MAMRE CENTER GBKP
(Semangat Membangun Mamre Center)
Teks : Keluaren 39: 32-43
Tema : SIDUNGILAH DAHINTA
Tujun : Gelah Mamre
- Ngasup min ngangka ras ngidah maka mbangun Mamre Center e pe pedah Dibata bali ras Pedah Dibata erbahan Peti Perpadanen man Bangsa Israel
- Nggit ras semangat mbangun Mamre Center GBKP.
Pekerjaan itu diterima baik oleh Musa
39:32 Demikianlah diselesaikan segala pekerjaan melengkapi Kemah Suci, yakni Kemah Pertemuan itu. Orang Israel telah melakukannya tepat seperti yang diperintahkan TUHAN kepada Musa, demikianlah mereka melakukannya. 39:33 Dibawa merekalah Kemah Suci itu kepada Musa, yakni kemah dengan segala perabotannya: kaitannya, papannya, kayu lintangnya, tiangnya dan alasnya, 39:34 tudung dari kulit domba jantan yang diwarnai merah, tudung dari kulit lumba-lumba, tabir penudung, 39:35 tabut hukum Allah dengan kayu-kayu pengusungnya dan tutup pendamaian, 39:36 meja, segala perkakasnya dan roti sajian, 39:37 kandil dari emas murni, lampu-lampunya–lampu yang harus teratur di atasnya–dan segala perkakasnya, minyak untuk penerangan, 39:38 mezbah dari emas, minyak urapan, ukupan dari wangi-wangian, tirai pintu kemah, 39:39 mezbah tembaga dengan kisi-kisi tembaganya, kayu-kayu pengusungnya dan segala perkakasnya, bejana pembasuhan dengan alasnya, 39:40 layar pelataran, tiangnya dan alasnya, dan tirai untuk pintu gerbang pelataran, talinya dan patoknya, segala perkakas untuk pekerjaan mendirikan Kemah Suci, yakni Kemah Pertemuan itu; 39:41 pakaian jabatan yang dipakai apabila diselenggarakan kebaktian di tempat kudus, pakaian kudus untuk imam Harun, dan pakaian anak-anaknya untuk memegang jabatan imam. 39:42 Tepat seperti yang diperintahkan TUHAN kepada Musa, demikianlah dilakukan orang Israel segala pekerjaan melengkapi itu. 39:43 Dan Musa melihat segala pekerjaan itu, dan sesungguhnyalah, mereka telah melakukannya seperti yang diperintahkan TUHAN, demikianlah mereka melakukannya. Lalu Musa memberkati mereka.
KATA PENARUH
Dahin e me sada tanggungjabab siarus silakoken i bas kegeluhenta. Dahin silanga dung tentu arus iterusken aminna pe lit pergantin i bas pengurus, subuk i bas wilayah Pusat, Klasis, Runggun bage pe Sektor. Tep-tep dahin sienggo ibenaken arus idungi, adi langa dung, dahin e bagi utang siarus itanggungjababi, siarus igalari. Mamre center enggo ibenaken ngelitken tapakna, tapi seh genduari langa lunas padahal dahin enda enggo iputusken bas Mupel Mamre, Sidang Majelis Sinode janah enggo pe ipebetehken ku Klasis seh ku Runggun. Ija rongketna? I bas PA-nta enda banci sievaluasi seh ija sektor, runggun ras klasista enggo muat bagin. Banci jadi percakapenta enggo ntah langa muat bagin kita kidekah enda.
Mamre Center irancang sebage wadah ingan pembinaan ras penyegaren iman sini ikemas i bas erbage program pelayanen, ibadah, retreat, meditasi, ras kontemplasi bage pe pembinaan. Ingan meningkatken Spiritualitas Mamre sebagai imam itengah jabu bagepe pemberdayaan ekonomi jemaat.
URAIAN TEKS/ TAFSIRAN
Keluaren 39: 32- 43 nuriken kerna Bangsa Israel sienggo ndungi dahin erbahan Kemah Perjumpan bagi si enggo ipedahken Tuhan man Musa, e maka iendesken me man Musa Kemah Perjumpan e ras kerina perkakasna.
- I bas mbangun Kemah Perjumpan e enterem kalak Israel muat bagin, ersada arihna, ersada ukurna, semangat ia kerina. Kai siibahanna la nimpang arah kai sisuruh Musa, merincuh ia kerina ngenen gelah pembangunen Kemah Perjumpan e pedas dung, idahikenna, meter banna dung sue ra sikataken Musa.
