada turi-turin, kerna perjenggilen Kelde ras Harimau.
Nina Kelde warna rumput itu biru, kataken na man Harimau. Nina Harimau: lang warna rumput itu hijau, nai-nai nari rumput warnana hijau/meratah. Berkeras kelde enda ngataken warna rumput itu biru berkeras ia. Perjengilen enda seh i baba ku hakim. Ngelapor kelde man hakim: O yang mulia me tuhu rumput warnana biru? kamlah jadi hakim man kami duana, enggo ku kataken man harimau enda bahwa warna rumput itu biru, tapi tetap ia bertahan lang nina, maka kam lah jawab sa, mekeng kal si harimau enda sambil terus merepet-repet si kelde enda. Maka erjabab lah Singa sang hakim man ia duana, adi tuhu akap ndu bage maka warna rumput itu biru. Maka ngerana ka si kelde, adi bage hukum lah si harimau ia la setuju ras aku, lalap lawanna aku, lalu nina singa: harimau patut kena ukumen, ia labanci ngerana selama 3 wari. Bagem keputusen hakim, puas kal si kelde, lawes ia. lalap ibelasken na berulang-ulang rumput berwarna biru. Secara pribadi harimau nungkun man singa: yang mulia maka aku hukum ndu? Tapi kan aku nge si benar, rumput kan warna nya memang benar hijau? nina singa, kam kan tahu ras banci rukur kalau memang rumput itu hijau. lalu engkai maka aku si salah? nina harimau. Erjabab singa: enda labo soal warna rumput hijau atau biru, hukuman ini perban bage hebatna kam, bagi beloh na kam engkai maka kam nggit erjengil ras kalak si motu ras mekeng. Bage pe enggo ka ganggu ndu aku alu persoalen si enggo teh ndu kerna kebenarenna. Kam membuang waktundu si merherga e man si la perduli kerna kebenaren ras kerna kinata kegeluhen. Si tetap rukur bahwa pendapat na ngenca sibenar.
Seh ijenda turi-turin enda, mari sinen bahan PA nta.
2. MPEBAGESI OGEN
Ay 1-4: Yeremia ersoal ras Tuhan,: engkai maka bayak kalak jahat?Engkai maka sangap kalak si la bujur? Nabi Yeremia membandingkenkiniseran siinanamina ras kemakmuren kalak si la bujur. Yeremia nuntutman Tuhan, engkai lalap la reh ukumen Dibata man kalak si la bujur(orang fasik) e, malah teridah reh makmurna ia (ay 4: asakai narindekahna…)
Persoalan keberhasilen dalam hal materi enda lalap muncul man kerina kalak si tutus bas PI, sebab pada dasarnya nereka berpikir kerna pahala ras hukuman bas doni.
Ay 5: Dibata labo name-nami Yeremia, tapi iberekenNa persinget bahwa Yeremia lit ibas masa perlumban. Yeremia harus tetap megegeh dem persikapen perban tantangen ibas perlumban si arah lebe lebih mbelin ras mberat.
Ay.6: si lebih latihna lagi kalak si ndeherna ras Yeremia em kap senina-senina na enggo nghianati la ras erpekat ngelawan Yeremia. Yeremia i tuntut gelah tetap bertahan ras setia i bas kiniseran si i nanamina, alu dem pengarapen bahwa Tuhan pasti ndungi kerina persoalan si ihadapina, Dibata mekuah atena ngenen bangsa pilihen na si mekeng, IA pe ceda ateNa adi harus menjatuhkan hukumen man bangsa pilihen Na.
3. PENGKENAINA
Arah perenungen bahan PA nta wari enda kita pe selaku Saitun lit nge si nanami kiniseran si akap kita lalap la ngadi-ngadi. Enggo pe kita ertoto tapi lalap la bere Dibata Jawaben yang erbahansa kita puas. Kepeken kita pe ipersingeti bahwa mon kita lit ibas masa perlumban si tantangenna banci saja semakin mberat, emaka iperluken kesetian, ras kiniteken si rurat man kata Dibata. Kebenaren Dibata lah sil pake kita jadi sukat-sukat bas kerina persoalan dalam kegeluhen ta. Ula kita mekeng mempertahankan ego nta, sinen ka situasi. Ula mekeng, mbue kita merenung gelah Dibata si ngerana bas pusuh ta, ngasup kita ngenen Kebenaren Dibata. Kepentaren Dibata i berekenNa man banta seh maka kita ngasup lanai erjengil ras kalak si mekeng. Metenget kita kerna keleng ate Dibata, kesetian Na ras kebujuren Na sierbahanca kita nggeluh denga asa gundari. Lit nge rencana Dibata maka ipegedangna umur ta. Adi lit pinakit bas daging kulanta, ula kita jungut-jungut, sikataken bujur man nahenta perban enggo itatang-tatang na kita 60.70.80 tahun ndekahna, gundari enggo ia latih maka pes-pesi nahenta e tiap wari, minaki daging kulanta alu tetap ngataken bujur man Tuhan.
lbas kam banci denga pulung ras-ras ngataken bujur kam sebab lit teman-teman ndu Saitun si tading bas PPOS i Sukamakmur la banci ia bergabung ras teman teman saitun bas runggun na, enggo ia harus tading bas rumah PPOS, I je me maka banci terawat ia alu mehuli. Kam banci denga pulung ras anak bagepe kempundu ia enggo lanai. Hanya sebulan sekali reh anak ras kempu-kempuna. Emaka i bas keriahen ukur ndu atur ka waktu ndu guna berbagi keriahen ras teman teman ndu rencanaken er PA ras ras, bagepe berbagi rejeki ras ia, semaka kita tetap ibas kebenaren Tuhan, bahwa Keleng ateNa la pernah erleka man banta.
5. PERTOTON
Ikataken kami bujur o Tuhan. Perban keleng ateNdu man kami, bahan gelah kami pe banci rurat bas kebenaren Ndu, la kami bertahan bas kebenaren doni enda, mpengasup ndu lah kami ngataken bujur kerna uga panape situasi bas geluh kami, bas daging kula kami seh gelah kami ngasup ngelakoken kai si mehuli man kalak si deban. I bas Yesus Kristus kami ertoto Amin.
4. DISKUSI
1) Uga menurutta, bujur nge si Yeremia ersoal ras Dibata? adi lang nindu turiken alasen na, adi bujur nindu turiken ka alasenna.
2) Kai nge rencananta man teman-teman ta I PPOS, banci kang kita berbagi pengalamen ras ia. Cakapken ras bahan aksinta.
Kata Kata Bijak:
Dari yang sederhana muncul sesuatu yang luar biasa, itu karena Tuhan ikut campur