PA PERMATA 12 Mei 2022

Sikap Min Peruista

KONFESI GBKP: Budaya 1 (Seni Berpakaian)

1 Timotius 2: 8 – 10
Mengenai sikap orang laki-laki dan perempuan dalam ibadah jemaat

2:8 Oleh karena itu aku ingin, supaya di mana-mana orang laki-laki berdoa dengan menadahkan tangan yang suci, tanpa marah dan tanpa perselisihan.
2:9 Demikian juga hendaknya perempuan. Hendaklah ia berdandan dengan pantas, dengan sopan dan sederhana, rambutnya jangan berkepang-kepang, jangan memakai emas atau mutiara ataupun pakaian yang mahal-mahal,
2:10 tetapi hendaklah ia berdandan dengan perbuatan baik, seperti yang layak bagi perempuan yang beribadah.

Metode: Aksi (erlajar erabit, ersampan)

Gelah PERMATA GBKP:

1. Meteh kerna perbahanen si mehuli selaku kalak si erkemalangen man Gelah PERMATA GBKP: Dibata.
2. Ngasup encidaħken identitasna selaku sekalak PERMATA GBKP si yang aku di Pl d sikap peruisna.

I. BENA KATA

Ibas Pengakun Kiniteken (Konfesi) GBKP BAB III isingetken kerna: budaya. Kami tek maka: budaya eme orat nggeluh ulih perbahanen ras perukuren jelma manusia si rukur. Ibas terang kata Dibata, jelma manusia ndarami, mpebue ras mpebayak orat geluh alu mehuli (positif, kritis, kreauf ras realistis) si maba kejuah-juahen man manusia (Joh. 13:1-20; 1 Kor. 9:20 (P 21). Lit telu kata si perlu i uri (kembangken) arah Konfesi enda eme:

1. Kita eme manusia si rukur Kita i tepa Dibata eme manusia si rukur (Bdk. Kej. 1:28, kata: kuasai, arus pake ukur). Erdandanken si e ibas kerina damar geluhta arus si dalani ras si lakoken alu perukuren (ukuri lebe maka dalanken). Ula sebalikna dalanken lebe maka ukuri ntah pe la si ukuri pembunuhan Banci.
2. Orat geluh alu mehuli Orat geluhta arus mehuli. Adi si benai alu rukur tentu si mehuli nge min si jadi ibas geluhta.
3. Si maba kejuah-juahen man kalak sideban Adi si mehuli jadi ibas geluhta tentu maba kejuah-juahen (kinulin) man kalak si deban. Malem makan kalak natapsa. La sebalikna terganggu kalak seh mecekurak ukurna (jungut-jungut) ngidah kita. Bagenda me tempas geluhta larapken khususna kerna peruista arah rikutken bahan PA PERMATA GBKP enda

II. ISI

Kata Dibata si jadi bahan oraten ibas PA PERMATA GBKP enda eme belas belas Rasul Paulus kempak Timotius. Selaku guru, Paulus nehken pengajaren kempak muridna (anak pertendinna, Ind. anak rohani) Timotius. Pengajaren si nambah-nambahi pemeteh ibas pendahin Timotius selaku pengepkep perpulungeni kuta Epesus. Alu bage banci isehken Timotius pengajaren nandangi ngawan perpulungen si mabai la banci geluh mehull terkhusus kerna ngikuti kebaktin i bas perpulungen. Alu bage banci mehuli perdalinen kebaktin, jenari banci pe mehuli man tatapen jelma si enterem. Secara khusus 1 Timotius 2:8-10 eme pengajaren kempak si dilaki ras 1 2022 pria diberu kerna orat geluh ngikuti kebaktin, Lit 2 bagin pengajaren enda eme:

• si Kempak dilaki (pemindon Paulus kempak si dilaki):

• Ertoto min man Dibata. Gelah ngasup ngkuasai dirina jenari tetap rembak ras Dibata
• Erkemalangen man Dibata. Gelah tetap mbiar man Dibata jenari ertambah-tambah kepentaren ibas dirina.
• Ertoto ngelipat tanna. Alu bulat ukur banci nembah man Dibata, emaka si mehuli ngenca lit ibas ukurna. Lalit nari ibas ia ate nembeh ras perubaten