- Kalak Israel alu ukurna ersuruh ibabana persembahen man Tuhan guna erbahan Kemah Perjumpan e. La lit si tading, muat bagin ia kerina, kai si lit i bas ia ipersembahkenna guna Kemah Perjumpan e. I bas Kalak Israel mbangun Kemah Perjumpan e, sope dung tetap it simereken persembahen, seh maka enggo lebih. E maka Musa ermomo gelah pengadi lebe erkiteken enggo lebih asa cukup biaya siterpepulung. Bage me semangatna bangsa enda sabab ietehna maka dahin siidahikenna e, e me dahin siisuruh Tuhan gelah ermulia Tuhan.
APLIKASI
Mamre GBKP enggo ngelitken taneh i Daerah Tongging Kecamaten Merek Kabupaten Karo, itepi Danau Toba belangna 1,48 Ha, dengan panjang bibir pantai 210 meter guna membangun Mamre Center. Guna ngelitken dana guna nukursa, Mamre enggo ncubaken mpepulung dana arah geraken Rp.10.000/bulan kidekah sada tahun, tapi langa erdalin bagi sini arapken. Bagepe sumbangen Mamre arah buku PA ras ‘penggalangan dana’ piga-piga kali, e pe langa bias sabab lit piga-piga si langa igalari.
Arah PA-nta sekali enda kita iajuk guna nerusken mpepulung dana guna ngelunasi taneh si enggo siakuken nukursa terus ku pembangunenna. Terlebih genduari enggo kita bengket i bas kepengurusen simbaru i bas kerina wilayah, tentu lit gegeh, semangat, kepentaren simbaru.
Bagi bangsa Israel erbahan Kemah Perjumpan si isuruh Dibata arah Musa, semangat ia kerina, ersuruh ukurna maka kerina muat bagin ndungisa ras ngelengkapi kerina perkakasna bage me pe Mamre GBKP idilo i bas ngelitken Mamre Center. Erbahan Mamre center, e me pendilo Dibata erkelangken gerejaNa, erkiteken enggo me iputusken secara sinodal subuk i bas Mupel Mamre se-GBKP bagepe iputusken bas Sidang Sinode.
E maka mari siterusken, ula ngadi, kerina kita muat bagin lako ndung dahin enda. Guna sie lit min motivasi situhu-tuhu i bas kerina anggota Mamre GBKP alu:
- Lit Goal (tujuan) e me ngelitken ingan perjumpan lengkap ras perkakasna e me ingan ersembah ras ertoto (chapel), jambur, ingan retreat lapangan, tugu salib, taman rekreasi ras ngkawil, “caffee teologi”, perpustakaan, pusat handycraft, pondok PA wisata ras wisata desa.
- Optimis, maka kerina dahin Dibata labo lit si lolo amina pe mungkin agak terlambat, mehuli nge pagi kerina i bas waktuna.
- Berpikir positip, la erdua ukurta mereken penampat sue ras motto Mamre “Mamre Erdiate, Mamre Erpemere”.
Sue ras tema PA nta “Sidungilah Dahinta”, ipersingeti sekali nari man banta kerina uga kalak Israel enggo ndahiken kerina dahin e sue ras sienggo ipedahken Tuhan man Musa. Man banta pe marilah siterusken ndungi dahin si enggo sibenaken, sidungilah dahinta e. Tek kita maka dahin Tuhan labo lit lolo. Mari muat bagin kita kerina, erbenting kibul kita kerina subuk pengurus i bas kerina wilayahna bage pe anggota Mamre. Ndungi dahin enda e me utangta ras. Ingetlah! Kalak sierdiate nandangi dahin Tuhan la pernah kecewa, la pernah mulih alu ngambe-ngambe. Ipasu-pasu Tuhan kita i bas pendahinta ras kerina isi jabuna. Kalak si melumbar la pernah reh musilna.
DISKUSI
1. Engkai akapndu Bangsa Israel i bas ngelitken Kemah perjumpan ergiah-giah ukurna kerina muat bagin? turikenlah pengidahndu!
2. Rikutken pengidahndu, kai nge siperlu ibahan gelah terdungi penggalaren nukur taneh Mamre Center bage pe mbangunsa sue ras kai si enggo irencanaken? turiken janah lakokenlah!
- USULEN LAGU
- KEE GBKP NO. 102 : 1, 4
- KEE GBKP NO. 209: 1, 4
- KEE GBKP NO. 255: 1
- KEE GBKP N0. 338: 1, 3
Pt.Em. Ir. Mulia Barus, M.Si
HP. 0812 6270 112