Hari Keluarga Nasional (Harganas)
Teks : Kejadian 6:17-22: 7:13
Tema : KINIERSADAN ARIH
Tujun : Gelah Mamre
- Meteh kiniersadan arih i tengah jabu Nuah.
- Meteh “ketahanan keluarga” jadi gegeh ngalaken tantangen geluh (Pandemi Covid 19, penyakit sosial ras sidebanna).
Metode PA : Roll play, Iomba foto keluarga
6:17 Sebab sesungguhnya Aku akan mendatangkan air bah meliputi bumi untuk memusnahkan segala yang hidup dan bernyawa di kolong langit; segala yang ada di bumi akan mati binasa. 6:18 Tetapi dengan engkau Aku akan mengadakan perjanjian-Ku, dan engkau akan masuk ke dalam bahtera itu: engkau bersama-sama dengan anak-anakmu dan isterimu dan isteri anak-anakmu. 6:19 Dan dari segala yang hidup, dari segala makhluk, dari semuanya haruslah engkau bawa satu pasang ke dalam bahtera itu, supaya terpelihara hidupnya bersama-sama dengan engkau; jantan dan betina harus kaubawa. 6:20 Dari segala jenis burung dan dari segala jenis hewan, dari segala jenis binatang melata di muka bumi, dari semuanya itu harus datang satu pasang kepadamu, supaya terpelihara hidupnya. 6:21 Dan engkau, bawalah bagimu segala apa yang dapat dimakan; kumpulkanlah itu padamu untuk menjadi makanan bagimu dan bagi mereka.” 6:22 Lalu Nuh melakukan semuanya itu; tepat seperti yang diperintahkan Allah kepadanya, demikianlah dilakukannya
7:13 Pada hari itu juga masuklah Nuh serta Sem, Ham dan Yafet, anak-anak Nuh, dan isteri Nuh, dan ketiga isteri anak-anaknya bersama-sama dengan dia, ke dalam bahtera itu,
- KATA PENARUH
Ersada arih, enda me kata si megati ibelasken i bas kerina dampar kegeluhen. Umpamana; tupung nehken kata man kalak si erjabu, i bas nuriken penggejapen bas perpulungen, i bas percakapen-percakapen sangkep geluh, bage pe i bas persadan si lit. Ersada arih enda jadi sada gegeh i bas kegeluhen guna ngalaken tantangen ras perbeben, i bas ndidik anak, i bas mpekena-kena jabu bagepe i bas nehi sura-sura. Tapi di kune la ersada arih mesunah kal erbahan ceda, mosar persadan si lit. Bagi nina kata pepatah ‘bersatu kita teguh bercerai kita runtuh.’ E maka erbage pedah, kata persinget megati si sehken gelah njagai ras mbangun kiniersadan bas geluhta. Kususna i bas erbage tantangen geluh, i bas masa-masa pandemi covid 19 si enggo ngkenai geluhta mulai tahun 2020 si lepas.
- URAIAN TEKS/ TAFSIRAN
Jabu Nuah jadi sada jabu si banci ijadiken usihen i bas jamanna seh jaman si genduari. Jabuna ngasup ertahan i bas situasi si la mehuli paksa e ras kalak si nggeluh i bas jamanna. Dibata erngena ate nandangi jabu enda sabap la ia ‘tertular’ arah pinakit sosial i bas paksa e. Ibersihken Dibata ateNa kegeluhen paksa e si enggo mekelek kejahaten masyarakatna alu erbahan banjir si mbelin. Alu ersura-sura njadiken jabu enda guna nelamatken manusia radu ras kerina rubia-rubia. Isolasi me keluarga enda ras kerina rubia-rubia alu bengket ku bas kapal, icukupkenna panganna rikut pangan rubia-rubia e. Patuh kal Nuah ngelakoken perentah Dibata, amin la kal semal enda jadi, enda denga kal ilakoken. Jabu enda ngasup beradaptasi ras aturen si ibahan Dibata amin man gunana saja.
