(Misericordias Domini)
Ogen : Efesus 2:7- 10
Tema : Nggeluhlah i bas Kelengate Dibata
Tujun : Gelah Saitun:
- Nggejapken pasu-pasu Dibata tetap kasa kidekah geluhna
- Ermeriah ukur guna tetap nehken kekelengen ras ndalanken si mehuli sabab e me pasu-pasu Dibata
2:7 supaya pada masa yang akan datang Ia menunjukkan kepada kita kekayaan kasih karunia-Nya yang melimpah-limpah sesuai dengan kebaikan-Nya terhadap kita dalam Kristus Yesus. 2:8 Sebab karena kasih karunia kamu diselamatkan oleh iman; itu bukan hasil usahamu, tetapi pemberian Allah, 2:9 itu bukan hasil pekerjaanmu: jangan ada orang yang memegahkan diri. 2:10 Karena kita ini buatan Allah, diciptakan dalam Kristus Yesus untuk melakukan pekerjaan baik, yang dipersiapkan Allah sebelumnya. Ia mau, supaya kita hidup di dalamnya.
BENA KATA
Nai sanga kita nguda denga, pasu pasu Tuhan siakap e me terjeng materi saja ngenca, mbue sen, mbelang tapak rumahta, mbelang jumanta.
Reh dekahna kita erlajar kerna Kata Dibata, reh ngasupna kita ngangkai kepeken kengasupen engkelengi ras erbahan si mehuli pe termasuk nge ku bas pasu-pasu Dibata.
MPEBAGESI OGEN
Efesus 2: 7, nina Rasul Paulus man perpulungen i Efesus, bukti lias ate Dibata si lanai kal langlang belinna man manusia, e me kap, ipekeke Dibata kita ras Kristus, janah ipekundulNa kita ras IA I bas ingan si meganjangna.
Ayat 8, manusia terkelin labo perban kiniulinna, labo bekas usahana, kerina erkiteken kinitekenna man Kristus. Jadi banci sikataken, keterkelinen manusia labo arah perbahanen manusia.
Ayat 9, keterkelinen labo i dat arah pendahin manusia, alu ngelakoken si ah si e, tapi pelin- pelin perkuah ate Tuhan: jadi la lit dalanna kalak mujiken bana.
Ayat 10, perban kita si ijadiken Dibata, perban kiniersadanta ras Kristus Yesus, lit nge tujunNA e me kap ndahiken dahin-dahin si mehuli si enggo iaturken, ntah pe irencanaken Dibata gelah sidalanken, ertina enda me tugasta, ersaksi kita arah perbahanennta.
PENGKENAINA
Mawen kita erpengakap, adi la kita tutus, adi la kita erban si mehuli, labo banci kita bengket ku Surga. Tuhu nge penggejapenta e?
Arah pengogenta enda, penggejapenta e labo payo. Siperdiateken kai si ikataken Rasul Paulus man perpulungen i Efesus. Manusia terkelin labo erkiteken perbahanenna si mehuli, labo arah usahana. Jadi arah kai? Arah Perkuah ate Dibata, arah Keleng ateNa.
“Karena demikian Allah cinta dunia hingga diberikanNYA anakNYA yang tunggal, supaya yang percaya takkan binasa, melainkan dapat hidup kekal” Adi si inget ayat enda maka sadar kita, banci kita jadi bagi litna gundari perbahan kelengate Tuhan, e maka marilah kita nggeluhken geluhta i teruh kelengate Tuhan. Adi i teruh kelengate Na, kita merasa aman labo lit kebiaren, tetap ukurta, ngasup ka kita ngelakoken kai si isuruh Dibata, e me kap sikeleng-kelengen ras sisampat-sampaten. Jadi si inget ras-ras kita erban si e (engkelengi ras nampati), labo gelah kita bengket ku surga, tapi gelah sidalanken biak anak Dibata, biak anggota keluarga Kerajan Surga. I bas kita ngasup nehken kekelengen, i je me kepeken pasu-pasu Tuhan man banta. Sebab la kerina kalak ngasup nehken kekelengen man kalak si deban. Umumna kita nehken kekelengen man keluarganta nge ngenca; adi man kalak, ndekah ia ertimbang untung ras rugina. Ngataken bujurlah kita man Tuhan perbahan lias ras perkuah ateNa. Ertoto kita gelah isampatiNa kita i bas ndalani wari-warinta bagi si ngena ateNa.
ERTOTO
Bujur O Tuhan, perban kelengateNdu si ibereken Ndu man kami. Bahanlah gelah kami ngasup nggeluh i bas kelengateNdu e. Maka kami pe banci ngkelengi anak-kempu kami, permain ras turang senina kami. Terpujilah gelarNdu Amin.
- METODE PA: DISKUSI
- Bereken kesaksian man temanta, uga pemahamenta mbarenda kerna keterkelinen, ras uga ka genduari kenca siangkai Kata Dibata.
- Kai nge aksinta ntah perbahanenta, adi enggo sieteh mbelin kal kelengate Dibata nandangi kita manusia siperdosa enda?
Mutiara Kata: Nilai seseorang itu ditentukan dari keberaniannya memikul tanggung jawab, mencintai hidup dan pekerjaannya