Kesadaran tentang lingkungan: Ketahanan pangan Keluarga, ekonomi, Spritualitas (Bagaimana kita mengefektifkan lahan sempit)
Teks : Kejadin 41: 46c – 57
Tema : “PENTAR MAKEKEN SI LIT”
Tujun : Gelah Mamre:
- Meteh kepentaren Jusup i bas makeken ras ngaturken taneh bagepe ulihna.
- Kreatif ras inovatif i bas makeken tinepa Dibata guna kiniulin geluh ras peningkaten ekonomi jabu.
Metode : Diskusi
41:46 Yusuf berumur tiga puluh tahun ketika ia menghadap Firaun, raja Mesir itu. Maka pergilah Yusuf dari depan Firaun, lalu dikelilinginya seluruh tanah Mesir. 41:47 Tanah itu mengeluarkan hasil bertumpuk-tumpuk dalam ketujuh tahun kelimpahan itu, 41:48 maka Yusuf mengumpulkan segala bahan makanan ketujuh tahun kelimpahan yang ada di tanah Mesir, lalu disimpannya di kota-kota; hasil daerah sekitar tiap-tiap kota disimpan di dalam kota itu. 41:49 Demikianlah Yusuf menimbun gandum seperti pasir di laut, sangat banyak, sehingga orang berhenti menghitungnya, karena memang tidak terhitung. 41:50 Sebelum datang tahun kelaparan itu, lahirlah bagi Yusuf dua orang anak laki-laki, yang dilahirkan oleh Asnat, anak Potifera, imam di On. 41:51 Yusuf memberi nama Manasye kepada anak sulungnya itu, sebab katanya: “Allah telah membuat aku lupa sama sekali kepada kesukaranku dan kepada rumah bapaku.” 41:52 Dan kepada anaknya yang kedua diberinya nama Efraim, sebab katanya: “Allah membuat aku mendapat anak dalam negeri kesengsaraanku.” 41:53 Setelah lewat ketujuh tahun kelimpahan yang ada di tanah Mesir itu, 41:54 mulailah datang tujuh tahun kelaparan, seperti yang telah dikatakan Yusuf; dalam segala negeri ada kelaparan, tetapi di seluruh negeri Mesir ada roti. 41:55 Ketika seluruh negeri Mesir menderita kelaparan, dan rakyat berteriak meminta roti kepada Firaun, berkatalah Firaun kepada semua orang Mesir: “Pergilah kepada Yusuf, perbuatlah apa yang akan dikatakannya kepadamu.” 41:56 Kelaparan itu merajalela di seluruh bumi. Maka Yusuf membuka segala lumbung dan menjual gandum kepada orang Mesir, sebab makin hebat kelaparan itu di tanah Mesir. 41:57 Juga dari seluruh bumi datanglah orang ke Mesir untuk membeli gandum dari Yusuf, sebab hebat kelaparan itu di seluruh bumi.
- KATA PENARUH
Anak-anak Dibata e me kalak si tek man Dibata arah Jesus Kristus, kerina idiloNa (ituntutNa) guna mperkembangken ras makeken pemere si lit i bas ia. Pemere e me si lit i bas dirina sendiri (potensi/kapasitas diri) bage si lit i darat dirinta, e me erta-erta si jadi pendukung kegeluhenta. Duana jenis pemere enda arus sipakeken ras sikembangken erpalasken mbiar (erkemalangen) man Dibata. Bagepe hasilna arus ka sipakeken bagi singena ate Dibata, subuk untuk dirinta/keluarganta bagepe guna nampati kalak sideban. Jadi, pemere si i bas kita erguna man dirinta | keluarganta bagepe man kalak sideban, jadi pasu-pasu man jelma sienterem.
I bas PA-nta sekali enda banci kita erlajar arah Jusuf i Taneh Mesir. Jusuf sekalak pertandang si ianggap la meherga i bas inganna kesilang. Seh i Mesir sanga umurna 17 tahun, jadi budak ras pe masuk penjara. Sedekah 13 tahun ia berjuang, sabar ras megenggeng nahanken kiniseran geluh bagepe tertekan bathin ipeteruk kalak. Kenca umurna 30 tahun iangkat raja Firaun jadi wakil raja. Potensi ras kapasitas (pemere Dibata) si lit I bas ia ipasu-pasu Dibata maka berkembang terus. Erkiteken kapasitas si mehuli e, ibereken Dibata arah Firaun kuasa ras wewenang guna ngaturken ketahanan pangan i negeri Mesir. Ipakena kapasitasna alu mehuli bagepe ikelolana ka potensi si lit idarat dirina e me rakyat ras taneh i Mesir. Kuga kita banci makeken si lit i bas kita, arah pelajaren si ibahan Jusuf ?