Ersada arih jabu enda: Nuah ras ndeharana bagepe teluna anak naras ndeharana jine (permain Nuah). Amin la ituriken i bas teks enda, banci saja lit nge dinamika, pertentangen, sijabapen i bas proses nikapken kapal seh bengket ku kapal e. Tapi Nuah ras isi jabuna ngasup mentasisa alu mehuli, pengangkan si la seri dungna banci ipersada, ukur si erbera-bera dungna jadi paguh. Nuah ngasup mpetetap ukur se isi jabuna kerna sura-sura Dibata man bana nandangi doni enda. Kerina dahin si iampeken Dibata man bana terdungi, kapal ndai enggo dung ras banci iingani. Reh me udan meder empat puluh wari empat puluh berngi dekahna, i je me bengket Nuah ku bas Kapal e ras ndeharana, anakna Sem, Ham, japet ras ndeharana. Lit dekahna sada tahun ia ringan (iisolasi) i bas perahu si ibahan Nuah (oge Kej 7:11, 8:13). Kiniersadan arihna mabai ia selamat sada jabu, pulah arah bencana banjir si mbelin alu kepatuhen ngikutken perentah Tuhan
- APLIKASI
Situhuna, la saja i bas ngalaken tantangen perlu kiniersadan arih, i bas situasi normal pe perlu man jagan gelah la turah perjengilen erkiteken la siangkan. Sabap banci saja ban normal situasi kegeluhen jabu kedungenna enggo erbana-bana si mpeturah, rate-ate lanai metenget nandangi ‘bahaya bencana ras pinakit sosial’ si nidingi anggota jabuta. Rikutken si enda perlu kal si idah ras si angkai bas kai-kai saja perlu kiniersadan arih e?
- Erbahan perencanaan kegeluhen jabu, tentuna menaken erjabu mbarenda perbulangen ras ndehara enggo lit ‘mimpi bersama”. Janah i bas nehi sura-sura enda tentuna sada arih, sada pengidah sepengodak sepengole mperjuangkenca.
- Mereken pendidiken man anak-anak, subuk nehken kata pengajaren, ndampingi ia i bas erlajar (daring), mabai ia ngidah ras nehi sura-surana, ndampingi i bas nilahi pinakit sosial: judi, narkoba, free sex ras sidebanna. Ola min sempat petembil pengajaren bapa ras nande nandangi anak, kai si iolang-olangi bapa, ibela nande ras sebalikna si iolang-olangi nande ibela bapa.
- Ngalaken tantangen, erbage bencana si nderpa kegeluhen; bencana alam, bencana sosial bagepe bencana virus si ngkenai kita i bas perdalanen geluh. Arus sada pengidah bapa, nande ras anak-anak guna ngalakenca. Dikune enggo sempat ceda ntah pe sakit, em dalanta mpeteguhi kiniersadan alu radu ras ndarami dalan pulah.
Payo, la mesunah guna mpersada arih. Sabap la seri perukuren ras pendahin tep-tep jelma. Guna mpersada perukuren perlu lit kesempaten nuriken ukur alu tangkas, ercakap ras nggit megiken teman i bas ia nuriken isi pusuhna. I bas lit kesempaten si turi-turin ukur, turah pengangkan maka la kepe dirina sipayona, e maka nggit radu ras erlajar, subuk kerna sura-sura Dibata bagepe kerna dahin-dahin kegeluhen enda. Palas kiniersadan e tentuna kepatuhen nandangi perentah Dibata (bergaul dengan Tuhan), Se isi jabu radu ras ngguru ku lu kegeluhen e me Dibata, ngoge Pustaka i bas jabu radu ras bapa, nande ras nak-anak.
Kiniersadan arih e me gegeh jabu i bas ngalaken bencana ras erbage-bage perbeben bage pe ancamen sosial si nderpa kegeluhen. Ketahanen jabu paguh adi se isi jabu nggit si legin ukur, radu njagai kesempabun jabu, dingen tetap ersembah alu patuh man Dibata.
- ROLE PLAY RAS AKSI
- Bahanlah bermain peran (role play) alu kecibal jabu Nuah, ngaloken pedah Dibata alu erbahan kapal, alu konteks si genduari, anak-anak bebas mereken pendapatna. Janah evaluasi role play enda ndai.
- Asa bancina ibahan lomba foto keluarga i bas sektor ras runggun, ntah aminna pe la lomba banci ibahan share foto keluarga i bas media sosial masing-masing (panitia: permata, Mamre, moria ras KAKR erbahan twibbon/bingkai foto).
Pdt. Suenita Sinulingga,M.Th.
HP. 0813 9738 0916