Kesadaran tentang Lingkungan: Sejauh mana kesadaran Mamremerawat lingkungan selama ini (Niat Pribadi, Pusuh ersuruh)
Teks : Masmur 145: 1- 12
Tema : ERMOMO KERNA KEMULIAN TUHAN I BAS TINEPANA
Tujun : Gelah Mamre:
- Meteh maka Tuhan tuhu-tuhu mehuli nandangi kerina tinepaNa
- Ndaftarken perbahanen-perbahanen kerna kemulian Dibata i bas kerina tinepaNa ras erbahan kampanye arah spanduk ras media sosial
Metode : Diskusi
Puji-pujian karena kemurahan TUHAN
145:1 Puji-pujian dari Daud. Aku hendak mengagungkan Engkau, ya Allahku, ya Raja, dan aku hendak memuji nama-Mu untuk seterusnya dan selamanya. 145:2 Setiap hari aku hendak memuji Engkau, dan hendak memuliakan nama-Mu untuk seterusnya dan selamanya. 145:3 Besarlah TUHAN dan sangat terpuji, dan kebesaran-Nya tidak terduga. 145:4 Angkatan demi angkatan akan memegahkan pekerjaan-pekerjaan-Mu dan akan memberitakan keperkasaan-Mu. 145:5 Semarak kemuliaan-Mu yang agung dan perbuatan-perbuatan-Mu yang ajaib akan kunyanyikan. 145:6 Kekuatan perbuatan-perbuatan-Mu yang dahsyat akan diumumkan mereka, dan kebesaran-Mu hendak kuceritakan. 145:7 Peringatan kepada besarnya kebajikan-Mu akan dimasyhurkan mereka, dan tentang keadilan-Mu mereka akan bersorak-sorai. 145:8 TUHAN itu pengasih dan penyayang, panjang sabar dan besar kasih setia-Nya. 145:9 TUHAN itu baik kepada semua orang, dan penuh rahmat terhadap segala yang dijadikan-Nya. 145:10 Segala yang Kaujadikan itu akan bersyukur kepada-Mu, ya TUHAN, dan orang-orang yang Kaukasihi akan memuji Engkau. 145:11 Mereka akan mengumumkan kemuliaan kerajaan-Mu, dan akan membicarakan keperkasaan-Mu, 145:12 untuk memberitahukan keperkasaan-Mu kepada anak-anak manusia, dan kemuliaan semarak kerajaan-Mu.
KATA PENARUH
Momo e me mpebetehken ntah nuriken sada berita si itujuken ku jelma si enterem jenari sifatna umum. Ntah pe momoe me mpebetehken alu resmi kerna sada-sada hal subuk alu tertulis ntah pe alu cakap si kin biakna guna jelma si enterem. Momo i peseh banci i bas jabu, kuta, kabupaten, propinsi ras Negara. Momo pe enggo jadi sada acara i bas kegeluhen gereja. Ertina nehken momo enggo semal jadi i bas kegeluhen manusia subuk ngelakokenca ntah megikenca.
I bas ogen Penelahen Alkitab (PA) Mamre paksa enda lit persuruhen guna ermomo. Ermomo kerna kemulian Tuhan i bas tinepaNa. Ermomo kerna si e i bas melala genduari tinepa Dibata enggo ceda. Tapi erdandanken mehuli ndube Dibata nepa doni enda ras isina, tetap nge i suruh manusia (oge: kalak si erkiniteken man Jesus Kristus) njaga dingen mpekena-kena tinepa Dibata gelah gelah mehuli jenari tetap teridah belinna kuasa Dibatai bas tinepaNa.
URAIAN TEKS/ TAFSIREN
Pustaka si Badia ngakui dingen naksiken maka Dibata me si nepa, penguasa, ras si ngepkep doni enda ras kerina isina. Dibata nepa manusia jadi aronNa i bas njaga dingen mabai tinepa si deban ku bas kegeluhen si mpermuliaken Dibata. Masmur 145 e me masmur si ngerangkunm penandai Daud nandangi Dibata si isembahna. Sada pujin pengataken bujur i bas penjayamen Dibata si tetap erkeleng ate kempak bangsaNa.
LIt 3 (telu) bagin isi Masmur 145 enda:
- Komitrmen Daud
Ngidah belinna kuasa Dibata i bas nepa doni enda bagepe penjayamenNa nandangi dirina maka turah komitmen Daud nurikenca. Ibelaskenna, kuberitaken ateku kemulian Dibata, kukataken bujur man baNdu, dingen rasa lalap ateku muji Dibata. Tuhu-tuhu isedari Daud maka seh belinna Dibata e maka tetap kal ukurna meritakenca arah ende-enden. Ban belinna kuasa Dibata, ibelasken Daud TUHAN kap si Meganjangna, e maka arus man baNa pujin si Meganjangna; la kap terukuri uga belinna kemulian Dibata.