• Kempak diberu (pemindon Paulus kempak si diberu):

• Mehamat dingen mehuli min peruisna. Diberu kalak Kristen arus mehuli nampilken bana gelah ula jadi pandangen. Erdandanken si e peruisna pe arus mehamat dingen sopan. Ula turah ukur kalak la mehuli khususna si dilaki erdandanken la mehuli peruis sekalak diberu umpamana meganjangsa arah tiwen nahe ntah transparan. –Potongen bukna sederhana saja, kecibal potongen buk pe nentuken kerna penatap kalak nandangi sekalak jelma. Adi sikap ras sederhana potongen bukna tentu sikap pe penatap kalak. Tapi dikune melala maga-magana (gayana) tentu jadi pandangen kalak si deban.
• Ola make perhiasen emas ntah mutiara ntah paken-paken si meherga. Emas, mutiara, paken si meherga eme barang-barang si meherga. Di kune lebih i pake tupung kebaktin banci pekitik kalak si la lit i bas ia. Ntah pe banci ilat ukur kalak. Emaka ipersingeti gelah ula i pake emas, mutiara ras baju si meherga tupung kebaktin.
• Cidahkenlah perbahanen si mehuli, si sentudu ras sekalak diberu si ngaku maka ia nembah man Dibata. Perbahanen si mehuli teridah min i bas kegeluhen tep-tep wari. Emaka kalak si enggo nembah man Dibata arus teridah buah kinitekenna si ernanam man kalak si deban.

III. PENGEKENAINA

Tema PA enda, Sikap Min Peruista. Tema enda ngajuk PERMATA GBKP gelah sikap ibas membuat uis. Sikap labo ibas erti meherga ras mbaru. Tapi rapi rassopan. Ibas kinatana lit piga-piga PERMATA GBKP enggo jadi pandangen peruisna tupung ngikuti kebaktin. Tipisalah, gendeksalah, lit ka si transparan ras si debanna si ncedai perukuren kalak si deban. Mecekurak ukur kalak erkiteken peruisna. Lit deba ikut-ikuten, lit ka deba mbiar la ngetrend ras sidebanna. HII PENGKENAINA Ibas bikin paken rikutken budayanta kalak Karo pe megati PERMATA GBKP la beluh. Umpamana: si dilaki bikin sampan ras si diberu bikin abit. Padahal megati kel oratna e i pake ibas dahin gereja bagepe adat. Kedungenna banci landek pe lanai membuat sampan ras abit. Si diberu ngelai pe lanai bikin enggo kurang kel tunggungna. Lanai tersena bagi si megati tersinget kalak Karo seh sikapna ras mehamat.
Rikutken bahan PA PERMATA GBKP ta ras pe tema enda, iajuk kerina PERMATA GBKP, gelah :
• Pakelah paken si metunggung (rapi ras sopan) ibas jabu, gereja ras masyarakat.
• Erlajarlah make kampuh jadi sampan ras abit, uis nipes ras beka buluh (cataten: perlu koordinasi ras Saitun, Moria ntah Mamre si meteh guna ngajari make sampan, abit, uis nipes ras beka buluh. Sabab lit orat pemakenna). Alu ndalanken Kata Dibata si jadi oraten ibas PA enda tentu PERMATA GBKP enggo meherga dingen ipujiken jelma si enterem. Emaka si ngidahsa pe enggo mejuah-juah

IV. AKSI (erlajar erabit, ersampan)

Banci si bahan aksi i bas PA ta sekali enda (entah pe si tentuken waktuna ku lebe wari enda) guna erlajar erabit ras ersampan. Banci si undang Orangtuata (Mamre, Moría, Saitun) guna ngajarisa.

V. USULEN LAGU

1. KEE GBKP No. 71: Teman Si Sada Perukur
2. KEE GBKP No. 15: Kataken Bujur Min
3. KEE GBKP No. 249: Ajar Aku O Tuhanku