KEBUJURENLAH SI NGKAWALI KITA
Masmur 25:21
(Nilai Hidup Dalam GBP/Jujur)
Ketulusan dan kejujuran kiranya mengawal aku, sebab aku menanti-nantikan Engkau.
A. PERSIKAPEN
- Pengurus PJJ ngaturken perdalanen PJJ subuk kune ilakoken i
bas sektor, jabu kepkepen, entah i bas jabu ngawan
perpulungen erkiteken situasi. - Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masingmasing, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden KAKR.
- Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
1. RENDE KEE No. 323:1 Sura-sura Daging Lawanlah
(IBABAI SIMADA JABU)
https://www.youtube.com/watch?v=nMI_V-MQbjk
Sura-sura daging, lawanlah tetap
Je ‘di la kam talu, tambah gegehNdu
Sura-sura jahat, simbaklah tetap
Ngaraplah man Yesus, tentu kam menang
Reff : Pindo gegeh man Tuhan, gelah kam lalap paguh
Ib’reNa kita menang, menahang ras senang
2. ERTOTO (IBABAI SIMADA JABU)
3. NGOGE KATA DIBATA: MASMUR 25:21 (Iogeken sekalak anak)
4. RENUNGAN
Tema : Kebujurenlah Si Ngkawali Kita
Sekalak pakar ilmu komunikasi ngatakenca i bas sada berita i media sosial maka manusia i bas sada wari saja pasti lit ngerana la benar (erbual). Adi ikirana manusia erbual 10-200 kali per hari. Tentu enda erbahanca kita sengget dingen banci jadi kita tek ras la tek kerna si e. Adi si ukuri mawen banci jadi lit kang perpayona kai si ikatakenna ndai. Adi si inget-inget mulai kita sanga danak-danak denga seh mbelin, melala nge si la benar si dalanken subuk i bas pengerana entah pe perbahanen. Contohna, anak-anak megati erbual man orang tuana kerna persekolahen, sen, temanna ras si debanna. E maka seh ia mbelin kata bujur e ndauh bas ia, tapi kata si la benar (erbual) enggo biasa tempa iakap. Bage me i bas kegeluhen manusia maka si la benar akap biasa i bas kegeluhenta.
I bas bahan ogenta ndai i bas Masmur 25 ngerana kerna uga kin pemasmur (Daud) si ngenanami perbeben subuk i bas imbangimbangna nari bage pe i bas perukuren ras kiniseranna erkiteken dosa (ay. 18). I bas Masmur 25:21, ituriken maka lit dua sikap pemasmur i bas ia nimai penampat Dibata e me: si pemena kerna kiniulin. Kata “kiniulin” adi teks bahasa Inggris ikataken kata “integrity” (integritas) si ertina tindaken kata ras perbahanenta sedalanen. Si peduaken e me kap kebujuren (kejujuran) si ertina pusuh si tulus, la erbual, ngerana uga litna. Pemasmur nuriken maka kita erbahan kebujuren e labo gelah ikataken kalak mehuli saja tapi bage kin arusna kalak si erkemalangen man Tuhan.
Tema-nta wari enda ngatakenca: Kebujurenlah si ngkawali kita, si ertina bali bagi dahin sekalak pengawal si ngawasi katawari paksa pe dahinna. Bage me kiniulin ras kebujuren e singkawali kita segedang geluh i bas ndahiken dahinta. Secara khusus nggeluh i bas kebujuren jadi bagin si terutama i bas kegeluhenta. I bas kita ndalanken kebujuren tentu melala erbage tantangan subuk i bas dirinta nari bage pe kalak si deban. Adi si idah i bas situasi si gundari, nggeluh i bas kinilabujuren enggo jadi sada hal si biasa ras wajar ilakoken. Sabab ninta ndalanken kebujuren e labo menukah i bas situasi jaman gundari enda. Banci jadi kita terikut arus doni enda. Banci siperdiateken berita bas tv ras internet, mawenmawen berita kinilabujuren nge lalan si begi. Salah sada contoh: kasus suap (sogok), korupsi, pencurin, penipun ras si debanna. Si enda banci jadi erkiteken manusia ndai la ndalanken kebujuren.
I bas paksa enda, isehken man banta kerina gelah tetap ndalanken kebujuren i bas geluhta. Bage pe sisehkenlah pengajaran si mehuli kerna nilai-nilai kebujuren man anak anakta si kitik denga gelah mbelin ia pagi, tetap ingetna pengajaren maka nggeluh jadi kalak Kristen arus ndalanken kebujuren. Sabab man danak-danak si kitik denga, teridah denga ia bujur i bas ngerana perbahan bersih denga perukurenna. Tapi kenca mbelin, banci jadi erbual ia lalap. Maka banci bage tentu erkiteken i bas proses pertumbuhenna melala si la benar si idahna ras ibegina. Bage ka pe i bas wari enda teridah min tanda-tanda kebujuren i bas kita nari arah kata ras perbahanenta. Sabab kalak si ndalanken kebujuren idatkenna me kemalemen ate i bas Tuhan nari.
5. NURIKEN PENGGEJAPEN
Bapa
Nande
Anak
6. IRAKUT PERTUA/DIAKEN/EMERITUS/PENDETA
7. DISKUSI
- Uga nge pengidahta kerna kebujuren sedekah enda subuk i rumah bage pe i bas lingkungen gereja ras masyarakat?
- Kai nge si jadi tantangen i bas ndalanken kebujuren i doni enda?
8. RENDE: KEE No. 471:1 “Ermengkah Ukurku” (PERSEMBAHEN)
https://www.youtube.com/watch?v=M0fSFzco7-k
Ermengkah ukurku, ras ngataken bujur Tuhan
Kelengi min aku, Kam empu geluhku
Enda ngenca Tuhan persembahenku
Kerina geluhku kesah ras kulangku
La kap lit bas aku erta kebayaken
Si cukup meherga ‘lah ku persembahken
Sada ngenca Tuhan lit pemindonku
Aloken min Tuhan persembahenku
Pakeken geluhku jadi perkakasNdu
Segedang geluhku
9. PERTOTON SAPAAT
- Persembahen
- Gelah ngawan perpulungen gelah tetap ndalanken kebujuren
- Gelah pemerintah i bas negakken kebenaren ras keadilan
- Kerna anak anak gelah tetap ndalanken kebujuren
- Si turah i bas jabu ras perpulungen
10. RENDE KEE No. 350:1-2 (ibabai pt/dk)
https://www.youtube.com/watch?v=xDd_DvTknAU
Kelengi kebenaren, pedauhlah si jahat
Pakeken kata Tuhan, tahan rasa lalap
Nggeluhlah alu bujur, meteruk ukur kin
Dalanken kebenaren, maka ukur teneng
Reff : Erjaga-jagalah, reh me wari Tuhan
Ersikap-sikaplah, pake kata Tuhan
Darami si mehuli, pedauh min si ilat
Megermet bas keg’luhen, make pedah Tuhan
Lakokenlah si adil, i bas kegeluhen
Bage me pedah Tuhan, tetap si dalanken Reff : …
11. PERTOTON TUHAN
12. MOMO
C. JEDA RAS PENUTUP
Pdt. Bangun Firdaus Depari, S.Th.
HP/WA : 0813 3810 6748