AKU REH NDAHI KAM
1 Korinti 16:5-12
(Tuhan Jesus Nangkih Ku Surga/Pra Pekan Doa)
Rencana Paulus
16:5 Aku akan datang kepadamu, sesudah aku melintasi Makedonia, sebab aku akan melintasi Makedonia. 16:6 Dan di Korintus mungkin aku akan tinggal beberapa lamanya dengan kamu atau mungkin aku akan tinggal selama musim dingin, sehingga kamu dapat menolong aku untuk melanjutkan perjalananku. 16:7 Sebab sekarang aku tidak mau melihat kamu hanya sepintas lalu saja. Aku harap dapat tinggal agak lama dengan kamu, jika diperkenankan Tuhan. 16:8 Tetapi aku akan tinggal di Efesus sampai hari raya Pentakosta, 16:9 sebab di sini banyak kesempatan bagiku untuk mengerjakan pekerjaan yang besar dan penting, sekalipun ada banyak penentang.
Beberapa pemberitahuan
16:10 Jika Timotius datang kepadamu, usahakanlah supaya ia berada di tengah-tengah kamu tanpa takut, sebab ia mengerjakan pekerjaan Tuhan, sama seperti aku. 16:11 Jadi, janganlah ada orang yang menganggapnya rendah! Tetapi tolonglah dia, supaya ia melanjutkan perjalanannya dengan selamat, agar ia datang kembali kepadaku, sebab aku di sini menunggu kedatangannya bersama-sama dengan saudara-saudara yang lain. 16:12 Tentang saudara Apolos: telah berulang-ulang aku mendesaknya untuk bersama-sama dengan saudara-saudara lain mengunjungi kamu, tetapi ia sama sekali tidak mau datang sekarang. Kalau ada kesempatan baik nanti, ia akan datang.
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden KAKR.
- Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Rende KEE No. 20:1,2 “Reh Kam Min, Reh Kam Min” (Ibabai nande)
- Reh kam min, reh kam min, dahi Tuhan si mbelin
B’reken baNa ras pujin, dahi min, dahi min, dahi min - Inget min, inget min, ngaruh Tuhan bandu kin
PemereNa la ‘rkerin, inget min, inget min, inget min
ERTOTO (Ibabai anak)
NGOGE KATA DIBATA : 1 Korinti 16:5-12 (Ibabai bapa)
RENUNGEN
Tema : Aku Reh Ndahi Kam
Mbelin kal semangat rasul Paulus i bas meritaken Berita si Meriah rikut njagai kemurnin ajaren gereja gelahna Berita si Meriah tetap reh mbarna dingen kalak si enggo ngalokenca pe tuhu-tuhu banci nggeluh i bas kiniteken si paguh man Tuhan. E maka nina Paulus bas penutup suratna enda, adi ibere Tuhan ersura-sura ia reh ndahi
perpulungen Korinti si ndube ipantekina. Cukup ndekah pe pagi atena tading ije lako ngenen perkembangen perpulungen e bage pe mulihi ngelayasi prinsip-prinsip Kristen si mulai luntur i bas perpulungen. Alu jumpa pedempak ayo, ajaren Kristus si payo banci lebih telkas tole iturikenna.
Iarapkenna pe kerehenna jadi dalan perpulungen nampati ia nerusken dahin meritaken Berita si Meriah ku ingan si deban alu mpeberkat ia (Junani “Propempo”) ertina mengutus e me nikapken kai si iperluken perBerita si Meriah si iutus e i bas perdalanenna berupa sen, barang-barang ras teman seperdalanenna. Enda ngingetken tanggungjababta pe i bas dahin PI e me alu ngelitken ingan PI rikut ngutus tenaga PI subuk i bas internal Klasista bage pe ku eksternal Klasista umpama alu ngutus perpulungenta ntah detaser si ibiayai runggunta.