- URAIAN TEKS/ TAFSIRAN
Kenca Jusuf ngertiken nipi raja Firaun, iberekenna pe nasehat gelah raja Firaun milih sekalak si beluh ras pentar guna mengelola (me-manage) masa berlimpah ras masa kelihen. Alu bage i bas masa kelihen pe la lit rakyat Mesir kekurangen nakan. Kenca raja Firaun ngerana ras pegawai-pegawaina maka idatsa kesimpulen bahwa labo lit sekalak pe idahna lebih pentar ras beluhen asangken Jusuf. Bagepe raja Firaun ngidah maka Dibata nge si mereken kengasupen ras kepentaren man Jusuf, e maka labo lit sekalak pe si ngasup ngelebihi Jusup. Erkiteken si e, raja Firaun ngangkat Jusuf jadi wakilna guna mengelola ras ngaturken masa berlimpah sebagai masa menyimpan/menabung guna mencukupi keperlun i bas masa kelihen. Ibereken raja Firaun wewenang ras otoritas. gelah banci ia berkreasi ras berinovasi i bas mengembangken potensi bas masa berlimpah, janah ngaturken simpanen si lit guna ipake i bas masa paceklik/kelihen. Sebagai simbol otoritas si ibereken man Jusuf e me gelar Mesir man bana gelah banci iergaken kalak ibelang-belang taneh Mesir. Gelar Mesir man Jusuf e me Sapnat Panea. Kenca bage ipejabu raja Firaun Jusuf ras sekalak diberu gelarna Asenat, anak imam Potipera i Heliopolis. I bas ayat 46c ikataken maka sanga e umur Jusuf 30 tahun. Itadingkenna istana raja guna erdahin. Sanga masa kelimpahen si 7 tahun e, tubuh dua kalak anak Jusuf, e me si Manase, ertina “terlupaken”, erkiteken perbahanen Dibata enggo terlupakenca kiniseran ras keluarga bapana. Sipeduaken ibahanna gelarna Efraim, ertina “erbuah”, erkiteken i bas masa e mehuli kerina hasil sinuan-sinuan i Mesir. Menurut sekalak penafsir gelarna Matthew Henry, Jusuf tuhu-tuhu mehuli ngaturken masa kelimpahen bagepe masa kelihen. Pasti mbue hal si ilakoken Jusuf guna persiapen masa kelimpahen. Guna ngalo-ngalo masa kelimpahen, Jusuf erbahan “sosialisasi” i belang-belang taneh Mesir alu gereta siibereken raja rikut ras pengawal (lawes ndarat I bas istana raja nari). I bas program sosialisasi ipersiapken Jusuf kerina rakyat gelah tuhu-tuhu mehuli mpersiapken lahan pertanian, makeken taneh si lit alu efisien, antara lain memanfaatken “lahan tidur” gelah kerina banci produktif. Bagepe iangkat Jusuf pegawai-pegawai setempat guna mpepulung ras penyimpanan hasil panen rsd. Seh me paksa kelimpahen e, tuhu-tuhu luar biasa buena hasil juma. E maka itukur Jusuf hasil juma si la keri ipan penduduk janah isimpan i bas ingan si enggo iaturkenna arah pegawai-pegawai setempat. Erga hasil juma e tentu meherga itukurna sabab tuhu berlimpah.
Kenca masa kelimpahen enggo berakhir, tuhu reh me masa paceklik, kai pe la turah. E maka kenca keri simpanen rakyat Mesir, e maka ibuka Jusuf gudang-gudang penyimpanen, janah idayakenna man rakyat Mesir. Bagepe bangsa-bangsa sideban pe nukur gandum ku Mesir, termasuk keluarga Jusuf sendiri pe reh i Kanaan nari. Sangat logis bahwa Jusuf atas persetujuan raja Firaun nukur hasil panen selama 7 tahun man rakyat Mesir. Adi enggo itukur tentu jadi hak raja (melalui Jusuf) ngaturken ras ndayakenca man rakyat si enggo tuhu-tuhu membutuhkan. Guna ngaturken si e ibutuhken pemeteh ras wibawa, gelah banci kerina ratur i bas kerina tingkat pemerintahen, simeganjangna nari seh ku simeterukna i kuta-kuta. Bagepe, gelah potensi si lit subuk Sumber daya manusia ras sumber daya alam (taneh) terpakai alu efisien. La lit tenaga manusia si la terpakai bagepe taneh kerina arus produktif.