Jenari turah pe komitmen Daud ngkusur-kusur i bas pusuhna kerna perbahanen Dibata si mbelin. Ertina pusuh Daud enggo dem alu pengakun nandangi belinna kuasa Dibata. Si perpudina, lit komitmen Daud ermomo kerna kemulian Dibata. Tujunna gelah min kerina kalak meteh kerna mbelinna kuasa Dibata. Alu bage banci itandaina Dibata si enggo nepa dingen ngepkep doni ras kerina isina.
2. Respon manusia (kesusuren Daud) ras tinepa Dibata si debanna
Daud tek maka labo dirina ngenca ngakui belinna kuasa Dibata. E maka ibelaskenna,kai si enggo ibahan Dibata la banci lang terpuji i bas kerina kesusuren si arah pudi. Perbahanen Dibata si mbelin la banci lang iberitaken. Ngerana manusia kerna kiniulin ras kemulian Dibata. La banci lang ngerana kalak kerna perbahanen Dibata si mbelin.
Iturikenna kerina kerna belinna kiniulin Dibata, janah rende kerna kinibujurenNa. TUHAN perkeleng dingen perkuah kap, la pedas ia merawa, janah dem keleng ate si tetap. Man ise pe mehuli la, janah keleng ateNa man kerina tinepaNa. Kerina tinepa Dibata muji Dibata, kerina bangsaNa ngataken bujur me. Ngerana ia kerna kemulian kinirajan Dibata, janah kinimbisanNa pe ituriken
3. Ulih Penuri-nurin Daud ras kesusurenna bagepe kerina tinepa kerna kuasa Dibata
Daud tek adi kerina ia ras kesusurenna bagepe tinepa Dibata nuriken kerna belinna kuasa Dibata maka kerina kalak meteh kerna perbahanen Dibata si mbelin, dingen kemulian kinirajanNa si erdolat. Berita kerna belinna kuasa Dibata e tuhu-tuhu mbar ku belang-belang doni enda.
APLIKASI
Tema PA Mamre paksa enda,ermono kerna kemulian Tuhan I bas tinepaNa. Kemulian Tuhan i bas tinepaNa teridah arah ulina kerna doni enda ras krina isina i tepa Tuhan Dibata(bdk. Kej 1). Lako nehi tema enda labo banci bage-bage saja. Sabab melala gundari tinepa Dibata enggo ceda. E maka si ceda e perlu ipekena mulihi. Lit aksi guna kreatif merawat lingkungan. Perbahanen-perbahanen (aksi) i bas kreatif merawat lingkungan si banci ilakoken secara pribadi e me mbersihken parit deher rumahta dingen la menterken sampah ku je. Si banci ilakoken i bas sektor e me mbersihken dukut-dukut i bas lingkungen sektorta. Dingen si banci ilakoken I bas wilayah runggun e me ceramah alu materi lingkungen hidup.
Di kune tinepa Dibata enggo mulihi mehuli kerinana arah perbahanenta kreatif merawat lingkungen tentu melala ulihna. I bas ayat-ayat ogen PA Mamre enda banci si idah e me:
- Ayat 4: Perbahanen Dibata nepa doni enda ras isina la banci lang terpuji i bas kerina kesusuren si arah pudi, Perhahanentla si mbelin la banci lang iberitaken.
- Ayat 6: La banci lang ngerana kalak kerna pertahanen Dibata si mbelin, janah kitape ermomo kerna kemulianNa.
- Ayat 7: Ituriken kalak me kerina kerna belinna kiniulin Dibata, janah rende kerna kinibujurena.
- Ayat 10: Kerina tinepa Dibata muji la, kerina bangsana ngataken bujur me.
- Ayat 11: Ngerana bangsa Dibata kerna kemulian kinirajanNa, janah kinimbisanta iturikenna.
- Ayat 12 kerina kalak meteh kerna perbahanen Dibata si mbelin, dingen kemulian kiirajanta si erdolat
Bagem belinna ulihna di kune tinepa Dibata mulihi mehuli. Kita Mamre me aron Dibata guna mpekena tinepa Dibata si enggo ceda dingen njaga si mehuli denga. Ula min si tambahi s enggo ceda reh cedana. Sedar kal min kita maka itamaken Dibata kita i doni enda jadi temanNa njaga doni enda. Adi sedar kita teman Dibata mabai bana kita pe sedar arus jadi teman nandangi tinepa Dibata si deban (menjadi sahabat bagi semua ciptaan Tuhan), Ersuruh dage ukurta jadi teman man kerina tinepa Dibata dingen e reh i bas pusuhta si mbagesna nari.
DISKUSI
1. Oge mulihi ayat 6, turikenndu kai ertina?
2. Turikenlah perbahanen-perbahanen (aksi) i bas kreatif merawat lingkungen si banci ilakoken secara pribadi. Jenari lakoken ras pebetehken man teman enggo ntah lenga ilakoken i bas PA Mamre Minggu depan.
USULEN LAGU
KEE GBKP No. 3:1-3
KEE GBKP No. 171:1-2
KEE GBKP No. 260:1-2
KEE GBKP No. 298: 1- 3
Pdt. Christopher Sinulingga, M.Th
HP. 0813 7629 1768