METEH SURA-SURA TUHAN ARAH BENCANA ALAM
Joel 1:1-7
(Teologi Bencana Alam)
Judul
1:1 Firman TUHAN yang datang kepada Yoel bin Petuel.Tulah belalang sebagai hukuman TUHAN
1:2 Dengarlah ini, hai para tua-tua, pasanglah telinga, hai seluruh penduduk negeri! Pernahkah terjadi seperti ini dalam zamanmu, atau dalam zaman nenek moyangmu? 1:3 Ceritakanlah tentang itu kepada anak-anakmu, dan biarlah anak-anakmu menceritakannya kepada anak-anak mereka, dan anak-anak mereka kepada angkatan yang kemudian. 1:4 Apa yang ditinggalkan belalang pengerip telah dimakan belalang pindahan, apa yang ditinggalkan belalang pindahan telah dimakan belalang pelompat, dan apa yang ditinggalkan belalang pelompat telah dimakan belalang pelahap. 1:5 Bangunlah, hai pemabuk, dan menangislah! Merataplah, hai semua peminum anggur karena anggur baru, sebab sudah dirampas dari mulutmu anggur itu! 1:6 Sebab maju menyerang negeriku suatu bangsa yang kuat dan tidak terbilang banyaknya; giginya bagaikan gigi singa, dan taringnya bagaikan taring singa betina. 1:7 Telah dibuatnya pohon anggurku menjadi musnah, dan pohon araku menjadi buntung; dikelupasnya kulitnya sama sekali dan dilemparkannya, sehingga carang-carangnya menjadi putih.
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Sope benaken PJJ, banci kita rende alu make ende-enden KAKR.
6) Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Rende : KEE No. 392:1 (Ibabai Anak)
https://www.youtube.com/watch?v=cR81OhMFl4o
I bas doni si dem perbeben, si keleng kelengen
Nggeluhlah i bas kebenaren, cidahken Yesus bas g’luhta
Reff : Cidahkenlah arah perukuren, Yesus sinjayam geluhta
Cidahkenlah arah perbahanen, Yesus sinjayam g’luhta
Ertoto : (Ibabai Nande)
Ngoge Kata Dibata : Joel 1:1-7 (Ibabai Bapa)
Renungen (iogeken anak)
Tema : Meteh Sura-Sura Tuhan Arah Bencana Alam
Renungenta enda ngerana kerna Nabi Joel si nggeluh tupung pemerintahen raja Persia. Ija tupung si e, bangsa Israel nggeluh alu lanai megiken kata Dibata, erkiteken si e sura-sura Dibata mereken ukumen man bangsaNa. E maka Nabi Joel ngajuk kerina imam raduken kerina kalak Israel gelah ngolih kempak Dibata. Adi bangsa enda la megiken pendilo guna robah maka ia kerina ndatken ukumen si “mberat/mesangat” i bas Dibata nari.
Ukumen e e me :
Kerehen labang si ncedai negeri (1:2-5), bage pe Musim perlego si ncedai sinuan-sinuan (1:9-12, 16-20).
Labang si reh maba “kelenglengen” nandangi bangsa Israel, erkiteken kerina labang e ngkernepken kerina sinuan-sinuan si jadi pangan manusia bage pe rubia-rubia. Adi kerina pangan e lanai lit, kelihen nandangi reh kempak bangsa Israel. Bage pe adi lanai lit pangan maka bangsa enda pe lanai bo banci ersembah man Dibata erkiteken si man persembahenken pe kernep iban kelihen si mesangat enda.
Lit empat tahap proses kegeluhen labang, e me : Pertama, tahap “merayap” (bhs Heb. yeled), erkiteken lenga turah kabengna. Sipeduaken : tahap lompat (bhs Heb. arbeh) e me tupung kabengna enggo turah. Sipeteluken : tahap man (bhs Heb. gazam atau pengerat) tupung enggo mbelin. Sipeempatken : tahap guna erkembangbiak. Pernah i Siprus tahun 1881 i lakoken pembasmian hama labang alu nutung naruh labang si i pepulung beratna seh 1300 ton. E maka rombongen labang si pernah i idah mentasi laut merah tahun 1889 iperkiraken buena 120 juta ekor ras nutupi area seluas 3400 km persegi. Tahun 1980-an i Afrika pe pernah lit bencana alam erkiteken labang. Tupung si e i perkiraken sada indung labang banci naperken naruh labang 18 juta anak labang selama 4 bulan. Si e kerina erbanca sinuan-sinuan mate erkiteken keri i panganina bulung ras batangna.