Guna si e kerina, tentu bas kerina tingkaten pemerintahen lit pengorganisasian khusus si iaturken Jusuf, semacam BULOG i negerinta. Kai siibahan Jusuf tuhu-tuhu jadi pasu-pasu man raja Firaun ras kerina rakyat Mesir.
- APLIKASI
Adi erlajar kita i bas pengalamen Jusuf i taneh Mesir, mulai jadi budak si idayaken senina-seninana, masuk penjara ka. Tapi megenggeng ia, tetap tutus i bas ndahiken tanggung jawabna. La ia pernah mengeluh kerna nasibna. Megenggeng erkiteken lit kinitekenna man Dibata, serbahanca ia ngasup rukur positif i bas keadaanna si mberat. Dungna erkiteken ipasu-pasu Tuhan kinigenggengen ras ketutusenna, banci ia jadi wakil raja Mesir, menyelamatken enterem jelma (bangsa-bangsa) i bas kelihen nari.
Kita anggota Mamre, labo kurang kapasitas/ kengasupenta ngaturken si lit i bas keluarganta masing-masing. La gia bagi Jusuf kal hebatna kita, tapi 1/10.000 na lah gia kuga pe lit nge. Masing-masing Mamre banci “menghitung” potensi si lit i bas jabuna, Sumber Daya Manusia (SDM) ras Sumber Daya Alam (SDA) si lit. Sumber Daya Marnusia i bas jabu, adi anak-anak kitik denga, ididik gelah erdisiplin mimpin dirina sendiri bagi Jusuf, megenggeng ras tutus i bas kai pe si idahikenna,. bertanggungjabab. Bapa (Mamre) ras Nande (Moria) itengah jabu bekerjasama ngaturken kerina potensi si lit, terutama anak-anak ras si tading i bas jabuna. Bagi Jusuf, memakai potensi SDM si lit bas kerina daerah-daerah guna mencapai tujuan, bagepe tentu ipilihina ras ilatihna SDM e gelah bujur ras ngasup nehi tanggung jawabna sekalak-sekalak.
Bagepe Mamre mengembangken SDM jabu jadi kalak si mandiri ras bujur. Bagepe potensi sumber daya alam si lit i bas jabu arus ihitung alu mehuli. Enggo nge kerina jumanta maksimal produktifitasna, bagepe apai sinuan si “mungkin” lako sanga kita panen? Enterem kita nuan sinuan-sinuan si sangana meherga, kalak sideban pe bage ka, e maka sanga masa panen enggo banjir (over produksi) i bas tiga pajak, jadi murah ergana. Bagepe, tentu siperdiateken ka, lit nge ndia tanehta si langa produktif – jadi lahan tidur? Kuga memanfaatkenca jadi erguna meningkatkan ekonomi keluarga? Halaman rumah, selain jadi taman tentu banci sebagian ipakai nuan gule-gulen. Megati kalak si lit juma ras tanehna bagepe halamanna, tapi arus denga nukur gulen ku kede.
- DISKUSI
- Kai nge kelebihen-kelebihen Jusuf selain ipegegehi Dibata, maka banci ia mencapai puncak karir si banci jadi pasu-pasu man jelma sienterem i Mesir ras pe bangsa sideban? Cubaken daftarken karakter-karakter si lit i bas diri Jusuf si mendukung keberhasilenna.
- Kai banci sibahan sebagai bapa itengah jabu mulai sendah gelah potensi si lit i bas kita ras anak jabunta berkembang? Kuga ka kita mengembangken erta/taneh si lit i bas jabunta guna meningkatken ekonomi keluarga? Cakapken alu mbages ras konkrit.
- USULEN LAGU
- KEE GBKP No. 262:1,2,4
- KEE GBKP No. 263: 1
- KEE GBKP No. 182: 1, 2
Pdt. Matius P. Barus M.Th
HP. 0813 6204 5788