Saja nina Paulus, seh asa wari Pentakosta i Epesus ia lebe. Sabab iidahna enggo talang pintun si mbelang guna ndahiken dahin si erguna e me meritaken Berita si Meriah. Amin gia idah Paulus lit kalak si ngelawan ia bagi Demetrius ras teman-temanna si erpengakap enggo terganggu pendahin ras ulih pencarinna alu erbahan patung-patung Dewi Artemis si isembah mayoritas penduduk Epesus. Tapi iidah Paulus pe maka enterem nge kalak si merincuh megiken berita kerna Jesus si iajarkenna. Tantangen si lit la mahanca Paulus surut i bas erBerita si Meriah. Bage pe kita i bas paksa enda, tantangen situasi pandemi covid 19 enda labo mpengadi kita erBerita si Meriah sabab kemajun IT banci jadi “pintun si mbelang” man banta guna si e.
Teridah pe Paulus ngergai teman sepelayanenna e me Timotius ras Apolos. Kerna Timotius ipindona gelahna adi reh pepagi ia ku Korinti, ialo-alo perpulungenlah alu mehuli gelahna ula metumbur e me termampa-mampa ia i bas perpulungen e sabab i bas kengudanna, banci saja gugup Timotius mahanca lanai ietehna uga ncibalken bana rikut kai si arus iajarkenna man perpulungen. Tapi i bas mehuli pengalo-ngalo perpulungen e, bene kebiarenna mahanca kerehenna maba guna si mehuli man perpulungen Korinti. Terdauhen ipindona gelahna ipeberkat perpulungen e Timotius alu ngelengkapi kai si iperlukenna i bas perdalanenna gelahna mejuahjuah ia i bas perdalanenna.
Kerna Apolos sengaja igelari Paulus seninanta lako ncidahken man perpulungen maka payo ia ras Apolos e me perBerita si Meriah. Tapi i bas persadanna ras Kristus bali nge ia kerina i lebe-lebe Dibata. E maka labo lit dalanna kalak mpebelin-belin ise pe termasuk dirina ras Apolos sabab Dibata ngenca si man pujin. Enggo pe ipindoken Paulus, tapi Apolos lenga nggit reh ku Korinti sabab la kal ate Apolos tuhu-tuhu pecah perpulungen e erkiteken gelarna ibahan jadi sada gelar kelompok i bas perpulungen e.
Piga-piga dampar dahin meritaken Berita Si Meriah banci si dahiken. Banci kita er-Berita Si Meriah ku ingan si deban. Banci kita muat bagin i bas dana guna peberkat tenaga pekabaran Injil. Banci ka kita er-Berita Si Meriah arah media sosial. Pengajuk man banta gelah ikutlah kita muat bagin pembarken Berita Si Meriah ngusih Paulus ras teman-temanna.
NURIKEN PENGGEJAPEN
- Bapa
- Nande
- Anak
IRAKUT SERAYAN
DISKUSI
- Turiken ngkai maka Paulus semangat kal er-PI rikut njagai kemurnin ajaren gereja?
- Turiken kai-kai saja aksi nyata si banci sibahan secara pribadi, sektor, kategorial bage pe runggun tanda kita setia nimai kerehen Tuhan Jesus si peduakaliken ihubungken ras dahin PI.
NEHKEN PERSEMBAHEN
RENDE KEE No. 272:1 “Ise Kin Kami Enda O Bapa” (Iendeken 2 kali)
Ise kin kami enda o Bapa, maka kami ngasup mere baNdu
Labo ban gegeh kami o Bapa, lako mere man baNdu
Reff : Kai pe si lit i bas kami o Bapa
E kap bekas pemereNdu man kami
Enda sada bagin Bapa, ipersembahken kami
PERTOTON SAPAAT
- Kerna persembahen (ibabai anak)
- Gelah perpulungen tetap setia erkiniteken man Tuhan i bas nimai kerehen Tuhan Jesus sipeduakaliken (ibabai bapa)
- Kerna dahin PI ras gelah perpulungen muat bagin bas dahin PI (ibabai nande)
- Simada jabu ras siturah i bas perpulungen ibabai Serayan
RENDE KEE No. 317:3 “Sipuji Tuhan Arah Geluhta”
Reh pendungina wari-warinta, lit kap paksana reh me Tuhanta
IpepulungNa kerina jelma, kita si s’tia malem ateta
PERTOTON TUHAN IBABAI SERAYAN TUHAN
MOMO
C. PENUTUP (SNACK ADI LIT)
Pdt. Eben Eser Depari, M. Th.
HP/WA : 0813 6163 7652