Kerehen labang, e me rubia-rubia si kitik, dingen la ergegeh ngkernepken kerina sinuan-sinuan ras mereken mara man bangsa Israel jadi sada persinget si mbelin man bangsa Tuhan. Erkiteken manusia la banci ngolang-olangi kerehen mara e amin gia ipejumpaken ras rubia si cukup kitik ras iakap la ergegeh. Enda nuduhken uga lemahna manusia i adap adepen Dibata. Manusia labo ngasup ngelawan sura-sura ras rawa Dibata. E maka dalan si arus i dalani manusia e me megiken ras ndalanken pendilo Dibata e.
I bas jaman genduari, mara si isingetken Nabi Joel man bangsa Israel igelari “bencana alam”, e me kejadin si erbahanca kecedan si mesangat nandangi kegeluhen manusia. Adi si inget maka melala nge bencana alam si jadi bas negaranta enda, mulai i bas banjir bandang, musim kemarau, banjir, gunung meletus bage pe virus covid-19 si sangana man alankenta radu ras kerina. Si jadi penungkunenta rusur e me la nge keleng ate
Dibata man kita manusia maka bencana e reh, ukumen nge man banta i bas kinilapatuhenta?
Adi si nen i bas Pustaka Si Badia bage pe konfesi GBKP, maka sipemena mara atau bencana alam enda e me tanda keleng ate Dibata nandangi manusia. Tanda keleng ate enda banci persinget gelah manusia ngolih nandangi Dibata erkiteken ia enggo lupa nandangi keleng ate Dibata (Ul. 28:36-42; Kua. 7:1). Sipeduaken, mara e reh man manusia gelah manusia i bas keterbatasenna tetap ernalem nandangi kuasa Dibata, manusia ngidah maka arah nggeluh ras Dibata ngenca dalan kita megegeh ras ngasup mentasi mara ntah bencana alam siterjadi (band. Jes.40:29-31). Sipeteluken, mara epe jadi persinget nandangi tanda-tanda akhir jaman, ija arah bencana alam enda nuduhken maka kerinana lit tampukna termasuk kegeluhenta enda (Mat. 24:7; Mrk. 13:8). E maka, mari kita lebih megermet “peka” nandangi rehna bancana alam i bas kegeluhenta, gelah kita ngasup ngidah sura-sura Dibata arah bencana si reh nandangi kegeluhenta, janah ngasup kita mbegiken sora Dibata i bas ngajarken kita.
Nuriken Penggejapen (Bapa, Nande, Anak)
Irakut Bapa/Nande/Pdt/Pt/Dk/Em
Sharing :
1) Turiken pengalamenta (baik langsung ntah terjeng ngidah) tupung ngalaken bencana alam si terjadi i bas kegeluhenta?
2) Pelajaren kai nge si dat kita arah bencana alam si inanami kita?
Rende : KEE No. 471 (Persembahen : Ibabai Anak)
https://www.youtube.com/watch?v=M0fSFzco7-k
Ermengkah ukurku, ras ngataken bujur Tuhan
Kelengi min aku, Kam empu geluhku
Enda ngenca Tuhan, persembahenku
Kerina geluhku, kesah ras kulangku
La kap lit bas aku, erta kebayaken
si cukup meherga, lah kupersembahken
Sada ngenca Tuhan, lit pemindonku
Aloken min Tuhan, persembahenku
Pakeken geluhku, jadi perkakasndu
Segedang geluhku
Pertoton Sapaat
1) Persembahen (Ibabai Anak)
2) Gelah megegeh i bas ngalaken erbage-bage bencana si reh nderpa kegeluhen perpulungen Tuhan (Nande/Dk)
3) Gelah gereja Tuhan tetap setia nehken keleng ate ras tetap jadi usihen i bas nehken keleng ate nandangi jelma si kena bencana (Bapa/ Pt)
Rende KEE No. 165: 1 i endeken 2X (Ibabai Anak)
https://www.youtube.com/watch?v=ONw7v95_uEw
Bas IA ngenca lit kepe, kek’lengen si mbelin
Yesus tersilang seh mate, lah aku terkelin
Reff : Tetap ukurku, tek aku baNa
Keleng ateNa, mbelin kuasaNa
IA njagasa, geluhku k’rina
Malemna ‘di ras IA
Pertoton Tuhan (Ibabai Serayan Tuhan/Bapa)
Momo
C. JEDA RAS PENUTUP
Pdt. Josep A.S. Gurky, M.Th.
HP/WA : 0812 6467 7450